تازا ترين
  • ڪوٽڙي: نوري آباد سپر هاءِ وي تي مسافر وين کي باهه: 9 ڄڻا سڙي فوت: ترجمان موٽروي*
  • *عادلپور ويجهو بجلي جو ڪرنٽ لڳڻ سبب نوجوان فوت *ڳوٺ رمضان ڪولاچي ۾ بجلي جو ڪرنٽ لڳڻ سبب 35ورهين جو عبدالقدوس ڪولاچي فوت ٿي ويو*
  • *حيدرآباد: ڪسٽم انٽيلينجس جي سعيد آباد ۾ ڪارروائي، انڊيا کان اسمگل ٿيل آرٽيفيشل جيولري هٿ *اسمگلر آرٽيفيشل جيولري کي چين جي ظاهر ڪئي: ڪسٽم: ذريعا *آرٽيفيشل جيولري اصل انڊيا کان اسمگل ڪئي وئي آهي:ڪسٽم ذريعا *آرٽيفيشل جيولري جي ماليت تقريبن 29ملين رپيا آهي:ڪسٽم ذريعا *
  • *ملڪاڻي شريف: ايل بي اوڊي سم نالي سميت ننڊن ٻين نالن کي لڳل گھارن جو پاڻي نيڪال نه ٿيو *گهارن سبب سوين ڪچا گھر ڪري پيا، سوين ايڪڙن تي بيٺل فصل تباهه *پاڻي نيڪال نه ٿيڻ خلاف سنڌ آبادگار ۽ عوامي تحريڪ جي ڪارڪنن جي اڳواڻي ۾ احتجاج *پاڻي نيڪال جا لنگھه بند ٿيڻ ڪري ھر سال برساتن دوران نقصان ٿيندو آهي: احتجاج ڪندڙ*
  • *ميرپورخاص ۾ ٻوڏ متاثرن جو واهر نه ٿيڻ خلاف احتجاج، راشن من پسند ماڻهن ۾ ورهائڻ جا الزام *فاقا ڪشي واري زندگي گهاري رهيا آهيون، واهر ڪئي وڃي: احتجاج ڪندڙ ٻوڏ متاثر*
  • *نوشهروفيروز: ڀرٽ ۽ سولنگي تڪرار کي ختم ڪرائڻ لاءِ وڪيلن جو منٿ ميڙ قافلو سولنگين وٽ پھتو *قافلو پهرين مرحلي ۾ سولنگي برادري وٽ مناهي پهتو، سولنگي برادري پاران مھلت طلب *سولنگي ۽ ڀرٽ ڌرين ۾ هلندڙ تڪرار ۾ هن وقت تائين ٻنهي ڌرين جا 4 ڄڻا قتل ٿي چڪا*
  • *کپرو: نوجوان شھريار قائم خاني جا قاتل گرفتار نه ٿيڻ خلاف وارثن جو احتجاجي مظاهرو *هڪ مهينو گذرڻ باوجود پوليس جوابدار گرفتار ناهي ڪري سگهي: احتجاج ڪندڙ *پوليس قاتلن کي پروٽوڪول ڏئي رهي آهي: پيءُ علي قائمخاني*
  • *جوهي ۾ بدامني خلاف شهرين جو ٿاڻي آڏو احتجاجي مظاهرو *ٻوڏ جي ماريل ماڻهن جو ڏوهارين به جيئڻ جنجال ڪري ڇڏيو آهي: احتجاج ڪندڙ *پوليس ۾ ساٿاري ۽ ڀوتارن جي پٺڀرائي هجڻ ڪري ڏوهاري سرعام گهمي رهيا آهن: احتجاج ڪندڙ *
  • *جاتي: برساتن کانپوءِ گندو پاڻي واپرائڻ سبب گيسٽرو جي مرش ۾ واڌ، اسپتال ۾ دوائن ۽ بيڊن جي کوٽ *اسپتال ۾ بيڊن جي کوٽ سبب مريض وارڊن ۾ فرش تي پيل، دوائون نه ملڻ جون به دانهون *
  • *ڄامشورو: بنيادي سهولتن جي کوٽ خلاف جدوجهد ڪميٽي پاران 24 ڪلاڪن واري علامتي بک هڙتالي ڪئمپ قائم *ڄامشورو اوور هيڊ برج هيٺيان لڳايل ڪئمپ ۾ وڏي انگ ۾ سياسي توڙي سماجي اڳواڻ ۽ شهري شريڪ *ڪامورن علمي درسگاهن جي شهرکي تباهه ڪري ڇڏيو آهي: اڳواڻ *شهر ۾ پاڻي جي کوٽ سميت رستن ۽ گهٽين ۾ گندگي جا ڍير لڳل آهن:احتجاج ڪندڙ *شهر مان اڃا تائين برساتي پاڻي نيڪال ناهي ٿي سگهيو، ضلعي انتظاميا ڪو ترقياتي ڪم ناهي ڪرايو: اڳواڻ*
  • *سنڌ ٽيڪسٽ بڪ بورڊ پاران تيار ڪيل نائين ڪلاس جو بائلاجي ڪتاب ۾ ڇپيل سيليبس ۽ بورڊ طرفان ڏنل سيليبس ۾ فرق *بورڊ پاران جاري ڪيل ليٽر وارا سيليبس ڪتاب ۾ موجود ئي نه آهن: استاد *سيليبس ۾ فرق هئڻ ڪري اسڪولن جا شاگرد ۽ استاد پريشان *بورڊ پاران جاري ڪيل ليٽر وارا سنڌ ٽيڪسٽ بورڊ جي ڪتابن جي کوٽ*
  • *اسلام آباد: ام رباب جي ٽن گهرڀاتين جو قتل ڪيس، سپريم ڪورٽ پاران روپوش جوابدار گرفتار ڪرڻ جو حڪم *چيف جسٽس جي سربراهي ۾3 رڪني بينچ 24 سيپٽمبر جي ٻڌڻي جو حڪم نامو جاري ڪيو *عدالت پاران ڊي آءِ جي حيدرآباد پاران پيش ڪيل رپورٽ تي عدم اطمينان جو اظهار *ڊي آءِ جي ايندڙ ٻڌڻي تي روپوش جوابدارن کي گرفتار ڪري عدالت کي آگاهه ڪري: حڪم نامو*
  • *اسلام آباد: بحريا ٽائون ڪراچي پاران قسطن جي ادائيگي لاءِ 2 سال مهلت گهرڻ بابت ڪيس جو حڪم نامو جاري *سپريم ڪورٽ 16 سيپٽمبر جي ٻڌڻي جو تحريري حڪم نامو جاري ڪري ڇڏيو *بحريا ٽائون جي وڪيل پاران درخواست واپس وٺڻ جي بنياد تي ڪيس اڪلايو ويو آهي: حڪم نامو *بحريا ٽائون 460 ارب رپيا ادا ڪرڻ لاءِ قسطن ۾ٻن سالن تائين مهلت گهري هئي *
  • *عمرڪوٽ ويجهو زميندار جي نجي جيل تي ڇاپو، 27 هاري بازياب *ڊسٽرڪٽ اينڊ سيشن جج عمرڪوٽ جي حڪم تي پوليس ڪارروائي ڪئي *بازياب ڪرايل هاري فرسٽ ايڊيشنل سيشن جج عمرڪوٽ جي عدالت ۾پيش *
  • *حيدرآباد تعليمي بورڊ ڏهين جماعت جي 2020 جي نتيجا جاري ڪرڻ جو اعلان ڪري ڇڏيو *ڏهين جماعت جي سائنس ۽ جنرل گروپ جا نتيجا اڄ شام 5وڳي جاري ڪيا ويندا*

ملڪي آئين ۽ قانون جو احترام سڀني تي لازم آهي

قانون سڀ کان مٿاهون هوندو آهي، جن به ملڪن ۾ قانون جي حڪمراني ڪمزور هجي ٿي اهي ملڪ نه رڳو انساني حقن جو تحفظ ڪرڻ ۾ ناڪام ويندا آهن پر سندن جمهوري نظام به ڪمزور ۽ کوکلو بڻجي ويندو آهي، اسان جي ملڪ ۾ به قانون سڀ کان مٿاهون سمجهيو ويندو آهي پر ان جي بالادستي کي قائم رکڻ لاءِ اسان جون حڪمران جماعتون ڪنهن به دور ۾ سنجيدا نه رهيون آهن انڪري اسان وٽ به جيڪو ڏاڍو سو گابو يا وري ڏاڍي جي لٺ کي ٻه مٿا وارو لقاءُ جاري آهي. گذريل ڪيتري ئي عرصي کان سنڌ ۾ ماڻهن کي کنڀي گم ڪرڻ وارو سلسلو جاري آهي، ان حوالي سان سپريم ڪورٽ ڪيترائي ڀيرا حڪم ناما پڻ جاري ڪيا آهن پر ان تي ڪوبه عملدرآمد ڪرڻ لاءِ تيار نه آهن، کنڀي گم ڪيل ماڻهن جي بازيابي لاءِ عدالتي حڪم تي ڪميشن پڻ جڙي پر انهي جي رپورٽ يا سفارشن تي به مڪمل نموني عمل نه ٿي سگهيو .
سنڌ ۾ ڪجهه ڏينهن کان ماڻهن کي کنڀي گم ڪرڻ واري سلسلي ۾ وڌيڪ تيزي اچي وئي آهي مختلف شهرن مان ماڻهن کي کنڀيو پيو وڃي ۽ جڏهن انهن کنڀي گم ڪيل ماڻهن جا وارث لاڳاپيل ٿاڻن تي رابطا ڪن ٿا پوليس انهن جي گرفتاري جي تصديق نٿي ڪري اهڙي ريت اهي خاندان نه رڳو پنهنجي پيارن جي گم ٿيڻ سبب پريشان ٿين ٿا پر انهن جي گهرن ۾ ماتم متل هجي ٿو انهن کي ڪير به ٻڌائڻ وارو ڪونهي ته آخر سندن ڀاتي کي ڪهڙي ڏوهه ۽ گناهه ۾ کنيو ويو آهي. جيتو ڻيڪ اسان وٽ قانون موجود آهي عدالتون موجود آهن پوءِ به اهڙي انڌير نگري جاري آهي. جيڪڏهن ڪنهن به ماڻهو ڪو ڏوهه يا گناهه ڪيو آهي ته قانون موجب ان کي 24 ڪلاڪن اندر ظاهر ڪري عدالتن ۾ پيش ڪرڻ لازمي آهي ته جيئن جيڪڏهن ڪو ڏوهاري آهي يا جوابدار آهي ته ملڪ جي قانون موجب ان تي ڪيس هلي سگهي يا وري ان کي قانون موجب سزا ڏني وڃي پر اسان وٽ قانون ٽوڙي ماڻهن کي کنڀي گم ڪرڻ جو عمل جاري آهي جنهن سان ادارن تي به آڱريون کڄن ٿيون . سنڌ جي مختلف شهرن ۾ سياسي توڙي سماجي تنظيمن طرفان کنڀي گم ڪيل ماڻهن جي بازيابي لاءِ احتجاج به جاري آهن ڪراچي ۾ به هڪ سماجي تنظيم جي پليٽ فارم تان احتجاج جاري هو ته ان احتجاج جي اڳواڻي ڪندڙ سماجي اڳواڻ ۽ ليکڪ سارنگ جويو کي کنڀي گم ڪيو ويو جنهن جو اڃان تائين ڪوبه ڏس پتو ناهي ته هو ڪٿي گم ڪيو ويو آهي. پاڪستان هڪ جمهوري ملڪ آهي ۽ جمهوري ملڪ ۾ ڪنهن به ماڻهو کي پنهنجي حقن لاءِ آواز اٿارڻ جو پورو پورو حق آهي جيڪڏهن سارنگ جويو ۽ سندس ساٿين جمهوري طريقي سان احتجاج ڪيو پئي ته اهو سندن حق هو ته پوءِ آخر ڪهڙي ڏوهه ۾ کيس کنڀي گم ڪيو ويو آهي. سارنگ جويي جيڪڏهن ڪو ڏوهه ڪيو آهي يا قانون ٽوڙيو آهي ته پوءِ کيس ظاهر ڪري عدالتن ۾ پيش ڪيو وڃي ته جيئن هو پنهنجو ڪيس وڙهي سگهي.ايئن ئي جيڪي به کنڀي گم ڪيل ماڻهو آهن انهن کي ظاهر ڪرڻ گهرجي ۽ ملڪي عدالتن آڏو پيش ڪرڻ گهرجي . سنڌ جي وڏي وزير سيد مراد علي شاهه پڻ ماڻهن کي ايئن کنڀي گم ڪرڻ جو نوٽيس ورتو آهي ۽ آءِ جي پوليس کي حڪم ڪيو آهي ته گم ٿيل ماڻهن کي بازياب ڪرائڻ لاءِ قدم کنيا وڃن. آءِ جي پوليس جي اها ذميواري ٿئي ٿي ته سنڌ جي مختلف شهرن مان کنڀي گم ٿيل ماڻهن کي بازياب ڪرائي عدالتن آڏو پيش ڪري. سينيٽ جي انساني حقن بابت اسٽينڊنگ ڪميٽي به سارنگ جويو سميت کنڀي گم ڪيل ماڻهن جي معاملي جو نوٽيس ورتو آهي ان حوالي سان جوڙيل ڪميشن جي چيئرمين ۽ آءِ جي سنڌ کي ايندڙ اجلاس ۾ گهرايو ويو آهي . اسان سمجهون ٿا ته ڪنهن به جمهوري ملڪ ۾ ماڻهن کي ايئن گم ڪرڻ ڪڏهن به مسئلن کي حل ڪرڻ جو بنياد نه ٿو بڻجي سگهي بلڪه ماڻهن تان قانون ۽ آئين جو احترام ختم ٿئي ٿو ،تنهن ڪري ضروري آهي ته آئين جيڪي ماڻهن کي بنيادي حق مهيا ڪري ٿو ان تي عمل ڪرڻ سڀني ادارن جو فرض آهي، سڀني گم ٿيل ماڻهن جي واپسي کي ممڪن بڻائڻ گهرجي ۽ جن تي ڪي الزام آهن انهن کي عدالتن آڏو پيش ڪيو وڃي.

Bookmark the permalink.

Leave a Reply

Your email address will not be published. Required fields are marked *