تازا ترين
  • *ميرپورخاص: محمود آباد ۾ بجلي جو ڪرنٽ لڳڻ سبب 27 ورھين جو فوت *ڄام ڏاتار واسي سرور شاھ ساهرن جي جي گھر گهمڻ آيو هو، موبائيل فون چارج ڪرڻ دوران ڪرنٽ لڳو *
  • *پني عاقل ۾ پ پ ڪارڪنن پاران احتجاجي ريلي ڪڍي وئي، شهر جو گشت *فتاح سميجو پاران ڄام اڪرام ۽ سيف الله ڌاريجو خلاف گٿا لفظ ڳالهائڻ جي مذمت ڪريون ٿا: جيالا*
  • *حيدرآباد: تلڪ چاڙهي واري علائقي ۾ ناري عائشه آرائين کي مبينا طور مڙس پاران باهه ڏئي ساڙڻ وارو معاملو *نياڻي عائشه کي مڙس رضوان آرائين ۽ ڏير جاويد باهه ڏئي قتل ڪيو: پيءُ يوسف آرائين *عائشه جو مڙس بااثر آهي، خاموش رهڻ لاءِ ڌمڪيون ڏئي رهيو آهي: ماءُ صفيه بيگم *مارڪيٽ ٿاڻي جي پوليس عائشه جي قتل جو ڪيس داخل نه ٿي ڪري، انصاف ڪيو وڃي: مطالبو*
  • *حيدرآباد: سول اسپتال ۾ 5 ڄڻا بيهوشي واري حالت ۾ منتقل *بيهوش ٿيلن غريب آباد چوڪ تان حلوه پڙي وٺي واپرائي هئي: ذريعا *بيهوش ٿيلن ۾ رضوان آرائين، مبشر، نينگر لاريب ۽ ناري نمره شامل آهن: اسپتال انتظاميا*
  • *رائونتي ۾ ڏوهارين خلاف بند ڪيل آپريشن ٻيهر شروع ڪرڻ لاءِ پوليس تياريون مڪمل ڪري ورتيون *ايس ايس پي گهوٽڪي پوليس اٽالن سان ڪچي واري بند جي پوليس چوڪين جو جو دورو ڪيو *آپريشن لاءِ ايس ايس پي گهوٽڪي عمر طفيل پاران ٻين ضلعن کان به نفري طلب ڪري ورتي: ذريعا *رائونتي واري ڪچي ۾ ٻه مهينا اڳ ڌاڙيلن خلاف ڳوٺ عمر شر آپريشن ڪيو ويو هو *آپريشن دوران هڪ پوليس اهڪار شهيد ۽ 7 پوليس اهلڪار زخمي ٿيا هئا *
  • *اسان رڳو حڪومت ختم ڪرڻ لاءِ نه آيا آهيون، اسان جمهوريت کي به بحال ڪنداسين: آصف زرداري *اسان ڪوشش ڪئي ته جمهوريت بچي، پر اسان کي نٿو لڳي ته حڪمرانن جو ارادو جمهوريت بچائڻ آهي: زرداري *توقع آهي ته اي پي سي کانپوءِ مون کي جيل ڀيڙو ڪيو ويندو، اُميد آهي ته فضل الرحمان ملڻ ايندو: زرداري*
  • *هاڻي مامرو رياست اندر رياست مان نڪري رياست مٿان رياست جو ٿي ويو آهي: نواز شريف *ملڪ کي حقيقي جمهوري رياست بڻائڻو آهي، رسمي ۽ روايتي طريقن کان هٽي فيصلا ڪيا وڃن: نواز شريف *
  • *گاجي کهاوڙ ۾ ٽائون ملازمن جي ڪم ڇڏ هڙتال سبب شهر گند جي ڍير ۾ تبديل، شهرين جو احتجاج *انتظاميه جي نااهلي ۽ ٽائون ملازمن جي احتجاج سبب شهر گندگي جي ور چڙهي ويو آهي: شهر*
  • *باڊهه ۾ شهرين جو پوليس جي مبينا زيادتين خلاف ڌرڻو *شهرين درگاهه شريف چوڪ کان ريلي ڪڍي ٿاڻي جي مين گيٽ آڏو ٽائرن کي باهيون ڏئي ڌرڻو هنيو *پوليس امداد گوپانگ کي تيل چوري جي ڪوڙي ڪيس ۾ گرفتار ڪيو آهي، کيس آزاد ڪيو وڃي: شهري*
  • *اسپين کان آيل وفد پاران خيرپور جي تاريخي ماڳن جو دورو، عمارتن جي خوبصورتيءَ جي واکاڻ *اسپين کان آيل جون ۽ ماريا ڪوٽڏيجي قلعي، شاهي محل، وائيٽ هائوس ۽ فيض محل خيرپور جو دورو ڪيو *پاڪستان تاريخي جڳهن ۽ ماڳ مڪانن جي حوالي سان شاهوڪار ملڪ آهي جون/مس ماريا *ٽالپور هائوس ڪوٽڏيجي ۾ مير ظهير عباس ٽالپر اسپين کان آيل وفد کي اجرڪ ۽ ٽوپيون تحفي طور ڏنيون *
  • *دادو شهر گٽر اٿلڻ سبب گندگي جي ور چڙهي ويو، شهرين جو احتجاج *شهر ۾ بيٺل ڪنو پاڻي نيڪال ڪرائي نااهل انتظاميا خلاف ڪارروائي ڪئي وڃي: شهري*
  • *حيات پتافي: هڪ هفتو اڳ بجلي جون تارون گهر مٿان ڪرڻ سبب فوت ٿيل ناري ثمينا وارو معاملو*مسمات ثمينا جي وارثن جو احتجاج،ناري جو قتل ڪيس واپڊا عملدارن تيداخل ڪيو وڃي: مطالبو*
  • *چوھڙجمالي:درگاهه شاهه يقيق وٽان پيرسن عورت جو لاش ھٿ *چوهڙ جمالي: پيرسن عورت جو لاش اسپتال منتقل ڪيو ويو *چوھڙجمالي: فوتي عورت پنهنجي ذهني معذور نياڻيءَ جي علاج لاءِ ترسيل هئي: شهري*
  • *ڪراچي: اين آءِ سي ايڇ ۾ ھڪ ڊاڪٽر کي ڪورونا وائرس هجڻ جي تصديق: اسپتال انتظاميه *نيفورو وارڊ ۾ داخل ٽن ٻارن کي پڻ ڪورونا جو خدشو، کين ڪورونا لاءِ قائم ڪيل وارڊ ۾ منتقل ڪيو ويو*ڪراچي: ٽنهي ٻارن جي انڊس اسپتال مان ٽيسٽ ڪرائي وئي، هڪ ليڊي ڊاڪٽر کي به ڪورونا جو خدشو *نيشنل انسٽيٽيوٽ آف چائلڊ ھيلٿ ۾ به ٽي ڏينهن اڳ ٻن ملازمن ۾ ڪورونا جي تصديق ٿي هئي*
  • *ڏهرڪي ويجهو ڳلو ڪپي قتل ڪيل سيد عنايت شاهه جو ڪيس هڪ نامعلوم جوابدار تي داخل *پوليس مقتول جي ڀاءُ منظور شاهه جي فرياد تي نامعلوم جوابدار خلاف ڪيس داخل ڪري جاچ شروع ڪري ڇڏي*

وفاق جي ڪراچيءَ تي نظر ڪا نئين ڳالھه ناهي !

اها هڪڙي اڻمٽ حقيقت آهي ته ڪراچي نه صرف سنڌ جي راڄڌانيءَ جو شهر آهي پر، ان سان گڏ ڪراچيءَ جي بين الاقوامي حيثيت پڻ آهي. رڳو ايئن به ناهي ته ڪو اڄ جي جديد ۽ ترقي يافتا دور ۾ ڪراچي دنيا ۾ پنهنجي اهميت، افاديت ۽ عالمي سڃاڻپ پيدا ڪئي آهي. پر پاڪستان جي قيام کان به گھڻو اڳ دنيا جي نقشي تي ڪراچي پنهنجي الڳ شان، مان ۽ مقام سان ڄاتي سڃاتي ويندي هئي. 150 ميلن جي وسيع سامونڊي ڪناري جي نعمت سان نوازيل سنڌ جي ڌڙڪن بڻيل ڪراچي پنهنجي بندر گاھه جي ذريعي قديم دور کان وٺي دنيا سان درآمدي ۽ برآمدي واپار ذريعي ڳنڍيل رهي آهي. دنيا اندر سمنڊ جي تمام وڏي اهميت هوندي آهي. تڏهن ته سامونڊي علمن جو ماهر مسٽر ماهن چوي ٿو ته؛ “جيڪا قوم بين الاقوامي معاملات ۾ اهم ڪردار ادا ڪرڻ جي آرزومند هجي ۽ پنهنجي وطن کي خوشحال ڏسڻ چاهيندي هجي ته کيس سمنڊ تي پورو پورو اقتدار حاصل هجيس.” اهي قومون جيڪي پنهنجي زميني قوت ۾ کڻي ڪيتري به عظمت ۽ برتري حاصل ڪن، پر سمنڊ تي سندن قبضو نه هئڻ جي حالت ۾ هميشه ڪمزور ۽ غربت ۾ گذارينديون آهن. انڪري جيڪي قومون پنهنجي سمنڊ تي پنهنجي اقتدار کي قائم رکندي دنيا سان واپاري تعلقات جاري رکڻ جي اهليت رکنديون آهن اهي قومون سڄي دنيا جي دولت حاصل ڪري خوشحاليءَ جا معراج ماڻڻ ۾ ڪامياب وينديون آهن.
ڪراچيءَ تي وفاق جي نظر ڪا نئين يا اڄ جي ڳالھه ناهي. پر پاڪستان قائم ٿيڻ جي هڪ سال بعد ڪراچي کي وفاق حوالي ڪرڻ جون سازشون شروع ٿي چڪيون هيون. ڇو ته ڪراچي جي بندرگاھه جي وڏي اهميت هجڻ سان گڏ سنڌ جي آمدني جو وڏو ذريعو هو. ان کان علاوه ان وقت هندستان کان آيل ماڻهن کي وفاقي حڪومت ڪراچي ۾ آباد ڪرڻ پئي چاهيو. سنڌ حڪومت پاران وڌيڪ ڌاري آبادڪاري جي مخالفت ڪرڻ جي ڪري وفاقي حڪومت ڪراچي کي پنهنجي ڪنٽرول ۾ وٺي ٻاهران آيل ماڻهن کي پنهنجي مرضيءَ مطابق مستقل طور تي رهائڻ سان گڏ ڪراچيءَ جي بندرگاھه سميت سموري آمدني تي پنهنجو قبضو قائم رکڻ جي نيت رکي پئي. ڪراچي کي سنڌ کان الڳ ڪرڻ واري سازش خلاف احتجاجي تحريڪ سان گڏ 10 فيبروري 1948ع تي سنڌ اسيمبلي پاران هڪ قرارداد پاس ڪرڻ جي باوجود، پاڪستان جي آئين ساز اسيمبليءَ 22 مئي 1948ع تي ڪراچيءَ کي وفاق جي حوالي ڪرڻ جو هڪ طرفو فيصلو ڪري ڇڏيو. جنهن بعد سنڌ جي وسيلن تي پنجاب جي قبضي کي سدائين قائم رکڻ لاءِ وفاق پاران ون يونٽ جي قيام کان وٺي بنگلاديش جي صورت ۾ ملڪ جي ورهاڱي، 73 جي آئين، مشرفي آمريت دوران پنجن ضلعن کي گڏائي شهري حڪومت جي نالي ۾ ڪراچي کي پليٽ تي رکي ايم ڪيو ايم حوالي ڪرڻ يا هينئر برساتي پاڻي کي بهانو بڻائي ڪراچيءَ کي وفاق حوالي ڪرڻ تائين مختلف صورتن ۾ وقتن بوقتن سازشي ٿيوريز جو سلسلو جاري آهي.
ون يونٽ جي قيام کان وٺي هن وقت تائين جي سموري صورتحال تي جيڪڏهن ٿورڙو به غور ڪنداسين ته سنڌ خلاف سمورين سازشن ۾ پيپلزپارٽي سڌي يا اڻ سڌيءَ طرح ملوث نظر ايندي. قائد عوام سڏيو ويندڙ ذوالفقارعلي ڀٽو پاران ون يونٽ تي خاموشي اختيار ڪرڻ، 73 جي آئين ذريعي پاڪستان ۾ شامل قومي وحدتن ۽ قومن جي تاريخي تشخص کان انڪار ڪرڻ، ٻٽي مڪاني نظام ذريعي سنڌ جي ورهاست جا بنياد قائم ڪرڻ کان وٺي هن وقت ڪرپشن جي ذريعي ڪمايل اربين ڊالر بچائڻ ۽ نيب جي ڪيسن مان رهائي ماڻڻ لاءِ “ڪراچي ڪميٽي” ذريعي اڻ اعلانيل ڪراچي کي وفاق حوالي ڪرڻ تائين سنڌ جي اختيارن ۾ وفاق جي غيرآئيني ۽ بيجا مداخلت تي خاموشي اختيار ڪرڻ سميت سنڌ جي سمورن مصيبتن ۽ تباهڪارين ۾ پيپلزپارٽي جي حڪومت وفاق سان گڏ برابر جي شريڪ رهي آهي.
هن وقت وفاق پاران 1113 ارب روپين يا سنڌ حڪومت جي 400 يا 800 ارب روپين جي “ڪراچي پئڪيج” واري ڊرامي بازي به صرف ماڻهن کي گمراھه ڪرڻ کان علاوه ٻيو ڪجھه به ڪونهي. حقيقت اها آهي ته ايترا پئسا نه وفاق وٽ آهن ۽ نه ئي سنڌ حڪومت وٽ آهن. ان کان علاوه پيپلزپارٽيءَ پاران ڪراچي ڪميٽي يا ڪراچي پئڪيج ۽ سنڌ حڪومت جي آئيني اختيارن ۾ مداخلت جون دانهون يا جيڪا هاءِ گھوڙا ڪئي پئي وڃي، اهي صرف سنڌي ماڻهن جون همدرديون حاصل ڪرڻ يا فيس سيونگ کان سواءِ ٻيو ڪجھه به ناهن. ٻيو اهو ته وفاقي حڪومت هجي يا سنڌ حڪومت، وفاقي وزير مشير هجن يا صوبائي ڪابينا، سڀني کي ڳڻتي صرف ڪراچي شهر جي ڇو آهي؟ لڳي ايئن رهيو آهي ڄڻ ته برساتون صرف ڪراچي شهر ۾ ٿيون آهن يا ترقياتي پئڪيج سميت ٻين سهولتن جي کوٽ به صرف ڪراچي شهر ۾ آهي. باقي ٿرپارڪر کان وٺي جوهي، ڪاڇو ۽ قمبر شهدادڪوٽ تائين اڌ سنڌ جا لکين برسات متاثر ڄڻ ته انسان ئي ڪونهن يا برسات سبب سنڌ جي ٻهراڙين وارن علائقن ۾ جيڪو انفرااسٽڪچر تباھه ٿيو آهي اتي ترقياتي ڪمن يا ڪنهن پئڪيج جي ضرورت ئي ڪونهي!
باقي جيسيتائين ڪراچيءَ جي ترقيءَ جو سوال آهي ته سنڌ جو ڪو به ماڻهو ڪراچيءَ جي ترقيءَ تي ارهو ڪونهي. پر هي سچ به سڀني کي قبول ڪرڻو پوندو ته ڪراچي سنڌ جي گادي جو شهر هجڻ يا بين القوامي حيثيت حاصل هئڻ جي ڪري ترقياتي ڪمن کان وٺي صنعت، تجارت، روزگار، تعليم ۽ صحت کان وٺي هر شعبي ۾ سنڌ جي ٻين شهرن کان ترقيءَ جي ميدان ۾ تمام گھڻو اڳتي ۽ ترقي يافتا آهي ۽ هجڻ به گھرجي، ان تي ڪنهن به ماڻهوءَ کي نه ڪو اعتراض آهي ۽ نه ئي هجڻ گھرجي. بلڪه سنڌ جي ٻهراڙي وارن علائقن ۾ رهندڙ سنڌي ماڻهو ڪراچيءَ جي ترقي ۽ تعمير تي تمام گھڻي خوشي محسوس ڪن ٿا. ڇاڪاڻ ته ڪراچي سنڌ آهي ۽ سنڌ ڪراچي آهي. هي مورڙيءَ جو ماڳ ڪراچي جو شهر سنڌ جو اڻٽٽ حصو آهي ۽ سدائين رهندو.

Bookmark the permalink.

Leave a Reply

Your email address will not be published. Required fields are marked *