تازا ترين
  • *وزير اعظم جي درخواست تي وفاق جي نمائندگي جو فيصلو ڪيو: فروغ نسيم *جسٽس فائز عيسيٰ ريفرنس ڪيس ۾ وفاق جي نمائندگي ڪندس: فروغ نسيم *بطور وزير قانون مون عهدي تان استعيفيٰ ڏني آهي: فروغ نسيم *منهنجي دل ۾ عدليا جي لاءِ عزت ۽ قانون جي پاسداري آهي: فروغ نسيم*
  • *ڀرياسٽي ۽ ڀرپاسي ۾ رولو ڪتن 8 ڄڻن کي ڏاڙهي وڌو *ٽن عورتن سميت 8 زخمين کي اسپتال منتقل ڪيو ويو*
  • *دادو ۾ نوجوان ناري جي ڪورونا ٽيسٽ رپورٽ پازيٽو اچي وئي *ڊاڪٽر رشيد قريشي جي پنجن گهرڀاتين سميت 16 ڄڻن جي رپورٽ نيگيٽو اچي وئي *
  • * وڏي وزير سيد مراد علي شاهه سان ورلڊ هيلٿ آرگنائيزيشن جي ڪنٽري ڊائريڪٽر جي ملاقات *ملاقات دوران صحت واري وزير عذرا پيچوهو، پرنسپال سيڪريٽري ۽ ٻيا به شريڪ *اسان وٽ ڪورونا جي حوالي سان روزانو 6600 ٽيسٽ ڪرڻ جي گنجائش آهي: وڏو وزير *شهري ٽيسٽ ڪرائڻ ۾ ايترو سهڪار نه ڪري رهيا آهن، جيترو ڪرڻ گهرجي: مراد علي شاهه *
  • ڪوٽڙي ۾ وڌيڪ هڪ ڄڻي کي ڪورونا جي تصديق، متاثرن جو انگ 24 ٿي ويو *22مان هڪ ڄڻي جي ڪورونا ٽيسٽ رپورٽ پازيٽو اچي وئي * ڪورونا متاثر کي گهر ۾ ئي آئيسولٽ ڪيو ويندو: ڊي ايڇ او *
  • *قاضي احمد ۾ ڌارين کي جعلي ڊوميسائيل جاري ڪرڻ خلاف احتجاجي ريلي ڪڍي وئي *مختلف سياسي سماجي قومپرست تنظيمن جي اڳواڻن ۽ شهرين پاران ريلي ڪڍي وئي *
  • *سنجهورو: ڪشمير بارڊر تي دل جي دوري سبب فوت ٿيل فوجي جوان جو مڙهه ڳوٺ پهچايو ويو *فوجي جوان ڪاشف جٽ جو مڙھ مظفر آباد کان سندس اباڻي ڳوٺ 23 چڪ پهچايو ويو *
  • *سانگهڙ ۾ ڪورونا متاثر فوڪل پرسن جي ٻيهر ٽيسٽ رپورٽ پازيٽو اچي وئي *ڪورونا متاثر ڊاڪٽر شبير چنا جي ٻيهر ٽيسٽ رپورٽ پازيٽو اچي وئي *
  • *ڪنڊيارو شهر جي محبت ديرو ناڪي وٽ پئٽرول ڀرائڻ دوران چنگچي کي باهه لڳي وئي *مالڪ ٽپو ڏئي پاڻ کي بچايو، شهرين پهچي باهه وسائي ورتي، چنگچي سڙي وئي*
  • *ڊکڻ ويجهو پوليس جي ٽن مقتولن جا جوابدار گرفتار ڪرڻ لاءِ ڳوٺن تي چڙهائي، 2 گهر ۽ اوطاق ڊاهي پٽ*
  • *عمرڪوٽ: مسمات بشرا خاصخيلي کي تذليل ۽ تشدد جو نشانو بڻائڻ وارو معاملو *عمرڪوٽ: پوليس گذريل ڏينهن 3 جوابدارن کي گرفتار ڪرڻ کانپوءِ اڄ ميڊيڪل لاءِ اسپتال آندو *جوابدارن عرس کاڙت، قيوم کاڙت ۽ ربنواز کوسي جو ڊي اين اي ڪرايو ويو: پوليس *عورت ٿاڻي تي پهچي جوابدارن تي تشدد ۽ زيادتي ڪرڻ جو الزام هنيو هو: پوليس *
  • * اسلام آباد: احتساب عدالت ۾ راجا پرويز اشرف جي نيب ريفرنس ۾ بريت واري درخواست *رينٽل پاور ڪرپشن ڪيس جي فيصلي جي لاءِ 25 جون جي تاريخ مقرر *
  • *لاڙڪاڻي جي چانڊڪا اسپتال جي آءِ سي يو وارڊ ۾ داخل 70 ورهين جو مريض فوت *لاڙڪاڻو : گذريل ٽن ڏينهن کان سيد گلزار شاھ آءِ سي يو وارڊ ۾ وينٽيليٽر تي هو*
  • *سکر: سنڌ بار ڪائونسل جي سڏ تي هاءِ ڪورٽ، سيشن ڪورٽ ۽ ماتحت عدالتن ۾ عدالتي ڪارروائين جو بائيڪاٽ *ميرپور ماٿيلو ۾ وڪيل گل فيروز ڪلوڙ کي گرفتار ڪرڻ خلاف وڪيل برادري طرفان مظاهرا *
  • *ڪراچي جهاز سانحو: سڙي زخمي ٿيل نينگري سول اسپتال ۾ زخمن جا تاب نه سهندي فوت، 84 لاش سڃاڻپ بعد وارثن حوالي*

نمرتا قتل ڪيس: قانون ڳجها هٿ ڇو نه ٿو ڳولي؟

پاڪستان جي اها ظالماڻي تاريخ رهي آهي ته هتي هاءِ پروفائيل ڪيسن جا پيرا وڃائجي ويندا آهن، سنسني خيز خبرون گردش ڪندي ڪندي گمناميءَ ۾ غرق ٿي وينديون آهن. “خون ۽ کٿوري لڪندا ناهن” وارو محاورو هتي هاءِ پروفائيل ڪيسن جي معاملي ۾ ڪوڙو ثابت ٿيندو رهندو آهي. معاملي جي تهه تائين پهچڻ لاءِ ڪاميٽيون جوڙي ڪروڙين رپيا خرچ ڪيا ويندا آهن پر موٽ ۾ اهي ڪاميٽيون ڪو به ٻوٽو ٻاري نه سگهنديون آهن. ڪروڙين رپين عيوض ٽڪي جو کڙتيل به ناهي نڪرندو ۽ اهي هاءِ پروفائيل ڪيس ويسر جي دز هيٺان دٻجي ڪنهن ڪنڊ ۾ پئجي رهندا آهن. بلڪل ايئن جيئن ڪنهنdead pitch تي ڪا ٽيسٽ ميچ کيڏي ويندي آهي. هڻ هڻان، وٺ وٺان، کان پوءِ به اها نيٺ بنا نتيجي ختم ٿي ويندي آهي پر نمرتا ته هڪ عام ڇوڪري هئي، بنهه سادي ۽ عام، اها ڪنهن به صورت ڪا وڏي شخصيت ڪونه هئي، جنهن جو پراسرار قتل ڪنهن هاءِ پروفائيل ڪيس جيان رولڙي جو شڪار ٿي وڃي.
نمرتا ڪيس ۾ تازو آيل پوسٽ مارٽم رپورٽ هن معاملي کي نئون رخ ڏيئي ڇڏيو آهي، هاڻ هي معاملو واضع ٿيندي سامهون اچي ٿو، اڳ جيڪي هن معاملي جي حوالي سان ابهام پيدا ڪيا پئي ويا، جن ۾ عشق ۾ ناڪامي ۾ آپگهات واري ٿيوري عام هئي، تنهن مان پوسٽ مارٽم رپورٽ دم ڪڍي ڇڏيو آهي. نمرتا سان ايئن ڇو ٿي رهيو آهي، هڪ عام ڇوڪريءَ سان ٿيل زيادتي ۽ قتل جي مامري کي ڇو ايترو منجهايو ويو آهي، هڪ اهڙي عام ڇوڪري جيڪا وچولي گهراڻي جي هئي، جنهن جي والدين جو هڪ سادو سپنو هو ته سندن نياڻي ڪنهن قابل بڻجي، لاڙڪاڻي جي ڊينٽل ڪاليج مان ڊاڪٽري جي ڊگري وٺي اچي خاندان جو ڳاٽ اوچو ڪري. نمرتا هڪ اهڙي عام ڇوڪري جنهن هڪ پتڪڙو خواب پنهنجي پنبڻين ۾ پاليو هو ته هوءَ ڊاڪٽر بڻجندي، ان پکين جهڙي معصوم خواب جي ساڀيان لاءِ هوءَ لاڙڪاڻي ۾ پڙهڻ لڳي. پر نمرتا پنهنجي انجام کان بي خبر هئي، هن کي اها خبر ئي نه هئي ته هن تي جنسي بگهڙ حملو ڪندا، سندس عزت تار تار ڪرڻ کانپوءِ زندگي سان سلهاڙيل سندس ساهه جي تارن کي به ڪٽيو ويندو. نمرتا کي هيءَ دنيا ڇڏي لڳ ڀڳ ٻه مهينا ٿيڻ وارا آهن پر اڃان تائين انتظاميا، قانون اهي هٿ ڳولي ڪونه سگهيو آهي جيڪي نمرتا جي قتل ۾ ملوث آهن، هن ڳجهي قتل جي ڳجهارت جون ڳنڍيون ويتر الجهنديون ٿيون وڃن، معاملو نبيري طرف وڃڻ بدران وڌيڪ اڻ چٽو ٿيندو پيو وڃي.
مين ڪس ڪي هاٿ پر اپنا لهو تلاش ڪرون
تمام شهر ني پهني هوئي هين دستاني!
اهي قاتل جن هٿن تي دستانا چاڙهي اهو ڏوهه ڪيو آهي، سي ڪڏهن ملندا؟ ملندا به يا نه؟ ڪٿي هي ميچ به ڊرا ته ڪو نه ٿي ويندي، اهو سوال هاڻي هر ذهن ۾ گردش ڪري رهيو آهي. ساره شگفته هڪ هنڌ لکيو هو ته، “عزت جو سڀ کان ننڍو ۽ سڀ کان وڏو حوالو عورت آهي، گهرن کان وٺي فٽ پاٿ تائين ڪجهه به هن جو ناهي.” جيڪڏهن هن مامري جي سفاڪي کي ڏٺو وڃي، سنگينيءَ کي ڏٺو وڃي ته هي معاملو هاڻي رڳو نج نمرتا جو ناهي رهيو، هي معاملو هاڻي هر ان نمرتا جو آهي جيڪا نياڻي ڪنهن درسگاهه ۾ زير تعليم آهي، ڇو ته “دستانن وارا هٿ” تمام بااثر آهن، شاطر آهن، اهي ڪنهن به نياڻي سان ڪنهن به درسگاهه ۾ دست درازي ڪري سگهن ٿا.
هاڻ ڪابه نمرتا، ڪنهن به درسگاهه ۾ محفوظ ڪيئن تصور ڪري سگهجي ٿي؟ نمرتا جا قاتل نه لڀجڻ انتظاميا توڙي قانون جي اهڙي نااهلي آهي جنهن تي جيتري شرمساري محسوس ڪئي وڃي اوتري گهٽ آهي.نمرتا جي قتل ۾ حل طرف ڪنهن به اڳڀرائي جو نه ٿيڻ ان ڳالهه جو دليل آهي ته قانون نه صرف ڪمزور آهي پر نااهل به آهي قانون جي اها ڪمزوري، اها بيوسي، اها نااهلي سوين سوال اٿاري ٿي، اهڙي ديس ۾ ڪيئن رهجي، جتي انصاف نه هجي، جتي ڪا داد رسي نه ٿئي، مرزا غالب چواڻي ته:
رهئي اب ايسي جگه چل ڪر جهان ڪوئي نه هو
هم نفس ڪوئي نه هو او همنوا ڪوئي نه هو
پڙئي گر بيمار تو ڪوئي نه هو تيماردار
او اگر مرجائيي تو نوحه خوان ڪوئي نه هو
مشهور چوڻي آهي ته “انصاف ۾ دير اصل ۾ ناانصافي هوندي آهي”، انصاف ۾ دير نه ٿيڻ گهرجي، پر هتي نمرتا جي ڪيس ۾ دير ٿيندي پئي وڃي، انصاف جي اوسيئڙيءَ ۾ ويٺل اکيون ٿڪجڻ لڳيون آهن، اميدن جا ڏيئا اجهامڻ تي آهن.
هاڻي ڏسڻو اهو آهي ته نمرتا جي فائنل پوسٽ مارٽم رپورٽ جيڪا اچي چڪي آهي، سندس خودڪشيءَ متعلق جيڪي خدشا هيا سي ختم ٿي چڪا آهن ته هاڻي قانون نمرتا جي بيرحماڻي قتل تي ڪهڙي حرڪت ۾ اچي ٿو، کيس انصاف فراهم ڪرڻ ۾ ڪامياب ٿئي ٿو يا نه، اهي ڳجها هٿ ڳولي لهي ٿو يا نه، نمرتا جي ڏک ۾ سوڳوار سنڌ انهن سڀني سوالن جي جوابن جي منتظر آهي.

Bookmark the permalink.

Leave a Reply

Your email address will not be published. Required fields are marked *