تازا ترين
  • ڪوٽڙي: نوري آباد سپر هاءِ وي تي مسافر وين کي باهه: 9 ڄڻا سڙي فوت: ترجمان موٽروي*
  • *عادلپور ويجهو بجلي جو ڪرنٽ لڳڻ سبب نوجوان فوت *ڳوٺ رمضان ڪولاچي ۾ بجلي جو ڪرنٽ لڳڻ سبب 35ورهين جو عبدالقدوس ڪولاچي فوت ٿي ويو*
  • *حيدرآباد: ڪسٽم انٽيلينجس جي سعيد آباد ۾ ڪارروائي، انڊيا کان اسمگل ٿيل آرٽيفيشل جيولري هٿ *اسمگلر آرٽيفيشل جيولري کي چين جي ظاهر ڪئي: ڪسٽم: ذريعا *آرٽيفيشل جيولري اصل انڊيا کان اسمگل ڪئي وئي آهي:ڪسٽم ذريعا *آرٽيفيشل جيولري جي ماليت تقريبن 29ملين رپيا آهي:ڪسٽم ذريعا *
  • *ملڪاڻي شريف: ايل بي اوڊي سم نالي سميت ننڊن ٻين نالن کي لڳل گھارن جو پاڻي نيڪال نه ٿيو *گهارن سبب سوين ڪچا گھر ڪري پيا، سوين ايڪڙن تي بيٺل فصل تباهه *پاڻي نيڪال نه ٿيڻ خلاف سنڌ آبادگار ۽ عوامي تحريڪ جي ڪارڪنن جي اڳواڻي ۾ احتجاج *پاڻي نيڪال جا لنگھه بند ٿيڻ ڪري ھر سال برساتن دوران نقصان ٿيندو آهي: احتجاج ڪندڙ*
  • *ميرپورخاص ۾ ٻوڏ متاثرن جو واهر نه ٿيڻ خلاف احتجاج، راشن من پسند ماڻهن ۾ ورهائڻ جا الزام *فاقا ڪشي واري زندگي گهاري رهيا آهيون، واهر ڪئي وڃي: احتجاج ڪندڙ ٻوڏ متاثر*
  • *نوشهروفيروز: ڀرٽ ۽ سولنگي تڪرار کي ختم ڪرائڻ لاءِ وڪيلن جو منٿ ميڙ قافلو سولنگين وٽ پھتو *قافلو پهرين مرحلي ۾ سولنگي برادري وٽ مناهي پهتو، سولنگي برادري پاران مھلت طلب *سولنگي ۽ ڀرٽ ڌرين ۾ هلندڙ تڪرار ۾ هن وقت تائين ٻنهي ڌرين جا 4 ڄڻا قتل ٿي چڪا*
  • *کپرو: نوجوان شھريار قائم خاني جا قاتل گرفتار نه ٿيڻ خلاف وارثن جو احتجاجي مظاهرو *هڪ مهينو گذرڻ باوجود پوليس جوابدار گرفتار ناهي ڪري سگهي: احتجاج ڪندڙ *پوليس قاتلن کي پروٽوڪول ڏئي رهي آهي: پيءُ علي قائمخاني*
  • *جوهي ۾ بدامني خلاف شهرين جو ٿاڻي آڏو احتجاجي مظاهرو *ٻوڏ جي ماريل ماڻهن جو ڏوهارين به جيئڻ جنجال ڪري ڇڏيو آهي: احتجاج ڪندڙ *پوليس ۾ ساٿاري ۽ ڀوتارن جي پٺڀرائي هجڻ ڪري ڏوهاري سرعام گهمي رهيا آهن: احتجاج ڪندڙ *
  • *جاتي: برساتن کانپوءِ گندو پاڻي واپرائڻ سبب گيسٽرو جي مرش ۾ واڌ، اسپتال ۾ دوائن ۽ بيڊن جي کوٽ *اسپتال ۾ بيڊن جي کوٽ سبب مريض وارڊن ۾ فرش تي پيل، دوائون نه ملڻ جون به دانهون *
  • *ڄامشورو: بنيادي سهولتن جي کوٽ خلاف جدوجهد ڪميٽي پاران 24 ڪلاڪن واري علامتي بک هڙتالي ڪئمپ قائم *ڄامشورو اوور هيڊ برج هيٺيان لڳايل ڪئمپ ۾ وڏي انگ ۾ سياسي توڙي سماجي اڳواڻ ۽ شهري شريڪ *ڪامورن علمي درسگاهن جي شهرکي تباهه ڪري ڇڏيو آهي: اڳواڻ *شهر ۾ پاڻي جي کوٽ سميت رستن ۽ گهٽين ۾ گندگي جا ڍير لڳل آهن:احتجاج ڪندڙ *شهر مان اڃا تائين برساتي پاڻي نيڪال ناهي ٿي سگهيو، ضلعي انتظاميا ڪو ترقياتي ڪم ناهي ڪرايو: اڳواڻ*
  • *سنڌ ٽيڪسٽ بڪ بورڊ پاران تيار ڪيل نائين ڪلاس جو بائلاجي ڪتاب ۾ ڇپيل سيليبس ۽ بورڊ طرفان ڏنل سيليبس ۾ فرق *بورڊ پاران جاري ڪيل ليٽر وارا سيليبس ڪتاب ۾ موجود ئي نه آهن: استاد *سيليبس ۾ فرق هئڻ ڪري اسڪولن جا شاگرد ۽ استاد پريشان *بورڊ پاران جاري ڪيل ليٽر وارا سنڌ ٽيڪسٽ بورڊ جي ڪتابن جي کوٽ*
  • *اسلام آباد: ام رباب جي ٽن گهرڀاتين جو قتل ڪيس، سپريم ڪورٽ پاران روپوش جوابدار گرفتار ڪرڻ جو حڪم *چيف جسٽس جي سربراهي ۾3 رڪني بينچ 24 سيپٽمبر جي ٻڌڻي جو حڪم نامو جاري ڪيو *عدالت پاران ڊي آءِ جي حيدرآباد پاران پيش ڪيل رپورٽ تي عدم اطمينان جو اظهار *ڊي آءِ جي ايندڙ ٻڌڻي تي روپوش جوابدارن کي گرفتار ڪري عدالت کي آگاهه ڪري: حڪم نامو*
  • *اسلام آباد: بحريا ٽائون ڪراچي پاران قسطن جي ادائيگي لاءِ 2 سال مهلت گهرڻ بابت ڪيس جو حڪم نامو جاري *سپريم ڪورٽ 16 سيپٽمبر جي ٻڌڻي جو تحريري حڪم نامو جاري ڪري ڇڏيو *بحريا ٽائون جي وڪيل پاران درخواست واپس وٺڻ جي بنياد تي ڪيس اڪلايو ويو آهي: حڪم نامو *بحريا ٽائون 460 ارب رپيا ادا ڪرڻ لاءِ قسطن ۾ٻن سالن تائين مهلت گهري هئي *
  • *عمرڪوٽ ويجهو زميندار جي نجي جيل تي ڇاپو، 27 هاري بازياب *ڊسٽرڪٽ اينڊ سيشن جج عمرڪوٽ جي حڪم تي پوليس ڪارروائي ڪئي *بازياب ڪرايل هاري فرسٽ ايڊيشنل سيشن جج عمرڪوٽ جي عدالت ۾پيش *
  • *حيدرآباد تعليمي بورڊ ڏهين جماعت جي 2020 جي نتيجا جاري ڪرڻ جو اعلان ڪري ڇڏيو *ڏهين جماعت جي سائنس ۽ جنرل گروپ جا نتيجا اڄ شام 5وڳي جاري ڪيا ويندا*

قبضا ختم ٿيڻ تائين ڪراچي ٻڏندو رهندو

ٻنهي ندين، جبلن جي هنجهه ۽ سمنڊ جي ڪناري تي آباد ڪراچي شهر برساتن جي لپيٽ هيٺ آهي، شهري منصوبابندي جي ماهرن جو چوڻ آهي ته ڪراچي دنيا جي انهن چند شهرن ۾ آهي جن جي 30 سيڪڙو آبادي شهري منصوبا بندي تحت رهي ٿي جڏهن ته 70 سيڪڙو آبادي ڪچين ڪالونين، قديمي ڳوٺن ۽ لينڊ مافيا جي قبضا ڪري بنا رٿابندي جي اڏيل علائقن ۾ رهي ٿي. ڪراچي دنيا جي انهن ٿورن شهرن ۾ پڻ شامل آهي جن جي آبادي انتهائي تيزي سان وڌي ٿي ان ڪري هڪڙي برسات ئي هن شهر جي نظام کي درهم برهم ڪري ڇڏي ٿي. جاگرافيائي حوالي سان ڪراچي جي هڪ طرف کيرٿر جا جبل آهن جن جون برسات جي ڏينهن ۾ نيون وهي اچن ٿيون جڏهن ته ٻئي پاسي ٻن طرفن کان سمنڊ آهي جنهن جي ڪنارن تي قبضا آهن، هن شهر جي نڪاسي جو پاڻي قدرتي طور ٻن وڏين ندين ملير ۽ لياري ذريعي نيڪال ٿيندو رهيو آهي ۽ انهن ندين توڙي نين جي مٿان ورهاڱي بعد ٿيل قبضن ندين ۽ نين جا پيٽ سوڙها ڪري ڇڏيا جو هاڻ اتان پاڻي جو گذر مشڪل بڻيل آهي. پاڻي ڇاڪاڻ ته پنهنجو گس پاڻ ٺاهيندو آهي انڪري ڪراچي شهر ۾ جڏهن برساتون پون ٿيون ته برساتي پاڻي ندين ۽ نالين تي قبضا هئڻ سبب رستن بازارن ۽ پاڙن جو رخ ڪري ٿو ۽ پوءِ پوري ميڊيا هن ديس جا سڀ ڏک تڪليفون وساري ڪراچي جو روئڻ شروع ڪري ٿي.ان ڳالهه کان انڪار ناهي ته ڪراچي ۾ تازين برساتن جاني ۽ مالي نقصان ناهي ڪيو خاص طور ندين ۽ نالن مٿان اڏيل سمورن ڪالونين ۽ ڪچين آبادين ۾ سوين گهر پنهنجي لپيٽ ۾ آندا آهن ويندي ڪراچي جو مرڪزي ضلعو جنهن تي متحده قومي موومنٽ جي اقتداري دور ۾ سڀ کان وڌيڪ خرچ ٿيو بقول مصطفيٰ ڪمال جي ته مون پنهنجي ناظمي دور ۾ صرف ضلعي سينٽرل تي 300 ارب رپيا خرچ ڪيا ان ضلعي ۾ ناظم آباد به اچي ٿو، سنڌ جي وڏي وزير مراد علي شاهه پريس ڪانفرنس ۾ ٻڌايو ته ناظم آباد اندر سمورن نالن تي قبضا ڪري دڪان ۽ بازارون تعمير ڪيون ويون آهن. حيرت ان ڳالهه تي آهي ته جنهن شهر جي ميونسپل نظام هلائيندڙ مڪاني ادارن واري کاتي جي هيڊ آفيس به نالي مٿان قبضو ڪري تعمير ٿيل هجي ،ان شهر اندر برساتون تباهي نه آڻينديون ته ڇا آڻينديون؟ هي ڳالهه آئون نه ٿوڪيان پر خود وڏي وزير مراد علي شاهه مڪاني اداريواري وزير جي موجودگي ۾ ميڊيا آڏو ڪئي. ٻيو ته ٺهيو پر وزير مينشن جنهن کي پاڪستان جي تاريخ ۾ هڪڙي الڳ حيثيت حاصل آهي اها به هڪڙي نالي مٿان تعمير ٿيل آهي.
ڪراچي ۾ جيڪا برسات پئي آهي ان بابت چيو پيو وڃي ته هڪ سو سال جو رڪارڊ تازين پيل برساتن ٽوڙي ڇڏيو آهي، برسات دوران سڀ کان وڌيڪ پاڻي سرجاڻي ٽائون، يوسف ڳوٺ ۽ اورنگي ٽائون ۾ 4 فٽن تائين بيٺل رهيو جنهن سبب انهن علائقي واسين جو لکين رپين جو نقصان به ٿيو برسات ماڻهن جي گاڏين سميت گهر ۾ پيل سامان به لوڙهي ڇڏيو. ان سان گڏوگڏ ريڊزون وارن علائقن جي صورتحال به تمام گهڻي خراب رهي. هنن برساتن سنڌ اسيمبلي، سنڌ هاءِ ڪورٽ، گورنر هائوس، سي ايم هائوس کي به ٻوڙي ڇڏيو، سنڌ هاءِ ڪورٽ اندر پاسپورٽ آفيس ۽ صدر وارن علائقن جو پاڻي ڪاهي پيو جنهن سبب هاءِ ڪورٽ ۾ پاڻي تلائن جي صورت ۾ ڪيترن ئي ڪلاڪن تائين جمع رهيو. سنڌ سيڪريٽريٽ سان گڏ سنڌ اسيمبلي ۾ پاڻي تلائن جي صورت ۾ بيٺل نظر آيو سنڌ اسيمبلي جي روڊ تي 4 فوٽن جو پاڻي بيٺل رهيو جنهن سبب ايندڙ ويندڙ ماڻهن جون گاڏيون سنڌ سيڪريٽريٽ وٽ بند ٿي رهيون هيون پ، ڪجهه ماڻهن جون گاڏيون ته اتي ترندي نظر آيون، برساتن جو پاڻي سرڪاري آفيسن ۾ به ڪاهي پيو پر انتظاميا انهن کي ڪڍڻ لاءِ ڪٿي به نظر نه آئي.
ڪالهه شام 5 وڳي کانپوءِ وڏو وزير مراد علي شاهه مڪاني ادارن واري وزير سان گڏ ڪراچي جي روڊن تي نڪتو ته سموري مشينري ايڪٽو ٿي وئي ۽ برساتي پاڻي کي نيڪال ڪرڻ لاءِ ڪم شروع ڪيو ويو. پر هن وقت تائين ڪراچي جي ڪچن علائقن ۾ پاڻي تلائن جي صورت ۾ موجود آهي ان پاڻي بيهڻ جا سبب نالن ندين تي قبضا ئي آهن جو ڪجهه ڪلاڪن جي برسات پوري ڪراچي شهر کي مفلوج بڻائي ڇڏيندي آهي. ڪراچي ۾ ٻئي ڏينهن به خاص طور هيٺاهين وارن علائقن ۾ پاڻي بيٺل رهيو خاص طور ناظم آباد، سرجاڻي ٽائون، گڏاپ ٽائون، يوسف ڳوٺ، لياري، بلوچ ڪالوني، ڪورنگي ۽ ڀرپاسي وارن علائقن ۾ پاڻي بيٺل رهيو پر شهر جي مرڪزي علائقن مان پاڻي کي نيڪال ڪيو ويو. ڪراچي ۾ هي برسات ڇا پر جيڪا به برسات ايندي اها ان وقت تائين نقصان ڪندي رهندي جيستائين هن شهر جي ندين ۽ نالن تان قبضا ختم نه ٿا ڪرايا وڃن.
انهن قبضن خالي ڪرائڻ لاءِ هڪڙي انتهائي بي رحم آپريشن جي ضرورت آهي جيڪو سياسي مصلحتن سبب نه ٿو ڪيو وڃي. ڇاڪاڻ ته ڪراچي ۾ جيڪا برسات پوندي آهي ان کي پاڪستان جي ميڊيا ۽ ڪراچي ۾ بنياد رکندڙ سياسي پارٽيون الڳ طريقي سان ڏسنديون آهن ۽ ان ڪري ڪراچي ۾ نه ته مڪاني ادارن جي هزارين گوسڙو ملازمن کان ڪم وٺڻ آسان آهي نه ئي قبضا خالي ڪرائڻ آسان آهي. سپريم ڪورٽ جي حڪم تي مڪاني ادارن جو اڳوڻو صوبائي وزير سعيد غني توهين عدالت جون شنوائيون ته ڀوڳي رهيو آهي پر هو چئي چڪو آهي ته قبضا خالي ڪرائڻ ان جي وس ۾ ناهي، نه رڳو سعيد غني پر پ پ جي موجوده حڪومت ڪراچي اندر ندين ۽ نالن مٿان آباد هزارين گهر ۽ دڪان ڊاهي پنهنجي لاءِ ڪي وڏا مسئلا پيدا ڪرڻ نه ٿي چاهي ان ڪري ڪراچي ۾ برساتي پاڻي جي نيڪال وارو مسئلو حل ٿيڻ ڪو آسان ڪم ناهي. ڪراچي ۾ توڙي جو نيشنل ڊيزاسٽر مينيجمينٽ اٿارٽي (اين ڊي ايم اي) کي آندو ويو آهي ۽ ان اٿارٽي جي واڳ هن وقت پاڪستان جي طاقتور ادارن وٽ آهي جيڪڏهن اين ڊي ايم اي نالا صاف ڪرڻ دوران وفاقي سرڪار آڏو اها تجويز رکي ته جيستائين ڪراچي جي نالن مٿان قبضا خالي نه ٿيندا تيستائين ڪراچي ۾ جيڪي به برساتون پونديون انهن جو پاڻي بازارن، گهرن ۽ مارڪيٽن جو رخ ڪندو رهندو اهڙي تجويز بعد اگر وفاقي سرڪار سچي ٿئي ۽ ڪراچي جون سياسي پارٽيون ان فيصلي سان گڏجي بيهن ته ڪراچي اندر برساتن کان بچڻ لاءِ اپاءُ ٿي سگهن ٿا. ڪراچي جي برساتي پاڻي جي نيڪال جو حل صرف هڪڙو ئي آهي ته لياري ۽ ملير ندين سميت سموري برساتي نالن مٿان قبضا خالي ڪرايا وڃن، گڏوگڏ ڪراچي جي ميونسپل ادارن ۾ جيڪي هزارين گوسڙو ملازم آهن انهن کان يا ته ڪم ورتو وڃي يا انهن کي فارغ ڪري انهن جي جاءِ تي اهڙا ملازم رکيا وڃن جيڪي انهن نالن جي صفائي ڪن ۽ شهر ۾ جيڪو گند ڪچرو گڏ ٿئي ٿو جيڪو انهن نالن ۾ اڇليو وڃي ٿو اهو اتان کڻي ڪنهن مناسب هنڌ تي پهچائين جيستائين مستقل حل نه ڪڍيو ويندو تيستائين ڪراچي ۾ برساتون ٽي وي چينلن جي هيڊلائين ۽ سياسي پريس ڪانفرنس جو موضوع رهنديون شهري ايئن ئي تڪليفن مان گذرندا رهندا.
ڪراچي ۾ جيڪي برساتون پون ٿيون، انهن جا اثر هن مُلڪ جي ٻين شهرن ۾ پوندڙ برساتن کان ڪجهه ان ڪري مختلف هجن ٿا جو هتان جي برسات مقامي ماڻهن اندر ويڇا به کڻي اچي ٿي، ڪجهه سازشي ماڻهو برساتي پاڻي جو بهانو ٺاهي مُلڪ جي قديم وحدتن خلاف ڳالهائڻ شروع ڪن ٿا ۽ فوري طور ڪجهه سازشي ماڻهو ڪراچي کي سنڌ کان الڳ ڪرڻ جي به ڳالهه ڪن ٿا، ان ڪري خود موجوده صوبائي سرڪار کي ان مسئلي تي سوچڻ گھرجي ڇاڪاڻ ته ڪراچي سنڌ جي راڄڌاني آهي مُلڪ جو سڀ کان وڏو صنعتي، ڪاروباري ۽ رهائشي شهر آهي ان ڪري هاڻي جڏهن سنڌ ۽ وفاق گڏجي ڪراچي ڪميٽي ٺاهي آهي ته سنڌ سرڪار ان ڪراچي ڪميٽي جي نالي تي پنهنجي ووٽرن کي ناراض ڪيو آهي ۽ هيڏي وڏي تنقيد برداشت ڪئي ته پوءِ هاڻي وفاق کان ان جو اجورو به وٺڻ گھرجي. اهي سڀ وڏا منصوبا جيڪي ڪراچي سان تعلق رکن ٿا انهن بابت وفاق کان فنڊ به وٺڻ گھرجن ۽ منصوبا وقت سِر مڪمل ڪرڻ گھرجن. جيڪڏهن وفاقي سرڪار ڪراچي جا مسئلا حل ڪرڻ بابت سچي آهي ۽ اها ڪراچي لاءِ اعلانيل پيڪيج ڏيڻ سان گڏ شروع منصوبن کي مڪمل ڪرائي ٿي ته ڪراچي جا اڌ مسئلا حل ٿي ويندا.
ڪراچي جي برسات تي عملي ڪم بدران سموريون سياسي پارٽيون سياست ڪن ٿيون، گٽر اُٿلي گھرن ۾ وڃن ٿا، نالا پلٽي بازارن ۾ اچن ٿا، سياسي پارٽين جا چونڊيل نمائندا انهن گٽر ۽ نالن جي ڀر ۾ بيهي سيڪلفيون ڪڍرائي ويڊيو بيان رڪارڊ ڪرائي سِڌو پنهنجي سياسي هائوسن ۾ اچي پريس ڪانفرنسون شروع ڪن ٿا پر انهن مان ڪو به مُڙي وڃي نالن جي صفائي لاءِ ڪم نه ٿو ڪري، ڪراچي ۾ 30 کان 40 سالن تائين مڪاني ادارن جو نظام متحده قومي مومينٽ وٽ رهيو، جنهن جون سياسي جڙون شهر سان ئي آهن، اڄ جڏهن برساتن جو پاڻي ڪراچي شهر ۾ ڪاهي پيو آهي ته ايم ڪيو ايم الڳ صوبي جي ڳالهه ته ڪري ٿي پر اهو نه ٿي ٻڌائي ته انهن ايڏي وڏي عرصي تائين ڪراچي جي ميونسپل نظام کي بهتر ڇو نه ڪيو؟ ايم ڪيو ايم جڏهن پنهنجي عروج ۾ هئي تڏهن اگر چاهي ها ته ڪراچي جي ندين ۽ نالن تان قبضا ختم ڪرائڻ سندن ساڄي هٿ جو کيل هو. جهڙي ريت لياري ايڪسپريس وي ٺهڻ وقت ايم ڪيو ايم اپاءُ ورتا ته فوري طور لياري ندي جي ڪناري تان قبضا خالي ٿي ويا. خود پي ٽي آءِ جا جيڪي هن وقت چونڊيل نمائندا آهن اهي ماضي ۾ متحده کان ئي شڪايتون ڪندا رهيا. پر هاڻي ڇاڪاڻ ته سندن وفاق ۾ حڪومت آهي ۽ سنڌ ۾ هُو اپوزيشن ۾ آهن، ان ڪري سندن الزامن جو به سڄو زور صوبائي حڪومت مٿان آهي. اهي سڀ پارٽيون ۽ ادارا اگر پريس ڪانفرنس ۽ الزام تراشين جي اسٽيج تان هيٺ لهن ته تڏهن به هن شهر جو ڀلو ٿي سگھي ٿو.
ڪراچي جي آبادي انتهائي تيزي سان وڌي رهي آهي جهڙي ريت موٽروي جي ٻنهي پاسن کان آباديون ۽ وڏيون هائوسنگ اسڪيمون ٺهي رهيون آهن جيڪي زري گھت نوري آباد سان وڃي ڇيڙو ڪن ٿيون، انهي سڀني آبادين لاءِ پيئڻ جي پاڻي ۽ نيڪال واري نظام جي ضرورت پوڻي آهي. تنهن ڪري نه رڳو صوبائي سرڪار پر خود وفاقي سرڪار اهو سمجھي ٿي ته ڪراچي شهر مُلڪ لاءِ سونا بيضا ڏيندڙ مرغي آهي ته ان شهر جي زندگي بچائڻ لاءِ به فيصلا ڪرڻا پوندا. اسان وفاقي پي ايس ڊي پي جي 8 کان 10 سالن جو رڪارڊ کڻي ڏسنداسين ته شهر لاءِ جيڪي به 3 کان 4 وڏا منصوبا شروع ڪيا ويا اهي اڃا تائين مڪمل ناهن ٿي سگھيا. نه هن شهر جي ٽريفڪ نظام کي بهتر بڻائڻ لاءِ سرڪيولر ريلوي وارو منصوبو مڪمل ٿي سگھيو آهي نه ئي هن شهر کي پاڻي پهچائڻ لاءِ ڪي فور منصوبي کي مڪمل ڪرڻ جي لاءِ ڪا مڃتا ملي آهي. هن شهر جي ڪچري کڻڻ لاءِ جڏهن ڪراچي جي صفائي واري عملي ڪو ٻوٽو نه ٻاريو ته چائينيز ڪمپني کي ٺيڪا ڏنا ويا. ڪچري جي استعمال لاءِ بورڊ جوڙيا ويا. پر عمل جي ميدان تي ڪاري وارا ڪک ئي نظر اچن ٿا. ان ڪري ڪراچي ۾ گذريل جيڪا برسات پئي آهي ان ڀلي غريبن جا گھر ٻوڙيا هجن جاني ۽ مالي نقصان ڪيو هجي پر گڏوگڏ وفاقي، صوبائي ۽ مڪاني ادارن جي روين تان پردا پڻ هٽرايا آهن. هن شهر لاءِ هڪ بي رحم پاليسي جي ضرورت آهي جيئن مون پهريان به لکيو آهي ته سڀ کان اڳ انهن نالن ۽ ندين تي آباد لکين ماڻهن تي اتان لڏائي انهن نالن کي پاڻي کڻڻ جو ڪم ئي ڏنو وڃي. گڏوگڏ ماضي جي سياسي حڪومتن هزارين گوسڙو ملازم ڀرتي ٿيا انهن خلاف پڻ ڪاروائي ٿئي.

Bookmark the permalink.

Leave a Reply

Your email address will not be published. Required fields are marked *