تازا ترين
  • ڪوٽڙي: نوري آباد سپر هاءِ وي تي مسافر وين کي باهه: 9 ڄڻا سڙي فوت: ترجمان موٽروي*
  • *عادلپور ويجهو بجلي جو ڪرنٽ لڳڻ سبب نوجوان فوت *ڳوٺ رمضان ڪولاچي ۾ بجلي جو ڪرنٽ لڳڻ سبب 35ورهين جو عبدالقدوس ڪولاچي فوت ٿي ويو*
  • *حيدرآباد: ڪسٽم انٽيلينجس جي سعيد آباد ۾ ڪارروائي، انڊيا کان اسمگل ٿيل آرٽيفيشل جيولري هٿ *اسمگلر آرٽيفيشل جيولري کي چين جي ظاهر ڪئي: ڪسٽم: ذريعا *آرٽيفيشل جيولري اصل انڊيا کان اسمگل ڪئي وئي آهي:ڪسٽم ذريعا *آرٽيفيشل جيولري جي ماليت تقريبن 29ملين رپيا آهي:ڪسٽم ذريعا *
  • *ملڪاڻي شريف: ايل بي اوڊي سم نالي سميت ننڊن ٻين نالن کي لڳل گھارن جو پاڻي نيڪال نه ٿيو *گهارن سبب سوين ڪچا گھر ڪري پيا، سوين ايڪڙن تي بيٺل فصل تباهه *پاڻي نيڪال نه ٿيڻ خلاف سنڌ آبادگار ۽ عوامي تحريڪ جي ڪارڪنن جي اڳواڻي ۾ احتجاج *پاڻي نيڪال جا لنگھه بند ٿيڻ ڪري ھر سال برساتن دوران نقصان ٿيندو آهي: احتجاج ڪندڙ*
  • *ميرپورخاص ۾ ٻوڏ متاثرن جو واهر نه ٿيڻ خلاف احتجاج، راشن من پسند ماڻهن ۾ ورهائڻ جا الزام *فاقا ڪشي واري زندگي گهاري رهيا آهيون، واهر ڪئي وڃي: احتجاج ڪندڙ ٻوڏ متاثر*
  • *نوشهروفيروز: ڀرٽ ۽ سولنگي تڪرار کي ختم ڪرائڻ لاءِ وڪيلن جو منٿ ميڙ قافلو سولنگين وٽ پھتو *قافلو پهرين مرحلي ۾ سولنگي برادري وٽ مناهي پهتو، سولنگي برادري پاران مھلت طلب *سولنگي ۽ ڀرٽ ڌرين ۾ هلندڙ تڪرار ۾ هن وقت تائين ٻنهي ڌرين جا 4 ڄڻا قتل ٿي چڪا*
  • *کپرو: نوجوان شھريار قائم خاني جا قاتل گرفتار نه ٿيڻ خلاف وارثن جو احتجاجي مظاهرو *هڪ مهينو گذرڻ باوجود پوليس جوابدار گرفتار ناهي ڪري سگهي: احتجاج ڪندڙ *پوليس قاتلن کي پروٽوڪول ڏئي رهي آهي: پيءُ علي قائمخاني*
  • *جوهي ۾ بدامني خلاف شهرين جو ٿاڻي آڏو احتجاجي مظاهرو *ٻوڏ جي ماريل ماڻهن جو ڏوهارين به جيئڻ جنجال ڪري ڇڏيو آهي: احتجاج ڪندڙ *پوليس ۾ ساٿاري ۽ ڀوتارن جي پٺڀرائي هجڻ ڪري ڏوهاري سرعام گهمي رهيا آهن: احتجاج ڪندڙ *
  • *جاتي: برساتن کانپوءِ گندو پاڻي واپرائڻ سبب گيسٽرو جي مرش ۾ واڌ، اسپتال ۾ دوائن ۽ بيڊن جي کوٽ *اسپتال ۾ بيڊن جي کوٽ سبب مريض وارڊن ۾ فرش تي پيل، دوائون نه ملڻ جون به دانهون *
  • *ڄامشورو: بنيادي سهولتن جي کوٽ خلاف جدوجهد ڪميٽي پاران 24 ڪلاڪن واري علامتي بک هڙتالي ڪئمپ قائم *ڄامشورو اوور هيڊ برج هيٺيان لڳايل ڪئمپ ۾ وڏي انگ ۾ سياسي توڙي سماجي اڳواڻ ۽ شهري شريڪ *ڪامورن علمي درسگاهن جي شهرکي تباهه ڪري ڇڏيو آهي: اڳواڻ *شهر ۾ پاڻي جي کوٽ سميت رستن ۽ گهٽين ۾ گندگي جا ڍير لڳل آهن:احتجاج ڪندڙ *شهر مان اڃا تائين برساتي پاڻي نيڪال ناهي ٿي سگهيو، ضلعي انتظاميا ڪو ترقياتي ڪم ناهي ڪرايو: اڳواڻ*
  • *سنڌ ٽيڪسٽ بڪ بورڊ پاران تيار ڪيل نائين ڪلاس جو بائلاجي ڪتاب ۾ ڇپيل سيليبس ۽ بورڊ طرفان ڏنل سيليبس ۾ فرق *بورڊ پاران جاري ڪيل ليٽر وارا سيليبس ڪتاب ۾ موجود ئي نه آهن: استاد *سيليبس ۾ فرق هئڻ ڪري اسڪولن جا شاگرد ۽ استاد پريشان *بورڊ پاران جاري ڪيل ليٽر وارا سنڌ ٽيڪسٽ بورڊ جي ڪتابن جي کوٽ*
  • *اسلام آباد: ام رباب جي ٽن گهرڀاتين جو قتل ڪيس، سپريم ڪورٽ پاران روپوش جوابدار گرفتار ڪرڻ جو حڪم *چيف جسٽس جي سربراهي ۾3 رڪني بينچ 24 سيپٽمبر جي ٻڌڻي جو حڪم نامو جاري ڪيو *عدالت پاران ڊي آءِ جي حيدرآباد پاران پيش ڪيل رپورٽ تي عدم اطمينان جو اظهار *ڊي آءِ جي ايندڙ ٻڌڻي تي روپوش جوابدارن کي گرفتار ڪري عدالت کي آگاهه ڪري: حڪم نامو*
  • *اسلام آباد: بحريا ٽائون ڪراچي پاران قسطن جي ادائيگي لاءِ 2 سال مهلت گهرڻ بابت ڪيس جو حڪم نامو جاري *سپريم ڪورٽ 16 سيپٽمبر جي ٻڌڻي جو تحريري حڪم نامو جاري ڪري ڇڏيو *بحريا ٽائون جي وڪيل پاران درخواست واپس وٺڻ جي بنياد تي ڪيس اڪلايو ويو آهي: حڪم نامو *بحريا ٽائون 460 ارب رپيا ادا ڪرڻ لاءِ قسطن ۾ٻن سالن تائين مهلت گهري هئي *
  • *عمرڪوٽ ويجهو زميندار جي نجي جيل تي ڇاپو، 27 هاري بازياب *ڊسٽرڪٽ اينڊ سيشن جج عمرڪوٽ جي حڪم تي پوليس ڪارروائي ڪئي *بازياب ڪرايل هاري فرسٽ ايڊيشنل سيشن جج عمرڪوٽ جي عدالت ۾پيش *
  • *حيدرآباد تعليمي بورڊ ڏهين جماعت جي 2020 جي نتيجا جاري ڪرڻ جو اعلان ڪري ڇڏيو *ڏهين جماعت جي سائنس ۽ جنرل گروپ جا نتيجا اڄ شام 5وڳي جاري ڪيا ويندا*

سنڌ يونيورسٽي اڃان ڪيترو ڀوڳيندي !؟

سنڌ يونيورسٽي سدائين خبرن ۽ اسڪينڊلز هيٺ رهي آهي ،اهو اتفاق چئجي يا سازش ته اها يونيورسٽي هڪڙي بحران مان نڪرڻ جي ڪوشش مس ٿي ڪري ته وري ٻيو ڪو بحران،اسڪينڊل انهي جي ڳچي ۾ پئجي وڃي ٿو.جڏهن تعليم ۽ خاص ڪري اعليٰ تعليم ڏينهون ڏينهن مهانگي ٿيندي عام غريب شاگرد کان پري ٿيندي پئي وڃي اتي سنڌ يونيورسٽي ۽ ان جهڙيون ٻيون پبلڪ سيڪٽر جون يونيورسٽيون انهن جي اعليٰ تعليم پرائڻ جي خوابن کي پورو ڪرڻ جي آخري اميد هونديون آهن جڏهن انهن غريب شاگردن جي نالي يا انهن جي پڙهائي لاءِ سرڪاري پئسن ۾ به کاٽ لڳن ۽ انهن جو الزام انهي يونيورسٽي جي واڳ ڌڻي يا هلائيندڙ تي اچي ته سنڌ جي مستقبل جي ان کان وڌيڪ ٻي تباهي ڪهڙي ٿي سگهي ٿي؟
سنڌ يونيورسٽي جي اها ڪرپشن ڪهاڻي ڪيترن سالن کان اداري کان وٺي ميڊيا ۽ سماجي حلقن جي بحث هيٺ رهي آهي،ڪڏهن اينٽي ڪرپشن جي جاچ جي حوالي سان خبرون آڏو اينديون رهيون آهن ته ڪڏهن انهن الزامن تحت وي سي کي وقت کان اڳ گهر ڀيڙو ڪرڻ جا وڏي وزير جا آڊر جاري ٿيندا رهيا آهن ته ڪڏهن وي سي انهن حڪمن کي عدالت ذريعي چئلينج ڪري اسٽي وٺي پنهنجي ڪرسي تي ويٺو رهيو ۽ سنڌ يونيورسٽي جو جيڪو انهي بحران ۾ نقصان ٿيو ان جي ڪنهن به پرواهه نه ڪئي.اينٽي ڪرپشن جي انهي جاچ تحت آخرڪار وڏي وزير جي منظوري کانپوءِ وي سي سميت 68 ڄڻن تي 70 ڪروڙ رپين جي ڪرپشن جي باقاعده ايف آءِ آر داخل ڪئي وئي آهي جنهن ۾ آفيسر ۽ استاد به شامل آهن.جڏهن ته اينٽي ڪرپشن ٽيم سنڌ يونيورسٽي اندر ڇاپا هڻي هڪ استاد کي گرفتار ڪري ورتو آهي.ڪنهن به سماج ۽ معاشري ۾ تعليمي ادارن جو تقدس ئي سڀني کان مٿانهون هوندو آهي جڏهن ان جي سربراهه تي ڪرپشن جا الزام لڳن ۽ يونيورسٽي جي سربراهه،آفيسرن ۽ استادن جي گرفتارين لاءِ اهلڪار ان اداري جو تقدس لتاڙين ته مستقبل جي معمارن کي ان مان ڪهڙو سبق ملندو. جيڪڏهن اهو ڪيس صحيح آهي ته به اها يونيورسٽي سان زيادتي ٿي آهي ته ان جي سربراهي ۽ انتظام اهڙن ماڻهن جي حوالي ڪيو ويو جن شاگردن جي مستقبل کي به پنهنجي پئسي جي حرص جي حوالي ڪري ڇڏيو جيڪڏهن اهو ڪيس غلط داخل ٿيو آهي ته به اها يوينورسٽي سان زيادتي آهي ته ان جي سربراهه ۽ استادن جهڙي پيشي جي پٺيان ايئن اهلڪار ڇڏيا ويا ڄڻ اهي ڪي عادي ڏوهاري هجن، ٻنهي صورتن ۾ نقصان انهن شاگردن ۽ يونيورسٽي جو ٿيو آهي.70 ڪروڙ رپين جي رقم ڪا معمولي ناهي پبلڪ يونيورسٽي هوندي شاگردن جون فيس ساليانو بنيادن تي ايتريون وڌايون وڃن جو ڪيترا شاگرد پنهنجي تعليم اڌ تي ڇڏڻ ۾ مجبور ٿين،جڏهن شاگردن کي هاسٽلن ۾ پيئڻ جو پاڻي نه ملي سگهي ،جڏهن شاگرد ميس ۾ اهڙي ماني کائن جيڪا ڪنهن به ريت انسانن جي کائڻ لائق يا صحت جي اصولن تي پوري نه لهي ۽ ڪجهه ماڻهو انهي يوينورسٽي جي ڪروڙين رپين سان اها حالت ڪن ته اها انهي يونيورسٽي سان زيادتي آهي جنهن کي سڄي سنڌ مادر علمي سڏي ٿي جتي هزارين نوجوانن جي ذريعي لکين ماڻهن جا خواب ساڀيان لاءِ سڪي رهيا آهن. اسان سمجهون ٿا ته هاڻي سنڌ يونيورسٽي کي بخش ڪرڻ گهرجي ڇاڪاڻ ته سنڌ يوينورسٽي اڳ ئي گهڻو ڪجهه ڀوڳي ڄڪي آهي. انهي مادر علمي سنڌ يونيرسٽي جو وقار بحال ٿيڻ گهرجي،شاگردن کي اهڙي معيار جي تعليم ۽ سهولتون مهيا ڪرڻ گهرجن جيڪي ڪو به مهذب ۽ سڌريل معاشرو پنهنجي مستقبل کي ڏئي سگهي ٿو .

Bookmark the permalink.

Leave a Reply

Your email address will not be published. Required fields are marked *