تازا ترين
  • *ميهڙ ويجهو ملڪيت جي تڪرار تان چاچي ۽ ڀائٽين ۾ جهيڙو، 6ڄڻا زخمي ٿي پيا *ڳوٺ جوڙو لاکير ۾ لاکير برادري جي ٻن ڌرين ۾ جهيڙو ٿي پيو *ظفر،مظھر، حسين، عبدالله، وسيم، سعيد ۽ اظھر لاکير کي اسپتال منتقل ڪيو ويو *
  • *پنگريو ڀرسان زمين جي تڪرار تان ترڪ برادري جي ٻن ڌرين ۾ جهيڙو، 8 ڄڻا زخمي *جهيڙي دوران لٺيون ۽ ڪهاڙيون لڳڻ سبب ٽن عورتن سميت 8ڄڻا زخمي ٿي پيا*
  • *سنڌ جي مختلف شهرن ۾ ٻاررن ۽ عورتن سميت 30 کان وڌيڪ ماڻهن کي ڪتن ڏاڙهي زخمي ڪري ڇڏيو*
  • *ٽنڊوباگو ويجهو زمين جي تڪرار تان جهيڙو،8ڄڻا زخمي، اسپتال منتقل *ڳوٺ علي ترڪ ۾ ٻن ڌرين ۾ جهيڙي دوران 4 عورتن سميت 8 ڄڻا زخمي ٿي پيا *
  • وارهه ويجهو ٻن موٽرسائيڪلن ۾ ٽڪر، پيرسن فوت ٿي ويو *ماستر لاڙو وٽ حادثي ۾ پيرسن غلام مصطفيٰ گوگاڻي چانڊيو زخمي ٿي پيو *زخمي پيرسن لاڙڪاڻي جي اسپتال ۾ زخمن جا سور نه سهندي فوت ٿي ويو *
  • *سپريم ڪورٽ ۾ شهباز شريف خلاف مني لاندرنگ ڪيس، شريڪ جوابدارن جي اپيل تي ٻڌڻي *عدالت جوابدار فضل داد عباسي ۽ شعيب قمر جي ضمانت جي اپيل تي ٻڌڻي ڪئي *سپريم ڪورٽ ٻنهي جوابدارن جي ضمانت واري درخواست تي نيب کي نوٽيس جاري ڪري ڇڏيا *ٻنهي جوابدارن تي شهباز شريف لاءِ سهولتڪاري ۽ مني لانڊرنگ جو الزام آهي*
  • *روشن سنڌ منصوبو ڪرپشن ڪيس: سنڌ جو وڏو وزير مراد علي شاهه نيب اسلام آباد آڏو پيش *نيب ٽيم طرفان جعلي بئنڪ اڪائونٽس ڪيس جي حوالي سان به وڏي وزير کان پُڇاڳاڇا * نيب طرفان وڏي وزير مراد علي شاهه آڏو سوالنامو پيش ڪيو ويو *
  • *فيض گنج ۾ پيٽرول پمپ مالڪن حڪومتي فيصلي کي ٿڏي ڇڏيو، وڌيڪ اگهه تي پيٽرول جو وڪرو *پمپ مالڪن پاران پيٽرول جو في ليٽر 77 کان 78 روپيا ۾ وڪرو،عوام سخت پريشان *
  • *تنگواڻي ۾ پئٽرول سستو ٿيڻ بعد پيٽرول پمپ بند *پئٽرول نه ملڻ سبب صارفين سخت پريشاني جو شڪار *
  • *ملڪ ۾ پيٽرول سستو ٿيڻ کانپوءِ بحران پيدا ٿي ويو، ڪراچي سوڌو ملڪ جي اڪثر شهرن ۾ پيٽرول پمپ بند، عوام پريشان*
  • *چونڊڪو ۾ رولو ڪتن نينگري کي ڏاڙهي زخمي ڪري ڇڏيو *10ورهين جي ثمينا ڌي گلاب خاصخيلي کي اسپتال منتقل ڪيو ويو *نارو ۾ ٽن مهينن دوران ڪتن جي ڏاڙهيلن جو انگ500 ٿي ويو *
  • *بخشاپور ويجهو نوجوان کي رولو ڪتن ڏاڙهي زخمي ڪري ڇڏي *ڳوٺ محمد نواز چاچڙ واسي 24ورهين جي محراب علي چاچڙ کي رولو ڪتن ڏاڙهي وڌو *
  • *جوابدار گرفتار نه ٿيڻ خلاف مقتول ڀائرن جا پڪا چنا وٽ روڊ تي لاش رکي ڌرڻو هنيو ويو*
  • *پڪا چنا ڀرسان عورتن جي جهيڙي بعد جوابدارن فائرنگ ڪري 2 ڀائرن کي قتل ڪيو هو*
  • *سيوهڻ ڀرسان سڱاوتي تڪرار تان قتل ڪيل 2 ڀائرن جي جنازي نماز ادا، وارثن جو لاش رکي ڌرڻو*

رول ڪتا، ڇتا ڪتا ۽ پنهنجا ڪتا!

مهانگائي اسان غريبن جا لاهه ڪڍي ڇڏيا. ڀينڊي، گوار، ميها ۽ واڱڻ به 150 روپيا ڪلو ٿي ويا. وڃي دال ٿي ورتم ته دڪاندار چيو، “180 روپيا ڪلو!” چيم، “هل ڙي! اسان غريب ماڻهو دال کائڻ کان به وياسين.!” هڪ بيروزگاري ٻي مهانگائي اهڙو پريشان ٿي ويس، جهڙو ٻار جي هٿ مان قلفي ڪري پئي هجي. هڪ دانا ۽ فلاسافر دوست کي ايس ايم ايس ڪيم ته، “هن فاني دنيا ۾ ڪجي ته آخر ڇا ڪجي؟” هن جواب ڏنو ته، “هن فاني دنيا ۾ ٻيو کڻي ڪجهه به نه ڪجي پر مرڻ کان اڳي زندگي ۾ هڪ دفعو بس ۾ ويٺل يا بس اسٽاپ تي بيٺل ڪنهن حسين دوشيزه کي ڏسي اک ڀڃڻ کپي نه ته اها حسرت به رهجي ويندي.” مون کي سندس ڳالهه ڏاڍي وڻي. آئون ڏاڍو تيل ڦليل ۽ سينڌ سُرما ڪري شهر ويس. اتي بس اسٽاپ تي هڪ بنهه سهڻي مائي بيٺي هئي. مون کيس اک ڀڳي. سوچيم ته هوءَ به اک ڀڃيندي! پر ابا مائي ڪا اشراف ۽ غيرتي هئي. سا ڪاوڙ ۾ تپي صفا چيلاٽو ٿي پئي. تنهن سئنڊل لاٿو، آئون ڀڳس، هن اڇلائي هنيو، اچي منهنجي ڪياڙي تي لڳو. مون به ڏنو پيرن تي زور، سڌو گهر اچي ساهي پٽيم.
پوءِ مون وڃي ٽي وي کولي ان ۾ فلمي چئنل لڳايو. پراڻي فلم پئي هلي. هڪ غنڊي هيروئن سان ڇيڙ ڇاڙ ڪري ان جي عزت تي حملو ڪيو. هيروئن بچايو بچايو چئي رڙيون ڪرڻ لڳي ته پينٽ شرٽ ۾ فرسٽ ڪلاس وارن جي اسٽائيل وارو هيرو اچي لٿو. تنهن غنڊي کي ڏاڍا ٺونشا هڻي رتورت ڪري ڀڄائي ڇڏيو. پوءِ هيروئن هيرو کي ڀاڪر پائي چيو، “تنهنجي مهرباني جو تو منهنجي عزت بچائي آهي.” هيرو چيو، “ڪا ڳالهه ڪانهي اهو منهنجو انساني فرض هو.” پوءِ ٻنهي جو پاڻ ۾ چوٽيءَ جو پيار ٿي ويو. جهٽ پٽ هڪ باغ ۾ وڃي پهتا، مينهن به شروع ٿي ويو. ڀاڪر، ڊانسون ڪري دوگانو ڳائڻ لڳا، “ڇم ڇم يه پهوار! ديکهو رنگ لايا پيار! برسات ڪي مهيني مين!” پوءِ ته ابا ٻئي عشق جي شڪنجي ۾ ايئن ڦاسي پيا جهڙو گدڙ جي ٽنگ ڪوڙڪي ۾ ڦاٿي هجي. نيٺ وڏي محنت کانپوءِ ٻنهي جي شادي ٿي وئي. هيرو مون وانگر صفا ڪو بکيو ٽانٽ هجي صفا اٽي ۾ جهليل ۽ هيروئن هڪ وڏي صنعتڪار ۽ سرمائيدار جي ڌيءُ هجي سو هيرو جي لئي ٿي وئي. عاليشان بنگلا، وڏيون گاڏيون، ڪارخانا ۽ بئنڪ بيلنس الڳ. فلم ٿي پوري. منهنجي دماغ ۾ اچي هورا کورا ٿي ته آئون به انهي هيرو وانگر ڪي معرڪا ڪري سکيو ستابو ٿي پوان. مون کجو کنڀڙاٽي سان انهي پروگرام جو حال اوريو ۽ کيس غنڊي يعني ولين جي ڪردار لاءِ تيار ڪيم ۽ هيرو ٿيڻ لاءِ آئون لنڊا مارڪيٽ مان پينٽ ۽ شرٽ وٺي آيس. نديم ڪٽ وارن جو اسٽائيل ٺهرايم. ٻئي شهر وياسين. بس اسٽاپ تي هڪ حسين ڀلن ڪپڙن ۾ مائي بيٺي هئي. کجو کنڀڙاٽي وڃي ان سان ڇيڙ ڇاڙ ڪئي ۽ زوري لڄالٽ جي ڪوشش ڪئي. اوچتو آئون مٿان وڃي پهتس. کجو کنڀڙاٽي کي ڏاڍا ٺونشا هڻي رتورت ڪري ڇڏيم. هو ڀڄي ويو. مائي ويچاري ڊپ ۾ ڏڪي پئي مون کيس وڃي ڀاڪر پاتو ڀر ۾ پارڪ جي بئنچ تي آڻي ويهاريم، نارنگي واري ٿڌي جي بوتل کيس پياريم. مون کي پڪ ٿي ته هاڻي اسان جو پيار شروع ٿي ويندو. اسين باغ ۾ وينداسين مٿان مينهن پوندو ۽ نچي نچي دوگانو ڳائينداسين. نيٺ آئون ڦاٽس مائي کي چيم، “اٿي حسينه! اٿي نازنين مون کي توسان پيار ٿي ويو آهي. اچ ته پاڻ پڪي دوستي رکون!” مائي چيو، “ادا آئون انهن ماين مان ڪانه آهيان. آئون شادي شده آهيان. منهنجو مڙس يارو مون کي ڏاڍو ڀانئي ٿو. ڇهه ننڍڙا ننڍڙا ٻار به اٿم. توکي هميشه لاءِ دين جو ڀاءُ ٿي ڪريان. مون وٽ ڀاڙي جا 200 هئا جيڪي غنڊي واري جهيڙي ۾ ڪٿي ڪري پيا هاڻي ڀاڙو ڏي ادا ته آئون ڪڍڻ وڃان!” مون سندس مٿي تي هٿ رکي “ادي” چئي ڀاڙي جا پئسا ڏنا ۽ کيس ڪڍڻ واري بس تي چاڙهي آيس. منهنجو سڄو پروگرام ۽ فلم شو فيل ٿي ويو. منهنجو منهن لهي اهڙو بڇڙو ٿي ويو جو آرسي ۾ ڏٺم ته هڪ پاسو ڏهرڪي ۽ ٻيو پاسو رهڙڪي جهڙو لڳو پيو هو.
ورندي ڏينهن مون سڀ اخبارون گهرائي غور سان مطالعو ڪيو. خبر پئي ته اسان جي سنڌ ۾ ڪئين مصيبتون کڙيون ٿيل هيون. ڪئين سازشون گهڙيون پئي ويون. هڪ ته وونئڻن ۾ ڳاڙهي سنڍي ٻيو سارين جو نقلي ٻج، سنگ سڀ پاپڙي! قومي اسيمبلي ۾ نوان صوبا ٺاهڻ لاءِ بل جمع، درياهه تي ڊيم، ڪرپشن، مهانگائي، بيروزگاري، تعليم ۽ صحت جا شعبا تباهه، ايمبولنس نه ملڻ ڪري فوتگيون، ڳورهاري مائي پٽ تي پئي ٻار ڄڻي، اسڪولن جون بلڊنگون تباهه، ٻار وڻن هيٺان پيا پڙهن. ڪاري ڪامڻ جي وبا، رول ڪتن جو آزار، ڇتي  جي وئڪسين اڻلڀ! اهو سڀ پڙهي منهنجي مٿي تي هٿ اچي ويا. وطن جي درد ۾ آئون مٿو ۽ ڇاتي ڪٽي ماتم ڪرڻ لڳس ته اوچتو پنهنجي سرڪار سڳوري ڪتا مار مهم جي آغاز جو اعلان ڪيو. ڏاڍو خوش ٿيس، مون به هڪ ڇهه فوٽي ٿلهي لٺ کنئي ۽ ڪتا مار مهم تي نڪري پيس. هڪ ڪتي کي مارڻ لاءِ ڦري آيس ٻه ٽي ڌڪ هنيامانس ته ابا هن ڪوڊ ورڊ ۾ اهڙيون رڙيون ڪيون جو سندس اٺ ڏهه ساٿي ڪتا اچي پهتا. سوچيم اسان انسانن کان ته ڪتن ۾ وڌيڪ ٻڌي آهي. ڏکئي وقت ۾ ڪيئن اچي پهتا آهن. ابا انهن ڪتن مون تي حملو ڪري ڏنو. مون کي ڏاڙهي، ڪپڙا ڦاڙي صفا ٽڪي هڪڙي جو ڪري ڇڏين. مون اسان واري عطائي ڊاڪٽر سلو سروٽي کان ملم پٽي ڪرائي، ماسات ماڪوڙو ۽ سئوٽ صدورو مون کي چنگچيءَ ۾ چاڙهي وئڪسين ڪرائڻ لاءِ شهر وٺي ويا. الاهي اسپتالن ۾ وياسين ڪٿان به وئڪسين ڪا نه ملي. مايوس ٿي گهر موٽي آيس. ڪتن کان پلاند ڪرڻ لاءِ وري مون لٺ کنئي ۽ هڪ اروڙي تي بيٺل اڪيلي ڪتي کي ڦري  آيس. ٻه ٽي لٺيون هڻي ڪڍيون مانس. ڪتو ڪونڪاٽ ڪري نستو ٿي پيو. مون کي هٿ ٻڌي چيائين، “ادا انسان آئون لاوارث نڌڻڪو، غريب ۽ بي ضرر ڪتو آهيان. صبح کان شام تائين ماني ڳڀي ۽ پاروٿي هڏي لاءِ اروڙين تي نوس نوس ڪندو آهيان. مون کي ماري ڇا ڪندين؟ توهان انهن ڪتن کي نٿا ماريو جيڪي انسانن جي روپ ۾ توهان جي نياڻين جي لڄالٽ ڪري کين قتل ٿا ڪن. هاسٽلن ۾ نمرتا جهڙيون معصوم نياڻيون قتل ٿا ڪن. نياڻين جا زوري مذهب ٿا مٽائين. ڪراچي کي سنڌ کان ڌار ڪرڻ ٿا چاهين. ماڻهن کي ڀنگ لاءِ اغوا ٿا ڪن. لاش کڻن ۽ بيمار کي شفٽ ڪرڻ لاءِ ايمبولنس ڏيڻ کان انڪار ٿا ڪن، صحت، تعليم، واٽر سپلاءِ، روڊن ۽ پلين جي اسڪيمن جا پئسا هڙپ ڪريو ٿا  وڃن، جيڪي نقلي دوائون نقلي ٻج ۽ ڀاڻ وڪرو ٿا ڪن، جيڪي سٺ واري شئي من مستي ڪندي 120 ۾ ٿا وڪڻن، جيڪي باٿ روم جي فرش ۾ نوٽن جون ٻوريون ٿا پورين، جيڪي تنهنجي وطن سنڌ کي ٽوڙڻ لاءِ رات ڏينهن سازشون ٿا ڪن!” ڪتي جون سچيون ڳالهيون ٻڌي آئون حيران ٿي ويس. مون کيس مارڻ تان هٿ کنيو. ڪنهن ڏاهي صحيح چيو آهي ته، “انسان جي ڏاڙهڻ کان بچايو، جانورن کي منهن ڏئي وينداسين.”

Bookmark the permalink.

One Response to رول ڪتا، ڇتا ڪتا ۽ پنهنجا ڪتا!

  1. Aijaz Abro says:

    A good article. (Realities in the shape of joke)

Leave a Reply

Your email address will not be published. Required fields are marked *