تازا ترين
  • *ٺٽو: مڪلي باءِ پاس تي خوفناڪ حادثو، نينگر سميت ڪراچي واسي 3 ڄڻا فوت، 4 زخمي*
  • *سکر پوليس پاران همايون مان اغوا ڪيل نينگر شيراز چنا کي بازياب ڪرائڻ جي دعويٰ، جوابدار مشتاق شاهه گرفتار*
  • *عمرڪوٽ ۾ اسڪولي شاگردن ۽ شاگرياڻين کي هراسان ڪرڻ ۽ سندن وڊيو ٺاهڻ جي الزام هيٺ هڪ جوابدار گرفتار، ڪيس داخل * عمرڪوٽ: شهرين جي شڪايت تي جوابدار احد پٺاڻ کي گرفتار ڪري ڪيس داخل ڪيو ويو آهي: پوليس * عمرڪوٽ: شاگردن ۽ شاگردياڻين کي تنگ ڪيو ويندو آهي، ٻين جوابدارن کي به گرفتار ڪيو ويندو *
  • *مورو ڀرسان گهر اندر پراسرار نموني گولي لڳڻ سبب 13 سالن جي نينگري نظيران ڌيءُ محمد بخش لاشاري مارجي وئي، وارثن آپگهات قرار ڏئي ڇڏيو * مورو: نينگري نظيران ڌيءُ محمد بخش لاشاري کي قتل ڪيو ويو آهي: چئوٻول *
  • *گمبٽ ۽ ٽنڊو مستي ويجهو روڊ حادثا: نينگري بيبي خيريت بلوچ ۽ زوهيب پٽ خان محمد سومرو فوت، 4 ڄڻا احسان علي بلوچ، بيبي مناحل، بيبي هادي ۽ ثمينه زخمي*
  • *لنڊن: ڪمپيوٽر ۾ ڪٽ، پيسٽ، فائينڊ ۽ ري پليس ايجاد ڪندڙ سائنسدان لاڏاڻو ڪري ويو*
  • *گهوسٽ اسڪولن جون تصويرون سوشل ميڊيا تي رکي اُتان جي چونڊيل نمائندن کي ڳوليو: فاطمه ڀٽو 12 سالن کان بند پيل سر شاهنواز اسڪول جي تصوير شيئر ڪري ڇڏي * سجاول جي سرڪاري بوائز اسڪول تي منهنجي ڏاڏي جو نالو آهي، جيڪو 12 سالن کان بند آهي، اها آهي عملي ڪرپشن: فاطمه ڀٽو * جنهن علائقي ۾ اسڪول بند آهي، اُتان جي ايم اين ايز ۽ ايم پي ايز کي ڳوليو، اڃا ڪيترا نسلن ائين يرغمال بڻيل رهندا: سوشل ميڊيا تي اپيل *
  • *باڊهه ۾ پ پ ايم پي اي جي سرپئنچيءَ ۾ جرڳو: پسند جي پرڻي تان ٻٽي قتل جو هڪ جوابدار تي 20 لک ڏنڊ: متاثرن جو 4 جوابدارن سان ٺاهه کان انڪار * باڊهه: مقتول نوجوان فياض ۽ غازي ٻرڙو جي وارثن طرفان عدالت ۾ ڪيس تان هٿ کڻڻ بعد ڏنڊ جا 15 لک رُپيا ڏنا ويندا: جرڳي ۾ فتويٰ * باڊهه: فتويٰ موجب جوابدار سليم ڏيرو ڏنڊ جي رقم ڀريندو، ناري مريم ڏيرو ۽ فياض ٻرڙو طرفان پسند جي شاديءَ بعد ڌُرين ۾ تڪرار ٿيو هو *
  • *ڪراچي: آءِ جي موٽرويز اي ڊي خواجه نارڪوٽڪس ڪنٽرول ڊويزن جو سيڪريٽري مقرر*
  • *ڪراچي/حيدرآباد: پٽ جي شادي تي ايڏو خرچ؟ ڊي ايس پي ٽنڊوآدم محمد ايوب بروهي کي نوٽيس * ڪراچي/حيدرآباد: ايڊيشنل آءِ جي حيدرآباد ولي الله دل دعوت کائڻ بعد ڊي ايس پي ٽنڊوآدم محمد ايوب بروهي کي نوٽيس جاري ڪري ڇڏيو، معاملو نيب ڏانهن موڪلڻ جي وارننگ *
  • توهان جي اقرباپروري تباهي مچائي ڇڏي آهي، پنهنجي مقرريءَ تي جواب ڏيو: سنڌ هاءِ ڪورٽ طرفان سيڪريٽري فوڊ تي ڪاوڙ جو اظهار*خوراڪ کاتي جي سيڪريٽري لئيق احمد جي مقرري ئي غيرقانوني آهي، توهان ته سيڪشن آفيسر آهيو: چيف جسٽس احمد علي شيخ*فلور ملز مالڪن کي رهتون ۽ مارڪ اپ جي رقم فوري جمع ڪرائڻ جو حڪم: جوابدار رحمت الله شيخ جي ضمانت درخواست تي فيصلو محفوظ*

سنڌ ۾ بهتر پوليسنگ جو تصور ڪيئن جڙندو؟

سنڌ حڪومت ۽آءِ جي پوليس ۾ هلندڙ اختلافن جو ڊراپ سين آخرڪار سنڌ حڪومت پاران آءِ جي سنڌ مٿان چارج شيٽ ۽ وفاق کي لکيل خط سان ٿيو، جنهن ۾ آءِ جي سنڌ ڪليم امام جون خدمتون فوري طور واپس وٺڻ جو مطالبو ڪيو ويو آهي. سنڌ سرڪار پاران آءِ جي سنڌ مٿان جيڪي الزام لڳايا ويا آهن تن ۾ سندس ڪمانڊ جي ڪمزوريءَ سبب بدامنيءَ جي واقعن ۾ واڌ، رولز آف بزنس جي ڀڃڪڙي ڪرڻ سميت ٻيا به الزام لڳايا ويا آهن.
جيتري قدر سنڌ ۾ بدامنيءَ جو تعلق آهي ته ان ڳالهه ۾ ڪو شڪ ناهي ته ڪشمور کان ڪراچيءَ تائين سنڌ ۾ بدامنيءَ جا واقعا هاڻ شدت اختيار ڪري ويا آهن. هڪڙي پاسي ڪچي جا ڌاڙيل آهن، جن پاران نئين ٽيڪنالاجي ۽ عورتن جو استعمال ڪندڙ ماڻهن کي ڀنگ عيوض اغوا ڪيو پيو وڃي ته ٻئي پاسي ڪراچي جي پوش علائقن مان دعا منگي ۽ بسمه ميمڻ جي اغوا ۽ ڀنگ عيوض بازيابي جا واقعا پيش اچي چڪا آهن، سو ان حوالي سان ته شايد ئي ڪنهن کي اختلاف هجن ته سنڌ ۾ امن امان جي صورتحال اطمينان جوڳي ناهي. پر ٻئي پاسي اهو به سچ آهي ته ڪليم امام ڪو پهريون آءِ جي پوليس ناهي، جنهن جا سنڌ حڪومت سان اختلاف ان حد تائين رهيا هجن جو معاملو الزام بازيءَ تائين پهتو هجي پر ان کان اڳ اي ڊي خواجا جڏهن آءِ جي هو ته سنڌ حڪومت سان سندس تڪرار وڃي عدالت تائين پهتو هئو. تنهنڪري عام ماڻهن جي ذهنن ۾ سوال پيدا ٿيڻ فطري آهن ته آخر آءِ جي پوليس ۽ سنڌ حڪومت ۾ ڪا ورڪنگ رليشن شپ ڇو نٿي جڙي؟ جيڪا نه هجڻ سبب نه رڳو حڪومت جي عملداري ڪمزور ٿئي ٿي پر ڏوهارين جا به حوصلا وڌن ٿا، نتيجي ۾ عام ماڻهو ڀوڳي ٿو، جيڪو نه رڳو جاني پر مالي، ذهني ۽ جسماني پيڙائن مان گذري ٿو. انهيءَ ورڪنگ رليشن شپ نه هجڻ جا سبب انتظامي هجن يا اختياري ٻنهي صورتن ۾ پوليس جي مورال کي پڻ ڌڪ لڳي ٿو. هيٺئين سطح تائين پوليس فورس ۾ بددلي ۽ بي چيني پيدا ٿئي ٿي. انهيءَ بي چينيءَ جو هڪ مک سبب پوليس اندر سياسي مداخلت به آهي، جيڪو سنڌ ۾ ڪو نئون لقاءُ ڪونهي. پنهنجي پسند جا آفيسر مقرر ڪرائڻ ۽ ناپسند آفيسرن کي بدلي ڪرائڻ جي سياسي روايت هڪ کليل راز آهي پوءِ انهن پوليس آفيسرن کان سندن پيشيوراڻين ذميوارين ۽ فرضن کان هٽي ڪم وٺڻ وارو معاملو به ڪنهن کان لڪيل ڪونهي. اهڙي صورتحال ۾ جڏهن پوليس کي فقط سياسي مفادن جي پورائي جو ذريعو سمجهيو وڃي ته پوءِ انهن مان پروفيشنل هجڻ جي توقع ڪيتري رکي سگهجي ٿي؟ بنيادي ڳالهه پوليس کاتي جي عوام اندر ساک ۽ اعتماد جي آهي، عوام جي اڪثريت وٽ پوليس جو تصور ڪنهن محافظ اداري وارو نه جڙي سگهڻ ۽ پاڙون پختيون نه ڪرن سگهڻ جو سبب اهو ئي آهي ته پوليس کي هڪ نج پروفيشنل اداري طور اُسرڻ جو موقعو ئي فراهم نه ڪيو ويو آهي. پوليس جي بنيادي ڍانچي کان ويندي اهلڪارن جي ڀرتين، تربيت، هٿيارن ۽ سهولتن کان ويندي ڏوهارين جي نفسيات ۽ جاچ جي جديد طريقن تائين ڪيترن ئي حوالي سان سنڌ پوليس پنهنجو اميج بهتر ڪرڻ ۾ کُٽل آهي. مٿان وري انهيءَ اداري جي سربراهه ۽ سنڌ حڪومت ۾ ڪو ربطه، هم آهنگي ۽ ورڪنگ رليشن شپ نه هجڻ بدران اختلاف ايترا شديد هجن جو ان کي هٽائڻ لاءِ پوري چارج شيٽ ڏني وڃي ته پوءِ سنڌ ۾ بهتر پوليسنگ جو تصور ڪيئن ٿو جڙي سگهي؟
جيتوڻيڪ صديون پُراڻيون انگريزن جو پوليس قانون ختم ٿي چڪو، نئون قانون پاس ٿي چڪو، جنهن تحت سيفٽي ڪميشن جا اجلاس به ٿين ٿا، پوليس پلان به پيش ٿين ٿا، پر زميني حقيقت اها آهي ته سنڌ ۾ امن امان جي صورتحال خراب آهي. سنڌ جي ٻهراڙي وارن علائقن کان ويندي شهري علائقن تائين خوف واري صورتحال آهي. هو امن امان چاهين ٿا، ڏوهن کان نجات ۽ تحفظ چاهين ٿا. اها ڪنهن جي ذميواري آهي؟

Bookmark the permalink.

Leave a Reply

Your email address will not be published. Required fields are marked *