تازا ترين
  • *اڳوڻو آسٽريلين بيٽسمين ڊين جونز دل جو دورو پوڻ ڪري لاڏاڻو ڪري ويو *ڊين جونز 59 ورهين جي ڄمار ۾ لاڏاڻو ڪري ويو *ڊين جونز پي ايس ايل ۾ اسلام آباد يونائٽيڊ جو ڪوچ رهيو هو*
  • *بدين ۾ پگهارون نه ملڻ خلاف ميونسپل عملي پاران ڪم ڇڏ هڙتال ڪري آفيس آڏو معصوم ٻارڙن سميت احتجاج *نااهل ۽ ڪرپٽ سي ايم او کي هٽائي فوري طور تي پگهارون جاري ڪيون وڃن: احتجاج ڪندڙ ملازم *
  • *بدين: ڪڍڻ رورل ھيلٿ سينٽر جو ايم ايس ڊاڪٽر شجاعت خواجا ڪورونا وائرس جو شڪار *ايم ايس ڊاڪٽر شجاعت خواجا جي ٽيسٽ پازيٽو اچڻ بعد رورل هيلٿ سينٽر سيل ڪيو ويو *
  • *ڀٽ شاھه: شاھ لطيف فائونڊيشن پاران عالمي مشائخ ڪانفرنس ملتوي ڪرڻ جو اعلان *درگاھ ڀٽائي جي سجاده نشين پاران ميلي جون غيرسرڪاري تقريبون ملتوي ڪرڻ جو اعلان *ڪورونا سبب سنڌ حڪومت جي فيصلي جو احترام ڪريون ٿا: سجاده نشين *رڳو عرس جون رسمون ايس او پيز تحت ادا ڪيون وينديون*
  • *ڪراچي ۾ سنڌي نوجوان جي قتل خلاف جروار ۾ احتجاجي ريلي، ڌرڻو *مختلف سياسي سماجي تنظيمن جي ڪارڪنن ۽ شهرين ريلي ڪڍي مين چوڪ تي ڌرڻو هنيو، نعريبازي *ڪراچي ۾ ڌرتي ڌڻين کي بيگناهه قتل ڪرڻ جو سلسلو جاري آهي: مظاهرين *عبدالحميد گبول جي قتل ۾ ملوث ٻين جوابدارن کي به گرفتار ڪري عبرتناڪ سزا ڏني وڃي: مظاهرين*
  • *سيوهڻ ويجهو ڪارنهن جي مبينا الزام هيٺ سهري هٿان ناري قتل، جوابدار ٿاڻي تي پيش *ڳوٺ بچل چنا ۾ جوابدار گلشير چنا پنهنجي ننهن 25 ورھين جي فائزا چنا کي گوليون هڻي قتل ڪري ڇڏيو *جوابدار قتل ڪرڻ بعد پسٽل سميت گرفتاري ڏيئي ڇڏي، غيرت ۾ اچي قتل ڪيو: گلشير چنا جو اعتراف *پوليس پاران مقتولا ناري جو لاش ضروري ڪارروائي لاءِ سيوھڻ اسپتال پھچايو ويو*
  • رائونتي جي ڪچي ۾ پوليس جي مبينا مقابلي ۾ زخمي ٿيل ڏوهاري اسپتال ۾ دم ڏئي ڇڏيو *رات دير سان بچاءَ بند وٽ مقابلي دوران ڏوهاري محمد نواز سيال کي زخمي حالت ۾ گرفتار ڪيو هو: پوليس *زخمي ڏوهاري کي سکر اسپتال منتقل ڪيو ويو جتي فوت ٿي ويو:پوليس *جوابدار محمد نواز سيال تي سنگين قسم جا ڪيس داخل آهن: پوليس*
  • *دادو ويجهو ٻن موٽرسائيڪلن ۾ آمهون سامهون ٽڪر، يعقوب پٽ ڦوٽو فوت ٿي ويو *
  • *ڪشمور: عدالت پاران3ڄڻن کي بلاجواز گرفتار ڪرڻ تي ٽن اهلڪارن تي ڪيس داخل ڪرڻ جو حڪم *ڪشمور جي عدالت ٽن ڄڻن کي بلاجواز گرفتار ڪرڻ بابت ڪيس جي ٻڌڻي ڪئي *ڪشمور: عدالت سي سيڪشن ٿاڻي جي ايس ايڇ اوسميت ٽن اهلڪارن تي ڪيس داخل ڪرڻ جو حڪم ڏنو *
  • *اسلام آباد: احتساب عدالت ۾ آصف زرداري، نواز شريف ۽ يوسف رضا گيلاني خلاف توشه خانه ريفرنس تي ٻڌڻي *اڳوڻو وزيراعظم يوسف رضا گيلاني احتساب عدالت ۾ پيش *عدالت ٻڌڻي پهرين آڪٽوبر تائين ملتوي ڪري ڇڏي *
  • *ڪنري ويجهو واپاري کان ڦر دوران هڪ ڦورو سوگهو، مارڪٽ *ڳوٺ شاھ بيگ چانڊيو وٽان ڦورو واپاري کان موٽرسائيڪل ڦر ڪري فرار ٿي رهيا هئا ته ڳوٺاڻا پهچي ويا * ڳوٺاڻن هڪ ڦورو کي پڪڙي مارڪٽ ڪرڻ بعد سندس هٿ پير ٻڌي ويهاري ڇڏيو، پوليس نه پهتي
  • *نوري آباد ويجهو مزدا ۽ ٽرالر ۾ ٽڪر، هڪ ڄڻو فوت *موٽر وي تي حادثي ۾ مزدا ڊرائيور پنجاب واسي محمد اسلم راجپوت فوت ٿي ويو *
  • *ڪنري ويجهو واپاري کان ڦر دوران هڪ ڦورو سوگهو، مارڪٽ *ڳوٺ شاھ بيگ چانڊيو وٽان ڦورو واپاري کان موٽرسائيڪل ڦر ڪري فرار ٿي رهيا هئا ته ڳوٺاڻا پهچي ويا *ڳوٺاڻن هڪ ڦورو کي پڪڙي مارڪٽ ڪرڻ بعد سندس هٿ پير ٻڌي ويهاري ڇڏيو، پوليس نه پهتي*
  • *نواب ولي محمد ڀرسان ملواهه شاخ وٽ نوجوان جو لاش هٿ، سڃاڻپ نه ٿي*لاش جي نِڪ ۽ وات مان رت وهي رهيو هو، لڳي ٿو هڪ ڏينهن پُراڻو آهي: پوليس *
  • *مورو: داد بئراج ۾ ٻڏي ويل ملير واسي محمد فاروق جٽ جو لاش هٿ *ٻڏي ويل ڊرائيور مزدا کي ڌوئي رهيو هو ته پير ترڪڻ سبب داد بئراج ۾ ڪري پيو*

منهنجي سنڌ “ڪراچي ڪميٽي ” قبولي وٺندي ؟

سنڌ حڪومت ترديدون ڪندي ڪندي نيٺ وفاقي حڪومت طرفان ڪراچي جي مسئلن بابت ٺاهيل ڪميٽي جو اعلان ان ئي ڏينهن ڪيو جنهن ڏينهن ڪراچي کي ڌار ڪرڻ جي مبينا ڪوشش تي وفاقي حڪومت خلاف پ پ سڄي سنڌ ۾ مظاهرن جو سڏ ڏنو هو. عوام جي شديد مخالفت باوجود مراد علي شاهه صاحب، ناصر شاهه صاحب ۽ سعيد غني صاحب سيڙجي وڃي اسلام آباد پهتا ۽ پرائيم منسٽر هائوس ۾ ويهي ڪميٽي ٺاهي ڇڏي. هاڻي وري ترديد بدران معاملي کي ڍڪ ڏيڻ لاءِ چيو پيو وڃي ته ڪميٽي ڪراچي لاءِ نه پر سڄي سنڌ بابت آهي، پر ٻن ٽن ڪلاڪن کانپوءِ ڪميٽي جي وفاقي ميمبرن اسد عمر، علي زيدي ۽ امين الحق پريس ڪانفرنس ڪئي جنهن سان ٻلي ٿيلهي مان ٻاهر اچي وئي ته هي ڪميٽي سنڌ لاءِ ناهي. ڇاڪاڻ ته جيڪي 6 مسئلا ڪميٽي ٺاهڻ لاءِ ٻڌايا ويا اهي سمورا ڪراچي سان لاڳاپيل آهن. ڪراچي ۾ پيئڻ جو پاڻي،گندي پاڻي جي نيڪال جو مسئلو، ڪچرو، روڊ رستا، ٽرانسپورٽ اهي 6 ئي مسئلا ڪراچي شهر لاءِ ٻڌايا ويا.
اهو پاڻ سڀ ڄاڻون ٿا ته هي ڪميٽي ٺاهڻ سنڌ سرڪار جي ڪا آئيني ۽ قانوني مجبوري نه هئي. اسان جي آئين يا قانون مطابق سنڌ سرڪار پابند ناهي ته هو ڪا اهڙي ڪميٽي ٺاهي. پراها ڪميٽي ان دٻاءُ جو نتيجو آهي جيڪو پي ٽي آءِ جي اڳواڻن طرفان بار بار وڌو پئي ويو ته ڪميٽي ٺاهڻ جي ڳالهه قبول ڪئي وڃي نه ته ٻي صورت ۾ گورنر راڄ سميت آرٽيڪل 149 جا آپشن به وفاق وٽ موجود آهن. ظاهر آهي سنڌ سرڪار پنهنجي دعوائن جي ابتڙ 48 ڪلاڪ به اهو دٻاءُ برداشت نه ڪري سگهي پ پ ڀلي هاڻي سو دليل ۽ بهانا ڏئي پر سنڌ جي ماڻهن لاءِ اها انتهائي ڏکوئيندڙ ڳالهه آهي.جيڪي معاملا ڪميٽي ڏسندي اهي خالصتن صوبائي معاملا آهن بلڪه صوبائي ته ڇا اهي ته ميونسپل ۽ مڪاني سطح جا معاملا آهن جن کي بهانو بڻائي ڪميٽي ٺاهي وئي آهي جنهن جو سڌو مطلب اهو ٿيو ته پيپلز پارٽي سرڪار دٻاءُ ۾ اچي راڄوڻي ذريعي پنهنجي ايگزيڪيوٽو اختيارن ۾ وفاق کي ڀائيوار بڻائي ڇڏيو آهي جنهن سان ارڙهين ترميم پنهنجي اهميت عملي طور وڃائي ويندي. انهيءَ تي وڌيڪ ڦٽن تي لوڻ ٻرڪڻ واري ڳالهه اها ٿي آهي جو اسد عمر چئي ٿو ته هن ڪميٽي جنهن ۾ صوبي جو چيف ايگزيڪيوٽو وڏو وزير مراد علي شاهه به آهي انهيءَ جو ڪو ڪنوينر يا سربراهه نه هوندو.
سڀني کي ياد هوندو ته قائم علي شاهه جي وڏ وزارت دوران امن امان لاءِ ايپڪس ڪميٽي ٺاهي وئي هئي انهيءَ ڪميٽي جي ڪپتاني جي ٽوپي قائم علي شاهه کي پارائي ويندي هئي هتي ته مراد علي شاهه کي اهاٽوپي به نه ٿي پارائي وڃي . جيڪڏهن ڪراچي ۾جيڪو ڪجهه ٿيڻو آهي ان جو فيصلو هي 6 رڪني ڪميٽي ڪندي ۽ ان جي سربراهي به اسان جو وڏو وزير نه ڪندو ته پوءِ پاور شيئرنگ نه ڪرڻ واري سنڌ حڪومت جي دعويٰ ڪٿي وڃي بيهندي .
سنڌ جو هر ماڻهو جيڪو هن ڳالهه جو مطلب سمجهي ٿو اهو رت جا ڳوڙها ڳاڙيندو هوندو ته هيتريون ڳالهيون ڪرڻ کانپوءِ هٿ سان ئي ڪراچي جا اختيار ڏنا وياآهن . وفاقي وزير علي زيدي ته ان کا اڳتي جي ڳالهه ڪندي چوي ٿو ته هي ڪميٽي مانيٽرنگ ڪميٽي هوندي. يعني هي وفاقي وزير ئي ٻڌائيندا ته ڪهڙو ڪم صحيح ٿئي پيو ڪهڙو ڪم غلط . اسان چئون ٿا ته ڪراچي اسان جي دل آهي پ پ سرڪار وارا به اهو ئي چون ٿا ته پوءِ هي ڇا ڪيو ويو آهي ؟ هي ڪراچي کي الڳ ڪرڻ لاءِ بنياد رکيو ويو آهي. هي پهريون قدم آهي پوءِ ڇا ٿيڻو آهي ان جو به اندازولڳائڻ ڏکيو ڪونهي. منهنجو اندازو آهي ته 28 آگسٽ کانپوءِ ڪراچي لاءِ هڪڙو ايڊمنسٽريٽر مقرر ٿيندو جيڪو اتفاق راءِ سان ٿيندو. اهو اتفاق راءِ اهو ئي هوندو جيڪو وفاق پاران ٻڌايو ويندو ،پوءِ 6يا 8 مهينا جيستائين مڪاني چونڊون ٿين، تيستائين انهيءَ ايڊمنسٽريٽر کي آهستي آهستي با اختيار ڪيو ويندو. قانون ۾ ترميمون ٿينديون. پوءِ مڪاني چونڊون ٿينديون، گهڻو ڪري پي ٽي آءِ جو ميئر چونڊجي ايندو جيڪا خانصاحب عمران جي پراڻي خواهش آهي، تيستائين اتفاق راءِ سان مڪاني نظام ۾ وري بنيادي قسم جون تبديليون اينديون. ترميمون ڪري انهيءَ ميئر کي ڪراچي جا تقريبن سڀئي اختيار ڏنا ويندا. باقي الڳ صوبي کي سڱ ٿيندا آهن ڇا؟
مڪاني سطح تي اختيارن جي ورڇ جي خلاف ناهيان پر هي ته ڪراچي کي انتظامي طرح سنڌ کان ڌار ڪرڻ طرف پيش رفت آهي جيڪا آهستي آهستي ٿي رهي آهي. جيڪڏهن گورنر راڄ يا آرٽيڪل 149 لاڳو ٿيڻ جي ڊپ يا دٻاءُ تحت سنڌ حڪومت اهو ڪيو آهي ته پوءِ ڌرتي جي بقا ۽ دائمي مفاد ڇا ڪجهه ناهي!؟ جيڪڏهن ايئن دٻاءُ ۾ پوئتي هٽندا رهيا ته ڪيترو پوئتي هٽندا.؟ مونکي ته لڳي ٿو پ پ حڪومت کي هر ايندڙ ڏينهن پوئتي هٽڻو پوندو. اڄ هيستائين پهتا آهن پوءِ وڌيڪ پوئتي هٽڻو پوندن. جيڪڏهن ڪنهن موقعي تي پ پ جي سنڌ سرڪار چيو ته اسان وڌيڪ پوئتي نه هٽنداسين ته گورنر راڄ ته پوءِ به لاڳو ٿيندو. سنڌي ۾ چوندا آهن ته ڪتو به کاڌوسين ڪک به نه ڀري.
اسد عمر هڪڙو جملو چيو ته ڪراچي کانپوءِ سنڌ جي ٻين علائقن کي ڏسنداسين. پوءِ سنڌ حڪومت باقي ڇا جي لاءِ آهي؟ اسد عمر اهو به چيو ته ٻن هفتن کانپوءِ اهو به ڏسنداسين ته ترقياتي فنڊن جو بندوبست ڪير ڪندو مطلب پيسا سنڌ جاپر نگراني وفاق ڪندو!18هين ترميم کانپوءِ صوبن کي جيڪي اختيار مليا جيڪڏهن خرابي حڪمراني نه هجي ها ته اسان اڄ هتي نه بيٺل هجون ها. سنڌ جا ٻه ڏوهه ٿي پيا آهن هڪ ته تمام گهڻي خراب حڪمراني رهي آهي ۽ ٻيو ڪراچي اسان وٽ آهي جنهن جي وسيلن تي ڌرين جون اکيون آهن. اسان وٽ ٻيٽ آهن جن بابت عمران خان ڪجهه ڏينهن اڳ هڪ انٽرويو ۾ چيو هو ته اتي نئون شهر اڏينداسين.اهو سڀ ڪجهه ٿي ويو پر منهنجي سنڌ جنهن ڪنهن وقت ۾ ٻٽي نظام تي شديد ردعمل ظاهر ڪري هڪ سنڌ هڪ نظام کي يقيني بڻائي ڇڏيو هيو ،ڇا اڄ “ڪراچي ڪميٽي”قبولي وٺندي؟

Bookmark the permalink.

Leave a Reply

Your email address will not be published. Required fields are marked *