تازا ترين
  • *ڪراچي: وڏي وزير مراد علي شاهه شير شاهه ۾عمارت ڪرڻ واري واقعي جو نوٽيس ورتو *وڏي وزير پاران ڪمشنر ڪراچي کي فوري طور انتظاميه کي متحرڪ ڪرڻ جي هدايت *ڪوشش ڪئي وڃي ته سمورن مزدورن جون حياتيون بچايون وڃن: وڏو وزير مراد علي شاهه*
  • *ٽنڊو غلام حيدر جي مختلف علائقن مان برسات ۽ گهارن جو پاڻي نيڪال نه ٿيو، رهواسي عذاب ۾ مبتلا *مويا نظرپور، ڏندو، حاجي صوڀو خان چانڊيو سميت 8 يوسيز جي ڪيترن ئي ڳوٺن ۾ پاڻي بيٺل پاڻي نيڪال نه ٿيڻ سبب مليريا، گيسٽرو ۽ ٻين بيماريون منهن ڪڍيو، ڪيترائي ڳوٺاڻا اسپتال ڀيڙا*
  • *سپريم ڪورٽ ۾ ذهني مريض قيدي جي موت واري سزا روڪڻ لاءِ اپيل تي ٻڌڻي *عدالت جوابدار غلام عباس جي طبي چڪاس لاءِ ميڊيڪل بورڊ جوڙي ڇڏيو *ميڊيڪل بورڊ کي طبي چڪاس ڪري ٽن هفتن اندر رپورٽ پيش ڪرڻ جو حڪم*
  • *ٽنڊو غلام حيدر ۾ ڳوٺاڻن جو برساتي پاڻي نيڪال نه ٿيڻ تي ٻارڙن کي پوليو جا ڦڙا پيئارڻ کان انڪار *ڳوٺ مير محمد لاشاري جي رهواسين برساتي پاڻي نيڪال نه ٿيڻ خلاف احتجاج ڪيو *ڳوٺ مان پاڻي نيڪال ڪرايو وڃي ٻي صورت ۾ ٻارڙن کي پوليو جا ڦڙا نه پيئارينداسين: ڳوٺاڻا*
  • *ٽنڊو ڄام زرعي يونيورسٽي ۽ وٽرنري يونيورسٽي سڪرنڊ ۾ وقتي وائيس چانسلرز جي مقرري *پروفيسر ڊاڪٽر ظهير الدين ميراڻي زرعي يونيورسٽي ٽنڊو ڄام جو وقتي وائيس چانسلر مقرر *احمد سلطان جتوئي وٽرنري يونيورسٽي سڪرنڊ جو وقتي وائيس چانسلر مقرر، نوٽيفڪيشن جاري*
  • *آصف زرداري ۽ نواز شريف هڪ ٻئي تي الزام لڳائيندا رهيا هاڻي گڏ ويٺا آھن: خرم شير زمان *بلاول جي تقرير مان لڳي پيو ته پاڪستان خلاف تحريڪ هلائڻ وڃن پيا: خرم شيرزمان *جيڪڏھن کين تحريڪ هلائڻي آھي ته ڪراچي ۽ لاڙڪاڻي کان شروع ڇو نٿا ڪن: خرم شير زمان*
  • *ڪراچي: دهشتگردي ٽوڙ عدالت ۾ انسپيڪٽر ناصر الحسن جي ٽارگيٽ ڪلنگ بابت ڪيس تي ٻڌڻي *ڏوهه ثابت نه ٿيڻ تي عدالت 5 جوابدارن کي بري ڪري ڇڏيو *اکين ڏٺن شاهدن جي تڪراري بيان جي ڪري ڏوهه ثابت نه ٿي سگهيو آهي: پوليس *
  • * ڪراچي: ميٽرڪ بورڊ شاگردن جي امتحان جا نتيجا پڌرا ڪري ڇڏيا *ڪراچي: ميٽرڪ بورڊ سائنس گروپ جي نتيجن جو اعلان ڪري ڇڏيو *ڪراچي: هڪ لک 68 هزار 880 شاگرد امتحان ۾ ڪامياب قرار*
  • *ڪشمور ويجهو سڱاوتي تڪرار تان هٿياربندن جي فائرنگ ۾ نوجوان قتل، واٽهڙو پيرسن زخمي *هٿياربندن جي فائرنگ ۾ عيد گاهه واسي علي گل سولنگي ۽ واٽھڙو پيرسن شاھمور خالدي زخمي ٿي پيا *زخمي سول اسپتال منتقل، نوجوان کي رحيم يار خان نيو پئي ويو ته رستي ۾ دم ڌڻي حوالي ڪيائين *مورزادو جکراڻي ۽ ڏاڏو جکراڻي نوجوان کي قتل ڪيو، قاتل گرفتار ڪري انصاف ڪيو وڃي: وارث *
  • *محرابپور ويجهو نوجوان بجلي جو ڪرنٽ لڳڻ سبب فوت *ڳوٺ ولي آباد ۾ علي ولد رمضان آرائين پکي مان ڪرنٽ لڳڻ سبب فوت ٿي ويو *
  • *سپريم ڪورٽ ۾ سرڪاري زمين تي پيٽرول پمپس ليز تي ڏيڻ بابت پاڻمرادو نوٽيس تي ٻڌڻي *عدالت ڪمشنر فيصل آباد پاران پيش ڪيل رپورٽ رد ڪري ڇڏي *سپريم ڪورٽ پاران ايندڙ ٻڌڻي تي ڪمشنر فيصل آباد کي ذاتي حيثيت ۾ پيش ٿيڻ جو حڪم *حڪم تي عمل نه ٿيو ته ڪمشنر ۽ اسسٽنٽ ڪمشنر ٻئي جيل ويندا: سپريم ڪورٽ*
  • *سڪرنڊ ۾ آل پارٽيز الائينس جي سڏ تي بجلي جي اڻ اعلانيل لوڊشيڊنگ خلاف احتجاجي ريلي *مظاهرين صحافي چوڪ کان ريلي ڪڍي حيسڪو آفيس جي گيٽ آڏو ڌرڻو هنيو، ڇتي نعريبازي *سڪرنڊ ۽ ڀرپاسي ۾ 16کان18 ڪلاڪ بجلي جي لوڊشيڊنگ ڪئي پئي وڃي: مظاهرين *
  • *ڪراچي: سهراب ڳوٺ وٽ پوليس ۽ ڏوهارين وچ ۾ مبينا مقابلو، 2 ڦورو زخمي حالت ۾ گرفتار *موٽر سائيڪل تي سوار ٽن جوابدارن ڦر جي ڪوشش ڪئي ته پوليس پهتي: پوليس *مقابلي ۾ زخمي ٿيل ڦورو فيروز اسپتال ۾ علاج دوران فوت ٿي ويو: پوليس *
  • *ڪراچي: شرافي ڳوٺ ۾ نجي ڪمپني جي لاڪرز مان چوري ڪندڙ جوابدار گرفتار *جوابدار لاڪرز ٽوڙي نجي ڪمپني جا 6 لک رپيا چوري ڪيا هئا: پوليس *سي سي ٽي وي فوٽيجز ۾ هڪ جوابدار ڪمپني اندر نظر آيو آهي: پوليس*
  • *رائونتي ۾ ڳوٺاڻن جو بنيادي سهولتن جي کوٽ خلاف احتجاجي ريلي، ڌرڻو *مختلف ڳوٺن جي رهواسين احتجاجي ريلي ڪڍي اي سي آفيس اوٻاوڙو آڏو ڌرڻو هنيو، نعريبازي *ڳوٺن ۾ اسڪول، پڪن روڊن ۽ اسپتال جهڙي جهڙي ڪا به سهولت نه آهي: ڳوٺاڻا*

هرڻي جهڙي ڪراچي تي حملا

روشنين جو شھر ڪراچي! جنھن ڏتڙيل ڏيھه جي ساڻا ساڻا ساھه کڻندڙ ماروئڙن سميت ڪروڙين پناهگيرن، ننڌڻڪن، لاوارث ۽ لاچارن کي پنھنجي ھنج ۾ پناھه ڏئي، اونداھين مان ڪڍي، نئين راھ ڏيکاري، ڳڀي جي ڳولا پوري ڪرڻ سميت دنيا سان ڪلھي ۾ ڪلھو ملائي ھلڻ سميت ھر شعبي ۾ مھارت حاصل ڪرڻ جا موقعا مھيا ڪيا آهن. پيرين اگھاڙا ايندڙ شخص فوٽ پاٿن تي سبزين، فروٽن جا ريڙھا لڳائي ڏسندي ڏسندي ئي امير ٿيندا ويا، ٽريڪم ۽ بيلچن سان جبل کوٽيندڙ روڊن جا ٺيڪا کڻي پنج ماڙ پلازا جا وارث ٿيندا ويا، ٽرڪن ۽ ٽرالرن ذريعي فروٽ ۽ سبزين جي خريد فروخت ڪرڻ وارا آھستي آھستي سبزي منڊيءَ جا ازلي ٺيڪيدار بڻجندا ويا، عام رڪشا ھلائيندڙ ڏسندي ئي ڏسندي ڪراچيءَ شھر ۾ ھلندڙ تقريباً سڄي ٽرانسپورٽ جا والي وارث بڻجي ويا. اھو سلسلو اتي نه رڪيو پر تعليمي، صنعتي ۽ ڪاروباري مرڪزن سميت سياست ۽ سماجي رتبن سان نوازيا ويا.ڪراچي پاڻ وٽ ايندڙ ھر ماڻھوءَ کي شفيق، مھربان ۽ ٻاجھاري ماءُ وانگر پنھنجي جھولي۾ جاءِ ڏني آھي. وڌندڙ شھري آباديءَ جو محور ڪراچي، پاڪستان جو وڏي ۾ وڏو شھر ۽ ان جي ٽرانسپورٽ، معاشي، ڪاروباري ۽ صنعتڪاري جو مرڪز آھي. ھي عربي سمنڊ سان گڏ واپار ۽ صنعت جو متحرڪ مرڪز آھي ۽ جنھن کي انٽرنيشنل ايئرپورٽ آھي جيڪو اوڀر ۽ اولھه جي ھوائي رستن کي جوڙي ٿو.
گھڻي ڀاڱي پاڪستان ۽ افغانستان جي تجارت ڪياماڙي جي جديد بندرگاهه جي ذريعي ٿيندي آهي. ڪراچيءَ جي وجود جي تاريخ مائي ڪولاچي سان وڃي ملي ٿي پر دستاويزن ۾ ڪراچي نالو ارڙهين صديءَ ۾ ملي ٿو، جڏهن ڪراچي ماھيگيرن جو ننڍڙو ڳوٺ هو جنھن کي ڪراچيءَ جو ڳوٺ ڪوٺيو ويندو هيو. بندرگاهه جي ترقي جي ڪري آھستي آھستي وڏي شھر ۾ تبديل ٿيندو ويو ۽ ھڪ اھم تجارتي ۽ صنعتي شھر بڻجي ويو. اڄ ڪراچي ڏکڻ ايشيا جي وڏين بندرگاهن مان ھڪ آھي جيڪو ملڪ جي 60 سيڪڙو مال جي کيپ Cargo جي سھولت مھيا ڪري ٿو. ڪراچيءَ جو بندرگاهه ايران نار Strait of Hormuz سان تمام ويجھو آھي جنھن جي ذريعي دنيا جي تيل جو چاليھه سيڪڙو واپار ٿيندو آهي. ڪراچي بندرگاهه جا انتظامي معاملا ڪراچي پورٽ ٽرسٽ جي سنڀال ھيٺ اچن ٿا جيڪا 1887ع ۾ ٺھي.1947ع ۾ ڪراچيءَ کي جڏھن پاڪستان جي گاديءَ جي هنڌ جو درجو ڏنو ويو ته ان جي اھميت ۾ اضافو ٿيو ۽ ان جي ترقيءَ کي تمام گهڻي ھٿي ملي .جيتوڻيڪ گاديءَ جو ھنڌ اسلام آباد منتقل ٿي چڪو آهي پر ڪراچي اڄ ڏينهن تائين به ملڪ جو وڏي ۾ وڏو صنعتي ۽ تجارتي مرڪز بڻيل آهي.ان جي صنعتي ايراضي 75 اسڪوائر ڪلوميٽر تائين ڦهليل آهي جيڪا شھري ايراضيءَ جو 4 سيڪڙو آھي.
ڪراچيءَ جون صنعتون شھر جي ٻارنھن 12 علائقن ۾ موجود آهن.انھن مان اڪثر ڀرپاسي ۽ شھر جي ٻاھرين علائقن ۾ ھيون پر وڌندڙ آباديءَ جي ڪري ڪجھه صنعتون رھائشي علائقن سان گھيرجي ويون آهن.ڪراچيءَ ۾ صنعتي ڪم جي شروعات باضابطا طور تي برٽش راڄ ۾ ٿي. نشتر روڊ تي ننڍيون صنعتون ٺھيون. ڊالميا سيمينٽ انڊسٽري 1924ع ۾ ڪراچيءَ جي ھڪ پسگردائيءَ واري علائقي ۾ ٺھي.ڪراچي ايمپريس مارڪيٽ 1884ع، ڪراچي چيمبر آف ڪامرس 1860ع، ڪراچي ريلوي اسٽيشن 1898ع، ڪراچي ايئرپورٽ 1924ع۾ قائم ٿيا اسپتالن ۾سول اسپتال 1888ع ۾ ۽ جناح اسپتال 1930ع ۾ ٺهي.ايئن ئي ڪراچي ميونسپل ڪارپوريشن 1927ع ۾سنڌ ھاءِ ڪورٽ 1923ع ۾سنڌ اسيمبلي بلڊنگ 1940ع ۾ ۽ سنڌ گورنر ھائوس 1843ع ۾قائم ٿيا، ڪراچي جا تعليمي ادارا، اين اي ڊي يونيورسٽي 1921ع ۾،ڊائو يونيورسٽي 1945ع ۾،سنڌ مدرسته اسلام 1885ع ۾سينٽ پيٽرڪ هاءِ اسڪول 1861ع ۾ ۽ سينٽ جوزف اسڪول 1861ع ۾ قائم ٿيا پر اھا ڪراچي پنھنجي ھنج مان پاليل ٻارن اڳيان اڄ بي يارو مددگار بڻيل آھي.
ڇا ڪاڻ ته ھن ماءُ جي ھنج ۾ ٻاھران آيل ٻار، جيجل جي پويتر پالنا کي وساري ان جي فرمانبرداري ڪندي وفادار ٿيڻ بجاءِ ان کي حصن ۾ ورھائڻ ٿا گھرن.
پيرين اگھاڙا ايندڙ شخص امير ٿيڻ کانپوءِ ھاڻ زبردستي حصيدار ٿيڻ پيا چاھين، ٽريڪم ۽ بيلچن وارا پلازا جا مالڪ ٿيڻ کانپوءِ ڏاڍ تي علائقا پنھنجي قبضي هيٺ ڪيو ويٺا آهن ، فروٽ ۽ سبزين جي خريد فروخت ڪرڻ وارا سبزي منڊيءَ جا ٺيڪيدار بڻجڻ کانپوءِ اتي پنھنجو راڄ قائم ڪيو ويٺا آھن، تعليمي، صنعتي ۽ ڪاروباري مرڪزن ۾ جڏھن اھي عروج تي پھتا ته پنھنجي سرزمين سينگارڻ بجاءِ ملڪيتون ۽ خاندان ٻاھرين ملڪن ۾ اماڻڻ کي ترجيح پيا ڏين ۽ ڊفينس جھڙي علائقي ۾ آرائش ماڻيندڙ پاڻ کي ٻين کان برتر سمجھندڙ Elite Class جا ماڻھو ميڊيا تي اچي ازلي وارثن لاءِ چون ٿا ته “پتا نھين ڪھان سي آجاتي ھين يه انپڙھه لوگو، معاف ڪيجيئي گا مجھي تو سنڌي لگتي ھين”
راڄڌانيءَ جي ھڪ وارث ڇا ته خوب چيو ھو ته “او…! ھرڻيءَ جھڙي ڪراچي! ايڏي سھڻي نه ٿي ته ڪو وحشي جانور توتي حملو ڪري رتو رت نه ڪري ڇڏئي”.
اڄ جڏهن ھر طرف ان کي ورھائڻ جون سازشون ٿي رھيون آھن ته اسان سنڌين “ڪراچيءَ جي حقيقي وارثن” جو اھو ازلي فرض بڻجي چڪو آھي ته ھن لازوال شھر جي تاريخ جا ورق ورائي ڏسون ته ھن ماءُ جي ھنج جھڙي شھر اسان کي تھذيب، تمدن ۽ جياپي جو ثمر ارپيو ۽ موٽ ۾ اسان ھن شھر کي ڇا ڏنو؟

Bookmark the permalink.

Leave a Reply

Your email address will not be published. Required fields are marked *