تازا ترين
  • *احمد پور ويجهو 14 ورهين جي نينگري نگھت ڌيءُ امان الله وسطڙو مبينا طور اغوا: ٽن ڄڻن صبر علي، شڪر علي ۽ منٺار وسطڙو خلاف اين سي داخل*
  • *سڪرنڊ ۾ پاڙيسري جو وڪيل رياض احمد عرف راجا تي قاتلاڻو حملو، نازڪ حالت ۾ نوابشاهه ريفر*
  • *سيوهڻ زيادتي ڪيس: عدالتي اجازت بعد جاچ ٽيم ڊي ايس پي کاڻوٺ علي شير خاصخيلي جي سربراهي ۾ معطل سول جج امتياز ڀٽو جي چئمبر جو معائنو ڪيو*
  • *ميرپورماٿيلو ۾ پرڻيل ناري جو گهر مان گولي لڳل لاش هٿ، شڪ جي بنياد تي مڙس گرفتار، وارثن واقعي کي آپگهات قرار ڏئي ڇڏيو * ميرپورماٿيلو: عورت شمائلا کي مٿي ۾ ڳولي لڳل آهي، جاچ ڪيون پيا: پوليس * ميرپورماٿيلو: ڀاڄائي گهرو اڻبڻت تان آپگهات ڪيو آهي: ڏير اسلام بوزدار *
  • *راڻيپور: ٻن ڀائرن شڪيل بروھي ۽ ظريف بروھي وچ ۾ جهيڙي دوران فائرنگ: 17 سالن جو نوجوان شڪيل بروھي مارجي ويو، ظريف بروھي مرڻينگ*
  • *ڪراچي: ڊي آءِ جي سکر اقبال دارا خلاف اي جي سنڌ کي رپورٽ پيش ڪندڙ انسپيڪٽر کي شوڪاز نوٽيس جاري، 7 ڏينهن ۾ وضاحت طلب * ڪراچي: اوهان جونيئر آهيو، ڪنهن سينيئر خلاف ڪيئن ٿا انڪوائري رپورٽ جمع ڪرائي سگهو؟ نوٽيس *
  • *حيدرآباد/ڄامشورو: 15 ڏينهن کان گم ڄاڻايل مهراڻ يونيورسٽي جي شاگرد جو حيدرآباد ويجهو لاش هٿ، وارثن کي دوستن تي شڪ * حيدرآباد/ڄامشورو: شاگرد فتح راجپوت جو لاش اڪرم واهه مان هٿ آيو، پوسٽ مارٽم بعد وارثن حوالي * حيدرآباد/ڄامشورو: پٽ دوست جي دعوت تي ڪوٽڙي ويو هو، شڪ آهي ته دوستن کيس قتل ڪيو: شير سومار *
  • *ڪراچي: آءِ جي سنڌ ڪليم امام اسلام آباد طلب: سڀاڻي وزيراعظم عمران خان کي بريفنگ ڏيندو*
  • *اسلام آباد: سنڌ ۾ اتحادين کي اعتراض: آءِ جي لاءِ سنڌ سرڪار کان نوان نالا طلب * اسلام آباد: آءِ جي تبديليءَ وارومامرو وفاقي ڪابينا جي ايجنڊا مان خارج: وڏي وزير سان ڳالهين جو ٽاسڪ گورنر حوالي *
  • *لاڙڪاڻي ۾ چوري ٿيل 3 ڪلو سون مان 31 تولا متاثر دڪاندار کي واپس: ايس ايس پي لاڙڪاڻو مسعود بنگش اهو نه ٻڌايو ته سون ڪٿان هٿ ڪيو * لاڙڪاڻو: 31 تولا سون سوڌو چوري ٿيل ٻيو سامان ملي ويو آهي: دڪاندار عبدالله شيخ *
  • *مون خلاف سازش ٿي آهي، سولائيءَ سان وڃڻ واروناهيان: آءِ جي سنڌ*
  • *هالا ڀرسان 7 ڄڻڻ جي قتل جو ڪيس داخل: جوابدار ڌُر گهر خالي ڪري فرار*
  • *پشاور ڀرسان مسجد جو امام مبينا طور 14 ورهين جي ڇوڪري کي اغوا ڪري ويو*
  • *ريل سڙڻ جي واقعي بعد 19 ماڻهن خلاف ڪارروائي ڪئي(شيخ رشيد) وڏن خلاف ڪارروائي ڪڏهن ٿيندي:چيف جسٽس*
  • *سرڪلر ريلوي ٽريڪ جي بحالي لاءِ وڌيڪ وقت نه ڏنو ويندو:سپريم ڪورٽ*

پارلياماني بجاءِ صدارتي نظام ڇونه هجي؟

ملڪ ۾ شروع کان نام نھاد جمھوري ۽ غير جمھوري قوتن وچ ۾ دنگل جاري آھي. سياسي پارٽيون ڀل ڪھڙي به نظرئي ۽ پروگرام تحت سياست ڪن ٿيون پر اھي غير جمھوري قوتن جي آشيرواد کان سواءِ ڪجھ به نه آھن. ذوالفقار ڀٽو کان بي نظير ڀٽو، نواز شريف، مولانا فضل الرحمان، جماعت اسلامي، بلوچ ۽ پٺاڻ قومپرست پارٽيون اسٽيبلشمينٽ جي ٻاجھ واري ھٿ کانسواءِ نه سياست ڪري سگھن ٿيون ۽ نه وري اقتدار ۾ اچي سگھن ٿيون. جمھوريت جو راڳ ڳائيندڙ اڪثر پارٽين اندر به جمھوريت نه آھي. پارٽين ۾ خانداني آمريت آھي، جنھن ڪري ڪافي پارٽيون اقتدار کان ٻاھر ٿيون ته سڪڙجيو وڃن ۽ وري اسٽيبلشمينٽ سان ساز باز ڪري اقتدار ۾ اچي پاڻ کي سگھارو ڪن ٿيون. ھن ملڪ جي آئين ۽ جاري حڪومتي ڪاروھنوار مان اوھانکي خبر ئي نه پوندي ته ھن ملڪ ۾ پارلياماني جمھوري نظام آھي، اسلامي يا آمريتي نظام آھي.
73ع جي آئين کانپوءِ  قومي اسيمبلي ۽ فوجي حڪومتن مختلف وقتن تي آئيني ترميمن سان اليڪشن سڌارن وارا قانون پئي پاس ڪيا آھن. مختلف وقتن تي پاس ٿيل بلن جي منظوري ۾ مخالف ڌر جون پارٽيون به شامل رھيون آھن. موجوده پي ٽي آءِ حڪومت جيڪا نئين پاڪستان ٺاھڻ جا خواب پئي ڏسي اھا به ماضي وارين اسيمبلين جي پاس ڪيل قانونن ۾ شامل رھي آھي. اليڪشن سڌارن بابت پاس ڪيل قانونن موجب ايندڙ سؤ سالن تائين ڪو ھاري، مزدور، ھيٺئين يا وچولي طبقي سان تعلق رکندڙ ماڻھو پارليامينٽ  جو ميمبر ٿي نه سگھندو. مطلب ملڪ جي سرمائيدار، جاگيردار، سردار، خان، پير، مخدوم، گادي نشين ۽ امير طبقي آئيني ترميمون ڪري پنھنجي مستقل بادشاھت کي محفوظ بڻائي ڇڏيو آھي.
ملڪ جي پارلياماني نظام ۾ خرابيون ڪھڙيون آھن؟
(1) قومي ۽ صوبائي اسيمبلي جا تَڪ تمام وڏا آھن، ھر تڪ ۾ لکين ووٽر آھن.
(2) هر تڪ ۾ ووٽرز تائين رسائي، ووٽرز کي ٽرانسپورٽ فراھم ڪرڻ توڙي اليڪشن مھم جي ٻين لوازمات لاءِ ڪروڙين روپيا ۽ ڪٿي ھڪ ارب کان به مٿي خرچ اچي ٿو.
(3) ملڪ جون سموريون پارٽيون جيڪي ملڪ جي غريب عوام، ھاري، مزدور، ھيٺئين ۽ وچولي طبقي لاءِ سياست ڪن ٿيون پر پنھنجو نمائيندو وري به جاگيردار يا امير ماڻھو کي مقرر ڪن ٿيون، ڇاڪاڻ ته ھاري ۽ مزدور وٽ اليڪشن ۾ حصو وٺڻ لاءِ ڪروڙين روپيا نه آھن.
(4) اليڪشن ۾ حصو وٺندر جاگيردار، ڀوتار، سرمائيدار ۽ امير طبقو پارٽي فنڊ جي نالي ڪروڙين روپيا ڀري پارٽي ٽڪيٽ وٺي ٿو وري ڪروڙين روپيا خرچ ڪري اليڪشن کٽي ٿو.
(5) جيڪو ماڻھو ڪروڙين روپيا خرچ ڪري اليڪشن کٽي قانونساز اداري ۾ پھچي ٿو، ان کي غريب ھاري، مزدور ۽ ٻئي عوام جي بنيادي حقن سان ڪا دلچسپي يا غرض نه هوندو آھي.
(6) غريب عوام جي ووٽ تي چونڊيل قانونساز ميمبر جڏھن ڪروڙين روپيا سيڙپ ڪري ايوان ۾ پھچي ٿو ته ان جي پھرين ترجيح سڻڀي وزارت، بلدياتي ۽ ضلعي جا فنڊز، نوڪرين جو وڪرو، ترقياتي فنڊن تي اک ھوندي يا اھڙا ذريعا جتان آمدن ٿئي.
(7) عوام جو چونڊيل نمائيندو ايوان ۾ عوامي مفادن واري قانونسازي ڪرڻ بجاءِ تپيدارن، مختيارن ڪارن، ڊي سيز ۽ ايس پيز جي بدلين مان پيسا يا ساڻن ماھوار خرچ جو حصو پتي رکي ٿو. کين ھر جائز ناجائز ڪم سندس فون يا چِٺيءَ کانسواءِ نه ڪرڻ لاءِ پابند ڪري ٿو، ان عمل سان ھو رياستي مشينري کي پنھنجو ڪمدار بڻائي ٿو.
(8) ھي جمھوريت جو بھترين انتقام ملڪ جي اشرافيه گذريل 70 سالن کان جمھوري ۽ غير جمھوري دورن ۾ وٺندي پئي اچي.
(9) فوجي يا غير فوجي حڪومت ھجي ڀوتار، جاگيردار، خانداني سياسي پس منظر رکندڙ اڳواڻ ۽ اشرافيه ھر حڪومت ۾ ھوندا.
(10) ملڪ جي عوام کي ھو پنھنجي ملڪيت سمجھن ٿا ۽ قانوني طور ترميمون ڪندا عوام کي جڪڙيندا وڃن ٿا.
(11) توڙي جو سينيٽ ۾ چئني صوبن جي نمائندگي برابريءَ جي بنياد تي آھي پر سينيٽ بي اختيار ۽ قانون سازي ۾ سينيٽ جو ڪو اھم ڪردار نه آھي.
(12) خاص موقعن تي يا سينيٽ جي چونڊن ۾ سينيٽرن جي خريد و فروخت ۽ بليڪ ميلنگ ٿئي ٿي. عام ماڻھو سينيٽر ٿيڻ جو تصور به نٿو ڪري سگھي.
ملڪ جي موجوده پارلياماني نظام کي بدلائڻ توڙي ھن طبقي کي ايوان ۾ اچڻ کان روڪڻ لاءِ مشرف جا اليڪشني سڌارا بھتر ھئا، جن ۾ ٽيھر وزيراعظم ٿيڻ تي پابندي، عورتن جي ايوان ۾ نمائندگي، ميمبر جو پڙھيل ھجڻ، ھاري، مزدور ۽ نوجوانن لاءِ سيٽون رکڻ  لازمي قرار ڏنو ويو هو. ھاڻ جڏھن ملڪ ۾ پارلياماني نظام مڪمل طور ناڪام ويو آھي ته پوءِ ملڪ ۾ صدارتي نظام لاڳو ڪرڻ گھرجي. پوري دنيا جي ترقي يافتا ملڪن ۾ صدارتي نظام وڌيڪ ڪامياب آھي.



Bookmark the permalink.

One Response to پارلياماني بجاءِ صدارتي نظام ڇونه هجي؟

  1. Ishtiaq Soomro says:

    Hamesha ap establishment k gun gaaty rehna

Leave a Reply

Your email address will not be published. Required fields are marked *