تازا ترين
  • *اڳوڻو آسٽريلين بيٽسمين ڊين جونز دل جو دورو پوڻ ڪري لاڏاڻو ڪري ويو *ڊين جونز 59 ورهين جي ڄمار ۾ لاڏاڻو ڪري ويو *ڊين جونز پي ايس ايل ۾ اسلام آباد يونائٽيڊ جو ڪوچ رهيو هو*
  • *بدين ۾ پگهارون نه ملڻ خلاف ميونسپل عملي پاران ڪم ڇڏ هڙتال ڪري آفيس آڏو معصوم ٻارڙن سميت احتجاج *نااهل ۽ ڪرپٽ سي ايم او کي هٽائي فوري طور تي پگهارون جاري ڪيون وڃن: احتجاج ڪندڙ ملازم *
  • *بدين: ڪڍڻ رورل ھيلٿ سينٽر جو ايم ايس ڊاڪٽر شجاعت خواجا ڪورونا وائرس جو شڪار *ايم ايس ڊاڪٽر شجاعت خواجا جي ٽيسٽ پازيٽو اچڻ بعد رورل هيلٿ سينٽر سيل ڪيو ويو *
  • *ڀٽ شاھه: شاھ لطيف فائونڊيشن پاران عالمي مشائخ ڪانفرنس ملتوي ڪرڻ جو اعلان *درگاھ ڀٽائي جي سجاده نشين پاران ميلي جون غيرسرڪاري تقريبون ملتوي ڪرڻ جو اعلان *ڪورونا سبب سنڌ حڪومت جي فيصلي جو احترام ڪريون ٿا: سجاده نشين *رڳو عرس جون رسمون ايس او پيز تحت ادا ڪيون وينديون*
  • *ڪراچي ۾ سنڌي نوجوان جي قتل خلاف جروار ۾ احتجاجي ريلي، ڌرڻو *مختلف سياسي سماجي تنظيمن جي ڪارڪنن ۽ شهرين ريلي ڪڍي مين چوڪ تي ڌرڻو هنيو، نعريبازي *ڪراچي ۾ ڌرتي ڌڻين کي بيگناهه قتل ڪرڻ جو سلسلو جاري آهي: مظاهرين *عبدالحميد گبول جي قتل ۾ ملوث ٻين جوابدارن کي به گرفتار ڪري عبرتناڪ سزا ڏني وڃي: مظاهرين*
  • *سيوهڻ ويجهو ڪارنهن جي مبينا الزام هيٺ سهري هٿان ناري قتل، جوابدار ٿاڻي تي پيش *ڳوٺ بچل چنا ۾ جوابدار گلشير چنا پنهنجي ننهن 25 ورھين جي فائزا چنا کي گوليون هڻي قتل ڪري ڇڏيو *جوابدار قتل ڪرڻ بعد پسٽل سميت گرفتاري ڏيئي ڇڏي، غيرت ۾ اچي قتل ڪيو: گلشير چنا جو اعتراف *پوليس پاران مقتولا ناري جو لاش ضروري ڪارروائي لاءِ سيوھڻ اسپتال پھچايو ويو*
  • رائونتي جي ڪچي ۾ پوليس جي مبينا مقابلي ۾ زخمي ٿيل ڏوهاري اسپتال ۾ دم ڏئي ڇڏيو *رات دير سان بچاءَ بند وٽ مقابلي دوران ڏوهاري محمد نواز سيال کي زخمي حالت ۾ گرفتار ڪيو هو: پوليس *زخمي ڏوهاري کي سکر اسپتال منتقل ڪيو ويو جتي فوت ٿي ويو:پوليس *جوابدار محمد نواز سيال تي سنگين قسم جا ڪيس داخل آهن: پوليس*
  • *دادو ويجهو ٻن موٽرسائيڪلن ۾ آمهون سامهون ٽڪر، يعقوب پٽ ڦوٽو فوت ٿي ويو *
  • *ڪشمور: عدالت پاران3ڄڻن کي بلاجواز گرفتار ڪرڻ تي ٽن اهلڪارن تي ڪيس داخل ڪرڻ جو حڪم *ڪشمور جي عدالت ٽن ڄڻن کي بلاجواز گرفتار ڪرڻ بابت ڪيس جي ٻڌڻي ڪئي *ڪشمور: عدالت سي سيڪشن ٿاڻي جي ايس ايڇ اوسميت ٽن اهلڪارن تي ڪيس داخل ڪرڻ جو حڪم ڏنو *
  • *اسلام آباد: احتساب عدالت ۾ آصف زرداري، نواز شريف ۽ يوسف رضا گيلاني خلاف توشه خانه ريفرنس تي ٻڌڻي *اڳوڻو وزيراعظم يوسف رضا گيلاني احتساب عدالت ۾ پيش *عدالت ٻڌڻي پهرين آڪٽوبر تائين ملتوي ڪري ڇڏي *
  • *ڪنري ويجهو واپاري کان ڦر دوران هڪ ڦورو سوگهو، مارڪٽ *ڳوٺ شاھ بيگ چانڊيو وٽان ڦورو واپاري کان موٽرسائيڪل ڦر ڪري فرار ٿي رهيا هئا ته ڳوٺاڻا پهچي ويا * ڳوٺاڻن هڪ ڦورو کي پڪڙي مارڪٽ ڪرڻ بعد سندس هٿ پير ٻڌي ويهاري ڇڏيو، پوليس نه پهتي
  • *نوري آباد ويجهو مزدا ۽ ٽرالر ۾ ٽڪر، هڪ ڄڻو فوت *موٽر وي تي حادثي ۾ مزدا ڊرائيور پنجاب واسي محمد اسلم راجپوت فوت ٿي ويو *
  • *ڪنري ويجهو واپاري کان ڦر دوران هڪ ڦورو سوگهو، مارڪٽ *ڳوٺ شاھ بيگ چانڊيو وٽان ڦورو واپاري کان موٽرسائيڪل ڦر ڪري فرار ٿي رهيا هئا ته ڳوٺاڻا پهچي ويا *ڳوٺاڻن هڪ ڦورو کي پڪڙي مارڪٽ ڪرڻ بعد سندس هٿ پير ٻڌي ويهاري ڇڏيو، پوليس نه پهتي*
  • *نواب ولي محمد ڀرسان ملواهه شاخ وٽ نوجوان جو لاش هٿ، سڃاڻپ نه ٿي*لاش جي نِڪ ۽ وات مان رت وهي رهيو هو، لڳي ٿو هڪ ڏينهن پُراڻو آهي: پوليس *
  • *مورو: داد بئراج ۾ ٻڏي ويل ملير واسي محمد فاروق جٽ جو لاش هٿ *ٻڏي ويل ڊرائيور مزدا کي ڌوئي رهيو هو ته پير ترڪڻ سبب داد بئراج ۾ ڪري پيو*

حڪومت آڏو بيوس مخالف ڌر ورهاست جو شڪار

پيپلزپارٽي ۽ مسلم ليگ نواز اقتداري ايوانن جي باريڪين کان با خبر هجڻ سان گڏ مخالف ڌر جي ڪردار جو وسيع تجربو رکندڙ پارٽيون آھن ملڪي تاريخ ۾ پرويز مشرف جي حڪومتي دور بعد هڪ ڀيرو وري ٻئي پارٽيون گڏيل طور تي مخالف ڌر جو ڪردار ادا ڪري رهيون آھن پر هن حڪومت جي ٻن سالن ۾ ٻنهي پارٽين جي مخالف ڌر طور ادا ڪيل ڪردار کي ڏسي حيرانگي ٿي رهي آھي. ٻنهي پارٽين جي مخالف ڌر جي ادا ڪيل ڪردار مان انهن وٽ موجود وسيع تجربو نظر نه اچي رهيو آھي ٻنهي پارٽين کي جيترو سياسي تجربو ۽ جيترا سينئر پارليامينٽيرين آھن ان سان ته هنن ٻنهي پارٽين کي ملڪي تاريخ ۾ پهريون ڀيرو اقتدار ۾ آيل پي ٽي آءِ حڪومت کي ڏينهن جا تارا ڏيکارڻ گهرجن ها پر محسوس ايئن ٿي رهيو آھي ته ڊگهو سياسي تجربو رکندڙ ٻئي پارٽيون ته پي ٽي آءِ کي ڏينهن ۾ تارا نه ڏيکاري سگهيون آھن پر پي ٽي آءِ کين ڏينهن ۾ تارا ضرور ڏيکاري ڇڏيا آھن.
حيرت ان ڪري به ٿي رهي آھي جو سينيٽ ۾ ٻنهي پارٽين جي واضح اڪثريت آھي قومي اسيمبلي ۾ به حڪمران اتحاد ۽ مخالف ڌر جي ميمبرن وچ ۾ رڳو 16 کان 18 ميمبرن جو فرق رهيو آھي حڪومت جي ايتري عددي ڪمزور حالت ۽ اتحادين جي محتاجي باوجود انتهائي گهڻي تجربيڪار مخالف ڌر حڪومت کي ڪنهن به مامري تي نه شڪست ڏئي سگهي آھي نه ئي عوام جي مفادن خلاف ۽ عوام جي تڪليفن جو سبب بڻجندڙ ڪو فيصلو حڪومت کان واپس ڪرائي سگهي آھي. پيئٽرول جي قيمتن ۾ غيرمعمولي واڌ هجي يا گيس ۽ بجلي جي قيمتن ۾ باربار اضافي جو مامرو هجي دوائن جي قيمتن ۾ واڌ هجي يا کنڊ ۽ اٽي جي قيمتن ۾ اضافو هجي مخالف ڌر سينيٽ توڙي قومي اسيمبلي جي فلور يا پارليامينٽ کان ٻاهر اهڙو موثر ڪردار ادا ڪرڻ ۾ ڪامياب نه ٿي آھي جنهن سبب حڪومت کي ڪو فيصلو واپس وٺڻو پيو هجي.
مخالف ڌر مهانگائي هجي يا ڊالر جي قدر ۾ اضافو يا حڪومت جي ناقص ڪارڪردگي ان تي بيان ڏيڻ بعد اهو سمجهندي رهي آھي ته مخالف ڌر جي ڪردار جو حق ادا ٿي ويو ان ڪري ئي هن حڪومتي دور ۾ جيڪي به وڏا بحران ۽ عوام تي بار وجهڻ جو سبب ٿيندڙ فيصلا ڪيا ويا آھن مخالف ڌر ڪنهن هڪ اشو جي مسلسل پوئيواري نه ڪري سگهي آھي نه ئي ڪنهن به مامري کي اشو ٺاهي سگهي آھي. حيرت ته ان ڳالهه تي به آھي جو مسلم ليگ نواز ۽ پيپلزپارٽي کي ايترو وسيع تجربو هجڻ باوجود اهي ٻئي پارٽيون مخالف ڌر ۾ شامل ٻين پارٽين کي گڏ کڻي هلڻ ۾ ناڪام ٿيون آھن. اهو ڪيئن ٿي سگهي ٿو ته پيپلزپارٽي ۽ مسلم ليگ ن جي حڪومت سان اسپيڪر جي گهر ايف اي ٽي ايف جي بلن بابت مشاورتي اجلاس ۾ شرڪت ڪندڙ اڳواڻن کي اهو اندازو نه هجي ته حڪومت سان ڳالهين ۾ مخالف ڌر جي ٻين پارٽين کي نظر انداز ڪري اڪيلي سر ڳالهائڻ تي مخالف ڌر ۾ ڏار پئجي سگهن ٿا، جيڪڏهن ٻنهي پارٽين کي اهو اندازو هيو ان باوجود ٻنهي پارٽين پاران مخالف ڌر جي ٻين پارٽين کي نظرانداز ڪري حڪومت سان ڳالهيون ڪرڻ جو مقصد ڇا مخالف ڌر کي سوچيل سمجهيل منصوبي تحت تقسيم ڪرڻ وارو عمل نه آھي ؟
پيپلزپارٽي ۽ ن ليگ پاران حڪومت سان اڪيلي سر ڳالهيون ڪرڻ ڪري نه رڳو جي يو آءِ ايف پر پختونخوا ملي عوامي پارٽي، نيشنل پارٽي۽ جماعت اسلامي ٻنهي پارٽين سان ناراض آھن ۽ ان جو سينيٽ ۽ قومي اسيمبلي جي اجلاس ۾ انهن اظهار به ڪيو آھي ۽ ٻنهي پارٽين تي هر وقت حڪومت جو ساٿ ڏيڻ جو الزام به لڳايو آھي انهن الزامن ۾ صداقت به آھي ڇو ته سينيٽ ۾ مخالف ڌر کي واضع اڪثريت هجڻ باوجود صادق سنجراڻي جي سينيٽ چيئرمين جي عهدي تان نه هٽڻ ٻنهي پارٽين جي ميمبرن جي نوازش کانسواءِ ممڪن نظر نٿو اچي. جيڪڏهن ان عمل ۾ ٻنهي پارٽين جي قيادت ملوث نه هئي ته ٻنهي پارٽين جي قيادت کي ان تاريخي ناڪامي تي پنهنجي صفحن ۾ ڪارين رڍن جو پتو لڳائڻ ۾ ايتري دير ڇو لڳي آھي ان عمل جو پتو لڳائڻ ۾ ٻنهي پارٽين جي عدم دلچسپي سان اهو محسوس ٿي رهيو آھي ته ڪجهه ته آھي جنهن جي پرديداري ٿي رهي آھي. خير وري اچون ٿا ايف اي ٽي ايف بلن بابت حڪومت سان ٿيل ڳالهين ۾ پيپلزپارٽي ۽ ن ليگ پاران مخالف ڌر جي ٻين پارٽين کي نظرانداز ڪرڻ سبب مخالف ڌر ۾ پيدا ٿيل اختلافن طرف شايد اهي اختلاف ئي آھن جن ڪري عيد بعد جيڪا مخالف ڌر جي پارٽين جي اي پي سي ٿيڻي هئي ان لاءِ اڃان تائين تاريخ جو اعلان نه ٿي سگهيو آھي.
سوال هي آھي ڇا اي پي سي حڪومت کي گهر ڀيڙو ڪرڻ لاءِ ڪوٺائي پئي وڃي؟ اهو اهڙو سوال آھي جنهن جو فرض ڪجي جواب ها ۾ ڏجي ته پوءِ مخالف ڌر کي حڪومت کي گهر موڪلڻ جي لاءِ جدوجهد جي احتجاجي حڪمت عملي سان گڏ حڪومت کي گهر موڪلڻ بعد جي به حڪمت عملي جي بنيادي نقطن تي اتفاق ڪرڻو پوندو. جي يو آءِ ايف سيپٽمبر جي ست تاريخ تي پشاور ۾ ختم نبوت ڪانفرنس ڪوٺائي رهي آھي پر ان کان اڳ ظاهر آهي اي پي سي جي تاريخ جو فيصلو ٿيڻو آھي ان تاريخ طئه ڪرڻ ۾ جيتري دير يا سستي جو مظاهرو مخالف ڌر جي ٻنهي پارٽين پاران ڪيو ويندو ان سان مخالف ڌر جي پارٽين ۾ نه رڳو اختلاف ڀڙڪي ٻاهر ايندا پر ان سان مخالف ڌر ڪجهه عرصي لاءِ تقسيم ٿي ڪمزور ٿي سگهي ٿي. ظاهر آهي ان سان ڪمزور ٿيندڙ حڪومت کي نئين سگهه ملندي.
سوال هي به آھي ته جيڪڏهن اي پي سي جي تاريخ طئه به ٿي وڃي ڇا اها هن ٻوڏ جي صورتحال وارن ڏينهن ۾ ٿي سگهندي جيڪڏهن ٻوڏ جي ڏينهن ۾ نه ٿي سگهندي ته پوءِ محرم ۾ اي پي سي ڇا ٿي سگهندي ؟ جيڪڏهن محرم بعد اي پي سي ٿيندي ته ڇا ان سان مخالف ڌر جي پارٽين وچ ۾ هڪ ٻئي لاءِ بدگماني پيدا نه ٿيندي ؟ سوال هي به آھي ته جيڪي مخالف ڌر جون پارٽيون پيپلزپارٽي ۽ ن ليگ سان شڪايتون رکن ٿيون اهي اي پي سي ۾ تيار ٿيندڙ حڪمت عملي کي ڪامياب بنائڻ لاءِ ڪو لکت ۾ معاهدو يا خاطري ته طلب نه ڪنديون؟ جيڪڏهن اهڙي خاطري طلب ڪئي وڃي ٿي ته ڇا مخالف ڌر جون ٻئي وڏيون پارٽيون ان تي ڪنهن انا جو شڪار ته نه ٿي وينديون. سوال هي به آھي ته اي پي سي ۾ مسلم ليگ ن اسٽيبلشمينٽ جي خلاف ڪنهن فيصلي تي شهباز شريف جي قيادت ۾ اتفاق ڪري سگهندي. سوال هي به آھي ته جيڪڏهن پارليامينٽ مان استعفيٰ جو آپشن تجويز ٿئي ٿو ته ڇا ان جي پيپلزپارٽي حمايت ڪندي؟ مطلب ته اي پي سي جو جيئن سولائي سان اعلان ڪيو ويو آھي ايتري آساني سان اي پي سي جي ايجنڊا تيار ٿيڻ مشڪل عمل محسوس ٿي رهيو آھي، ڇو ته مخالف ڌر ۾ شامل پارٽين مان هر هڪ پارٽي جي سياسي پاليسي پنهنجي پنهنجي آھي. ڏسڻو اهو آھي ته سياست جو وسيع تجربو رکندڙ پارٽيون ان مسئلي کي ڪيئن حل ڪن ٿيون.
اقتداري سياست جو رڳو ٻن سالن جو تجربو رکندڙ پي ٽي آءِ مخالف ڌر کي هر هنڌ سوڙھو ڪيو آھي پر جهڙي نموني ايف اي ٽي ايف جي شرطن کي پورو ڪرڻ لاءِ حڪومت مخالف ڌر جي پارٽين ن ليگ ۽ پيپلزپارٽي کان بلن جي منظوري ۾ حمايت وٺڻ ۾ ڪامياب ٿي آهي ان کي ڪمال ئي چئي سگهجي ٿو. ڇو ته ايف اي ٽي ايف جي بلن جي منظوري لاءِ مخالف ڌر پاران نيب قانون ۾ ترميمن جي صورت ۾ اين آراو گهرڻ جو شد مد سان قومي اسمبلي ۾ الزام شاهه محمود قريشي لڳايو ان بعد مراد سعيد به اهڙا الزام لڳايا ان باوجود مخالف ڌر جي ٻن وڏين پارٽين گڏيل پارليامينٽ جي اجلاس مان هڪ ۽ سينيٽ مان ٻه بل منظور ڪرائڻ ۾ حڪومت جو ساٿ ڏنو. انهن بلن جي منظوري بعد وزير اعظم به ايف اي ٽي ايف جي بلن جي منظوري عيوض مخالف ڌر تي اين آر او گهرڻ جو الزام لڳايو. مطلب ته حڪومت انهن بلن جي منظوري لاءِ گهربل حمايت به پيپلزپارٽي ۽ ن ليگ کان ورتي ۽ انهن جو ميڊيا ٽرائيل به ڀرپور نموني ڪيو. خبر نه آھي ته ٻنهي پارٽين کي اهڙي ڪهڙي مجبوري آھي جو ميڊيا ٽرائيل برداشت ڪرڻ باوجود انهن بلن جي حمايت ڪئي آھي پر پي ٽي آءِ جي پارلياماني پارٽي جي اجلاس کي وزير اعظم جي موجودگي ۾ شاهه محمود قريشي اشارن ۾ ٻڌايو ته شام تائين مخالف ڌر جن بلن جي مخالفت پئي ڪئي رات جي برڪت سان انهن بلن تي مخالف ڌر جي سوچ تبديل ٿي وئي آھي. حڪومت کي توڙي جو اقتدار ۾ ٻه سال ٿي رهيا آھن پر حڪومت هر مسئلي جي ذميوار مخالف ڌر جي ماضي جي حڪومتن جي ڪارڪردگي کي ڏيندي رهي ٿي پر مخالف ڌر هن حڪومت جي ناڪامين کي آئيني طور موثر نموني ڏيکارڻ ۾ ناڪام ٿي آھي.

Bookmark the permalink.

Leave a Reply

Your email address will not be published. Required fields are marked *