تازا ترين
  • ڪوٽڙي: نوري آباد سپر هاءِ وي تي مسافر وين کي باهه: 9 ڄڻا سڙي فوت: ترجمان موٽروي*
  • *عادلپور ويجهو بجلي جو ڪرنٽ لڳڻ سبب نوجوان فوت *ڳوٺ رمضان ڪولاچي ۾ بجلي جو ڪرنٽ لڳڻ سبب 35ورهين جو عبدالقدوس ڪولاچي فوت ٿي ويو*
  • *حيدرآباد: ڪسٽم انٽيلينجس جي سعيد آباد ۾ ڪارروائي، انڊيا کان اسمگل ٿيل آرٽيفيشل جيولري هٿ *اسمگلر آرٽيفيشل جيولري کي چين جي ظاهر ڪئي: ڪسٽم: ذريعا *آرٽيفيشل جيولري اصل انڊيا کان اسمگل ڪئي وئي آهي:ڪسٽم ذريعا *آرٽيفيشل جيولري جي ماليت تقريبن 29ملين رپيا آهي:ڪسٽم ذريعا *
  • *ملڪاڻي شريف: ايل بي اوڊي سم نالي سميت ننڊن ٻين نالن کي لڳل گھارن جو پاڻي نيڪال نه ٿيو *گهارن سبب سوين ڪچا گھر ڪري پيا، سوين ايڪڙن تي بيٺل فصل تباهه *پاڻي نيڪال نه ٿيڻ خلاف سنڌ آبادگار ۽ عوامي تحريڪ جي ڪارڪنن جي اڳواڻي ۾ احتجاج *پاڻي نيڪال جا لنگھه بند ٿيڻ ڪري ھر سال برساتن دوران نقصان ٿيندو آهي: احتجاج ڪندڙ*
  • *ميرپورخاص ۾ ٻوڏ متاثرن جو واهر نه ٿيڻ خلاف احتجاج، راشن من پسند ماڻهن ۾ ورهائڻ جا الزام *فاقا ڪشي واري زندگي گهاري رهيا آهيون، واهر ڪئي وڃي: احتجاج ڪندڙ ٻوڏ متاثر*
  • *نوشهروفيروز: ڀرٽ ۽ سولنگي تڪرار کي ختم ڪرائڻ لاءِ وڪيلن جو منٿ ميڙ قافلو سولنگين وٽ پھتو *قافلو پهرين مرحلي ۾ سولنگي برادري وٽ مناهي پهتو، سولنگي برادري پاران مھلت طلب *سولنگي ۽ ڀرٽ ڌرين ۾ هلندڙ تڪرار ۾ هن وقت تائين ٻنهي ڌرين جا 4 ڄڻا قتل ٿي چڪا*
  • *کپرو: نوجوان شھريار قائم خاني جا قاتل گرفتار نه ٿيڻ خلاف وارثن جو احتجاجي مظاهرو *هڪ مهينو گذرڻ باوجود پوليس جوابدار گرفتار ناهي ڪري سگهي: احتجاج ڪندڙ *پوليس قاتلن کي پروٽوڪول ڏئي رهي آهي: پيءُ علي قائمخاني*
  • *جوهي ۾ بدامني خلاف شهرين جو ٿاڻي آڏو احتجاجي مظاهرو *ٻوڏ جي ماريل ماڻهن جو ڏوهارين به جيئڻ جنجال ڪري ڇڏيو آهي: احتجاج ڪندڙ *پوليس ۾ ساٿاري ۽ ڀوتارن جي پٺڀرائي هجڻ ڪري ڏوهاري سرعام گهمي رهيا آهن: احتجاج ڪندڙ *
  • *جاتي: برساتن کانپوءِ گندو پاڻي واپرائڻ سبب گيسٽرو جي مرش ۾ واڌ، اسپتال ۾ دوائن ۽ بيڊن جي کوٽ *اسپتال ۾ بيڊن جي کوٽ سبب مريض وارڊن ۾ فرش تي پيل، دوائون نه ملڻ جون به دانهون *
  • *ڄامشورو: بنيادي سهولتن جي کوٽ خلاف جدوجهد ڪميٽي پاران 24 ڪلاڪن واري علامتي بک هڙتالي ڪئمپ قائم *ڄامشورو اوور هيڊ برج هيٺيان لڳايل ڪئمپ ۾ وڏي انگ ۾ سياسي توڙي سماجي اڳواڻ ۽ شهري شريڪ *ڪامورن علمي درسگاهن جي شهرکي تباهه ڪري ڇڏيو آهي: اڳواڻ *شهر ۾ پاڻي جي کوٽ سميت رستن ۽ گهٽين ۾ گندگي جا ڍير لڳل آهن:احتجاج ڪندڙ *شهر مان اڃا تائين برساتي پاڻي نيڪال ناهي ٿي سگهيو، ضلعي انتظاميا ڪو ترقياتي ڪم ناهي ڪرايو: اڳواڻ*
  • *سنڌ ٽيڪسٽ بڪ بورڊ پاران تيار ڪيل نائين ڪلاس جو بائلاجي ڪتاب ۾ ڇپيل سيليبس ۽ بورڊ طرفان ڏنل سيليبس ۾ فرق *بورڊ پاران جاري ڪيل ليٽر وارا سيليبس ڪتاب ۾ موجود ئي نه آهن: استاد *سيليبس ۾ فرق هئڻ ڪري اسڪولن جا شاگرد ۽ استاد پريشان *بورڊ پاران جاري ڪيل ليٽر وارا سنڌ ٽيڪسٽ بورڊ جي ڪتابن جي کوٽ*
  • *اسلام آباد: ام رباب جي ٽن گهرڀاتين جو قتل ڪيس، سپريم ڪورٽ پاران روپوش جوابدار گرفتار ڪرڻ جو حڪم *چيف جسٽس جي سربراهي ۾3 رڪني بينچ 24 سيپٽمبر جي ٻڌڻي جو حڪم نامو جاري ڪيو *عدالت پاران ڊي آءِ جي حيدرآباد پاران پيش ڪيل رپورٽ تي عدم اطمينان جو اظهار *ڊي آءِ جي ايندڙ ٻڌڻي تي روپوش جوابدارن کي گرفتار ڪري عدالت کي آگاهه ڪري: حڪم نامو*
  • *اسلام آباد: بحريا ٽائون ڪراچي پاران قسطن جي ادائيگي لاءِ 2 سال مهلت گهرڻ بابت ڪيس جو حڪم نامو جاري *سپريم ڪورٽ 16 سيپٽمبر جي ٻڌڻي جو تحريري حڪم نامو جاري ڪري ڇڏيو *بحريا ٽائون جي وڪيل پاران درخواست واپس وٺڻ جي بنياد تي ڪيس اڪلايو ويو آهي: حڪم نامو *بحريا ٽائون 460 ارب رپيا ادا ڪرڻ لاءِ قسطن ۾ٻن سالن تائين مهلت گهري هئي *
  • *عمرڪوٽ ويجهو زميندار جي نجي جيل تي ڇاپو، 27 هاري بازياب *ڊسٽرڪٽ اينڊ سيشن جج عمرڪوٽ جي حڪم تي پوليس ڪارروائي ڪئي *بازياب ڪرايل هاري فرسٽ ايڊيشنل سيشن جج عمرڪوٽ جي عدالت ۾پيش *
  • *حيدرآباد تعليمي بورڊ ڏهين جماعت جي 2020 جي نتيجا جاري ڪرڻ جو اعلان ڪري ڇڏيو *ڏهين جماعت جي سائنس ۽ جنرل گروپ جا نتيجا اڄ شام 5وڳي جاري ڪيا ويندا*

سنڌ مٿان نئون ون يونٽ لاڳو

سنڌ جي ماڻهن کي مبارڪون ڏجن يا مٿي ۾ مٽي وجهي ماتم ڪجي سنڌ جي ماڻهن جي ووٽن تي چونڊجي آيل عوامي حڪومت آخر ڪار صوبي جي انتظامي اختيارين جي ڪنڌ ۾ وفاقي ڦاهو وجهي موٽي آئي. اهو اسلام آباد جنهن هميشه صوبائي خودمختياري کي ڪوڙڪين ۾ قيد ڪرڻ جي خواهش تان هٿ ناهي کنيو ان اسلام آباد آخر ڪار هڻي وڃي هنڌ ڪيو ۽ اسلام آباد ۾ مشاورتي ڪميٽي جي نالي ۾ صوبائي خودمختياري جي ڪنڌ ۾ رسو وجهي اسد عمر جي آفيس آڏو ٻڌي ڇڏيو. سياسي بيان ٿيندا، اسان سنڌ تان هٿ ناهي کنيو،ڪراچي سنڌ جي دل آهي، صوبي جا ايگزيڪٽو اختيار اسان وٽ آهن، ڪير به صوبائي خودمتياري تي حملو نه ٿو ڪري سگهي ۽ ڪو به سنڌ ڏانهن ميري اک کڻي نه ٿو ڏسي سگهي وغيره وغيره
هاڻ ڪجهه ڏينهن تائين ٻڌڻ ۾ ايندا کوڙ وضاحتن جا اسٽيج سجايا ويندا ڊگهيون پريس ڪانفرنسون ٿينديون، ٽوئيٽر ٽرينڊ هلندا ۽ ڪجهه ڏينهن بعد هي سڄو ماحول ٿڌو ٿي ويندو، سرڪاري دفترن جي رڪارڊ ۾ اهو پنو رهجي ويندو جنهن تي سنڌ جي چونڊيل سرڪار صحيح ڪري آئي آهي ۽ اهو پنو سنڌ جي تقسيم ۽ ڪراچي کي سنڌ کان الڳ ڪرڻ لاءِ جڙندڙ دستاويز جو اهم حصو بڻجي ويندو. جڏهن بابر اعواڻ کي سنڌ مٿان نازل ڪري پيپلز پارٽي جي صوبائي سرڪار گورنر هائوس ۾ ڪاري ٻاٽ اونداهي ۾ ٻٽي نظام جو نوٽيفڪيشن جاري ڪيو هو تڏهن سنڌ جي عاشقن توا کڻي وزيرن جي درن وٽ ٽنگڻ وقت چيو هو ته سنڌ کي ورهائڻ جو بنياد رکي ڇڏيو آهي. ان وقت سنڌي ماڻهن جي شديد احتجاج تي پ پ سرڪار ٻٽي نظام وارو اهو فيصلو واپس ورتو هو پر هن وقت عبدالله شاهه جو پٽ وڏو وزير مراد شاهه، صوبائي وزير ناصر شاهه سنڌ مٿان قبضي جا اختيار پليٽ ۾ وجهي پنهنجي هٿن سان اسلام آباد پهچائي آيا آهن. عجيب بدقسمتي آهي سنڌ جي ماروي جو لقب ماڻيندڙ هن شهر ڪراچي تي شروع کان وٺي ڳجهن وارا لامارا رهندا آيا آهن اهي سنڌي ماڻهو ئي آهن جن مختلف وقتن تي شديد احتجاج ڪري سنڌ جي دشمنن جي ڪراچي مٿان قبضي جي ڪوششن کي ناڪام بڻايو آهي پر ڇا ڪجي جڏهن پنهنجا ئي ويري ٿين!.
پاڪستان ۾ 73ع جو آئين موجود آهي آئين ۾ صوبن ۽ وفاق جي وچ ۾ اختيارن جي ورهاست واضع لکيل آهي سوئي ڌاڳي کان وٺي ناڻي جي ورهاست تائين، پاڻي جي ڦڙي کان وٺي سمورا اختيار ڪيئن ورهائجن وفاق ۽ صوبن جو ان ۾ ڇا حصو هجي ان بابت چٽي تشريح ٿيل آهي.جيڪڏهن ڪٿي صوبن ۽ وفاق جي وچ ۾ اختيارن تان ڪو ٽڪراءُ ٿئي ٿو ته ان جي نبيري لاءِ به سي سي آءِ، ايڪنڪ سميت کوڙ آئيني پليٽ فارم موجود آهن جتي ويهي حل ڪري سگهجي ٿو انهن ادارن جي موجودگي ۾ ڪهڙي ضرورت آهي ڪنهن اهڙي ڪميٽي جي جيڪا آئين کي اورانگهي. پ پ هڪڙي تجربيڪار سياسي جماعت آهي ملڪ جا وڏا آئيني ماهر هن پارٽي جي مرڪزي ادارن ۾ ويٺل آهن ايترا آئيني ماهر پاڪستان جي ڪنهن به سياست جماعت جي مرڪزي ادارن ۾ موجود ناهن ڇا اهي سڀ ٻار آهن ڇا انهن کي خبر ناهي هن ڪميٽي جوڙڻ لاءِ جيڪي دليل ڏنا پيا وڃن، جيڪي پير کوڙي عوام جي اکين ۾ ڌوڙ وجهڻ جي ڪوشش ڪئي پئي وڃي اهي سڀ اختيار آئين ۾ صوبائي حڪومت کي مليل آهن ۽ تڪرارن جي حل لاءِ به ادارا موجود آهن پوءِ ڇو گونر هائوس اندر چپ چاپ ويهي سنڌ جي دل ڪراچي بابت فيصلا ٿين ٿا ۽ هتي سنڌ ۾ ڪراچي جي تقسيم خلاف مظاهرن جو سڏ ڏئي اسلام آباد ۾ ڪراچي پليٽ ۾ وجهي وفاق حوالي ڪئي ٿي وڃي.
سنڌ جي قانوندان يوسف لغاري ٻه ڏنهن اڳ “پنهنجي اخبار ” ۾ لکيو هو ته هي ڪراچي ڪميٽي هڪڙو نئون ون يونٽ آهي جيڪو سنڌ مٿان لاڳو ڪيو ويو آهي. ظاهري طور ڀلي اهي اعلان ڪيا وڃن ته هي ڪميٽي صرف ترقياتي ڪمن بابت صوبي ۽ وفاق وچ ۾ صلاح مشورن تائين محدود هوندي پر لک جو سوال اهو بڻجي ٿو ته ڇا اهڙن صلاح مشورن لاءِ آئيني فورم موجود ناهن جو توهان هڪڙي غير آئيني ڪميٽي جوڙي آهي اگر پيپلز پارٽي سياسي بنيادن تي پ پ ، ايم ڪيو ايم ۽ پي ٽي آءِ تي ٻڌل ڪا ڪميٽي جوڙي ها ته ان ڪميٽي تي اعتراض به نه هجي ها ڇو جو سياسي پارٽين کي اهو جمهوري حق مليل آهي ته هو پاڻ اتحاد ڪري سگهن ٿيون پر ڪنهن چونڊيل جمهوري صوبائي حڪومت جي ڪم ۾ وفاقي مداخلت سنئون سڌو آئيني لتاڙ آهي ۽ اها به هڪ شهر تائين محدود هجي ته وڌيڪ خطرناڪ نتيجا ڏيندڙ ثابت ٿي سگهي ٿي.ظاهري طور جيئن مون مٿي لکيو آهي ته هن ڪميٽي بابت اهو چيو پيو وڃي ته اها صرف ترقياتي ڪمن کي ڏسندي پر انهن جي پٺيان جيڪا خطرناڪ ڪهاڻي لڪيل آهي اها هي آهي ته وفاقي سرڪار مستقبل ۾ گوادر ۽ ڪراچي لاءِ هڪڙي اٿارٽي ٺاهڻ لاءِ وڃي رهي آهي جنهن اٿارٽي کي سي پيڪ اٿارٽي ليڊ ڪندي ۽ ان اٿارٽي تحت ڪراچي ۽ گوادر جا اختيار صوبائي حڪومتن وٽ نه هوندا اهي ٻئي شهر ظاهري طور نالي ماتر صوبن جي حدن ۾ ته هوندا پر انهن جا انتظامي اختيار سي پيڪ اٿارٽي وٽ هوندا.انڪري ڪراچي عملي طور سنڌ کان الڳ ٿي ويندي ۽ صرف ظاهري طور سنڌ جي نقشي اندر هوندي.
آئون سمجهان ٿو ته پاڪستان پيپلز پارٽي ڀلي دل سان سنڌ مٿان هن قسم جي انتظامي حملي کي قبول نه ڪيو هجي پر نيب جي ذريعي پيپلز پارٽي جي وزيرن ۽ اڳواڻن جي ڪرپشن جا روز ڪارا چٺا پڌرا ٿي رهيا آهن انهن هن ملڪ جي سڀ کان وڏي جمهوري ۽ سياسي پارٽي کي اڄ ان اسٽيج تي آڻي بيهاري آهي جو اها پنهنجي شهر کي وفاق حوالي ڪرڻ تي راضي ٿي وئي آهي. شروع ۾ پ پ وزيرن اهو ٻڌايو ته هن ڪميٽي جو چيئرمين وڏو وزير هوندو پر اسد عمرپنهنجي بريفنگ ۾واضع ڪيو آهي ته وڏو وزير مراد علي شاهه چيئرمين نه هوندو جنهن مان ظاهر ٿو ٿئي ته اهي مسئلا جيڪي ڪراچي جي ميونسپل ڪارپوريشن ويهي حل ڪري انهن مسئلن جي حل لاءِ وفاق ۽ سنڌ گڏجي ڪميٽي جوڙي آهي جيڪڏهن ڪراچي جو صفائي وارو عملو ڪم نه ٿو ڪري جيڪڏهن ڪراچي جي گهٽين جو ڪچرو گٽر نالن ۾ پوي ٿو اگر ڪراچي جي نالن جي صفائي نه ٿي ٿئي ته ان ۾ سنڌ جي تاريخي وطن جو ڪهڙو ڏوهه جو ان مٿان اڻ سڌي ريت ون يونٽ مڙهيو وڃي. هن ڪميٽي جا هن وقت تائين جيڪي ڪم سامهون آيا آهن اهي سڀ ڪم ڪراچي جي ميونسپل ادارن جا ڪم آهن.
جڳ جهان کي خبر آهي ته ڪراچي جي ميونسپل ادارن تي 30 سالن کان ڪنهن جو راڄ رهيو آهي ٿيڻ ايئن کپندو هو ته ڪراچي جي ميونسپل ادارن جي ان ڪوتاهي تي وفاق ڪا ڪميشن جوڙي ذميوارن کي سخت سزائون ڏئي ها پر افسوس سان ڪراچي جي ميونسپل ادارن تي قابض مافيائن جون سزائون به سنڌ کي ڏنيون ويون آهن. هي هڪڙو تاريخي ڏوهه آهي جنهن کي سنڌ جي تاريخ ۾ڪاري دور طور لکيو ويندو.

Bookmark the permalink.

Leave a Reply

Your email address will not be published. Required fields are marked *