تازا ترين
  • *ڪراچي: سنڌ ۾ سي اين جي اسٽيشنز اڄ به بند، سڀاڻي 8 وڳي کوليون وينديون *هفتي ۾ 4 ڏينهن گيس پريشر گهٽ ڄاڻائي سي اين جي اسٽيشنز بند ڪيون پيون وڃن *صرف سنڌ ۾ سي اين جي اسٽيشنز مالڪن کي پريشان ڪيو پيو وڃي: پرشوتم لال *
  • *خيرپور: عورت سان مبينا طور اجتماعي زيادتي ۽ تشدد، اين سي داخل، وارثن جو احتجاج *شادي شده عورت مومل شيخ کي ٽن ٻارڙن سميت اغوا ڪري ڏاڍائي جو نشانو بڻايو ويو: وارث *5جوابدارن اغوا ڪري زيادتي ڪرڻ سان گڏ تشدد ڪيو: متاثر ناري *جوابدارن خلاف سوڀو ديرو ٿاڻي تي اين سي داخل، وارثن جو جوابدارن جي گرفتاري لاءِ احتجاجي مظاهرو*
  • *آواران ۾ سڪيورٽي فورسز جي ڪارروائي، 4 دهشتگرد مارجي ويا: آءِ ايس پي آر *آپريشن دوران دهشتگردن جا ٺڪاڻا تباهه، وڏي انگ ۾ هٿيار هٿ ڪيا ويا: آءِ ايس پي آر*
  • *گهوٽڪي: عدالت پاران سبزي منڊي ۾ قائم وڪلين جون آفيسون خالي ڪرائڻ واري فيصلي خلاف اسٽي آرڊر جاري *عدالت پاران اسٽي آرڊر جاري ڪرڻ بعد وڪيلن پاران ڊسٽرڪٽ بار ۾ مٺائي ورهائي *عدالت وڪيلن جي حق ۾ اسٽي جاري ڪري وڪيلن سان انصاف ڪيو آهي: وڪيل اڳواڻ *
  • *گمبٽ:16 ڏينهن اڳ مبينا طور اغوا ٿي ويل ٻن عورتن ۽ 2 ٻارڙن کي پوليس بازياب ڪرائي ورتو *حنا ۽ نگينا خاتون سميت ٻن ٻارڙن کي باءِ پاس تان بازياب ڪرايو: پوليس *16 ڏينهن اڳ ٽن جوابدارن هٿيارن جي زور تي ٻن عورتن ۽ ٻن ٻارڙن کي اغوا ڪيو هو: پوليس *بازياب ڪرايل عورتون ۽ ٻار عدالت ۾ پيش، بيان بعد وارثن حوالي *
  • *ڏڪاريل ڏيهه ٿرپارڪر ۾ برساتن بعد هرطرف ساوڪ، ميوا توڙي ڀاڄيون ٿيڻ بعد مارڪيٽ پهچي ويون *گدرا، ڇانهيا، مهيا، چڀڙ ۽ ٻيون ڀاڄيون توڙي ميوا مختلف شهرن جي مارڪيٽن ۾ وڪرو *روڊن تي اسٽال لڳائي ڀاڄيون ۽ ميوا وڪرو، ماروئڙن ۾ خوشي واري لهر *
  • *پيرجوڳوٺ: ٻه ڏينهن اڳ مڙس ۽ ڏيرن هٿان تشدد ۽ تذليل جو نشانو بڻايل عورت سيشن ڪورٽ خيرپور ۾ پيش *تشدد جي مبينا الزام ۾ گرفتار مڙس زال کان معافي وٺڻ بعد عورت جو عدالت ۾ مڙس سان رهڻ جو بيان *عدالت پاران ناري منيران راهوجو کي مڙس عبدالحليم راهوجو جي حوالي ڪري ڇڏيو *
  • *ڏهرڪي:قتل ٿي ويل عنايت شاهه جو لاش قومي شاهراهه تي رکي ڌرڻو، ٽريفڪ معطل *نئون ڪوٽ بس اسٽاپ وٽ ڌرڻي سبب ٻنهي طرفن کان ايندڙ ويندڙ ٽريفڪ معطل *جوابدارن جو پتو لڳائي ورتو آھي، گرفتاي لاءِ پوليس رواني ٿي ويئي آھي: پوليس جي خاطري*
  • *ڀان سيدآباد ۾ بدامني خلاف شهرين پاران جي احتجاجي ريلي ڪڍي وئي *شهر ۾ ڦورن ۽ چورن جو راڄ قائم آهي، پوليس ڏوهارين خلاف ڪارروائي نه پئي ڪري: احتجاج ڪندڙ *
  • *ڪڙيو گهنور ۾ ٻوڏ متاثرن جي واهر نه ٿي، سنڌياڻي تحريڪ طرفان حيدرآباد روڊ تي ڌرڻو *کليل آسمان هيٺ ويٺل آهيون، ٽينٽ ۽ کاڌي پيتي سميت صحت جي سهولت فراهم ڪئي وڃي: ٻوڏ متاثرن جو مطالبو *
  • *گهوٽڪي: عدالت پاران سبزي منڊي ۾ قائم وڪلين جون آفيسون خالي ڪرائڻ واري فيصلي خلاف اسٽي آرڊر جاري *عدالت پاران اسٽي آرڊر جاري ڪرڻ بعد وڪيلن پاران ڊسٽرڪٽ بار ۾ مٺائي ورهائي *عدالت وڪيلن جي حق ۾ اسٽي جاري ڪري وڪيلن سان انصاف ڪيو آهي: وڪيل اڳواڻ *
  • *ڏهرڪي ڀرسان ننڊ پيل ڳوٺاڻو قتل، پوليس واقعي جي جاچ شروع ڪري ڇڏي *ڳوٺ نئون ڪوٽ ۾ اڻڄاتل جوابدار 45سالن جي عنايت علي شاهه جو ڳلو ڪپي فرار ٿي ويا *زخمي حالت ۾ عنايت علي شاهه کي وارث رحيم يار خان اسپتال کڻي ويا جتي هن دم ڏنو *
  • *پي ٽي آءِ سينيٽر اورنگزيب اورڪزئي پاران بني گالا ۾ سرڪاري زمين تي قبضي جو انڪشاف *سي ڊي اي ۽ ايم سي آءِ قبضي واري رپورٽ اسلام آباد هاءِ ڪورٽ ۾ جمع ڪرائي ڇڏي *عدالت پاران سرڪاري ايراضي تي قبضو ڪندڙ سينيٽر ۽ سي ڊي اي آفيسرن خلاف ڪارروائي جو حڪم*
  • *ڪنري ڀرسان گھر جي ڀت ڪرڻ سبب معصوم نينگر دٻجي فوت ٿي ويو *ڳوٺ رامچند ڪولھي ۾ ڀت ڪرڻ سبب11 ورھين جو نينگر لڇمڻ پٽ گلاب ڪولھي دٻجي ويو *نينگر کي ڳڻتي جوڳي حالت ۾ حيدرآباد نيو پئي ويو ته هن رستي ۾ ئي دم ڏئي ڇڏيو*
  • *لاڙڪاڻو: 10 کان مٿي مختلف ڳوٺن جي بجلي گذريل ڪيترن مھينن کان بند، ڳوٺاڻن جو ٽائر ساڙي احتجاج *ٻلھڙجي، بگي ٻنڊي، گاجي ديرو ۽ وڏي وھڻي سميت مختلف ڳوٺن جي رهواسين جو ايئرپورٽ روڊ بند ڪري احتجاج *بلن جي ادائگي باوجود رشوت طلب ڪئي وڃي ٿي، نه ڏيڻ جي صورت ۾ بجلي بند ڪئي وئي آهي : ڳوٺاڻا *

سنڌ جي حڪمران پارٽي وفاق جي نشاني تي

دنيا ان معاملي تي سوچي رهي آهي ته ڪورونا جي وبا مان ڪيئن جان ڇڏائجي؟ پنهنجن پنهنجن ملڪن ۾ معيشت کي ڪيئن پيرن ڀر بيهارجي؟ پر پياري پاڪستان ۾ حڪومت ان ۾ لڳل آهي ته ماڻهن جي حصي ۾ ڀل کڻي ڪک به نه اچي ماڻهو غربت ۽ ڏاکڙن وگهي ڀلي چيڀاٽجي وڃن، پر حڪومت تي ڪو الزام نه اچي ۽ اها پنهنجي آئيني مدت پوري ڪري وڃي. وزيراعظم خان صاحب ته ماڳهين اهي پيو خواب ڏسي ته اپوزيشن کي ايترو دٻاءُ هيٺ ۽ بيمار رکيو وڃي جو ايندڙ پنج سال به حڪمران جماعت کي ملن. خير خواب ڏسڻ هر ڪنهن جو حق آهي. سو خان صاحب ايندڙ پنجن سالن جا خواب ڏسي سگهي ٿو. ٻئي پاسي اپوزيسن جي ڪوشش آهي ته اها پنهنجو سر بچائي. هي ڏکيو وقت گذاري وٺي رڳو پاڻ کي اپوزيشن طور زنده رکڻ لاءِ سخت تقريرون ڪندي رهي. اپوزيشن کي پڪ آهي ته تيستائين حڪومت تبديل نٿي ٿي سگهي جيستائين واڳ ڌڻي ان کي تبديل ڪرڻ نه چاهيندا. انهن واڳ ڌڻين کانسواءِ حڪومت تبديل ڪرڻ لاءِ جيتري محنت ۽ سگهه جي ضرورت آهي اوتري سگهه اپوزيشن پاڻ ۾ ڪو نه ٿي ساري. جڏهن اپوزيشن کان عوام کي سرگرم ڪرڻ بابت پڇجي ٿو ته ٻڌايو وڃي ٿو ته ايئن ڪنداسين ته سگهاريون ڌريون ماڳهين اسان جو جيئڻ جنجال ڪري ڇڏينديون.
ان سڄي صورتحال جي باوجود گذريل ٻن هفتن کان اهڙا بيان اچي رهيا آهن. اهڙيون سرگرميون ٿي رهيون آهن جن مان لڳي ٿو ته ڪا چرپر ضرور آهي. تڪڙي تبديلي اچي ٿي يا نه ٿي اچي، اهو ضرور آهي ته حڪمران ڌرين جي رڌڻي ۾ رولو ضرور آهي. هر ڪا ڌر وڌيڪ اختيار ۽ اقتدار وٺڻ گهري ٿي. ان ڪري انهن جي وچ ۾ ڇڪتاڻ آهي. اصل ۾ نئين راهه به تڏهن نڪرندي آهي جڏهن حڪمرانن اندر اختلاف هجن، اهي اختلاف تضادن جي صورت اختيار ڪري هڪ ٻئي سان ٽڪرائجڻ لڳن. حڪمرانن جا پاڻ ۾ ٽڪراءَ ايترا شديد ٿي ويا آهن جو اهي حل نٿا ٿي سگهن؟ يا حڪمران ڌريون هڪ ٻئي کي سهڻ يا ايڊجسٽ ڪرڻ لاءِ تيار ناهن؟ هي هڪ اهڙو سوال آهي جنهن جو ڪو به حتمي جواب ڪونهي. بس في الحال اهو چئي سگهجي ٿو ته اهي اختلاف تيز ٿي رهيا آهن ۽ ٽڪراءُ شروع ٿي ويو آهي.
هونئن ته مارچ کان چوٻول شروع ٿيو هو پر مٿان وري ڪورونا ڄڻ حڪومت جي ضمانت ڪرائي ورتي. وري بجيٽ منظور ڪرائڻ ضروري هو. سڀني ڏٺو ته بجيٽ بنا ڪنهن عملي مخالفت جي منظور ٿي وئي. ڇاڪاڻ جو مٿان کان اهو ئي آرڊر هو. هونئن به بجيٽ ۾ گهڻي ردوبدل جي گنجائش نه هوندي آهي بهرحال اپوزيشن حڪومت سان ٺاهه ڪري ان کي سولو گس ڏنو. خيال هو ته ان جي عيوض اپوزيشن سان بهتر سلوڪ رکيو ويندو پر ايئن نه ٿيو. ڪجهه عرصو شگر ڪميشن ۽ ڪڻڪ جي جاچ واريون رپورٽون بحث جو موضوع بڻيون. ٿيو ايئن جو انهن رپورٽن خود حڪمران جماعت جا وکا پڌرا ڪري ڇڏيا. حڪومت جي نااهلي سان گڏوگڏ ان ۾ موجود اختلاف به سامهون اچي ويا. حڪومت ڳالهه کي سمجهي وئي ته حڪمران جماعت جي اندر جهيڙو وڌي ويندو ته ان کي سنڀالڻ ڏکيو ٿي پوندو. ان ڪري اهو چيو ويو ته ٻيو ڪجهه ڪو نه پيو اچي ان سان گڏوگڏ حڪومت توپن جو رخ اپوزيشن ڏي ڪيو. اپوزيشن جي ٻن وڏين پارٽين پيپلزپارٽي ۽ نواز شريف کي ڏٺو ويو. نواز ليگ جي اڳواڻن کي ڪجهه ڪيسن ۾رليف مليو. ان جو سبب قومي اسيمبلي ۾ عملي مخالفت نه ڪرڻ وارو موقف به کڻي هجي پر اصل سبب اهو آهي ته پنجاب ۾ سياسي گروپن کان وٺي عوامي سطح تي حڪومت خلاف جيترو تاءُ موجود آهي ان صورت ۾ اها پنجاب جي مقبول سياسي پارٽي يا سياسي ليڊرپشپ خلاف ڪو قدم کڻي نه ٿي سگهي. اها في الحال ان تي گذارو ڪري رهي آهي ته نواز شريف کي سزا ٻڌائي کيس ملڪ کان ٻاهر روانو ڪيو ويو.
پيپلزپارٽي جو معاملو مختلف آهي. هڪ اهو ته تحريڪ انصاف توڙي وزيراعظم کي سنڌ جي ڪا لاچاري ڪونهي. بلڪه سنڌ انهن لاءِ غير اهم آهي. ساڳئي وقت سنڌ مان کين ڪو آسرو به ڪونهي ٻئي نمبر تي اها ڳالهه ته سنڌ ۾ پيپلزپارٽي جي حڪومت آهي. ان ڪري تحريڪ انصاف جي لاءِ هتي پير کوڙڻ مشڪل آهي. پيپلزپارٽي جي صوبائي حڪومت لڳاتار وفاقي حڪومت سان اين ايف سي ايوارڊ، ارڙهين ترميم، پاڻي جي ورهاست ۽ ٻين اهڙن معاملن تي جهيڙي ۾ آهي. تاريخ ۾ پهريون دفعو صوبائي حڪومت کليل طريقي سان ڳالهائي رهي آهي. صوبي جي حقن لاءِ لکپڙهه ڪري رهي آهي. پيپلزپارٽي جو موقف اهو آهي ته ارڙهين ترميم جي تحت آئين ان کي اهڙو حق ڏئي ٿو ان ڪري جمهوري ۽ آئيني طريقي سان شيون گهري رهي آهي.
مطلب هاڻ ڳالهه صاف ظاهر آهي ته حڪومت اپوزيشن جي ٻئي وڏي جماعت پيپلزپارٽي جي خلاف ڪارروائي ڪرڻ گهر ٿي. جنهن جو اشارو بلاول ڀٽو زرداري هفتو کن اڳ ڏنو هو ته حڪومت آصف زرداري کي قتل ڪرڻ گهري ٿي. بلاول جي هن بيان جي ڪجهه ڏينهن اندر آصف زرداري خلاف مني لانڊرنگ ڪيس جي فرد جرم عائد ڪرڻ جو فيصلو ڪيو ويو پوءِ اوچتو مقرر تاريخ تي اها ڪارروائي هفتي کن لاءِ ملتوي ڪئي وئي. هڪ خيال اهو آهي ته جهڙي نموني سان حڪومت پنجاب جي ليڊر نواز شريف کي سزا ٻڌائي ساڳيو سلوڪ سنڌ سان به ڪرڻ چاهي ٿي. يعنيٰ اپوزيشن جي ٻي وڏي جماعت پيپلزپارٽي جي ليڊر آصف زرداري کي سزا ڏيڻ گهري ٿي. چوڻ وارا چون ٿا ته تڪڙ ان ڪري ڪئي پئي وڃي ته متان ڪيڏي مهل موجوده وزيراعظم پنهنجي عهدي تي نه رهي. پوءِ گهٽ ۾ گهٽ هو اهو ته چئي سگهندو ته مون ٻن وڏن ليڊرن کي ڪرپشن جي الزامن هيٺ سزا ڏياري.
پيپلزپارٽي جو اهو موقف آهي جيئن ته ارڙهين ترميم ۽ اين ايف سي ايوارڊ ۾ردوبدل لاءِ اها تيار ناهي، حڪومت ون يونٽ جهڙي صورتحال آڻڻ چاهي ٿي، پيپلزپارٽي ان جي مخالفت ڪري رهي آهي ان کي سزا وار ڪيو پيو وڃي. ان ڳالهه ۾ تڏهن وزن پيدا ٿي وڃي ٿو جڏهن وزيراعظم پاڻ ارڙهين ترميم ۽ اين ايف سي ايوارڊ خلاف ڳالهائي ٿو ۽ عملي طرح سان اهڙا قدم به کڻي ٿو. ان سڄي صورتحال ۾ پيپلزپارٽي جي چيئرمين بلاول ڀٽو زرداري آل پارٽيز ڪانفرنس گهرائي آهي ته جيئن ملڪ کي درپيش معاشي ۽ سياسي بحران مان ڪڍي سگهجي. دلچسپ ڳالهه اها آهي ته پيپلزپارٽي ان اجلاس لاءِ حڪمران جماعت تحريڪ انصاف کي به دعوت ڏيڻ جو اعلان ڪيو آهي. بلاول جو اهو تحرڪ وڏي حڪمت عملي وارو لڳي ٿو جنهن ۾ حڪمران جماعت کي به ڪوٺ ڏني پئي وڃي، جنهن سان ماڻهن توڙي دنيا کي اهو نظر ايندو ته وسيع تر مفاد ۾ سمورا ويڇا هڪ پاسي رکي قومي اتفاق راءِ قائم ڪرڻ لاءِ ڪانفرنس ڪوٺائي پئي وڃي. تحريڪ انصاف هن اجلاس ۾ شرڪت ڪري ان جو امڪان گهٽ نظر اچي ٿو ڇاڪاڻ جو ڪورونا بابت جڏهن قومي اسيمبلي جي اسپيڪر پارلياماني پارٽين جو اجلاس گهرايو هو ته وزيراعظم اپوزيشن کي ٻڌڻ لاءِ تيار نه هو بعد ۾ هن صحافين کي ٻڌايو ته هو انهن ڪرپٽ اپوزيشن ليڊرن سان ڳالهائڻ يا گڏ ويهڻ لاءِ تيار ناهي. هن وقت تائين وزيراعظم جو ساڳيو موقف نظر اچي ٿو.
نواز ليگ اجلاس ۾ ضرور شرڪت ڪندي پر اها تڪڙي تحريڪ هلائڻ جي موڊ ۾ ناهي. هڪ اهو ته ان جي ليڊرن کي رليف ملي چڪو آهي ٻيو اهو ته تحريڪ هلائڻ جي صورت ۾ نواز ليگ جا مخالف جيڪي هينئر حڪومت ۾ آهن، سي ڊپ وچان وڌيڪ پاڻ ۾ ويجها ٿي ويندا. ٻي صورت ۾ انهن وچ ۾ هلندڙ اختلاف اهڙا آهن جيڪي پنهنجي طور تي وڃي ڇيڙو ڪندا. بهرحال اها اخلاقي حمايت جي حد تائين پيپلزپارٽي جي حمايت ڪري سگهندي. سڄي ڳالهه قاف ليگ جي سڱن ۾ ڦاٿل آهي. ڏسجي اها پنهنجا سڱ ڪنهن پاسي ٿي گهمائي.

Bookmark the permalink.

Leave a Reply

Your email address will not be published. Required fields are marked *