تازا ترين
  • *ميرپورخاص: محمود آباد ۾ بجلي جو ڪرنٽ لڳڻ سبب 27 ورھين جو فوت *ڄام ڏاتار واسي سرور شاھ ساهرن جي جي گھر گهمڻ آيو هو، موبائيل فون چارج ڪرڻ دوران ڪرنٽ لڳو *
  • *پني عاقل ۾ پ پ ڪارڪنن پاران احتجاجي ريلي ڪڍي وئي، شهر جو گشت *فتاح سميجو پاران ڄام اڪرام ۽ سيف الله ڌاريجو خلاف گٿا لفظ ڳالهائڻ جي مذمت ڪريون ٿا: جيالا*
  • *حيدرآباد: تلڪ چاڙهي واري علائقي ۾ ناري عائشه آرائين کي مبينا طور مڙس پاران باهه ڏئي ساڙڻ وارو معاملو *نياڻي عائشه کي مڙس رضوان آرائين ۽ ڏير جاويد باهه ڏئي قتل ڪيو: پيءُ يوسف آرائين *عائشه جو مڙس بااثر آهي، خاموش رهڻ لاءِ ڌمڪيون ڏئي رهيو آهي: ماءُ صفيه بيگم *مارڪيٽ ٿاڻي جي پوليس عائشه جي قتل جو ڪيس داخل نه ٿي ڪري، انصاف ڪيو وڃي: مطالبو*
  • *حيدرآباد: سول اسپتال ۾ 5 ڄڻا بيهوشي واري حالت ۾ منتقل *بيهوش ٿيلن غريب آباد چوڪ تان حلوه پڙي وٺي واپرائي هئي: ذريعا *بيهوش ٿيلن ۾ رضوان آرائين، مبشر، نينگر لاريب ۽ ناري نمره شامل آهن: اسپتال انتظاميا*
  • *رائونتي ۾ ڏوهارين خلاف بند ڪيل آپريشن ٻيهر شروع ڪرڻ لاءِ پوليس تياريون مڪمل ڪري ورتيون *ايس ايس پي گهوٽڪي پوليس اٽالن سان ڪچي واري بند جي پوليس چوڪين جو جو دورو ڪيو *آپريشن لاءِ ايس ايس پي گهوٽڪي عمر طفيل پاران ٻين ضلعن کان به نفري طلب ڪري ورتي: ذريعا *رائونتي واري ڪچي ۾ ٻه مهينا اڳ ڌاڙيلن خلاف ڳوٺ عمر شر آپريشن ڪيو ويو هو *آپريشن دوران هڪ پوليس اهڪار شهيد ۽ 7 پوليس اهلڪار زخمي ٿيا هئا *
  • *اسان رڳو حڪومت ختم ڪرڻ لاءِ نه آيا آهيون، اسان جمهوريت کي به بحال ڪنداسين: آصف زرداري *اسان ڪوشش ڪئي ته جمهوريت بچي، پر اسان کي نٿو لڳي ته حڪمرانن جو ارادو جمهوريت بچائڻ آهي: زرداري *توقع آهي ته اي پي سي کانپوءِ مون کي جيل ڀيڙو ڪيو ويندو، اُميد آهي ته فضل الرحمان ملڻ ايندو: زرداري*
  • *هاڻي مامرو رياست اندر رياست مان نڪري رياست مٿان رياست جو ٿي ويو آهي: نواز شريف *ملڪ کي حقيقي جمهوري رياست بڻائڻو آهي، رسمي ۽ روايتي طريقن کان هٽي فيصلا ڪيا وڃن: نواز شريف *
  • *گاجي کهاوڙ ۾ ٽائون ملازمن جي ڪم ڇڏ هڙتال سبب شهر گند جي ڍير ۾ تبديل، شهرين جو احتجاج *انتظاميه جي نااهلي ۽ ٽائون ملازمن جي احتجاج سبب شهر گندگي جي ور چڙهي ويو آهي: شهر*
  • *باڊهه ۾ شهرين جو پوليس جي مبينا زيادتين خلاف ڌرڻو *شهرين درگاهه شريف چوڪ کان ريلي ڪڍي ٿاڻي جي مين گيٽ آڏو ٽائرن کي باهيون ڏئي ڌرڻو هنيو *پوليس امداد گوپانگ کي تيل چوري جي ڪوڙي ڪيس ۾ گرفتار ڪيو آهي، کيس آزاد ڪيو وڃي: شهري*
  • *اسپين کان آيل وفد پاران خيرپور جي تاريخي ماڳن جو دورو، عمارتن جي خوبصورتيءَ جي واکاڻ *اسپين کان آيل جون ۽ ماريا ڪوٽڏيجي قلعي، شاهي محل، وائيٽ هائوس ۽ فيض محل خيرپور جو دورو ڪيو *پاڪستان تاريخي جڳهن ۽ ماڳ مڪانن جي حوالي سان شاهوڪار ملڪ آهي جون/مس ماريا *ٽالپور هائوس ڪوٽڏيجي ۾ مير ظهير عباس ٽالپر اسپين کان آيل وفد کي اجرڪ ۽ ٽوپيون تحفي طور ڏنيون *
  • *دادو شهر گٽر اٿلڻ سبب گندگي جي ور چڙهي ويو، شهرين جو احتجاج *شهر ۾ بيٺل ڪنو پاڻي نيڪال ڪرائي نااهل انتظاميا خلاف ڪارروائي ڪئي وڃي: شهري*
  • *حيات پتافي: هڪ هفتو اڳ بجلي جون تارون گهر مٿان ڪرڻ سبب فوت ٿيل ناري ثمينا وارو معاملو*مسمات ثمينا جي وارثن جو احتجاج،ناري جو قتل ڪيس واپڊا عملدارن تيداخل ڪيو وڃي: مطالبو*
  • *چوھڙجمالي:درگاهه شاهه يقيق وٽان پيرسن عورت جو لاش ھٿ *چوهڙ جمالي: پيرسن عورت جو لاش اسپتال منتقل ڪيو ويو *چوھڙجمالي: فوتي عورت پنهنجي ذهني معذور نياڻيءَ جي علاج لاءِ ترسيل هئي: شهري*
  • *ڪراچي: اين آءِ سي ايڇ ۾ ھڪ ڊاڪٽر کي ڪورونا وائرس هجڻ جي تصديق: اسپتال انتظاميه *نيفورو وارڊ ۾ داخل ٽن ٻارن کي پڻ ڪورونا جو خدشو، کين ڪورونا لاءِ قائم ڪيل وارڊ ۾ منتقل ڪيو ويو*ڪراچي: ٽنهي ٻارن جي انڊس اسپتال مان ٽيسٽ ڪرائي وئي، هڪ ليڊي ڊاڪٽر کي به ڪورونا جو خدشو *نيشنل انسٽيٽيوٽ آف چائلڊ ھيلٿ ۾ به ٽي ڏينهن اڳ ٻن ملازمن ۾ ڪورونا جي تصديق ٿي هئي*
  • *ڏهرڪي ويجهو ڳلو ڪپي قتل ڪيل سيد عنايت شاهه جو ڪيس هڪ نامعلوم جوابدار تي داخل *پوليس مقتول جي ڀاءُ منظور شاهه جي فرياد تي نامعلوم جوابدار خلاف ڪيس داخل ڪري جاچ شروع ڪري ڇڏي*

وڏي وزير جي ووٽر “گلوفقير جي نياڻي جا قاتل ڪير آھن”؟

28 جون جو گرم جهولو ڄڻ زمين تي دوزخ جي گرمي جو ڏيک ڏئي رهيو هو ۽ ان ئي گرم ۽ اونداهي رات ۾ ڳوٺ وڏا ڇڇر جي هڪ غريب گهراڻي جي نياڻي وزيران ڇڇر جو چچريل لاش انڊس هاءِ وي تان مليو، هڪڙي نياڻي وحشي بگهڙن جو کاڄ بنجي وئي سندس جسم جي انگ انگ کي جهير ڏنا ويا، سندس چھرو ۽ مٿو ڪنهن وزني پٿر سان چچريو ويو هو، ميڄالو رومال ۾ ويڙھي لاش سان گڏ ڦٽي ڪيو ويو هو، 28 جون جي پراسرار انڌاري رات اهو منظر ستين آسمان تان ڪنهن ڏٺو ويٺي، سفاڪ ۽ وحشي قاتلن هي سڄي واردات ڪنهن فلمي سين جيان تمام وڏي حرفت ۽ چالاڪي سان سرانجام ڏني هئي ڇاڪاڻ ته کين اها پڪ هئي ته وزيران هڪ غريب پيءَ جي ڌيءَ آھي سندس پھچ نه ته ڳوٺ جي ڪنهن وڏيري تائين هئي نه هن کي ڪو پنهجي تڪ جو چونڊيل ايم پي اي، ايم اين سڃاڻندو هو. مظلوم نياڻي وزيران جي پيءَ گل محمد ڇڇر جنهن کي ڳوٺ جا ماڻھو “گلو فقير ”ڪري سڏيندا آھن اهو “گلو فقير” جيڪو سنڌ جي وڏي وزير مراد علي شاھ جو ووٽر آھي جيڪو هر پنجن سال ووٽ ڏيڻ لاءِ گرمي هجي يا سردي ڊگهي قطار ۾ بيهي ادي بينظير جي پارٽي پ پ کي ووٽ ڏيندو آھي. افسوس ته سنڌ جي وڏي وزير پنهجي ووٽر گلو فقير جي نياڻي وزيران جي بي رحم قتل تي اڃان تائين نه تعزيت ڪئي آھي نه ڪنهن کان حال احوال پڇيو آھي. وزيران جنهن جي بي رحماڻي قتل تي سڄي سنڌ سراپا سوڳ ۽ ڏک ۾ ورتل آھي. مختلف سياسي سماجي تنظيمن، انساني حقن، عورت تنظيمن جي نمائندن ڳوٺ وڏا ڇڇر پهچي مرادعلي شاھ جي غريب ووٽر جي ڌيءَ وزيران جي بي رحم موت تي ڏک ونڊيو آھي.
ڇهن مختلف عورتن تنظيمن جي وفد ڳوٺ وڏا ڇڇر ۾ وزيران ڇڇر جي والدين جي گھر، ساھورن جي گھر، سندس سھيلي جي گھر ڀاتين سان ملاقات ۽ ڳوٺ وڏا ڇڇر جي سماجي ڪارڪنن،صحافين توڙي مقامي پوليس وارن سان ملاقات ڪئي. پوليس پاران تفتيشي آفيسر اي ايس پي علينه راڄپر سان پڻ تفصيلي ملاقات ڪري قتل متعلق حقيقتن کي ڄاڻڻ جي ڪوشش ڪئي. فيڪٽ فائنڊنگ رپورٽ جي مشاھدي ۾جيڪي ڳالهيون آيون انهي جي آڌار انهن ڪيس بابت هيٺيون سفارشون تيار ڪيون.
وزيران جي قتل جي فيڪٽ فائينڊنگ ڪاميٽي جيڪا ڇھه مختلف عورتن جي تنظيمن جي ڏهه رڪني ڪاميٽي تي ٻڌل ھئي تن پوسٽ مارٽم رپورٽ جي سلسلي ۾ ڊاڪٽرن کان ويندي تفتيش تي مقرر ڪيل پوليس آفيسرن، وزيران جي گھر ڀاتين، ويجهين سھيلين، واقعي کي بروقت رپورٽ ڪري آگاهه ڪندڙ صحافين سان ملاقات ۽ قتل واقعي جي مڪمل جائزي وٺڻ کان پوءِ اعليٰ اختيارين آڏو ھيٺيون سفارشات پيش ڪري ٿي.
سفارشون
1.وزيران جي بيرحماڻي قتل سان انصاف ڪرڻ لاءِ ضروري آھي ته ان ڪمزور ايف آءِ آر بدلي، رياست/پوليس جي مدعيت ۾ ٻيھر ايف آءِ آر داخل ڪرائي وڃي جنھن ۾ اجتماعي جنسي ڏاڍائي جي ثابتي جي صورت ۾ ان جو به ذڪر هجي. اجتماعي جنسي ڏاڍائي سان لاڳاپيل ڏوھه وارا قلم داخل ڪيا وڃن.
2.ڪنھن به قتل ڪيس ۾ انصاف جي فراھمي کي يقيني بنائڻ لاءِ پوسٽ مارٽم جي رپورٽ انتھائي اھم ڪردار ادا ڪندي آھي پر ھن ڪيس ۾ پوسٽ مارٽم جي رپورٽ انتھائي ناقص ۽ غير پروفيشنل آھي. ان ڪري ممڪنه جنسي ڏاڍائي کي ثابت ڪرڻ، توڙي ٻيا گھربل جزا وٺڻ لاءِ ٻيھر قبرڪشائي جي ضرورت محسوس ٿئي ته پوليس کي ان ۾ پڻ اڳڀرائي ڪرڻ کپي.
3.فيڪٽ فائينڊنگ ڪاميٽي ڇھن کان اٺن ھفتي جي ٻار جي ولديت جي نشاندھي لاءِ ڊي اين جا جزا وٺڻ جي سخت مخالفت ڪري ٿي. ٻار جي ولديت جي ثابتي دراصل مقتولڻ جي ڪردار کي مشڪوڪ ڪري قاتلن کي فائدو پھچائي سگھي ٿي.
فيڪٽ فائينڊنگ ڪاميٽي ان تي حيراني جو اظھار پڻ ڪيو ته پوليس کي قاتل جا پيرا کڻڻ کپن جيڪي مقتولڻ جي ڪپڙن وارن يا جسم مان ورتل ٻين جزن جي ڪيميڪل ۽ ٻي فرانزڪ انڪوائري وسيلي به آساني معلوم ڪري سگھجن ٿا. ان بنياد تي ڪاميٽي قبرڪشائي ۽ ٻيھر پوسٽ مارٽم واري مطالبي سان متفق آھي البته انکي پوسٽ مارٽم جي رپورٽ ۾ حمل واري ٻار جي ڊي اين اي شامل نه ڪرڻ سان مشروط ڪيو وڃي. مقتولڻ وزيران ڇڇر جي موبائل فون، سندس ڪپڙن ۽ ٻين جزن جي فرانزڪ رپورٽ پڻ ڪرائي وڃي.
قتل جا پيرا ڳوٺ کان ٻاھر ڪيڏانھن به نٿا وڃن ان ڪري پوليس بنا ڪنھن سياسي دٻاءُ ضرورت پوڻ تي ڳوٺ جي بااثر ماڻھو جي گرفتاري کان گهٻرائڻ بدران انھن کي گرفتار ڪري قاتلن تائين پھچي وزيران ڇڇر سان انصاف کي ممڪن بڻائي.
پوليس ۽ عدالت ان ڳالھه کي يقيني بنائين ته بااثر جوابدارن يا وري ڳوٺ جي چڱي مڙس يا راڄوڻي لاءِ دٻاءُ وجھندڙ ڌرين کي ڪيس کي عدالت کان ٻاھر نبيري وزيران جي قتل کي لئه مٽ ڪرڻ نه ڏئي.
ھن واقعي جي گھڻ رخي جاچ لاءِ پوليس کي پنھنجي تفتيش جو دائرو وڌائڻ کپي.
ان ڪري ضروري آھي ته لاڳاپيل ادارن يعني ڪيس جي تفتيش ڪندڙ پوليس، عدالت، وڪيلن، انساني حقن جي تنظيمن ميڊيا سميت سماج جي سڀني باشعور فردن کي نيڪ نيتي سان ھن ڪيس کي منطقي انجام تائين پھچائي قاتلن کي سزا ڏيارڻ ۾ مشترڪه ڪردار ادا ڪرڻ کپي. وزيران ڇڇر جو بي رحماڻي طريقي سان قتل جو ڪيس سماج جو ٽيسٽ ڪيس آھي انڪري سماج جي ھر اداري کي گڏيل طور تي ھن ڪيس ۾ انصاف جي فراهمي تائين پنھنجو گھربل ڪردار ادا ڪرڻ کپي.
مختلف عورت تنظيمن طرفان وزيران قتل ڪيس جي سلسلي ۾ جاري ڪيل تفصيلي رپورٽ ۽ سفارشن کي قبول ڪجي ٿو سواءِ هڪ نقطي جي جنهن ۾ ڪيس پوليس جي مدعيت ۾ داخل ڪرڻ جي ڳالھه ڪئي وئي آھي، ڇوته رپورٽ ۾ مٿي خود لکيل آھي ته پوليس سياسي اثر رسوخ سبب ڪيس کي خراب پئي ڪري ته پوءِ جيڪڏهن اهو ساڳيو ڪيس پوليس جي مدعيت ۾ داخل ٿئي ته ان جو ڇا حشر ٿيندو؟
وزيران جي خون سان انصاف ٿيندو الائي نه پر هن واقعي کانپوءِ هڪ ڳالھه واضع ٿي سامهون آئي آهي ته اسان جي ڳوٺن ۾ هاڻي هر ناانصافي خلاف آواز اٿارڻ جو شعور اچي چڪو آھي هاڻي سنڌ جي ڳوٺن ۾ معصوم وزيرائن جو خون ڪندڙ وحشي درندا ۽ سندن گناھ تي پردا پوشي ڪندڙ مڪروھه مهانڊا گهڻو وقت عوامي شعور اڳيان بيهي نه سگهندا.
وزيران جي خون جي هڪ نه پر ٻه ايف آءِ آر داخل ٿيل آھن، هڪ ايف آءِ آر ڇڇر ٿاڻي تي ڪٽيل آھي جنهن جي تفتيش سنڌ پوليس جا روايتي رشوت خور ۽ سياسي ماڻھن جا ڪمدار پوليس وارا ڪري رهيا آھن ۽ ٻي ايف آءِ آر 28 جون جي رات وزيران خود آسمان طرف منهن ڪري خدا جي درٻار ۾ داخل ڪرائي وئي آھي ۽ اتي پهتل درخواست ۾ هر حال ۾ انصاف ٿيڻو آهي اصل قاتل ۽ هن قتل جي سازش ۾ شامل سهولتڪار انهي درٻار ۾ وائکا ضرور ٿيندا.ڇو ته ان عدالت ۾ ڪا به سفارش نه هلنديآهي. وزيران جي خون سان انصاف اهي ماڻھو ڇا ڪندا جن لاءِ فيض احمد فيض چئي ويو هو :
بني هين اھل حوس مدعي به منصف ڀي
ڪسي وڪيل ڪرين ڪس سي منصفي چاهين

Bookmark the permalink.

Leave a Reply

Your email address will not be published. Required fields are marked *