تازا ترين
  • *ڪراچي: سنڌ ۾ سي اين جي اسٽيشنز اڄ به بند، سڀاڻي 8 وڳي کوليون وينديون *هفتي ۾ 4 ڏينهن گيس پريشر گهٽ ڄاڻائي سي اين جي اسٽيشنز بند ڪيون پيون وڃن *صرف سنڌ ۾ سي اين جي اسٽيشنز مالڪن کي پريشان ڪيو پيو وڃي: پرشوتم لال *
  • *خيرپور: عورت سان مبينا طور اجتماعي زيادتي ۽ تشدد، اين سي داخل، وارثن جو احتجاج *شادي شده عورت مومل شيخ کي ٽن ٻارڙن سميت اغوا ڪري ڏاڍائي جو نشانو بڻايو ويو: وارث *5جوابدارن اغوا ڪري زيادتي ڪرڻ سان گڏ تشدد ڪيو: متاثر ناري *جوابدارن خلاف سوڀو ديرو ٿاڻي تي اين سي داخل، وارثن جو جوابدارن جي گرفتاري لاءِ احتجاجي مظاهرو*
  • *آواران ۾ سڪيورٽي فورسز جي ڪارروائي، 4 دهشتگرد مارجي ويا: آءِ ايس پي آر *آپريشن دوران دهشتگردن جا ٺڪاڻا تباهه، وڏي انگ ۾ هٿيار هٿ ڪيا ويا: آءِ ايس پي آر*
  • *گهوٽڪي: عدالت پاران سبزي منڊي ۾ قائم وڪلين جون آفيسون خالي ڪرائڻ واري فيصلي خلاف اسٽي آرڊر جاري *عدالت پاران اسٽي آرڊر جاري ڪرڻ بعد وڪيلن پاران ڊسٽرڪٽ بار ۾ مٺائي ورهائي *عدالت وڪيلن جي حق ۾ اسٽي جاري ڪري وڪيلن سان انصاف ڪيو آهي: وڪيل اڳواڻ *
  • *گمبٽ:16 ڏينهن اڳ مبينا طور اغوا ٿي ويل ٻن عورتن ۽ 2 ٻارڙن کي پوليس بازياب ڪرائي ورتو *حنا ۽ نگينا خاتون سميت ٻن ٻارڙن کي باءِ پاس تان بازياب ڪرايو: پوليس *16 ڏينهن اڳ ٽن جوابدارن هٿيارن جي زور تي ٻن عورتن ۽ ٻن ٻارڙن کي اغوا ڪيو هو: پوليس *بازياب ڪرايل عورتون ۽ ٻار عدالت ۾ پيش، بيان بعد وارثن حوالي *
  • *ڏڪاريل ڏيهه ٿرپارڪر ۾ برساتن بعد هرطرف ساوڪ، ميوا توڙي ڀاڄيون ٿيڻ بعد مارڪيٽ پهچي ويون *گدرا، ڇانهيا، مهيا، چڀڙ ۽ ٻيون ڀاڄيون توڙي ميوا مختلف شهرن جي مارڪيٽن ۾ وڪرو *روڊن تي اسٽال لڳائي ڀاڄيون ۽ ميوا وڪرو، ماروئڙن ۾ خوشي واري لهر *
  • *پيرجوڳوٺ: ٻه ڏينهن اڳ مڙس ۽ ڏيرن هٿان تشدد ۽ تذليل جو نشانو بڻايل عورت سيشن ڪورٽ خيرپور ۾ پيش *تشدد جي مبينا الزام ۾ گرفتار مڙس زال کان معافي وٺڻ بعد عورت جو عدالت ۾ مڙس سان رهڻ جو بيان *عدالت پاران ناري منيران راهوجو کي مڙس عبدالحليم راهوجو جي حوالي ڪري ڇڏيو *
  • *ڏهرڪي:قتل ٿي ويل عنايت شاهه جو لاش قومي شاهراهه تي رکي ڌرڻو، ٽريفڪ معطل *نئون ڪوٽ بس اسٽاپ وٽ ڌرڻي سبب ٻنهي طرفن کان ايندڙ ويندڙ ٽريفڪ معطل *جوابدارن جو پتو لڳائي ورتو آھي، گرفتاي لاءِ پوليس رواني ٿي ويئي آھي: پوليس جي خاطري*
  • *ڀان سيدآباد ۾ بدامني خلاف شهرين پاران جي احتجاجي ريلي ڪڍي وئي *شهر ۾ ڦورن ۽ چورن جو راڄ قائم آهي، پوليس ڏوهارين خلاف ڪارروائي نه پئي ڪري: احتجاج ڪندڙ *
  • *ڪڙيو گهنور ۾ ٻوڏ متاثرن جي واهر نه ٿي، سنڌياڻي تحريڪ طرفان حيدرآباد روڊ تي ڌرڻو *کليل آسمان هيٺ ويٺل آهيون، ٽينٽ ۽ کاڌي پيتي سميت صحت جي سهولت فراهم ڪئي وڃي: ٻوڏ متاثرن جو مطالبو *
  • *گهوٽڪي: عدالت پاران سبزي منڊي ۾ قائم وڪلين جون آفيسون خالي ڪرائڻ واري فيصلي خلاف اسٽي آرڊر جاري *عدالت پاران اسٽي آرڊر جاري ڪرڻ بعد وڪيلن پاران ڊسٽرڪٽ بار ۾ مٺائي ورهائي *عدالت وڪيلن جي حق ۾ اسٽي جاري ڪري وڪيلن سان انصاف ڪيو آهي: وڪيل اڳواڻ *
  • *ڏهرڪي ڀرسان ننڊ پيل ڳوٺاڻو قتل، پوليس واقعي جي جاچ شروع ڪري ڇڏي *ڳوٺ نئون ڪوٽ ۾ اڻڄاتل جوابدار 45سالن جي عنايت علي شاهه جو ڳلو ڪپي فرار ٿي ويا *زخمي حالت ۾ عنايت علي شاهه کي وارث رحيم يار خان اسپتال کڻي ويا جتي هن دم ڏنو *
  • *پي ٽي آءِ سينيٽر اورنگزيب اورڪزئي پاران بني گالا ۾ سرڪاري زمين تي قبضي جو انڪشاف *سي ڊي اي ۽ ايم سي آءِ قبضي واري رپورٽ اسلام آباد هاءِ ڪورٽ ۾ جمع ڪرائي ڇڏي *عدالت پاران سرڪاري ايراضي تي قبضو ڪندڙ سينيٽر ۽ سي ڊي اي آفيسرن خلاف ڪارروائي جو حڪم*
  • *ڪنري ڀرسان گھر جي ڀت ڪرڻ سبب معصوم نينگر دٻجي فوت ٿي ويو *ڳوٺ رامچند ڪولھي ۾ ڀت ڪرڻ سبب11 ورھين جو نينگر لڇمڻ پٽ گلاب ڪولھي دٻجي ويو *نينگر کي ڳڻتي جوڳي حالت ۾ حيدرآباد نيو پئي ويو ته هن رستي ۾ ئي دم ڏئي ڇڏيو*
  • *لاڙڪاڻو: 10 کان مٿي مختلف ڳوٺن جي بجلي گذريل ڪيترن مھينن کان بند، ڳوٺاڻن جو ٽائر ساڙي احتجاج *ٻلھڙجي، بگي ٻنڊي، گاجي ديرو ۽ وڏي وھڻي سميت مختلف ڳوٺن جي رهواسين جو ايئرپورٽ روڊ بند ڪري احتجاج *بلن جي ادائگي باوجود رشوت طلب ڪئي وڃي ٿي، نه ڏيڻ جي صورت ۾ بجلي بند ڪئي وئي آهي : ڳوٺاڻا *

شهر ۾ رهڻ لاءِ ٻيڙي ٿي گهرجي….

سنڌ ۾ مون سون جي برسات جو چوٿون سلسلو گذريل ٻن ڏينهن کان جاري آهي، ڪراچي سميت سڄي سنڌ ۾ گجگوڙ سان بادل وسن پيا، وقفي وقفي سان وسندڙ اها برسات اڄ رات تائين جاري رهندي، جيتوڻيڪ جديد ٽيڪنالوجي ۽ سوشل ويب سائيٽس جي ڪري موسم جو احوال اڳواٽ معلوم ٿي سگهي ٿو ۽ موسميات کاتي پاران هن ڀيري اڳواٽ جيڪا به اڳڪٿي ڪئي وئي هئي، انهي پٽاندر ئي برسات پئي آهي، ان باوجود ڪراچي انتظاميا اڳواٽ انتظام ڪرڻ ۾ ناڪام رهي ۽ ڪراچي واسي هميشه جيان برساتي پاڻي سبب سخت پريشاني کي منهن ڏيندا رهيا،
ڪراچي جيڪو سنڌ جو راڄڌاني وارو شهر آهي ته ملڪ جي معيشت ۾ ڪرنگهي وارو ڪردار ادا ڪري ٿو، انهي شهر جي مالڪي جا دعويدار ئي هن شهر سان ٻه اکيائي ڪن ٿا، سياسي لحاظ کان ايم ڪيو ايم سدائين پاڻ کي ڪراچي جي نمائنده جماعت سڏايو پر ايم ڪيو ايم جي موجوده ميئر کان وٺي اڳوڻن مڪاني توڙي صوبائي ۽ وفاقي ڪابينا ۾ موجود نمائندن جي ناقص انتظامن سبب ڪراچي ۾ هن وقت به برساتي پاڻي نيڪال نٿو ٿئي. نه رڳو اهو پر گذريل 13 سالن کان سنڌ ۾ حڪومت ڪندڙ پ پ به هن شهر لاءِ ڪو اهڙو منصوبو ناهي جوڙي سگهي جو هتان جي رهواسين کي برساتي پاڻي جي بيهڻ سبب پيش ايندڙ تڪليف مان نجات ملي سگهي. انتظامي لحاظ کان ڪراچي ۾ شاهراهه فيصل جي ڪارساز روڊ، ڊي ايڇ اي، گلستان جوهر، سعيد ٽائون، شاهه فيصل ڪالوني صدر، ڪياماڙي، مائي ڪولاچي، پي آءِ ڊي سي، ڪالا پل، جناح اسپتال، ايف ٽي سي، اي بي سينيا لائينز، لائنز ايريا ۽ ڊفينس جا سمورا فيز ڪينٽونمنيٽ بورڊ جي ذميواري آهن،
ان کان علاوه ڪي پي ٽي، ريلوي، پي آءِ اي، پوليس، ايف سي، ميري ٽائيم سميت ٻين ادارن جون آفيسون ۽ رهائشي ڪالونيون انهن جي ذميواري آهن، اهڙي ريت ٻيا به ڪيترائي اهم علائقا آهن جتي رهندڙ اميرن ۽ وڏن ماڻهن جا هٿ وڏا آهن، جيڪي ڪروڙين روپين جي ذاتي گاڏي خريد ڪن ٿا پر پنهنجي گهر جي اڳيان ٽٽل روڊ توڙي نالي جو ڪم نٿا ڪرائين، انهن جي ڪالونين جو ڪم ڪار ته اڪثر پاڻ مراد ٿي ويندو آهي پر باقي جيڪي علائقا عام غريب ماڻهن جا آهن، جنهن ۾ ڪورنگي جون ڳتيل آباديون، نيو ڪراچي جا اورنگي ٽائون، سرجاني ٽائون، قصبا ڪالوني، عليڳڙهه، ڪٽي پهاڙي، ناظم آباد ۽ ٻيا علائقا شامل آهن، اتي جي رهواسين جي ڪير به سار نٿو لهي، ڪراچي ۾ عيد کان اڳ جيڪا برسات آئي هئي انهي برسات کانپوءِ سنڌ حڪومت تي تمام گهڻي تنقيد ٿي هئي، حالانڪه اها تنقيد ڪراچي جي ميئر تي به ٿيڻ گهرجي ها، جنهن جي بنيادي ذميواري آهي ته هو هتان جي مقامي ماڻهن جي ووٽن تي ميئر ٿيو، کيس وسيلا ۽ اختيار ڪراچي جي ماڻهن جي خدمت لاءِ مليل آهن پر هن پنهنجي ذميواري ادا نه ڪئي ۽ وفاقي حڪومت جي اتحاد ۾ موجود ايم ڪيو ايم جا ميمبر توڙي وفاقي سرڪار جا نمائنده به پ پ سرڪار تي تنقيد ڪري رهيا آهن، انهي ڳالهه ۾ ڪوشڪ ناهي ته ڪراچي سنڌ جي راڄڌاني آهي ۽ پ پ گذريل 13 سالن کان سنڌ ۾ حڪومت ڪري رهي آهي، سنڌ ڪابينا جا 99 سيڪڙو ميمبر ڪراچي ۾ پنهنجا ذاتي گهر رکن ٿا، يعني اهي به هن شهر جا مستقل رهواسي آهن پر اهي ڪراچي جي ماڻهن جي مالڪي ۾ دلچسپي نٿا وٺن، پر ڪراچي جا اهي عام مزدور ۽ پورهيت ماڻهو جن جي گهرن ۾ پاڻي بيهي ٿو، برساتي پاڻي سان گٽر نالن جو پاڻي ملي ٿو ۽ اهو پاڻي وري پيئڻ جي پاڻي جي لائينن سان ملي ٿو، نتيجي ۾ عام ماڻهو بيمارين ۾ وڪوڙجي وڃن ٿا پر اهي سمورا ماڻهو جيڪي ذميوار آهن اهي ان طرف ڌيان نٿا ڏين، ڪراچي ۾ گذريل هڪ سال جي رپورٽنگ دوران برسات کي مختلف وقتن تي رپورٽ ڪرڻ وقت مون ڏٺو ته ڪراچي ۾ برسات جي ڪري نه رڳو غريب ماڻهو ڀوڳي ٿو پر هر طبقي جو ماڻهو پريشان ٿئي ٿو، اها ٻئي ڳالهه آهي جو وڏن ماڻهن کي پريشاني محسوس نٿي ٿئي ۽ غريب ماڻهن کي انهي پريشاني جو شديد احساس ٿئي ٿو، ڪالهه جڏهن ڪراچي ۾ برسات جو ٻيو ڏينهن هو ۽ مون مختلف هنڌن تان بيهي ٽائيم نيوز جي لاءِ رپورٽنگ پئي ڪئي ته مونکي ڪيترن ئي علائقن جي مين روڊ تي گوڏي جيڏو برساتي پاڻي بيٺل نطر آيو، جنهن سبب موٽرسائيڪل سوار سخت پريشان هئا، جيڪي پنهنجي منزل تائين پهچڻ لاءِ انهي برساتي پاڻي ۾ بند ٿي ويندڙ پنهنجي موٽرسائيڪل کي ڌڪا ڏئي منزل تائين رسائڻ جي ڪوشش ڪري رهيا هئا، ساڳي ريت پنڌ ويندڙ ماڻهو خاص طور عورتون ۽ ٻار تمام گهڻو پريشان هئا، انهن جي پريشاني کي ڏسي مونکي لڳو ته يا ته هي شهر صفا لاوارث آهي يا ته پوءِ هن شهر کي انا پرستي واري سياست تباهه ڪري رهي آهي،
انهي ڪري ڪراچي ۾ جيڪي مستقل رهن ٿا انهن کي ڄڻ ته مڪاني، صوبائي توڙي وفاقي سرڪار نياپو ڏنو آهي ته اهي مٿن ڀاڙڻ بدران يا ته پنهنجي پاڙي ۽ علائقي جي سطح تي چندو ڪري پنهنجا روڊ رستا ۽ گٽر نالا پاڻ تعمير ڪرائڻ گهرجن ان لاءِ شعوري مهم هلائي وڃي، يا ته پوءِ برساتي پاڻي مان پنهنجي گهرن تائين پهچڻ لاءِ هڪ هڪ ٻيڙي خريد ضرور ڪرڻ گهرجي، ٻي صورت ۾ کين هر برساتي موسم ۾ گهر پهچڻ تائين ڪيترائي ڪشالا ڪاٽڻا پوندا.

Bookmark the permalink.

Leave a Reply

Your email address will not be published. Required fields are marked *