تازا ترين
  • *ڪراچي: وڏي وزير مراد علي شاهه شير شاهه ۾عمارت ڪرڻ واري واقعي جو نوٽيس ورتو *وڏي وزير پاران ڪمشنر ڪراچي کي فوري طور انتظاميه کي متحرڪ ڪرڻ جي هدايت *ڪوشش ڪئي وڃي ته سمورن مزدورن جون حياتيون بچايون وڃن: وڏو وزير مراد علي شاهه*
  • *ٽنڊو غلام حيدر جي مختلف علائقن مان برسات ۽ گهارن جو پاڻي نيڪال نه ٿيو، رهواسي عذاب ۾ مبتلا *مويا نظرپور، ڏندو، حاجي صوڀو خان چانڊيو سميت 8 يوسيز جي ڪيترن ئي ڳوٺن ۾ پاڻي بيٺل پاڻي نيڪال نه ٿيڻ سبب مليريا، گيسٽرو ۽ ٻين بيماريون منهن ڪڍيو، ڪيترائي ڳوٺاڻا اسپتال ڀيڙا*
  • *سپريم ڪورٽ ۾ ذهني مريض قيدي جي موت واري سزا روڪڻ لاءِ اپيل تي ٻڌڻي *عدالت جوابدار غلام عباس جي طبي چڪاس لاءِ ميڊيڪل بورڊ جوڙي ڇڏيو *ميڊيڪل بورڊ کي طبي چڪاس ڪري ٽن هفتن اندر رپورٽ پيش ڪرڻ جو حڪم*
  • *ٽنڊو غلام حيدر ۾ ڳوٺاڻن جو برساتي پاڻي نيڪال نه ٿيڻ تي ٻارڙن کي پوليو جا ڦڙا پيئارڻ کان انڪار *ڳوٺ مير محمد لاشاري جي رهواسين برساتي پاڻي نيڪال نه ٿيڻ خلاف احتجاج ڪيو *ڳوٺ مان پاڻي نيڪال ڪرايو وڃي ٻي صورت ۾ ٻارڙن کي پوليو جا ڦڙا نه پيئارينداسين: ڳوٺاڻا*
  • *ٽنڊو ڄام زرعي يونيورسٽي ۽ وٽرنري يونيورسٽي سڪرنڊ ۾ وقتي وائيس چانسلرز جي مقرري *پروفيسر ڊاڪٽر ظهير الدين ميراڻي زرعي يونيورسٽي ٽنڊو ڄام جو وقتي وائيس چانسلر مقرر *احمد سلطان جتوئي وٽرنري يونيورسٽي سڪرنڊ جو وقتي وائيس چانسلر مقرر، نوٽيفڪيشن جاري*
  • *آصف زرداري ۽ نواز شريف هڪ ٻئي تي الزام لڳائيندا رهيا هاڻي گڏ ويٺا آھن: خرم شير زمان *بلاول جي تقرير مان لڳي پيو ته پاڪستان خلاف تحريڪ هلائڻ وڃن پيا: خرم شيرزمان *جيڪڏھن کين تحريڪ هلائڻي آھي ته ڪراچي ۽ لاڙڪاڻي کان شروع ڇو نٿا ڪن: خرم شير زمان*
  • *ڪراچي: دهشتگردي ٽوڙ عدالت ۾ انسپيڪٽر ناصر الحسن جي ٽارگيٽ ڪلنگ بابت ڪيس تي ٻڌڻي *ڏوهه ثابت نه ٿيڻ تي عدالت 5 جوابدارن کي بري ڪري ڇڏيو *اکين ڏٺن شاهدن جي تڪراري بيان جي ڪري ڏوهه ثابت نه ٿي سگهيو آهي: پوليس *
  • * ڪراچي: ميٽرڪ بورڊ شاگردن جي امتحان جا نتيجا پڌرا ڪري ڇڏيا *ڪراچي: ميٽرڪ بورڊ سائنس گروپ جي نتيجن جو اعلان ڪري ڇڏيو *ڪراچي: هڪ لک 68 هزار 880 شاگرد امتحان ۾ ڪامياب قرار*
  • *ڪشمور ويجهو سڱاوتي تڪرار تان هٿياربندن جي فائرنگ ۾ نوجوان قتل، واٽهڙو پيرسن زخمي *هٿياربندن جي فائرنگ ۾ عيد گاهه واسي علي گل سولنگي ۽ واٽھڙو پيرسن شاھمور خالدي زخمي ٿي پيا *زخمي سول اسپتال منتقل، نوجوان کي رحيم يار خان نيو پئي ويو ته رستي ۾ دم ڌڻي حوالي ڪيائين *مورزادو جکراڻي ۽ ڏاڏو جکراڻي نوجوان کي قتل ڪيو، قاتل گرفتار ڪري انصاف ڪيو وڃي: وارث *
  • *محرابپور ويجهو نوجوان بجلي جو ڪرنٽ لڳڻ سبب فوت *ڳوٺ ولي آباد ۾ علي ولد رمضان آرائين پکي مان ڪرنٽ لڳڻ سبب فوت ٿي ويو *
  • *سپريم ڪورٽ ۾ سرڪاري زمين تي پيٽرول پمپس ليز تي ڏيڻ بابت پاڻمرادو نوٽيس تي ٻڌڻي *عدالت ڪمشنر فيصل آباد پاران پيش ڪيل رپورٽ رد ڪري ڇڏي *سپريم ڪورٽ پاران ايندڙ ٻڌڻي تي ڪمشنر فيصل آباد کي ذاتي حيثيت ۾ پيش ٿيڻ جو حڪم *حڪم تي عمل نه ٿيو ته ڪمشنر ۽ اسسٽنٽ ڪمشنر ٻئي جيل ويندا: سپريم ڪورٽ*
  • *سڪرنڊ ۾ آل پارٽيز الائينس جي سڏ تي بجلي جي اڻ اعلانيل لوڊشيڊنگ خلاف احتجاجي ريلي *مظاهرين صحافي چوڪ کان ريلي ڪڍي حيسڪو آفيس جي گيٽ آڏو ڌرڻو هنيو، ڇتي نعريبازي *سڪرنڊ ۽ ڀرپاسي ۾ 16کان18 ڪلاڪ بجلي جي لوڊشيڊنگ ڪئي پئي وڃي: مظاهرين *
  • *ڪراچي: سهراب ڳوٺ وٽ پوليس ۽ ڏوهارين وچ ۾ مبينا مقابلو، 2 ڦورو زخمي حالت ۾ گرفتار *موٽر سائيڪل تي سوار ٽن جوابدارن ڦر جي ڪوشش ڪئي ته پوليس پهتي: پوليس *مقابلي ۾ زخمي ٿيل ڦورو فيروز اسپتال ۾ علاج دوران فوت ٿي ويو: پوليس *
  • *ڪراچي: شرافي ڳوٺ ۾ نجي ڪمپني جي لاڪرز مان چوري ڪندڙ جوابدار گرفتار *جوابدار لاڪرز ٽوڙي نجي ڪمپني جا 6 لک رپيا چوري ڪيا هئا: پوليس *سي سي ٽي وي فوٽيجز ۾ هڪ جوابدار ڪمپني اندر نظر آيو آهي: پوليس*
  • *رائونتي ۾ ڳوٺاڻن جو بنيادي سهولتن جي کوٽ خلاف احتجاجي ريلي، ڌرڻو *مختلف ڳوٺن جي رهواسين احتجاجي ريلي ڪڍي اي سي آفيس اوٻاوڙو آڏو ڌرڻو هنيو، نعريبازي *ڳوٺن ۾ اسڪول، پڪن روڊن ۽ اسپتال جهڙي جهڙي ڪا به سهولت نه آهي: ڳوٺاڻا*

شال مينهن به خير جا وسن

سنڌ ۾ صدين کان آسمان تي بادل ڏسڻ کانپوءِ گهر جا وڏڙا هميشه هڪڙو ئي جملو چوندا رهيا آهن ته “شال مينهن به خير جا وسن” اهڙي ريت وري درسي ڪتابن ۾ به کوڙ بيتن سان گڏ اهو بيت به پڙهندا هئاسين ته “ الا جهري م شال غريبن جي جهوپڙي” سرائيڪي جي ڪنهن شاعر به اهڙي ريت چيو آهي ته “جيڪا واڇڙ ڇڄا ڇني اهڙي برسات نه گهرجي.” هي ۽ اهڙيون کوڙ چوڻيون ان ڳالهه طرف اشارو ڪن ٿيون ته مينهن رڳو رحمت نه پر زحمت به بڻجي سگهن ٿا. هن وقت جڏهن آئون هي سٽون لکي رهيو آهيان ته ان وقت سنڌ جي اڀ مٿان بادل ڇانيل آهن، وسڪارا آهن، ڦڙ ڦڙ جاري آهي، سرڪار ۽ ان جا وزير، ڪامورا ڪراچي جي گجر نالي جي صفائين ۾ مصروف آهن، ٿر، ڪاڇي، ڪوهستان ۽ ناري جي پٽن تان سماجي ويب سائٽن ذريعي خوشي جون هوائون نظر اچن ٿيون. شهري علائقن ۾ ماڻهو اهو چئي رهيا آهن ته واپڊا وارن بادل ڏسي بجلي بند ڪري ڇڏي آهي کڻي ايئن چئجي ته مينهوڳي جي هن مند ۾ سنڌ اندر ڪٿان خوشي ته وري ڪٿان پريشاني ۽ ڳڻتيءَ جو اظهار ڪيو پيو وڃي. شيخ اياز ڪٿي لکيو آهي ته
“جهڙ ڦڙ جي جهونگار لاڙائونءَ جي لونءِ ۾
وس وس منهنجا يار، آيا وسڻ ڏينهڙا”
اهڙي ريت لطيف سائين چيو آهي ته
“ اڄ پڻ منهنجي يار، وسڻ جا ويس ڪيا”
مون کي ياد ٿو اچي ته مينهن جي ان مند ۾ سنڌ جي ريڊيو اسٽيشنن تان اڪثر استاد محمد جمن جي آواز ۾ اهو گيت هلندو هو ته
“ماروئڙن جي ملڪ مٿي، رات به مينهڙا وٺا
رات به مينهڙا وٺا، کنوڻين کيل ڪيا”
هي اهڙي مند آهي جيڪا سنڌ جي چئني ڪنڊن کي هڪجهڙو اداس ڪري ڇڏيندي آهي، هڪ جهڙيون خوشيون ڏيندي آهي ۽ هڪ جهڙا ڏک به ڏيندي آهي جتي مٺيءَ جي گاڏي واري لڪ تي بيهي ڪو ٿري ڏڪار سبب لڏي ويل پنهنجي پيار جي موٽي اچڻ تي بادلن کي ڏسي چوندو آهي ته
“ مينهن ميڙيا سپرين” اتي جنگشاهي جي جبل تي اتان جو ماڻهو اهو گيت ڳائيندو آهي ته
“جبل مٿي جهڙ او جاني، مند ڏسي تون مڙ او جاني”
مون پليجي صاحب جي جيل ڊائري ڪوٽ لکپت جي قيدي ۾ ڪٿي پڙهيو هو ته پليجي صاحب لکيو ته سڄي قيد دوران هڪ ڀيرو آڌي رات جو برسات ڏسي هن کي جنگشاهي جا جبل ياد آيا هئا ۽ پليجي صاحب ان جي هيٺان هڪ شعر لکيو هو جيڪو مون کي اڄ به ياد آهي
“جهوري ويون جهڙاليون الا
شل باهه لڳي برساتن کي
ماڻهو مرڪن موتيي گل جيئن
مکڙا تن جا ڪيسون ڦل جيئن
پنهنجون اکڙيون آليون الا
شل باهه لڳي برساتن کي”.
هي ته آهن مينهن جي مند ۾ دل جي دنيا جون ڳالهيون پر برسات جي مند ۾ ڌرتي به نوان ويس پائيندي آهي، ٿر ڪاڇو خوشحال ٿيندو آهي، سنڌ جا سامونڊي ڪنارا مرڪندا آهن ۽ وچولي جي ٺوٺ زمين سر سبز ٿيندي آهي پر هي سڀ شيون تڏهن ڏکن يا تڪليفن جا ويس پائينديون آهن جڏهن بد انتظامي سبب هي برساتون رحمت بدران زحمت بڻجنديون آهن گٽر نالا اٿلي گهرن ۾ پوندا آهن، واهن ۽ شاخن کي گهارا لڳندا آهن، ڍنڍون، ڍورا اٿلي ڳوٺن جاڳوٺ ٻوڙيندا آهن بجلي جي اڻ اعلانيل لوڊشيڊنگ شهرن ۽ ڳوٺن کي اونداهي جي لپيٽ ۾ آڻيندي آهي. برسات جي اها تباهي خوشحالي بدران ايتريون ته مصيبتون ۽ تڪليفون کڻي ايندي آهي جو ماڻهو هن قدرتي رحمت مان فائدو وٺڻ بدران وڌيڪ مشڪلاتن ۾ وڪوڙجي ويندا آهن. اسان وٽ سرڪاري ادارن جي حالت اها آهي جو سنڌ جي ماڻهن جي ووٽن تي چونڊجي آيل وزير هن مينهوڳي جي مند ۾ سڄي سنڌ جي سار لهڻ بدران ڪراچي جي گجر نالي جي هڪڙي ڪنڊ کان نڪري اورنگي نالي جي ٻئي ڪنڊ تائين پهچي 50 کن پريس ڪانفرنسون ڪري، مخالفن کي من ڀري گاريون ڏيڻ بعد موٽي اچي بنگلن ۾ سمهي پوندا آهن. ورهيه ٿيا آهن اها خبر ٻڌڻ لاءِ ڪن سڪي ويا آهن ته مڪاني ادارن وارو وزير مينهن جي مد ۾ واهي پانڌي کان وٺي اوٻاوڙي تائين، ڪيٽي بندر کان وٺي چونڊڪو تائين دورا ڪرڻ لاءِ نڪتو آهي. ٻيو ته ٺهيو پر سنڌ سرڪار جا صوبائي وزير ڪراچي جهڙي شهر ۾ به ملير ۽ لياري سميت سنڌين ۽ بلوچن جي ڳوٺن ۾ وڃي اهو ناهن ڏسندا ته اهي به هن ملڪ جا شهري آهن، اهي برسات ۾ ٻڏا يا بچيا آهن. اها سٺي ڳالهه آهي ته برسات جي پهرين وسڪاري کانپوءِ هن هلندڙ وسڪاري جي هڪ ڏينهن اڳ وڏي وزير حيدرآباد ۽ ميرپورخاص ۾ اجلاس ڪيا آهن پر مڪاني کاتي وارو وزير اهڙي صورتحال ۾ به گجر نالي جو ڪنارو ڇڏي سنڌ جي ٻين ضلعن ڏانهن نه ويو آهي. سنڌ اندر مڪاني ادارن جو نظام شهرن جي صفائي سٿرائي ته نه ٿو ڪري سگهي پر هنن هنگامي حالتن ۾ به هن کاتي جا آفيسر تفريح جي ماڳن تي نڪري ويندا آهن ۽ ماڻهو پاڻ ٿانو ٺڪر کڻي گهرن مان گٽرن جو پاڻي ڪڍي وقت گذاريندا آهن. اسان وٽ وفاقي ڊيزاسٽر مينجمينٽ اٿارٽي سان گڏوگڏ صوبائي ڊيزاسٽر مينجمينٽ اٿارٽي به آهي پر اها ڪراچي جي ڊفينس واري علائقي ۾ ويهاڻو ڪنڌ هيٺان ڏئي سالن کان آرامي آهي. سنڌ ۾ ٻوڏون اچن، طوفان اچن، زلزلا اچن يا قهري ڏڪار ۾ ٻار مائرن جي جهولين ۾ تڙپي تڙپي دم ڏين پر هي کاتو ڪٿي به نظر ناهي ايندو. هنن ڏينهن ۾ به لڳي ايئن پيو ته وڏي وزير اڪيلي کي گٽر نالن جي ڪنارن تي بيهي آفيسرن کي هدايتون ڏيڻيون پونديون ته صفائي ڪيو باقي ادارا ۽ ٻيون سرڪاري مشينريون ايئن بادل ڏسي گم ٿيو وڃن جيئن ٻهراڙين ۾ واپڊا وارا بادل ڏسي بجلي بند ڪري ڇڏيندا آهن. سنڌ ۾ هن وقت جيڪا برسات آهي ان کي مقامي ٻولي ۾ ڪاڇي برسات سڏيندا آهن، سنڌي ۾ چوڻي آهي ته
“ڪاڇي ۽ ڪانئر ، ٻئي هڪڙا،
ڪاڇي وسي نه، جي وسي ته ٻوڙي
ڪانئر هڻي نه، جي هڻي ته ماري”.
انڪري هيءَ برسات لوڪ ڏاهپ سان گڏوگڏ موسميات کاتي جي اڳڪٿي موجب تيز برسات آهي انڪري هن ڳالهه کان انڪار نه ٿو ڪري سگهجي ته برسات سان تباهي نه ايندي پر اهڙي صورتحال ۾ وفاقي ۽ صوبائي حڪومتن جي اها ذميواري ٿي بڻجي ته ماڻهن جو گهٽ کان گهٽ نقصان ٿئي، هتي هڪڙي ٻئي ڳالهه به لکڻ لازمي ٿو سمجهان ته سنڌ جو آبپاشي وارو کاتو پاڻي جي ضرورت وارن ڏينهن ۾ پنهنجو سمورو زور هٿرادو وارابندي ڪري فصل سڪائڻ تي ڏيندو آهي ۽ ٻوڏ وارن ڏينهن ۾ وري هن کاتي جا آفيسر واهن ۽ شاخن جا در مٿي کڻي ٻانهن سيراندي ڏئي سمهي رهندا آهن انڪري هن برساتن دوران جتي مڪاني ادارن واري کاتي مٿان ذميواري فرض ٿي بڻجي اتي آبپاشي کاتي کي به پنهنجو ڪردار ادا ڪرڻ گهرجي. شاخن ۽ واهن تي لڳندڙ گهارا رڳو ڳوٺ ناهن ٻوڙيندا پر سڄي سال جو پورهيو ڪري پوکيل فصل به ٻوڙي تباهه ڪري ڇڏيندا آهن ان ڪري سنڌ سرڪار کي هنن برساتن دوران رڳو ڪورونا کان بچاءُ واريون صلاحون ڏيڻ بدران عملي طور اپاءُ وٺڻ گهرجن جيئن هي مينهن ماڻهن کي ٻوڙي ۽ لوڙهي نه وڃن.

Bookmark the permalink.

2 Responses to شال مينهن به خير جا وسن

  1. Sajan charo says:

    بھترين مضمون پيارا دودل سنڌ ۾ گذريل ٻن ڏھاڪن کان قدرتي رين فلڊ ـ ڏڪارـ ماڪڙ توڙي موسمي برساتن دوران فقط بجيٽ رليز ڪراعڻ لاء ميٽنگون ٿين ٿيون باقي عوام ڄاڻي ۽ عوام جو ڪم ڪڏھن ڪڏھن ت آفيسر ھٿ سان واھن کي گھارا ھڻي بجيٽ ڪڍاعيندا آھن توھان جي راء سان مڪمل اتفاق ڪيون ٿا آفتن جھڙوڪ

  2. امداد علي راھوجو says:

    ادا توھان جا ڪالم ھميشھ مياري ھوندا آھن چند ڪالمن جي ڪري شروع کان ڪاوش پڙھندو ھيس جڏھن کان اھي دوست ڪاوش کان ويا اسان ب وٺڻ ڇڏي ھاڻي پنهنجي اخبار م انھن دوستن جي ڪالمن جو انتظار ھوندو آھي انھي م سرفرست توھان ۽ کوکر صاحب آھيو

Leave a Reply

Your email address will not be published. Required fields are marked *