تازا ترين
  • *ڪراچي: وڏي وزير مراد علي شاهه شير شاهه ۾عمارت ڪرڻ واري واقعي جو نوٽيس ورتو *وڏي وزير پاران ڪمشنر ڪراچي کي فوري طور انتظاميه کي متحرڪ ڪرڻ جي هدايت *ڪوشش ڪئي وڃي ته سمورن مزدورن جون حياتيون بچايون وڃن: وڏو وزير مراد علي شاهه*
  • *ٽنڊو غلام حيدر جي مختلف علائقن مان برسات ۽ گهارن جو پاڻي نيڪال نه ٿيو، رهواسي عذاب ۾ مبتلا *مويا نظرپور، ڏندو، حاجي صوڀو خان چانڊيو سميت 8 يوسيز جي ڪيترن ئي ڳوٺن ۾ پاڻي بيٺل پاڻي نيڪال نه ٿيڻ سبب مليريا، گيسٽرو ۽ ٻين بيماريون منهن ڪڍيو، ڪيترائي ڳوٺاڻا اسپتال ڀيڙا*
  • *سپريم ڪورٽ ۾ ذهني مريض قيدي جي موت واري سزا روڪڻ لاءِ اپيل تي ٻڌڻي *عدالت جوابدار غلام عباس جي طبي چڪاس لاءِ ميڊيڪل بورڊ جوڙي ڇڏيو *ميڊيڪل بورڊ کي طبي چڪاس ڪري ٽن هفتن اندر رپورٽ پيش ڪرڻ جو حڪم*
  • *ٽنڊو غلام حيدر ۾ ڳوٺاڻن جو برساتي پاڻي نيڪال نه ٿيڻ تي ٻارڙن کي پوليو جا ڦڙا پيئارڻ کان انڪار *ڳوٺ مير محمد لاشاري جي رهواسين برساتي پاڻي نيڪال نه ٿيڻ خلاف احتجاج ڪيو *ڳوٺ مان پاڻي نيڪال ڪرايو وڃي ٻي صورت ۾ ٻارڙن کي پوليو جا ڦڙا نه پيئارينداسين: ڳوٺاڻا*
  • *ٽنڊو ڄام زرعي يونيورسٽي ۽ وٽرنري يونيورسٽي سڪرنڊ ۾ وقتي وائيس چانسلرز جي مقرري *پروفيسر ڊاڪٽر ظهير الدين ميراڻي زرعي يونيورسٽي ٽنڊو ڄام جو وقتي وائيس چانسلر مقرر *احمد سلطان جتوئي وٽرنري يونيورسٽي سڪرنڊ جو وقتي وائيس چانسلر مقرر، نوٽيفڪيشن جاري*
  • *آصف زرداري ۽ نواز شريف هڪ ٻئي تي الزام لڳائيندا رهيا هاڻي گڏ ويٺا آھن: خرم شير زمان *بلاول جي تقرير مان لڳي پيو ته پاڪستان خلاف تحريڪ هلائڻ وڃن پيا: خرم شيرزمان *جيڪڏھن کين تحريڪ هلائڻي آھي ته ڪراچي ۽ لاڙڪاڻي کان شروع ڇو نٿا ڪن: خرم شير زمان*
  • *ڪراچي: دهشتگردي ٽوڙ عدالت ۾ انسپيڪٽر ناصر الحسن جي ٽارگيٽ ڪلنگ بابت ڪيس تي ٻڌڻي *ڏوهه ثابت نه ٿيڻ تي عدالت 5 جوابدارن کي بري ڪري ڇڏيو *اکين ڏٺن شاهدن جي تڪراري بيان جي ڪري ڏوهه ثابت نه ٿي سگهيو آهي: پوليس *
  • * ڪراچي: ميٽرڪ بورڊ شاگردن جي امتحان جا نتيجا پڌرا ڪري ڇڏيا *ڪراچي: ميٽرڪ بورڊ سائنس گروپ جي نتيجن جو اعلان ڪري ڇڏيو *ڪراچي: هڪ لک 68 هزار 880 شاگرد امتحان ۾ ڪامياب قرار*
  • *ڪشمور ويجهو سڱاوتي تڪرار تان هٿياربندن جي فائرنگ ۾ نوجوان قتل، واٽهڙو پيرسن زخمي *هٿياربندن جي فائرنگ ۾ عيد گاهه واسي علي گل سولنگي ۽ واٽھڙو پيرسن شاھمور خالدي زخمي ٿي پيا *زخمي سول اسپتال منتقل، نوجوان کي رحيم يار خان نيو پئي ويو ته رستي ۾ دم ڌڻي حوالي ڪيائين *مورزادو جکراڻي ۽ ڏاڏو جکراڻي نوجوان کي قتل ڪيو، قاتل گرفتار ڪري انصاف ڪيو وڃي: وارث *
  • *محرابپور ويجهو نوجوان بجلي جو ڪرنٽ لڳڻ سبب فوت *ڳوٺ ولي آباد ۾ علي ولد رمضان آرائين پکي مان ڪرنٽ لڳڻ سبب فوت ٿي ويو *
  • *سپريم ڪورٽ ۾ سرڪاري زمين تي پيٽرول پمپس ليز تي ڏيڻ بابت پاڻمرادو نوٽيس تي ٻڌڻي *عدالت ڪمشنر فيصل آباد پاران پيش ڪيل رپورٽ رد ڪري ڇڏي *سپريم ڪورٽ پاران ايندڙ ٻڌڻي تي ڪمشنر فيصل آباد کي ذاتي حيثيت ۾ پيش ٿيڻ جو حڪم *حڪم تي عمل نه ٿيو ته ڪمشنر ۽ اسسٽنٽ ڪمشنر ٻئي جيل ويندا: سپريم ڪورٽ*
  • *سڪرنڊ ۾ آل پارٽيز الائينس جي سڏ تي بجلي جي اڻ اعلانيل لوڊشيڊنگ خلاف احتجاجي ريلي *مظاهرين صحافي چوڪ کان ريلي ڪڍي حيسڪو آفيس جي گيٽ آڏو ڌرڻو هنيو، ڇتي نعريبازي *سڪرنڊ ۽ ڀرپاسي ۾ 16کان18 ڪلاڪ بجلي جي لوڊشيڊنگ ڪئي پئي وڃي: مظاهرين *
  • *ڪراچي: سهراب ڳوٺ وٽ پوليس ۽ ڏوهارين وچ ۾ مبينا مقابلو، 2 ڦورو زخمي حالت ۾ گرفتار *موٽر سائيڪل تي سوار ٽن جوابدارن ڦر جي ڪوشش ڪئي ته پوليس پهتي: پوليس *مقابلي ۾ زخمي ٿيل ڦورو فيروز اسپتال ۾ علاج دوران فوت ٿي ويو: پوليس *
  • *ڪراچي: شرافي ڳوٺ ۾ نجي ڪمپني جي لاڪرز مان چوري ڪندڙ جوابدار گرفتار *جوابدار لاڪرز ٽوڙي نجي ڪمپني جا 6 لک رپيا چوري ڪيا هئا: پوليس *سي سي ٽي وي فوٽيجز ۾ هڪ جوابدار ڪمپني اندر نظر آيو آهي: پوليس*
  • *رائونتي ۾ ڳوٺاڻن جو بنيادي سهولتن جي کوٽ خلاف احتجاجي ريلي، ڌرڻو *مختلف ڳوٺن جي رهواسين احتجاجي ريلي ڪڍي اي سي آفيس اوٻاوڙو آڏو ڌرڻو هنيو، نعريبازي *ڳوٺن ۾ اسڪول، پڪن روڊن ۽ اسپتال جهڙي جهڙي ڪا به سهولت نه آهي: ڳوٺاڻا*

هر ڪم دير سان ڇو !؟

اسان جي حڪمرانن ۽ انتظاميا کي سدائين دير سان معاملن جو نوٽيس وٺڻ جي عادت پئجي وئي آهي،جيستائين عوام نتيجا ڀوڳي چڪو هوندو آهي ،حڪمران پوءِ وڃي اک پٽيندا آهن معاملو ڪهڙو به هجي حڪمرانن جي ڪار ساڳي هوندي آهي.ڪيتري وقت کان وٺي ڪڻڪ جي بحران ۽ اٽي جي قيمتن ۾ واڌ جون عوام رڙي ڪري رهيو هو پر حڪمرانن جي ڪن تي جونءَ ئي نه ٿي سري، هاڻي وڃي خوراڪ کاتي ان جو نوٽيس ورتو آهي جڏهن ڪڻڪ جي کوٽ جو بهانو بڻائي اٽي جا اگهه به وڌايا ويا آهن.
سنڌ سرڪار ڪڻڪ جي کوٽ ۽ اٽي جي اگهن ۾ واڌ کانپوءِ ڪڻڪ جي صوبي کان ٻاهر منتقلي تي پابندي لڳائي ڇڏي آهي، خوراڪ کاتي جي ڊائريڪٽر سڄي سنڌ جي ڪمشنرن کي خط لکي اٽي جي سرڪاري اگهه 44 رپيا تي في ڪلو وڪري کي يقيني ۽ ڪڻڪ جي سنڌ کان ٻاهر منتقلي کي روڪڻ جو پابند بڻايو آهي.ساڳئي وقت لاڙڪاڻي۽ سکر جي ڪمشنرن کي هدايت ڪئي وئي آهي ته اهي گهوٽڪي ،جيڪب آباد ۽ ڪشمور ضلعن جي سرحدن وٽان ڪڻڪ سمگل ڪرڻ جي ڪوششن کي روڪين،انهي کانسواءِ خوراڪ کاتي جي عملي سان گڏجي ذخيره اندوزي روڪڻ ۽ وڌيڪ اگهه وٺندڙن خلاف ڪارروائي لاءِ به چيو ويو آهي. جيڪڏهن خوراڪ کاتي جي انهي خط ۽ ڪمشنرن کي موڪليل هدايتن کي ڏسجي ته لڳي ٿو ته الاهي دير سان اهو قدم کنيو ويو آهي . سنڌ ۾2 مهينا اڳ ئي ڪڻڪ جي کوٽ ۽ اٽي جي اگهه ۾ واڌ جون شڪايتون شروع ٿي ويون هيون جڏهن ته ڪڻڪ کي لٿي به 4 مهينا گذري چڪا آهن، سنڌ جي ڪيترن ئي علائقن ۾ فيبروري جي آخر ۽ مارچ جي شروع ۾ ئي ڪڻڪ لهڻ شروع ٿي ويندي آهي جڏهن ته پنجاب سنڌ کان ڪڻڪ جي پوکي ۾ پوئتي آهي ۽ ڪي پي ۽ بلوچستان ۾ ايتري ڪڻڪ ٿيندي ئي ناهي تنهن ڪري ڪڻڪ لهڻ وقت ئي سدائين ان جو خطرو رهندو آهي يا ته اها هتي منافعي خور ذخيرو ڪري ڇڏيندا آهن يا وري اها سمگل ٿي ٻين صوبن ڏانهن هلي ويندي آهي ۽ اتان ٻاهرين ملڪن تائين به پهچي ويندي آهي جنهن جو نتيجو اهو نڪرندو آهي ته غريب ماڻهو سرڪاري اگهه کان به وڌيڪ قيمت تي اٽو خريد ڪرڻ تي مجبور ٿيندا آهن، جيڪو هن وقت به ٿي رهيو آهي. سنڌ جي ڪنهن به شهر ۾ هن وقت به سرڪاري اگهه44 رپيا في ڪلو اٽو نه ٿو ملي.هن وقت به ڪڻڪ جي سمگلنگ ٻين صوبن ڏانهن جاري آهي.
اسان سمجهون ٿا ته ڪڻڪ جي اسمگلنگ روڪڻ ۽ اٽي جي سرڪاري اگهه تي وڪري کي يقيني بڻائڻ انتهائي ضروري آهي ڀلي کڻي ڪجهه دير ٿي آهي پر هاڻي به وقت ناهي ويو سنڌ حڪومت کي اثرائتا اپاءُ وٺڻ گهرجن ڇو ته خالي موڪليل خط سان اهو ڪم ممڪن ناهي، جيڪڏهن ايئن ٿي سگهي ها ته پوءِ ڪڻڪ جي کوٽ ٿئي ئي ڇو ها، يا اٽي جو اگهه ڇو وڌي ها؟ اڃان به نئين ڪڻڪ لهڻ ۾8 مهينا پيا آهن جيڪڏهن هن وقت ئي اها حالت آهي ته باقي اهي 8 مهينا ڪيئن گذرندا !؟ جنهن مان خطرو ٿو ٿئي ته ڪٿي ڪو وڏو بحران پيدا نه ٿئي. تنهن ڪري سنڌ سرڪار کي رڳو هدايتون جاري ڪرڻ بدران ڪڻڪ جي سمگلنگ کي روڪڻ لاءِ اثرائتا اپاءُ وٺڻا پوندا ۽ اٽي جي سرڪاري اگهه تي وڪري کي يقيني بنائڻ لاءِ پنهنجي مشينري کي نه رڳو متحرڪ ڪرڻو پوندو بلڪه انهي تي اک به رکڻي پوندي جيئن اڳتي سنڌ ڪنهن وڏي بحران کان بچي سگهي ۽ عوام تي بنيادي ضرورت جي پوراءُ لاءِ کيسي تي اضافي باربه نه پوي.

Bookmark the permalink.

Leave a Reply

Your email address will not be published. Required fields are marked *