تازا ترين
  • ڪوٽڙي: نوري آباد سپر هاءِ وي تي مسافر وين کي باهه: 9 ڄڻا سڙي فوت: ترجمان موٽروي*
  • *عادلپور ويجهو بجلي جو ڪرنٽ لڳڻ سبب نوجوان فوت *ڳوٺ رمضان ڪولاچي ۾ بجلي جو ڪرنٽ لڳڻ سبب 35ورهين جو عبدالقدوس ڪولاچي فوت ٿي ويو*
  • *حيدرآباد: ڪسٽم انٽيلينجس جي سعيد آباد ۾ ڪارروائي، انڊيا کان اسمگل ٿيل آرٽيفيشل جيولري هٿ *اسمگلر آرٽيفيشل جيولري کي چين جي ظاهر ڪئي: ڪسٽم: ذريعا *آرٽيفيشل جيولري اصل انڊيا کان اسمگل ڪئي وئي آهي:ڪسٽم ذريعا *آرٽيفيشل جيولري جي ماليت تقريبن 29ملين رپيا آهي:ڪسٽم ذريعا *
  • *ملڪاڻي شريف: ايل بي اوڊي سم نالي سميت ننڊن ٻين نالن کي لڳل گھارن جو پاڻي نيڪال نه ٿيو *گهارن سبب سوين ڪچا گھر ڪري پيا، سوين ايڪڙن تي بيٺل فصل تباهه *پاڻي نيڪال نه ٿيڻ خلاف سنڌ آبادگار ۽ عوامي تحريڪ جي ڪارڪنن جي اڳواڻي ۾ احتجاج *پاڻي نيڪال جا لنگھه بند ٿيڻ ڪري ھر سال برساتن دوران نقصان ٿيندو آهي: احتجاج ڪندڙ*
  • *ميرپورخاص ۾ ٻوڏ متاثرن جو واهر نه ٿيڻ خلاف احتجاج، راشن من پسند ماڻهن ۾ ورهائڻ جا الزام *فاقا ڪشي واري زندگي گهاري رهيا آهيون، واهر ڪئي وڃي: احتجاج ڪندڙ ٻوڏ متاثر*
  • *نوشهروفيروز: ڀرٽ ۽ سولنگي تڪرار کي ختم ڪرائڻ لاءِ وڪيلن جو منٿ ميڙ قافلو سولنگين وٽ پھتو *قافلو پهرين مرحلي ۾ سولنگي برادري وٽ مناهي پهتو، سولنگي برادري پاران مھلت طلب *سولنگي ۽ ڀرٽ ڌرين ۾ هلندڙ تڪرار ۾ هن وقت تائين ٻنهي ڌرين جا 4 ڄڻا قتل ٿي چڪا*
  • *کپرو: نوجوان شھريار قائم خاني جا قاتل گرفتار نه ٿيڻ خلاف وارثن جو احتجاجي مظاهرو *هڪ مهينو گذرڻ باوجود پوليس جوابدار گرفتار ناهي ڪري سگهي: احتجاج ڪندڙ *پوليس قاتلن کي پروٽوڪول ڏئي رهي آهي: پيءُ علي قائمخاني*
  • *جوهي ۾ بدامني خلاف شهرين جو ٿاڻي آڏو احتجاجي مظاهرو *ٻوڏ جي ماريل ماڻهن جو ڏوهارين به جيئڻ جنجال ڪري ڇڏيو آهي: احتجاج ڪندڙ *پوليس ۾ ساٿاري ۽ ڀوتارن جي پٺڀرائي هجڻ ڪري ڏوهاري سرعام گهمي رهيا آهن: احتجاج ڪندڙ *
  • *جاتي: برساتن کانپوءِ گندو پاڻي واپرائڻ سبب گيسٽرو جي مرش ۾ واڌ، اسپتال ۾ دوائن ۽ بيڊن جي کوٽ *اسپتال ۾ بيڊن جي کوٽ سبب مريض وارڊن ۾ فرش تي پيل، دوائون نه ملڻ جون به دانهون *
  • *ڄامشورو: بنيادي سهولتن جي کوٽ خلاف جدوجهد ڪميٽي پاران 24 ڪلاڪن واري علامتي بک هڙتالي ڪئمپ قائم *ڄامشورو اوور هيڊ برج هيٺيان لڳايل ڪئمپ ۾ وڏي انگ ۾ سياسي توڙي سماجي اڳواڻ ۽ شهري شريڪ *ڪامورن علمي درسگاهن جي شهرکي تباهه ڪري ڇڏيو آهي: اڳواڻ *شهر ۾ پاڻي جي کوٽ سميت رستن ۽ گهٽين ۾ گندگي جا ڍير لڳل آهن:احتجاج ڪندڙ *شهر مان اڃا تائين برساتي پاڻي نيڪال ناهي ٿي سگهيو، ضلعي انتظاميا ڪو ترقياتي ڪم ناهي ڪرايو: اڳواڻ*
  • *سنڌ ٽيڪسٽ بڪ بورڊ پاران تيار ڪيل نائين ڪلاس جو بائلاجي ڪتاب ۾ ڇپيل سيليبس ۽ بورڊ طرفان ڏنل سيليبس ۾ فرق *بورڊ پاران جاري ڪيل ليٽر وارا سيليبس ڪتاب ۾ موجود ئي نه آهن: استاد *سيليبس ۾ فرق هئڻ ڪري اسڪولن جا شاگرد ۽ استاد پريشان *بورڊ پاران جاري ڪيل ليٽر وارا سنڌ ٽيڪسٽ بورڊ جي ڪتابن جي کوٽ*
  • *اسلام آباد: ام رباب جي ٽن گهرڀاتين جو قتل ڪيس، سپريم ڪورٽ پاران روپوش جوابدار گرفتار ڪرڻ جو حڪم *چيف جسٽس جي سربراهي ۾3 رڪني بينچ 24 سيپٽمبر جي ٻڌڻي جو حڪم نامو جاري ڪيو *عدالت پاران ڊي آءِ جي حيدرآباد پاران پيش ڪيل رپورٽ تي عدم اطمينان جو اظهار *ڊي آءِ جي ايندڙ ٻڌڻي تي روپوش جوابدارن کي گرفتار ڪري عدالت کي آگاهه ڪري: حڪم نامو*
  • *اسلام آباد: بحريا ٽائون ڪراچي پاران قسطن جي ادائيگي لاءِ 2 سال مهلت گهرڻ بابت ڪيس جو حڪم نامو جاري *سپريم ڪورٽ 16 سيپٽمبر جي ٻڌڻي جو تحريري حڪم نامو جاري ڪري ڇڏيو *بحريا ٽائون جي وڪيل پاران درخواست واپس وٺڻ جي بنياد تي ڪيس اڪلايو ويو آهي: حڪم نامو *بحريا ٽائون 460 ارب رپيا ادا ڪرڻ لاءِ قسطن ۾ٻن سالن تائين مهلت گهري هئي *
  • *عمرڪوٽ ويجهو زميندار جي نجي جيل تي ڇاپو، 27 هاري بازياب *ڊسٽرڪٽ اينڊ سيشن جج عمرڪوٽ جي حڪم تي پوليس ڪارروائي ڪئي *بازياب ڪرايل هاري فرسٽ ايڊيشنل سيشن جج عمرڪوٽ جي عدالت ۾پيش *
  • *حيدرآباد تعليمي بورڊ ڏهين جماعت جي 2020 جي نتيجا جاري ڪرڻ جو اعلان ڪري ڇڏيو *ڏهين جماعت جي سائنس ۽ جنرل گروپ جا نتيجا اڄ شام 5وڳي جاري ڪيا ويندا*

ٻوڏ متاثرن کي بک ۽ بيمارين کان ته بچايو !

ٻوڏ هيٺ آيل علائقن ۾ لکين ماڻهو هن وقت جنهن عذاب مان گذري رهيا آهن ان جو اندازو انهن کانسواءِ شايد ئي ٻيو ڪو لڳائي سگهي،ٻوڏ سبب ٿيل تباهي کي ته حڪومت ۽ انتظاميا برساتون حد کان وڌيڪ پوڻ جو جواز ڄاڻائي پنهنجي ڪوتاهين ۽ لاپرواهين کي لڪائڻ جي ڪوشش ڪئي پر ان کان پوءِ انهن علائقن ۾ پيدا ٿيل صورتحال کي ڪنهن جي کاتي ۾ وجهندي يا ڪيئن لڪائي سگهندي؟ ٻوڏ متاثر علائقن مان جيڪي خبرون رپورٽ ٿي رهيون آهن انهن مان ته ايئن لڳي رهيو آهي ماڻهو لاچار ۽ بيوس بڻيل آهن ۽ ٻوڏ متاثر علائقا ڄڻ ته سنڌ حڪومت ۽ انتظاميا جي حدن کان ئي ٻاهر آهن.
ڪاڇي کان وٺي ميرپور خاص ، بدين ۽ ٻين علائقن بابت جيڪا سروي رپورٽ حڪومت پاڻ جاري ڪئي آهي ان مطابق لکين ماڻهو ٻوڏ سبب متاثر ٿيا آهن هزارن جي تعداد ۾ گهر ڊهي پٽ پئجي ويا آهن جيڪي گهر بچيا آهن انهن ۾ به 3 کان 4 فوٽ تائين پاڻي بيٺل آهي،ڪاڇو ته سڄو پاڻي هيٺ آهي، ميرپورخاص ۽ بدين جا اهي علائقا جتي سم نالن کي گهارا لڳا آهن اهي هفتو گذرڻ باوجود بند نه ٿي سگهيا آهن جنهن ڪري ڪٿي به پاڻي گهٽ يا نيڪال نه ٿيو آهي رهندو گهارن مان ايندڙ پاڻي ڏينهون ڏينهن وڌيڪ ڳوٺ ٻوڙي رهيو آهي. اها ڳالهه ظاهر ڪري ٿي ته انتظاميا ڪيئن ماڻهن کي بي آسري ڇڏي ڏنو آهي.برساتون بند ٿيڻ ۽ سج نڪرڻ کانپوءِ چوڦير برساتي پاڻي بيٺل هئڻ ڪري انهن علائقن ۾ بيمارين اچي منهن ڪڍيو آهي.برسات ۽ ٻوڏ جي مصيبت ۽ تڪليف ته ماڻهو قدرتي آفت سمجهي سهي ويا يا ان مان نڪرڻ جي ڪوشش ڪري رهيا آهن پر انتظاميا جي نااهلي جي ڪري جيڪا هي ٻي مصيبت اچي انهن تي ڪڙڪي آهي ان کي هو ڪيئن منهن ڏئي سگهندا؟ڳالهه سمجهه کان مٿي آهي ته آخر حڪومت ماڻهن کي ڪنهن جي آسري ڇڏي ڏنو آهي ٻوڏ متاثر علائقن ۾ نه ڪي امدادي ڪم ايڏي تيزي سان ٿيندي نظر اچي رهيا آهن جنهن نموني جي تباهي ٿي آهي نه ئي هاڻي جيڪي بيماريون پيدا ٿيون آهن انهن کان بچاءُ لاءِ انهن علائقن ۾ ڪي طبي امدادي ٽيمون يا ڪئمپون قائم ڪيون ويون آهن.ڇا سنڌ حڪومت ۽ انتظاميا کي اها خبر يا اندازو نه هو ته جيڪي علائقا ٻڏل آهن ۽ اتي لکين ماڻهو پاڻي هيٺ آهن ته اتي ڪي بيماريون پيدا ٿينديون يا ماڻهو کائڻ پيئڻ جي شين جي کوٽ کي منهن ڏيندا هوندا؟ انهن علائقن مان گيسٽرو سبب ماڻهن جي مرڻ جون خبرون رپورٽ ٿي رهيون آهن ،سوين ماڻهو گيسٽرو ۽ چمڙي جي بيمارين ۾ وٺجي ويا آهن ،جڏهن ته اهي به خبرون رپورٽ ٿي رهيون آهن ته ماڻهن کي لاش دفنائڻ لاءِ به ميلن جا ميل پاڻي جهاڳي وڃڻو ٿو پوي.
انتظاميا برساتن وسندي سم نالن کي لڳل گهارا ته بند نه ڪرائي سگهي پر هفتو گذرڻ کانپوءِ به انتظاميا ۾ ايتري اهليت ناهي جو اها گهارا بند ڪرائي سگهي ،حڪومت برسات هوندي ماڻهن کي ريسڪيو نه پئي ڪري سگهي ته ڇا برسات بند ٿيڻ کانپوءِ به انهن متاثر ماڻهن تائين کاڌ خوراڪ پهچائڻ کان به قاصر آهي؟ ڇا انتظاميا ۽ حڪومت ٻوڏ متاثرن کي بيمارين کان بچائڻ لاءِ ڪي طبي ڪئمپون نه ٿي لڳائي سگهي يا امدادي ٽيمون به نه ٿي موڪلي سگهي؟ جيڪڏهن حڪومت اهي ڪم به نه ٿي ڪري سگهي ته اهو سنڌ ۾ ٻوڏ جي تباهي کانپوءِ حڪومتي بي ڌياني ۽ انتظامي نااهلي سبب هڪ ٻيو الميوهوندو جنهن جي ذميواري مان ڪنڌ ڪڍائڻ لاءِ حڪومت وٽ ڪوبه جواز نه هوندو .

Bookmark the permalink.

Leave a Reply

Your email address will not be published. Required fields are marked *