تازا ترين
  • پ پ تاريخي اي پي سي ڪوٺرائي، نواز شريف واضع۽ تفصيلي تقرير ڪئي: پ پ چيئرمين بلاول ڀٽو زرداري*گلگت بلتستان معاملي تي ڳالهائڻ لاءِ رابطو ڪيو ويو، ملڪ ۾ جمهوري آزادي چاهيون ٿا:بلاول *
  • *اسلام آباد: جعلي بئنڪ اڪائونٽس اسڪينڊل ۾ سنڌ روشن پروگرام ڪيس جي جاچ وارو معاملو *نيب راولپنڊي فرنٽ مين اياز صديقي کي ڪراچي مان گرفتار ڪري ورتو: ذريعا *اياز صديقي جعلي اڪائونٽ ۾ ڪروڙين رپيا جمع ڪرايا: نيب ذريعا*
  • *ڄام نواز علي: ڇتو ڪتو مارڻ جي ڪوشش دوران نوجوان مارجي ويو *ڳوٺ ديوان گلاب راءِ ۾ ڳوٺاڻي ڇتي ڪتي کي مارڻ لاءِ فائر ڪيو ته گولي نوجوان مادو ڪولهي کي لڳي: پوليس *پوليس واقعي واري هنڌ پهچي نوجوان جو لاش تحويل ۾ وٺي جاچ شروع ڪري ڇڏي*
  • *گهارو شهر ۾ واپاريءَ کان ڦر ڪندڙ جوابدار گرفتار نه ٿيڻ خلاف شٽربند هڙتال *2ڏينھن اڳ واپاري گڊو کان 9لک رپيا ڦر ڪرڻ بعد جوابدارن گوليون هڻي زخمي ڪيو هو *واقعي کي 48 ڪلاڪ گذرڻ باوجود پوليس جوابدار گرفتار نه ڪري سگهي آهي: احتجاج ڪندڙ واپاري*
  • *اسلام آباد: العزيزيه ۽ ايون فيلڊ ريفرنسز ۾ سزا خلاف نواز شريف جي اپيل تي ٻڌڻي *مريم نواز ۽ ڪيپٽن (ر) صفدر احتساب عدالت ۾ پهچي ويا *عدالت نواز شريف کي بري ڪرڻ واري فيصلي خلاف نيب جي اپيل تي به ٻڌڻي ڪندي *ن ليگ جي نائب صدر مريم نواز جي پيشيءَ جي موقعي تي عدالت ٻاهران سڪيورٽي جا سخت انتظام *
  • *ڀان سيدآباد: قومپرست اڳواڻ مولا بخش لغاري بيماري وگهي لاڏاڻو ڪري ويو *مولابخش لغاري جي جنازي نماز اڄ سخي سيد سليمان شاهه عيدگاهه تي ادا ڪئي ويندي*
  • *پنوعاقل پوليس جي نجي ٽارچر سيل ۾ مبينا طور تي فيصل آباد واسي وڪيل ميان اعجاز آرائين جي قتل وارو معاملو *ڊي آءِ جي لاڙڪاڻو عرفان بلوچ پوليس اهلڪارن ۽ ڪجهه خانگي ماڻھن کي وڪيل جي قتل ۾ ملوث قرار ڏئي ڇڏيو *ڊي آءِ جي لاڙڪاڻي پاران ايڊيشنل آءِ جي سکر ڏانھن انڪوائري رپورٽ موڪلي ڇڏي *وڪيل ميان اعجاز آرائين کي ڊي ايس پي مسعود مهر جي حڪم تي گرفتار ڪيو ويو: انڪوائري رپورٽ *وڪيل پوليس جي غيرقانوني حراست ۾ فوت ٿيو ۽ لاش پنجاب ۾اڇلايو ويو : انڪوائري رپورٽ *انڪوائري رپورٽ ۾ اي ايس آءِ غلام مصطفيٰ ميراڻي، ڪانسٽيبلز درگاهه ڏنو، نصير ۽ سرمد يعقوب بيگناھه قرار*
  • *سنجهورو ۾ شهرين پاران بجلي جو سڙيل ٽرانسفارمر تبديل نه ٿيڻ خلاف ڌرڻو، ٽريفڪ معطل *ڌرڻي سبب ڪيترن ئي ڪلاڪن کان شهدادپور، سانگهڙ ۽ سنجهورو روڊ تي ٽريفڪ معطل، مسافر پريشان *4مهينن کان بجلي جو ٽرانسفارمر خراب آھي، ڪيترائي ڀيرا دانهڻ باوجود تدارڪ نه ٿيو: مظاهرين*
  • *ڪراچي: سنڌ سرڪار جي 6کاتن ۾ 3 سيڪريٽريز مقرر ٿيل *اهم کاتا من پسند سيڪريٽرين کي اضافي چارج طور حوالي ڪيا ويا *تعليم، لائيو اسٽاڪ ۽ فاريسٽ کاتو مستقل سيڪريٽري کان محروم *زراعت جي سيڪريٽري رحيم سومروکي فاريسٽ جي سيڪريٽري جي اضافي چارج مليل *ثقافت کاتي سيڪريٽري اڪبر لغاري وٽ لائيو اسٽاڪ کاتي جي سيڪريٽري جي اضافي ذميواري *سنڌ ٽيڪسٽ بوڪ بورڊ جي چيئرمين احمد بخش ناريجو کي سيڪريٽري تعليم جي اضافي چارج مليل *20هين گريڊ جا ڪامورا بحران باوجود سائيڊ پوسٽن تي ويهاريل*

مڪاني ادارا ۽بجلي ڪمپنيون ڪڏهن سڌرنديون؟

سموري سنڌ انيڪ مسئلن جي ور چڙهيل آهي، عام ماڻهو کي بنيادي شيون بجلي، پيئڻ جو صاف پاڻي، صفائي سٿرائي، ڊرينيج سسٽم ، صحت ۽ انصاف به ميسر ناهن ،عام ماڻهو ته انهن مسئلن ۽ حڪومتي توڙي انتظامي نا اهلي تي دانهون ڪندو رهي ٿو ۽ شايد ئي ڪو شهري هجي جيڪو انهن سهولتن ملڻ بابت مطمئن هجي پر هاڻي حالت اها وڃي بيٺي آهي جو اهي بنيادي شين جا معاملا به اعليٰ عدالتن تائين پهتا آهن،۽ معزز جج صاحبان به عوام کي اهي شيون نه ملڻ تي ڳڻتي جو اظهار ڪري رهيا آهن.ڪجهه ڏينهن اڳ ڪراچي ۾ گندگي بابت سنڌ هاءِ ڪورٽ جو جسٽس خادم حسين شيخ هڪ ڪيس جي ٻڌڻي ڪري رهيو هو ته وڪيلن جج صاحب کي ڪجهه تصويرون ڏيکاريون . ان ڪيس ۾ مڪاني ادارن وارو سيڪريٽري به ڌر بڻيل هو پر اهو عدالتي حڪم باوجود پيش نه ٿيو هو. جنهن تي جسٽس خادم شيخ فوري طور تي کيس طلب ڪندي ريمارڪس ڏنا ته ڪراچي جي حالت ڏسي دل رت جا ڳوڙها ڳاڙي رهي آهي ڇا ڪنهن وڏي شهر جي اهڙي حالت هوندي آهي؟ ڪير پنهنجي ذميواري پوري ڪرڻ لاءِ تيار ناهي، سنڌ هاءِ ڪورٽ ريمارڪس ڏنا ته سياستدان جڏهن اقتدار ۾ ناهن هوندا ته وڏيون وڏيون ڳالهيون ڪندا آهن، پر جيئن ئي انهن وٽ پاور اچي ويندو آهي ته اهي پنهنجا واعدا وساري ويهندا آهن جڏهن ته وري ڪراچي ميونسپل ڪارپوريشن وارا آئي ڏينهن فنڊ نه ملڻ جون دانهون ڪندا آهن ته فنڊ ناهن ڪم ڪيئن ڪيون.؟ سنڌ سرڪار ٻڌائي ته جڏهن ڪي ايم سي کي فنڊ جاري نه ٿا ڪيو ته توهان پاڻ ڪم ڇو نه ٿا ڪيو، شهر جي صفائي ڇو نه ٿي ٿئي؟ عدالت جي اهڙي سوال تي مڪاني ادارن واري کاتي جي ڊپٽي ڊائريڪٽر چيو ته شهر کي صاف ڪرڻ جي ذميواري ڪي ايم سي جي آهي ۽ جيڪڏهن اها ڪم نه ڪندي ته سنڌ سرڪار انهن خلاف ڪارروائي ڪرڻ جا اختيار رکي ٿي ۽ انهن خلاف ڪارروائي ڪري سگهون ٿا. عدالت ايندڙ ٻڌڻي تي سنڌ سرڪار کان جواب طلب ڪيو آهي ته ٻڌايو ته ڪيتريون ڪارروايون ڪيون ويون ۽ شهر مان گند ڪچرو کڻي رپورٽ پيش ڪئي وڃي.جيڪڏهن ڏسجي ته اهو رڳو هڪڙي شهر جو مسئلو ناهي اهو ته هڪڙو ڪيس هو ڪراچي جو جيڪو عدالتن جي آڏو آيو آهي انهي کانسواءِ سنڌ جي هر شهر جي اها حالت آهي جتي نه شهرين کي پيئڻ جو صاف پاڻي ٿو ملي نه ئي نيڪال جو ڪو اثرائتو نظام آهي جنهن جو مثال ڪجهه ڏينهن اڳ ٿوري برسات هئي جنهن ڪري ڪيترائي شهرن جا روڊ رستا تلائن جي صورت اختيار ڪري ويا هيا. ڪنهن به شهر ۾ صفائي نالي ڪا شيءَ نظر نه ايندي هر روڊ رستو گند ڪچري جو ڍير لڳو پيو هوندو آهي. انهي کانسواءِ بجلي جو به مسئلو آهي جنهن جي هر شهر ۾ 18 ،18 ڪلاڪن تائين لوڊشيڊنگ ٿيندي رهي ٿي پر ڪير انهي مسئلي کي حل ڪرڻ لاءِ تيار ناهي. جنهن ڪري اهو معاملو به عدالت ۾ آيل آهي،
سنڌ هاءِ ڪورٽ ۾ بجلي جي معاملي تي به هڪ اهم ٻڌڻي ٿي هئي عدالتي حڪم باوجود ڪراچي ۾ لوڊشيڊنگ ختم نه ٿيڻ تي عدالت ريمارڪس ڏيندي چيو ته ڪي اليڪٽرڪ عوام لاءِ عذاب بڻجي وئي آهي، اڻ اعلانيل لوڊشيڊنگ عوام جو جيئڻ جنجال ڪري ڇڏيو آهي ڇو نه ڪي اليڪٽرڪ جو لائسنس رد ڪيو وڃي. ڪي اليڪٽرڪ ۾ صرف نااهل ماڻهو ڀرتي ٿيل آهن. اهڙي حالت رڳو ڪي اليڪٽرڪ جي ناهي ،حيسڪو ۽ سيپڪو جي ته انهي کان به حالت وڌيڪ خراب آهي ،ڪراچي وڏو شهر هجڻ ڪري اتي ٿيندڙ مسئلن جي دانهن حڪمرانن تائين جلد پهچي وڃي ٿي پر ننڍن شهرن سان ته اهو عذاب آهي ته مسئلا حل ٿيڻ ته پري جي ڳالهه رڳو دانهن به حڪمرانن ۽ انتظاميا جي ڪنن تائين نه ٿي پهچي يا اها دانهن پهچائڻ لاءِ ماڻهن کي مسلسل احتجاج ڪرڻو پوي ٿو.سوال اهو ٿو پيدا ٿئي ته نيڪال نظام،گندگي ۽ بجلي جهڙا بنيادي مسئلا به جڏهن انتظاميا حل نه ٿي ڪري سگهي۽ انهن لاءِ به عدالتن کي مداخلت ڪرڻ پئي يا هدايتون ڏيڻيون پون ته اهي ته پوءِ هي حڪمران ۽انتظامي مشينري ڪهڙي مرض جي دوا آهي جيڪا عوام جي ٽئڪس جي پئسن مان پگهارن سميت سموريون سهولتون وٺي رهي آهي ؟ ڪراچي وڏو شهر هجڻ ڪري اتان جي رهواسين کي ڪٿي نه ڪٿي رليف ملي وڃي ٿو ڇو جو ڪراچي واسي ڪڏهن ڪورٽن ٻاهران ته ڪنهن مهل ريڊزون ۾ ته ڪنهن مهل ڪي اليڪٽرڪ جي هيڊ آفيس آڏو ڌرڻو هڻي ويهي ٿا رهن ۽ انهن جا مسئلا 100 سيڪڙو نه ته به ڪنهن حد تائين حل ٿي وڃن ٿا پر حيسڪو ۽ سيپڪو جي صارفين سان ته ان کان وڌيڪ حالت خراب آهي ڇو ته اهي ٻئي بجلي ورهائيندڙ ڪمپنيون ته ڪي اليڪٽرڪ وارن کان به چڙهيل آهن انهن جي ايرياز ۾ ته 18 کان 20 ڪلاڪن تائين لوڊشيڊنگ ڪئي وڃي ٿي پر انهن کان ڪير پڇڻ وارو ناهي ايتري حد تائين جي ڪنهن علائقي جا رهواسي اگر لوڊشيڊنگ خلاف احتجاج ڪن ٿا انهن علائقن جا ٽرانسفارمر لاهي انهن کي سزا ڏني ويندي آهي ته جيئن اهي احتجاج جي وري ڪوشش نه ڪن.اسان سمجهون ٿا ته جڏهن ٿوري بهتر انتظام ڪاري سان جيڪي مسئلا حل ٿيڻ جوڳا هجن انهن بابت اعليٰ عدليا جي جج صاحبان جا اهڙي ريمارڪس اچن ته دل رت جا ڳوڙها ٿي ڳاڙي ته انهي کان وڌيڪ ذميوار ادارن ۽ سنڌ حڪومت جي ڪهڙي خراب ڪارڪردگي ٿي سگهي ٿي .ان ڪري ضرورت ان ڳالهه جي آهي ته لاڳاپيل ادارا پنهنجي شهرين کي بنيادي قسم جي سهولتون مهيا ڪرڻ لاءِ پنهنجي ڪم ڪار جي طريقيڪار تي نظر ثاني ڪن جيئن عوام مشڪلاتن ۽ عملدار عدالتي پڇاڻي کان بچي سگهن .

Bookmark the permalink.

Leave a Reply

Your email address will not be published. Required fields are marked *