تازا ترين
  • *گمبٽ ۽ ڀرپاسي ۾ گيسٽرو تي ضابطو نه آيو، وڌيڪ20 مريض اسپتال ڀيڙا *ٻارڙن ۽ عورتن سميت 20 ڄڻن کي گمس اسپتال جي ٽراما سينٽر ۾ داخل ڪيو ويو*
  • *پنوعاقل ويجهو چوپائي مال جي چوري دوران 2 چور سوگھا، مارڪٽ بعد پوليس حوالي *ڳوٺ عبدالرحمان جتوئي ۾ ڳوٺاڻن چوري دوران ٻن چورن کي ڊوڙائي ڊوڙائي پڪڙي ورتو، هڪ فرار *نرڇ واسين عبدالطيف ڀيو ۽ غلام مصطفيٰ جعفري کي پوليس حوالي ڪيو ويو*
  • *ڪراچي جي دهشتگردي ٽوڙ عدالت جوابدار رحمان ڀولا ۽ زبير چريا کي موت جي سزا ٻڌائي ڇڏي*
  • *بلديه سانحي ڪيس جو 8 سالن کانپوءِ فيصلو اچي ويو، متحده اڳواڻ رئوف صديقي شاهديون نه هجڻ تي بري*
  • *ڊگهڙي ويجهو اڌڙوٽ شخص سرفراز واهه ۾ ٻڏي فوت *جيلاني پاڙي واسي40 ورهين جو عبدالحئي عرف پٺاڻ ولد عبدالقيوم قمبراڻي سرفراز واهه ۾ ٻڏي ويو *رهواسين شهري کي پاڻي مان ڪڍي اسپتال منتقل ڪيو جتي ڊاڪٽرن سندس فوتگي جي تصديق ڪئي*
  • *سکر: خورشيد شاهه خلاف آمدني کان وڌيڪ اثاثا ڪيس، شاهدن جا بيان قلمبند ڪرڻ جي نيب جي اپيل رد *احتساب عدالت ۾ ريفرنس آهي، شاهدن جا بيان به اتي قلمبند ٿيندا: ڪنزيومر ڪورٽ *خورشيد شاهه جي ملڪيت جي حوالي سان نيب 5 شاهن جا بيان قلمبند ڪرڻ لاءِ درخواست ڏني هئي*
  • *لاهور: آمدني کان وڌيڪ اثاثا ڪيس، شهباز شريف جي گرفتاري جا امڪان *شهباز شريف جي ضمانت واري درخواست تي فيصلو اڄ ٻڌايو ويندو*
  • *سبي: ڪمپڙي پل وٽ ٽرڪ جو ڪار کي ٽڪر، هڪ نينگري فوت، 3 ڄڻا زخمي *حادثي ۾ نينگري مائين خان فوت، زخمين کي اسپتال منتقل ڪيو ويو*
  • *غوثپور:ڳوٺ شهداد ڀيو جي رهواسين پاران بنيادي سهولتون نه ملڻ ڪري پوليو مهم جو بائيڪاٽ *ڳوٺاڻن ٻارن کي پوليو جا ڦڙا پيارڻ کان انڪار ڪري ڇڏيو، پوليو ٽيمون واپس روانيون*
  • *باڊهه ۾ ٽائون ڪميٽي جي ملازمن جو پگهارن نه ملڻ خلاف احتجاجي مظاهرو *ٻن مهينن کان ٽائون آفيسر مقرر ناهي ڪيو ويو، پگهارون نه ملڻ سبب فاقاڪشي ۾ مبتلا آهيون: ملازم *
  • * وڏي وزير مراد علي شاهه جي صدارت هيٺ حيدرآباد ۽ ميرپور خاص ڊويزن ۾ امدادي ڪمن جو جائزو *سانگهڙ، ميرپورخاص ۽ عمرڪوٽ جي 5 لک ايڪڙ ايراضي تي پاڻي بيٺل آهي: بريفنگ *اسان پاڻي نيڪال وارو ڪم شروع ڪري ڇڏيو آهي: سيڪريٽري ايريگيشن *ايندڙ 15 ڏينهن ۾ ضرور پاڻي نيڪال ٿيڻ گهرجي: سيد مراد علي شاهه *
  • *راولپنڊي: بينظير ڀٽو قتل ڪيس ۾ اپيلن جي ٻڌڻي 19 آڪٽوبر تائين ملتوي ڪئي وئي *ڪيس جي پنجن ئي جوابدارن کي ايندڙ ٻڌڻي تي عدالت ۾ پيش ڪرڻ جو حڪم *سي پي او جي پيش نه ٿيڻ تي عدالت پاران سخت ڪاوڙ جو اظهار *
  • *ڏهرڪي: صفائي عملي پاران پگهارون نه ملڻ ۽ سينيٽري انسپيڪٽر کي هٿڪڙيون لڳڻ خلاف احتجاج *ٻن مهينن کان پگهارون نه ملڻ سبب گهرن ۾ فاقاڪشي واري صورتحال آهي: صفائي عملو *سينيٽري انسپيڪٽر کي بيگناهه هٿڪڙيون هڻايون ويون: صفائي عملو*
  • * جروار:ڪپهه جو فصل تباهه ٿيڻ ۽نقلي زرعي دوائون وڪرو ڪندڙ ڊيلرن خلاف احتجاج *جروار يوٿ فورم جي سڏ تي واجد گبول جي اڳواڻي احتجاجي ريلي ڪري گشت *ڊيلرن نقلي ٻج ۽زرعي دوائون ڏيئي غريب آبادگارن جو فصل تباھ ڪيو آھي: اڳواڻ *
  • *ڪنڌڪوٽ:ڏوهي سرگرمين ۾ ملوث اهلڪارن خلاف ڪريڪ ڊائون جاري *ڪنڌڪوٽ: جوا هلائڻ جي الزام ۾ هيڊ محرر ثناءُالله ڏاهاڻي رورٽ ۽ معطل *ڪنڌڪوٽ: 6پوليس اهلڪارن کي منٿلي اوڳاڙي تان ڪوارٽر گارڊ ڪيو ويو*

نئين گاج جون تباهيون ۽ ڀاڳن واري بيوروڪريسي

کير ٿر جي جابلو پٽي ۾ پيل برسات کان پوءِ جمعي جي رات نئين گاج 26 فوٽ وهي اچڻ سبب نئين گاج ڊائيورشن بند ۾ 3 هزار فوٽ جو گهارو پئجي ويو.پهاڙن مان ايندڙ پاڻي جو اهو تيز وهڪرو ڪاڇي ۾ تباهي مچائيندو ڪنڊو ٻٻر ، بکر شهيد ، پٽ سليمان ، ننگر داريو ، طالباڻي لنڊ ، غلام محمد لنڊ ، نوشهرو ، عباس لنڊ ، شهڪ رودناڻي سميت ڪيترائي ڪاڇي جا ڳوٺ ٻوڙي ڇڏيا.قصبو ، حاجي خان ، ساوڙو ، ڇني ، فضل جمالي سميت سوين ڳوٺن کي گهيري ۾ آڻي ڇڏيو آهي ۽ ڪاڇي جو سڄو اسٽريڪچر تباھه ڪري ڇڏيو آهي. جوهي کان واهي پانڌي ، حاجي خان ، ڇني کان ٽنڊو رحيم خان ، ڇني کان شاھه حسڻ سميت اڪثر ڪاڇي جي روڊن رستن کي هنڌان هنڌان لوڙهي تباھه ڪري ڇڏيو آهي. قصبو ، ڊرگھه بالا ، ڪنڊو ٻٻر سميت ڪيترن ئي ننڍن وڏن شهرن توڙي ڳوٺن ۾ 48 ڪلاڪن کان ماڻهو ڦاٿل آهن جن کي ريسڪيو ناهي ڪيو جتي ماڻهو بي يارو مدد گار بڻيل آهن. ڪيترن ئي ڳوٺن ۾ ماڻهن جو چوپايو مال ، اناج ۽ ٻيو سامان لڙهي وڃڻ جون ڳالهيون سامهون اچي رهيونآهن ، گاج نئين جي وهڪري سبب هزارين ايڪڙن تي بيٺل سبزي وونئڻن جو فصل تباھه ٿيڻ سان گڏ بور ، موٽر ۽ سولر پليٽون پڻ لڙهي وڃڻ سبب ڪاڇي واسين کي ڪروڙين روپين جا نقصان رسيو آهي ۽ ڇنڇر ڏينهن اهو پاڻي جوهي ڀرسان ايف پي بند سان اچي لڳو ۽ ايف پي بند کي پائڻ لڳو جوهي ڀرسان ڳوٺ محمد پناھه رودناڻي سامهون ايف پي بند کي لڳل اسڪيپ وٽان روڻيون پوڻ سان گڏ ايف پي بند جي آر ڊي 49، 50 ، 43 وٽان پڻ روڻيون پوڻ ڪري گاج جو پاڻي ڇني شاخ ۾ تيزي سان وهندو رهيو جنهن تي ڀرپاسي ڳوٺاڻا پنهنجي مدد پاڻ تحت روڻيون بند ڪرڻ جي ڪوشش ڪندا رهيا پر ان وقت آبپاشي کاتي جو ايس اي منصور احمد ميمڻ پڻ موجود هو پر مشينري موجود نه هئڻ ڪري موقعي تي روڻيون بند ڪرڻ لاءِ ڪي به اپاءُ نه ورتا ويا. ڳوٺاڻن پنهنجي اخبار سان ڳالهائيندي آبپاشي عملدارن تي هٿ سان گهارا هڻائي سندن ڳوٺ ٻوڙائڻ جو الزام هڻندا رهيا.جڏهن ته اتي موجود آبپاشي کاتي جا آفيسر چوندا رهيا ته ڪو به خطرو ناهي هي معمولي روڻيون آهن.
آبپاشي آفيسرن جي نظر ۾ معمولي روڻيون گهارن ۾ تبديل ٿي ويون نتيجي ۾ آر ڊي 56 ڀرسان اسڪيپ ڀرسان پيل روڻيون گهاري ۾ تبديل ٿي ويون ۽ آر ڊي 44 ۽ 51 وٽان پڻ گهارا پوڻ ڪري پاڻي جو وڏو وهڪرو ڇني شاخ کي ڪراس ڪري جوهي جي ڏکڻ ۾ پڪي واري علائقي ڏانهن وڌڻ تي جوهي ڇني روڊ سان ڳوٺ ولي محمد رودناڻي ، فيض محمد رودناڻي سميت 10 ڳوٺن مان سوين خاندانن لڏ پلاڻ شروع ڪري پنهنجن ٻچن ٻارن ۽ چوپائي مال سميت محفوظ هنڌن ڏانهن هليا ويا. ان کان اڳ جوهي ڀرسان آبپاشي کاتي جي صوبائي وزير سهيل انور سيال صحافين آڏو آن رڪارڊ ڳالهائيندي چيو ته پاڻي وڏو آهي پر ايف پي بند کي ڪو به خطرو ناهي مشينري گهرائي آهي جتي بند ڪمزور هوندو يا روڻيون پوڻ جي صورت موقعي تي مرمتي ڪم ڪيو ويندو پر صوبائي وزير جون اهي ڳالهيون به هوائي ثابت ٿيون سندس ڳالھه ٻولھه جي ڪلاڪ کانپوءِ ايف پي بند ۾ لڳل روڻيون گهارن ۾ تبديل ٿي ويون نتيجي ۾ جوهي ڪاڇي واري بيلٽ ۾ تباهي مچائيندڙ گاج جو پاڻي جوهي تعلقي جي پڪي واري علائقي ۾ داخل ٿي ويو .
جوهي جي ڏاکڻي پاسي ڇني جوهي روڊ کي پاڻي اور ٽاپ ڪري يوسي ڪمال خان جي ڳوٺن ڏانهن تيزي سان وڌندي جوهي ڀان روڊ سان لڳو آهي انهي وچ ۾ ايندڙ ولي محمد رودناڻي ، فيض محمد ، محمد پناھه ، خاصخيلي ڳوٺ ، هاشم جمالي ، سعيد خان جمالي ، ٻاجهي مستوئي سميت 10 کان وڌيڪ ڳوٺن ۾ پاڻي داخل ٿي ويو آهي ۽ 30 کان وڌيڪ ڳوٺ پاڻي جي گهيري ۾ اچي ويا آهن جوهي ۾ پيدا ٿيل اهڙي صورتحال جو جائزو وٺڻ سنڌ جو وڏو وزير سيد مراد علي شاھه جوهي ۾ ايف پي بند پهتو ۽ ايف پي بند ۾ پيل گهارن بابت جڏهن کيس آبپاشي کاتي جي آفيسرن بريفنگ ڏني ته وڏي وزير مٿن ڪاوڙ جو اظهار ڪندي چيو ته اسڪيپ ۽ مختلف آر ڊيز وٽ پيل روڻيون بند ڇو نه ڪيون ويون جنهن تي کيس ٻڌايو ويو ته مشينري دادو ۾ به موجود نه هئي ان ڪري کين وقت لڳو جنهن تي وڏي وزير آبپاشي آفيسرن کي ڇنڊ پٽيندي چيو ته توهان کي اڳواٽ ئي الرٽ ڪيو هو ته پوءِ توهان سستي ڇو ڪئي هي گهارا توهان جي غفلت جو نتيجو آهن جنهن جي جاچ ڪرائي غفلت ڪندڙن خلاف ڪاروائي ڪندس. جنهن کان پوءِ وڏو وزير ڪاوڙ وچان جوهي ، واهي پانڌي روڊ تي لڳل ڪئمپ ۾ متاثرن ۾ راشن ورهائڻ کان بغير ئي هليو ويو جنهن سبب متاثرن لاءِ آندل راشن جا سوين ڪٽا پوليس موبائيل ۽ ٽرڪ ذريعي واپس نيا ويا. جوهي ۾ پيدا ٿيل اهڙي صورتحال ۾ اهو ئي ثابت ٿيو جيڪي ڳوٺاڻن خدشا ظاهر ڪيا هئا ته هي روڻيون بند نه ٿيون ڪيون وڃن جنهن مان لڳي ٿو ته آبپاشي آفيسر ۽ دادو انتظاميا هٿ وٺي کين ٻوڙائڻ گهري ٿي ته جيئن ايف پي بند ۾ گهارا پون ۽ کين فنڊ ملن ته سندن ڪمائي جو ذريعو پيدا ٿئي. ڳوٺاڻن جا خدشا 100 سيڪڙو سچ ثابت ٿيا آهن وڏي وزير جي وڃڻ کانپوءِ وڏي تعداد ۾ مشينري به پهچي وئي ، مٽي کڻڻ لاءِ ڊمپر ۽ پٿر پهچائڻ لاءِ ٽرڪن جون قطارون لڳي ويون آهن وڏي وزير جي واپس وڃڻ کانپوءِ هڪ ڪلاڪ اندر ايڏي وڏي مقدار ۾ مشنري جو ايف پي بند تي پهچڻ سوين سوالن کي جنم ڏئي ٿو.

Bookmark the permalink.

Leave a Reply

Your email address will not be published. Required fields are marked *