تازا ترين
  • پ پ تاريخي اي پي سي ڪوٺرائي، نواز شريف واضع۽ تفصيلي تقرير ڪئي: پ پ چيئرمين بلاول ڀٽو زرداري*گلگت بلتستان معاملي تي ڳالهائڻ لاءِ رابطو ڪيو ويو، ملڪ ۾ جمهوري آزادي چاهيون ٿا:بلاول *
  • *اسلام آباد: جعلي بئنڪ اڪائونٽس اسڪينڊل ۾ سنڌ روشن پروگرام ڪيس جي جاچ وارو معاملو *نيب راولپنڊي فرنٽ مين اياز صديقي کي ڪراچي مان گرفتار ڪري ورتو: ذريعا *اياز صديقي جعلي اڪائونٽ ۾ ڪروڙين رپيا جمع ڪرايا: نيب ذريعا*
  • *ڄام نواز علي: ڇتو ڪتو مارڻ جي ڪوشش دوران نوجوان مارجي ويو *ڳوٺ ديوان گلاب راءِ ۾ ڳوٺاڻي ڇتي ڪتي کي مارڻ لاءِ فائر ڪيو ته گولي نوجوان مادو ڪولهي کي لڳي: پوليس *پوليس واقعي واري هنڌ پهچي نوجوان جو لاش تحويل ۾ وٺي جاچ شروع ڪري ڇڏي*
  • *گهارو شهر ۾ واپاريءَ کان ڦر ڪندڙ جوابدار گرفتار نه ٿيڻ خلاف شٽربند هڙتال *2ڏينھن اڳ واپاري گڊو کان 9لک رپيا ڦر ڪرڻ بعد جوابدارن گوليون هڻي زخمي ڪيو هو *واقعي کي 48 ڪلاڪ گذرڻ باوجود پوليس جوابدار گرفتار نه ڪري سگهي آهي: احتجاج ڪندڙ واپاري*
  • *اسلام آباد: العزيزيه ۽ ايون فيلڊ ريفرنسز ۾ سزا خلاف نواز شريف جي اپيل تي ٻڌڻي *مريم نواز ۽ ڪيپٽن (ر) صفدر احتساب عدالت ۾ پهچي ويا *عدالت نواز شريف کي بري ڪرڻ واري فيصلي خلاف نيب جي اپيل تي به ٻڌڻي ڪندي *ن ليگ جي نائب صدر مريم نواز جي پيشيءَ جي موقعي تي عدالت ٻاهران سڪيورٽي جا سخت انتظام *
  • *ڀان سيدآباد: قومپرست اڳواڻ مولا بخش لغاري بيماري وگهي لاڏاڻو ڪري ويو *مولابخش لغاري جي جنازي نماز اڄ سخي سيد سليمان شاهه عيدگاهه تي ادا ڪئي ويندي*
  • *پنوعاقل پوليس جي نجي ٽارچر سيل ۾ مبينا طور تي فيصل آباد واسي وڪيل ميان اعجاز آرائين جي قتل وارو معاملو *ڊي آءِ جي لاڙڪاڻو عرفان بلوچ پوليس اهلڪارن ۽ ڪجهه خانگي ماڻھن کي وڪيل جي قتل ۾ ملوث قرار ڏئي ڇڏيو *ڊي آءِ جي لاڙڪاڻي پاران ايڊيشنل آءِ جي سکر ڏانھن انڪوائري رپورٽ موڪلي ڇڏي *وڪيل ميان اعجاز آرائين کي ڊي ايس پي مسعود مهر جي حڪم تي گرفتار ڪيو ويو: انڪوائري رپورٽ *وڪيل پوليس جي غيرقانوني حراست ۾ فوت ٿيو ۽ لاش پنجاب ۾اڇلايو ويو : انڪوائري رپورٽ *انڪوائري رپورٽ ۾ اي ايس آءِ غلام مصطفيٰ ميراڻي، ڪانسٽيبلز درگاهه ڏنو، نصير ۽ سرمد يعقوب بيگناھه قرار*
  • *سنجهورو ۾ شهرين پاران بجلي جو سڙيل ٽرانسفارمر تبديل نه ٿيڻ خلاف ڌرڻو، ٽريفڪ معطل *ڌرڻي سبب ڪيترن ئي ڪلاڪن کان شهدادپور، سانگهڙ ۽ سنجهورو روڊ تي ٽريفڪ معطل، مسافر پريشان *4مهينن کان بجلي جو ٽرانسفارمر خراب آھي، ڪيترائي ڀيرا دانهڻ باوجود تدارڪ نه ٿيو: مظاهرين*
  • *ڪراچي: سنڌ سرڪار جي 6کاتن ۾ 3 سيڪريٽريز مقرر ٿيل *اهم کاتا من پسند سيڪريٽرين کي اضافي چارج طور حوالي ڪيا ويا *تعليم، لائيو اسٽاڪ ۽ فاريسٽ کاتو مستقل سيڪريٽري کان محروم *زراعت جي سيڪريٽري رحيم سومروکي فاريسٽ جي سيڪريٽري جي اضافي چارج مليل *ثقافت کاتي سيڪريٽري اڪبر لغاري وٽ لائيو اسٽاڪ کاتي جي سيڪريٽري جي اضافي ذميواري *سنڌ ٽيڪسٽ بوڪ بورڊ جي چيئرمين احمد بخش ناريجو کي سيڪريٽري تعليم جي اضافي چارج مليل *20هين گريڊ جا ڪامورا بحران باوجود سائيڊ پوسٽن تي ويهاريل*

خيرپور کي ٻن ضلعن ۾ ورهائڻ جي تجويز ۽ رد عمل

تاريخي خطي خيرپور کي انتظامي لحاظ کان ٻن ضلعن ۾ ورهائڻ جي تجويز هونئن ته ڪيترن سالن کان ڪر کڻندي پئي ايندي هئي . خيرپور جي وڏي ايراضي ۽ وڌندڙ آبادي جي پيدا ٿيندڙ مسئلن کي حل ڪرڻ جي ناڪامي کي منهن ڏيڻ لاءِ خيرپور کي ٻن حصن ۾ ورهائڻ جي ڳالهه صرف خيرپور جي سياسي جلسن يا وري سياسي ڊرائينگ رومن ۾ ٿيندي رهندي هئي پر تازو سنڌ ڪابينا جي ميمرن پاران پهريون ڀيرو جڏهن خيرپور کي انتظامي طور ٻن حصن ۾ ورهائڻ جي تجويز سامهون آئي آهي ته سوشل ميڊيا توڙي اليڪٽرانڪ ميڊيا ۾ خيرپور جي ٻن سياسي خاندانن جيلاني ۽ وساڻ خاندان پاران خيرپور کي ٻن ضلعن ۾ ورهائڻ واري تجويز کي عمل ۾ آڻڻ کان مڪمل انڪار ڪري ڇڏيو آهي.
خيرپور جي جيلاني خاندان توڙي وساڻ خاندان جو ان سلسلي ۾ جيڪو موقف سامهون آيوآهي اهو هي آهي ته صوبائي ڪابينا ۾ خيرپور جو هڪ به نمائندو ڪونه آهي تنهنڪري اهڙي تجويز جي حمايت نه ٿي ڪري سگهجي هنن اهو پڻ چيو آهي ته خيرپور هڪ تاريخي ضلعو آهي ان جي تاريخي حيثيت کي ٽڪرا نه ٿيڻ ڏبا. جيتوڻيڪ خيرپور ۾ جيلاني خاندان ۽ وساڻ خاندان هڪ ئي پارٽي ۾ هجڻ جي باوجود منجهن سياسي دوريون آهن پر هن ڀيري خيرپور کي ٻن ضلعن ٺاهڻ واري معاملي تي ٻئي سياسي خاندان هڪ ئي صف ۾ اچي بيٺا آهن.جڏهن ته خيرپور جا ٻيا سياسي خاندان جن ۾ راڻيپور جا سادات ، ظفر آباد جا ٻانڀڻ ، توڙي کرل آباد جا کرل برادران خيرپور کي ٻن ضلعن واري تقسيم جي تجويز تي هن وقت تائين ٻڙڪ نه ٻولي آهي.لڳي ايئن ٿو ته خيرپور جي سياست ۾ سندن دڪو ئي داخل نه ٿي سگهيو آهي.خيرپور سان لاڳاپيل مسلم ليگ فنڪشنل جي قيادت پاران خيرپور جي انتظامي ورهاست واري تجويز تي رد عمل ڪهڙو ٿو اچي تنهن جو انتظار سندن ووٽرن کي ضرور هوندو پر خيرپور جا سياسي حلقا خيرپور جي هن ورهاستي تجويز کي مسلم ليگ فنڪشل جي حق ۾ قرار نه پيا ڏين.
جڏهن ته خيرپور جي ٽالپرن جي پڻ خيرپور کي انتظامي طور ٻن حصن ۾ورهائڻ واري تجويز تي خاموشي آهي.
1955ع ۾ جڏهن خيرپور ۽ بهاولپور رياست کي پاڪستان جو حصو بڻايو پئي ويو ته خيرپور جي ميرن پاران پاڪستان سرڪار سان هڪ معاهدو ڪيو ويو هو جنهن ۾ ماهوار رائلٽي ڏيڻ سان گڏ تاريخي جاين جي وارثي ميرصاحبان جي هٿ هيٺ رکڻ ۽ خيرپور جي حدن کي اصلوڪي حالت ۾ رکڻ ، خيرپور کي ڊويزن جو رتبو ڏيڻ سميت خيرپور لاءِ ترقياتي رٿائن ۾ خاص توجهه ڏيڻ جهڙا شرط معاهدي ۾ درج هئا.ان لحاظ کان جيڪڏهن خيرپور مان ٺهندڙ ٻئي ضلعي جو نالو پڻ خيرپور رهڻ ڏنو وڃي ۽ صرف طرفن جي اضافي سڃاڻپ ڏني وڃي ٿي ته خيرپور جي مير صاحبان کي ڪو اعتراض نه هوندو پر جيڪڏهن نئين ضلعي لاءِ نئون نالو رکيو وڃي ٿو ته ان لحاظ کان خيرپور جي ميرن سميت خيرپور جي اديبن دانشورن لاءِ پڻ اهو عمل خيرپور جي تاريخي حيثيت سان مداخلت تصور ڪيو ويندو.تنهنڪري خيرپور جي ٻن ضلعن واري تجويز کي خيرپور جو ساڃاهه وند علمي ادبي حلقو مشروط بنيادن تي قبول ڪرڻ تي آماده نظر اچي ٿو . انهن جو چوڻ آهي ته خيرپور جي تاريخي حيثيت برقرار رکي وڃي ته خيرپور کي ٻن ضلعن ۾ ورهائڻ تي ڪو حرج ناهي جيئن ڪراچي کي انتظامي طور ڪراچي ايسٽ ، ويسٽ ، نارٿ،سائوٿ ۽ ملير نالا ڏيئي ضلعا قائم ڪيا ويا جنهن انتظامي طور تي عوام جا مسئلا حل ڪرڻ ۾ ڪنهن قدر آسانيون ٿيون آهن اهڙي ريت جيڪڏهن خيرپور کي پڻ خيرپور ايسٽ ۽ خيرپور ويسٽ نالا ڏيئي ٻه ضلعا ٺاهيا وڃن ته جيئن سرڪاري مشينري کي ڪم ڪرڻ ۾ سولائي ٿي سگهي ۽ عوام جي مشڪلات کي پڻ دور ڪري سگهجي. خيرپور جي ايراضي جيئن ته سنڌ جي وڏن ضلعن ۾ شمار ڪئي وڃي ٿي جنهن جي ڊيگهه 240ڪلوميٽر ۽ ويڪر 140 ڪلوميٽر ٻڌائي وڃي ٿي ۽ آبادي جي لحاظ کان پڻ خيرپور 35لکن کان وڌيڪ آبادي رکندڙ ضلعو آهي.اهڙي صورتحال ۾ عوام جي پهچ کان ضلعي هيڊ ڪوارٽر تمام ڏکيو هوندو آهي. خيرپور جي ناري جي علائقي سان سلهاڙيل ڪوٽ جبو جهڙا علائقا جيڪي انڊيا جي سرحدن سان ڳنڍيل آهن يا پڪا چانگ توڙي فيض گنج تعلقي سان وابسته عوام ڏورانهين هيڊ ڪواٽر پهچڻ لاءِ ڪشالا ڪاٽن ٿا. اتان جو عوام ڊپٽي ڪمشنر توڙي ايس ايس پي وٽ ڪنهن ڪم سانگي اچن ٿا يا سيشن ڪورٽ ۾ ڪيسن جي حوالي سان اچن ٿا ته اهي سمورو ڏينهن سفر ۾ گذارين ٿا.جنهن ڪري معمولي کان معمولي ڪم سانگي به عوام جو پيسو توڙي جسماني تڪليف برداشت ڪرڻي پئي ٿي. عوام کي اهڙن ڪشالن ۽ تڪليف کان بچائڻ لاءِ خيرپور کي انتظامي حوالي سان ٻن حصن ۾ ورهائڻ سان ئي انهن جي تڪليفن کي گھٽائي سگهجي ٿو.جيئن سنڌ جي ٻين ڪيترن حصن ۾ نوان ضلعا قائم ڪيا ويا آهن . لاڙڪاڻي مان قمبر شهداد ڪوٽ يا دادو مان ڄامشورو وغيره ٺاهيا ويا آهن.
خيرپور جي ٻن ضلعن ٺاهڻ واري تجويز پيش ٿيڻ بعد خيرپور جي سياسي وايومنڊل ۾ حرارت پيدا ٿي چڪي آهي ۽ خيرپور جي مک ۽ ڪامياب سياسي گھراڻن پاران خيرپور جي عوام جي مشڪلاتن کي پاسيرو رکي خيرپور جا انتظامي ٻه ڀاڱا قبول نه پيا ڪيا وڃن.اهڙي انڪار جا سبب جيڪي سامهون اچن پيا اهي هي آهن ته خيرپور ۾ ڊپٽي ڪمشنر جي تعيناتي جي اين اوسي جيلاني خاندان وٽ جڏهن ته ايس ايس پي جي مقرري جي اين او سي وساڻ خاندان وٽ هوندي آهي ۽ ايئن اٺن تعلقن جي وسيع ايراضي تي انهن ٻنهي ڪِي پوسٽن تان ٻئي سياسي خاندان خيرپور جي سياسي سرشتي کي سوگهو رکندا پيا اچن.کين هينئر خيرپور جي تاريخي حيثيت ضرور ياد پئي آهي پر کانئن اها ڳالهه وسري وئي آهي ته هاڻ خيرپور کي ڊويزن جي حيثيت ڪانهي هينئر خيرپور جي اسٽيشن تي صرف ٻه ٽرينون اسٽاپ ڪن ٿيون . گذريل يارنهن سالن کان خيرپور جو انڊسٽريل زون رولڙي جو شڪار آهي.خيرپور جا تعليمي ادارا مالي ۽ انتظامي بحرانن جي ور چڙهيل آهن.صحت کاتي سميت پبلڪ هيلٿ ۽ ميونسپل جهڙا ادارا عوام لاءِ بي فيض بڻجي چڪا آهن.خيرپور جي سياسي ڌرين جي آيل رد عمل تي خيرپور جو عوام شديد مايوسي ۽ ٻڌتر ۾ وٺجندو پيو وڃي.

Bookmark the permalink.

Leave a Reply

Your email address will not be published. Required fields are marked *