تازا ترين
  • پ پ تاريخي اي پي سي ڪوٺرائي، نواز شريف واضع۽ تفصيلي تقرير ڪئي: پ پ چيئرمين بلاول ڀٽو زرداري*گلگت بلتستان معاملي تي ڳالهائڻ لاءِ رابطو ڪيو ويو، ملڪ ۾ جمهوري آزادي چاهيون ٿا:بلاول *
  • *اسلام آباد: جعلي بئنڪ اڪائونٽس اسڪينڊل ۾ سنڌ روشن پروگرام ڪيس جي جاچ وارو معاملو *نيب راولپنڊي فرنٽ مين اياز صديقي کي ڪراچي مان گرفتار ڪري ورتو: ذريعا *اياز صديقي جعلي اڪائونٽ ۾ ڪروڙين رپيا جمع ڪرايا: نيب ذريعا*
  • *ڄام نواز علي: ڇتو ڪتو مارڻ جي ڪوشش دوران نوجوان مارجي ويو *ڳوٺ ديوان گلاب راءِ ۾ ڳوٺاڻي ڇتي ڪتي کي مارڻ لاءِ فائر ڪيو ته گولي نوجوان مادو ڪولهي کي لڳي: پوليس *پوليس واقعي واري هنڌ پهچي نوجوان جو لاش تحويل ۾ وٺي جاچ شروع ڪري ڇڏي*
  • *گهارو شهر ۾ واپاريءَ کان ڦر ڪندڙ جوابدار گرفتار نه ٿيڻ خلاف شٽربند هڙتال *2ڏينھن اڳ واپاري گڊو کان 9لک رپيا ڦر ڪرڻ بعد جوابدارن گوليون هڻي زخمي ڪيو هو *واقعي کي 48 ڪلاڪ گذرڻ باوجود پوليس جوابدار گرفتار نه ڪري سگهي آهي: احتجاج ڪندڙ واپاري*
  • *اسلام آباد: العزيزيه ۽ ايون فيلڊ ريفرنسز ۾ سزا خلاف نواز شريف جي اپيل تي ٻڌڻي *مريم نواز ۽ ڪيپٽن (ر) صفدر احتساب عدالت ۾ پهچي ويا *عدالت نواز شريف کي بري ڪرڻ واري فيصلي خلاف نيب جي اپيل تي به ٻڌڻي ڪندي *ن ليگ جي نائب صدر مريم نواز جي پيشيءَ جي موقعي تي عدالت ٻاهران سڪيورٽي جا سخت انتظام *
  • *ڀان سيدآباد: قومپرست اڳواڻ مولا بخش لغاري بيماري وگهي لاڏاڻو ڪري ويو *مولابخش لغاري جي جنازي نماز اڄ سخي سيد سليمان شاهه عيدگاهه تي ادا ڪئي ويندي*
  • *پنوعاقل پوليس جي نجي ٽارچر سيل ۾ مبينا طور تي فيصل آباد واسي وڪيل ميان اعجاز آرائين جي قتل وارو معاملو *ڊي آءِ جي لاڙڪاڻو عرفان بلوچ پوليس اهلڪارن ۽ ڪجهه خانگي ماڻھن کي وڪيل جي قتل ۾ ملوث قرار ڏئي ڇڏيو *ڊي آءِ جي لاڙڪاڻي پاران ايڊيشنل آءِ جي سکر ڏانھن انڪوائري رپورٽ موڪلي ڇڏي *وڪيل ميان اعجاز آرائين کي ڊي ايس پي مسعود مهر جي حڪم تي گرفتار ڪيو ويو: انڪوائري رپورٽ *وڪيل پوليس جي غيرقانوني حراست ۾ فوت ٿيو ۽ لاش پنجاب ۾اڇلايو ويو : انڪوائري رپورٽ *انڪوائري رپورٽ ۾ اي ايس آءِ غلام مصطفيٰ ميراڻي، ڪانسٽيبلز درگاهه ڏنو، نصير ۽ سرمد يعقوب بيگناھه قرار*
  • *سنجهورو ۾ شهرين پاران بجلي جو سڙيل ٽرانسفارمر تبديل نه ٿيڻ خلاف ڌرڻو، ٽريفڪ معطل *ڌرڻي سبب ڪيترن ئي ڪلاڪن کان شهدادپور، سانگهڙ ۽ سنجهورو روڊ تي ٽريفڪ معطل، مسافر پريشان *4مهينن کان بجلي جو ٽرانسفارمر خراب آھي، ڪيترائي ڀيرا دانهڻ باوجود تدارڪ نه ٿيو: مظاهرين*
  • *ڪراچي: سنڌ سرڪار جي 6کاتن ۾ 3 سيڪريٽريز مقرر ٿيل *اهم کاتا من پسند سيڪريٽرين کي اضافي چارج طور حوالي ڪيا ويا *تعليم، لائيو اسٽاڪ ۽ فاريسٽ کاتو مستقل سيڪريٽري کان محروم *زراعت جي سيڪريٽري رحيم سومروکي فاريسٽ جي سيڪريٽري جي اضافي چارج مليل *ثقافت کاتي سيڪريٽري اڪبر لغاري وٽ لائيو اسٽاڪ کاتي جي سيڪريٽري جي اضافي ذميواري *سنڌ ٽيڪسٽ بوڪ بورڊ جي چيئرمين احمد بخش ناريجو کي سيڪريٽري تعليم جي اضافي چارج مليل *20هين گريڊ جا ڪامورا بحران باوجود سائيڊ پوسٽن تي ويهاريل*

نوان ضلعا سنجيده ڪوشش يا ڌيان هٽائڻ جو حربو ؟

اسان جي ملڪ ۾ حڪمرانن جي اها روايت رهي آهي ته جڏهن به ڪو مسئلو سامهون ايندو آهي ته انهي کي حل ڪرڻ جي ڪوشش بدران ٻيو معاملو پيدا ڪري پهرين مسئلي تان ماڻهن جو ڌيان هٽائڻ جي ڪوشش ڪئي ويندي آهي جنهن سان هو سمجهندا آهن ته ماڻهن جو ڌيان هٽي ويو ته مسئلو به ختم ٿي ويندو پر کين اها ڳالهه سمجهه ۾ نه ايندي آهي ته ڀلي وقتي طور هو ماڻهن جو ڌيان ٻئي طرف ڪرڻ ۾ ڪامياب ٿي وڃن پر ساڳئي وقت هو جيڪو ٻيو معاملو اڳيان آڻيندا آهن اهو ئي مسئلو بڻجي وري سندن ڳچي ۾ پئجي چڪو هوندو آهي ۽ پوءِ مسئلن مٿان مسئلا پيدا ٿيندا رهندا آهن.اها حڪومت وفاقي هجي يا صوبائي سڀئي ساڳئي نموني مسئلن کي منهن ڏيڻ جي ڪوشش ڪندا آهن هونئن به جيڪو به حڪمران ٿيندو آهي انهي جا حڪمراني جا انداز هڪ جهڙا ئي ٿي ويندا آهن .
سنڌ ۽ وفاق وچ ۾ ڪراچي مسئلي تي هڪڙو مانڌاڻ متل هو سنڌ حڪومت تي وفاقي حڪومت جو دٻاءُ هو ته هو ان مسئلي تي وفاق طرفان ڪميٽي ٺاهڻ تي راضي ٿئي ته ٻئي طرف آئين ۽ سنڌ جو عوام سنڌ حڪومت کي مجبور ڪري رهيوهو ته اها ڪنهن به ريت غير آئيني قدم کڻي پنهنجي ايگزيڪيوٽو اختيارن ۾وفاق کي ڀائيوار نه ڪري،پر سنڌ حڪومت وفاق جي دٻاءُ ۽ گورنرن راڄ لاڳو ڪرڻ جي ڌمڪين ۾ اچي پنهنجي اختيارن ۾ وفاق کي ڀائيواري ڏئي ڪراچي ڪميٽي کي مڃي ويڄي،جنهن ڪري هر طرف کان سنڌ حڪومت تي تنقيد شروع ٿي وئي ۽ سنڌ حڪومت وٽ انهي ڪراچي ڪميٽي کي قبول ڪرڻ بابت ڪو به دليل نه هو جو هو تنقيد ڪندڙن کي مطمئن ڪري سگهي. بجاءِ انهي جي جو سنڌ حڪومت انهي تي ڳالهائي اوچتو ئي اوچتو سنڌ ۾ نوان ضلعا ٺاهڻ جي ڳالهه ميدان تي کڻي آئي جنهن سان ڪراچي ڪميٽي بدران بحث جو رخ نون ضلعن ٺهڻ واري ڳالهه طرف هليو ويو،توڙي جو اهو سنڌ حڪومت جو آئيني ۽ ايگزيڪيٽو اختيار آهي ته اها عوام کي سهولتون مهيا ڪرڻ لاءِ نوان ضلعا ٺاهي پر جڏهن نيت عوام کي سهولت ڏيڻ بدران ٻين معاملن تان ڌيان هٽائڻ هجي ته پوءِ اهڙو قدم فائدو ڏيڻ بدران نقصانڪار ٿي سگهي ٿو.
سنڌ ڪابينا ٻه ڏينهن اڳ ڪراچي ۾ ستون ضلعو ڪياماڙي ٺاهڻ جي منظوري ڏئي ڇڏي آهي جڏهن ته خيرپور ضلعي سميت ٻيا وڏا ضلعا ٽوڙي نوان ضلعا ٺاهڻ جي تجويز تي اجلاس ۾ غور ڪيو ويو آهي.جنهن تي هن وقت ئي اعتراض اٿڻ شروع ٿي ويا آهن،جيڪڏهن ڏسجي ته نوان ضلعا ٺهڻ عوام جي ئي فائدي جي ڳالهه آهي ڇو ته وڌندڙ آبادي ۽ پري پنڌ هجڻ ڪري عام ماڻهو جا مسئلا اوترو سولائي سان حل نه ٿا ٿي سگهن پر جيڪڏهن ننڍا ننڍا ضلعا ٺاهيا ويندا جن جي آبادي گهٽ هوندي ته ماڻهن کي انتظامي سهولتون مهيا ڪرڻ ۾ آساني هوندي ٻيو ته جيڪڏهن ڪنهن ضلعي جي هڪ ڪنڊ هيڊ ڪوارٽر کان ٻه ٽي سو ڪلوميٽر تائين هجي ته روينيو سميت ڪنهن ڪم سانگي ڊي سي يا ٻي ڪنهن آفيس ۾ ايندي ماڻهو جو سڄو ڏينهن گذري ٿو وڃي مٿان وري اسان وٽ جيڪو ٽرانسپورٽ ۽ روڊ رستن جو حال آهي اهو سڀني کي ساريو پيو آهي پر جيئن اسان مٿي چئي آيا آهيون ته نوان ضلعا ٺاهڻ جو مقصد عوام کي فائدو پهچائڻ هجي تڏهن ئي وڃي اهي ضلعا فائديمند ٿي سگهندا، باقي ارباب رحيم جي دور وانگر نوان ضلعا ڪنهن کي سياسي رشوت طور ڏيڻ لاءِ ٺاهيا ويندا ته هڪ ته اهي عوام لاءِ عذاب بنجي ويندا ته ٻئي طرف سرڪاري ناڻي جو به زيان ٿيندو.ارباب رحيم جي دور ۾ ٺهيل ضلعن جي حالت اها آهي ته شهر مان گذرندڙ ريلوي پٽڙي جو هڪ حصو هڪڙي ضلعي ۾ آهي ته ٻيو پاسو ٻئي ضلعي ۾ جنهن ڪري ماڻهن لاءِ اهي ساڳيا ئي سور آهن باقي ڪجهه سياسي خاندانن کي فائدو ضرور پهتو.
اسان سمجهون ٿا ته نوان ضلعا ٺاهڻ انتهائي ضروري آهن پر اهڙو ڪو فيصلو ڪرڻ کان اڳ روينيو کاتي جي سرڪاري سروي سان گڏ جن ضلعن ۾ الڳ ضلعو ٺاهڻ جو مطالبو ٿي رهيو آهي يا سرڪار ضروري سمجهي ٿي ته ڪنهن ضلعي کي ٽوڙي نئون ضلعو ٺاهيو وڃي ته اتان جي عوام جي سهولتن کي نظر ۾ رکيو وڃي ته جيئن وڌ ۾ وڌ عوام کي فائدو پهچي، ايئن نه ٿئي ته ضلعا ته ٺهي وڃن ۽ ڪجهه مخصوص ماڻهن کي سياسي ۽ ووٽن جو فائدو به ٿئي پر عوام جي اڪثريت سهولتن کان محروم رهجي وڃي.

Bookmark the permalink.

Leave a Reply

Your email address will not be published. Required fields are marked *