تازا ترين
  • *ڪراچي: وڏي وزير مراد علي شاهه شير شاهه ۾عمارت ڪرڻ واري واقعي جو نوٽيس ورتو *وڏي وزير پاران ڪمشنر ڪراچي کي فوري طور انتظاميه کي متحرڪ ڪرڻ جي هدايت *ڪوشش ڪئي وڃي ته سمورن مزدورن جون حياتيون بچايون وڃن: وڏو وزير مراد علي شاهه*
  • *ٽنڊو غلام حيدر جي مختلف علائقن مان برسات ۽ گهارن جو پاڻي نيڪال نه ٿيو، رهواسي عذاب ۾ مبتلا *مويا نظرپور، ڏندو، حاجي صوڀو خان چانڊيو سميت 8 يوسيز جي ڪيترن ئي ڳوٺن ۾ پاڻي بيٺل پاڻي نيڪال نه ٿيڻ سبب مليريا، گيسٽرو ۽ ٻين بيماريون منهن ڪڍيو، ڪيترائي ڳوٺاڻا اسپتال ڀيڙا*
  • *سپريم ڪورٽ ۾ ذهني مريض قيدي جي موت واري سزا روڪڻ لاءِ اپيل تي ٻڌڻي *عدالت جوابدار غلام عباس جي طبي چڪاس لاءِ ميڊيڪل بورڊ جوڙي ڇڏيو *ميڊيڪل بورڊ کي طبي چڪاس ڪري ٽن هفتن اندر رپورٽ پيش ڪرڻ جو حڪم*
  • *ٽنڊو غلام حيدر ۾ ڳوٺاڻن جو برساتي پاڻي نيڪال نه ٿيڻ تي ٻارڙن کي پوليو جا ڦڙا پيئارڻ کان انڪار *ڳوٺ مير محمد لاشاري جي رهواسين برساتي پاڻي نيڪال نه ٿيڻ خلاف احتجاج ڪيو *ڳوٺ مان پاڻي نيڪال ڪرايو وڃي ٻي صورت ۾ ٻارڙن کي پوليو جا ڦڙا نه پيئارينداسين: ڳوٺاڻا*
  • *ٽنڊو ڄام زرعي يونيورسٽي ۽ وٽرنري يونيورسٽي سڪرنڊ ۾ وقتي وائيس چانسلرز جي مقرري *پروفيسر ڊاڪٽر ظهير الدين ميراڻي زرعي يونيورسٽي ٽنڊو ڄام جو وقتي وائيس چانسلر مقرر *احمد سلطان جتوئي وٽرنري يونيورسٽي سڪرنڊ جو وقتي وائيس چانسلر مقرر، نوٽيفڪيشن جاري*
  • *آصف زرداري ۽ نواز شريف هڪ ٻئي تي الزام لڳائيندا رهيا هاڻي گڏ ويٺا آھن: خرم شير زمان *بلاول جي تقرير مان لڳي پيو ته پاڪستان خلاف تحريڪ هلائڻ وڃن پيا: خرم شيرزمان *جيڪڏھن کين تحريڪ هلائڻي آھي ته ڪراچي ۽ لاڙڪاڻي کان شروع ڇو نٿا ڪن: خرم شير زمان*
  • *ڪراچي: دهشتگردي ٽوڙ عدالت ۾ انسپيڪٽر ناصر الحسن جي ٽارگيٽ ڪلنگ بابت ڪيس تي ٻڌڻي *ڏوهه ثابت نه ٿيڻ تي عدالت 5 جوابدارن کي بري ڪري ڇڏيو *اکين ڏٺن شاهدن جي تڪراري بيان جي ڪري ڏوهه ثابت نه ٿي سگهيو آهي: پوليس *
  • * ڪراچي: ميٽرڪ بورڊ شاگردن جي امتحان جا نتيجا پڌرا ڪري ڇڏيا *ڪراچي: ميٽرڪ بورڊ سائنس گروپ جي نتيجن جو اعلان ڪري ڇڏيو *ڪراچي: هڪ لک 68 هزار 880 شاگرد امتحان ۾ ڪامياب قرار*
  • *ڪشمور ويجهو سڱاوتي تڪرار تان هٿياربندن جي فائرنگ ۾ نوجوان قتل، واٽهڙو پيرسن زخمي *هٿياربندن جي فائرنگ ۾ عيد گاهه واسي علي گل سولنگي ۽ واٽھڙو پيرسن شاھمور خالدي زخمي ٿي پيا *زخمي سول اسپتال منتقل، نوجوان کي رحيم يار خان نيو پئي ويو ته رستي ۾ دم ڌڻي حوالي ڪيائين *مورزادو جکراڻي ۽ ڏاڏو جکراڻي نوجوان کي قتل ڪيو، قاتل گرفتار ڪري انصاف ڪيو وڃي: وارث *
  • *محرابپور ويجهو نوجوان بجلي جو ڪرنٽ لڳڻ سبب فوت *ڳوٺ ولي آباد ۾ علي ولد رمضان آرائين پکي مان ڪرنٽ لڳڻ سبب فوت ٿي ويو *
  • *سپريم ڪورٽ ۾ سرڪاري زمين تي پيٽرول پمپس ليز تي ڏيڻ بابت پاڻمرادو نوٽيس تي ٻڌڻي *عدالت ڪمشنر فيصل آباد پاران پيش ڪيل رپورٽ رد ڪري ڇڏي *سپريم ڪورٽ پاران ايندڙ ٻڌڻي تي ڪمشنر فيصل آباد کي ذاتي حيثيت ۾ پيش ٿيڻ جو حڪم *حڪم تي عمل نه ٿيو ته ڪمشنر ۽ اسسٽنٽ ڪمشنر ٻئي جيل ويندا: سپريم ڪورٽ*
  • *سڪرنڊ ۾ آل پارٽيز الائينس جي سڏ تي بجلي جي اڻ اعلانيل لوڊشيڊنگ خلاف احتجاجي ريلي *مظاهرين صحافي چوڪ کان ريلي ڪڍي حيسڪو آفيس جي گيٽ آڏو ڌرڻو هنيو، ڇتي نعريبازي *سڪرنڊ ۽ ڀرپاسي ۾ 16کان18 ڪلاڪ بجلي جي لوڊشيڊنگ ڪئي پئي وڃي: مظاهرين *
  • *ڪراچي: سهراب ڳوٺ وٽ پوليس ۽ ڏوهارين وچ ۾ مبينا مقابلو، 2 ڦورو زخمي حالت ۾ گرفتار *موٽر سائيڪل تي سوار ٽن جوابدارن ڦر جي ڪوشش ڪئي ته پوليس پهتي: پوليس *مقابلي ۾ زخمي ٿيل ڦورو فيروز اسپتال ۾ علاج دوران فوت ٿي ويو: پوليس *
  • *ڪراچي: شرافي ڳوٺ ۾ نجي ڪمپني جي لاڪرز مان چوري ڪندڙ جوابدار گرفتار *جوابدار لاڪرز ٽوڙي نجي ڪمپني جا 6 لک رپيا چوري ڪيا هئا: پوليس *سي سي ٽي وي فوٽيجز ۾ هڪ جوابدار ڪمپني اندر نظر آيو آهي: پوليس*
  • *رائونتي ۾ ڳوٺاڻن جو بنيادي سهولتن جي کوٽ خلاف احتجاجي ريلي، ڌرڻو *مختلف ڳوٺن جي رهواسين احتجاجي ريلي ڪڍي اي سي آفيس اوٻاوڙو آڏو ڌرڻو هنيو، نعريبازي *ڳوٺن ۾ اسڪول، پڪن روڊن ۽ اسپتال جهڙي جهڙي ڪا به سهولت نه آهي: ڳوٺاڻا*

حقيقي هيروز ٽائيگر فورس يا طبي عملو !؟

ڊسمبر 2019ع ۾ جڏهن چائنا جي شهر ووهان ۾ ڦهلجندڙ هڪ وبا جي خبر منظرعام تي آئي،ته ان وقت دنيا ۾ ڪنهن کي به اها ڪل نه هئي ته ايندڙ ڪجھه ڏينهن ۽ مهينن ۾ هي وائرس جنهن کي ڪووڊ19 جو نالو ڏنو ويو،پوري دنيا کي وڪوڙي ويندو ۽ سموري عالم انسانيت تي هڪ سڪتو طاري ٿي ويندو.جديد ٽيڪنالاجي تي هلندڙ زندگي هن وبا آڏو پنهنجا گوڏا کوڙي ويهي رهندي.مريخ ۽ چنڊ تائين پهچندڙ انسان هڪ  ننڍڙي وائرس آڏو پنهنجا هٿيار  ڦٽا ڪندي نظر ايندا.دنيا جي سائنسي علم جا ماهر هن مرض کي روڪڻ لئه جتن ڪندا،پر ترت ڪاميابي کين ڏسڻ ۾ نه ايندي.
ڪنهن کي به اهو علم نه هو ته هي وائرس راڪاس بڻج پوري دنيا ۾ لکين جانيون ڳڙڪائي ويندو.ڏسندي ئي ڏسندي هن وائرس ووهان سميت چائنا جي مڙني شهرن کي پنهنجي وڪڙ ۾ آڻي ڇڏيو.جديد ٽيڪنالاجي ۽ اڻ کٽ وسيلن سان مالامال چائنا پنهنجي ملڪ جي ماڻهن کي هن وائرس کان بچائڻ لاءِ ترت ئي جوڳا اپاءُ ورتا.ڪاروبار بند ٿي ويا،شهرن جو هڪ ٻئي سان ڳانڍاپو ٽوڙيو ويو.پوري ملڪ ۾ ايمرجنسي لڳائي هنگامي بنيادن تي جديد ڪووڊ فيلڊ اسپتالون بڻايون ويون،ماس اسڪريننگ شروع ڪندي هن مرض ۾ مبتلا ماڻهن جي نشاندهي ڪئي وئي،جيڪي به ڪووڊ پازيٽو نڪتا،تن کي عام ماڻهن کان جدا ڪندي سندن علاج شروع ڪيو ويو.
چائنا جي اهڙي ڳڻتي واري صورت حال ڏسندي ورلڊ هيلٿ آرگنائيزيشن 30 جنوري تي هن وبا کي “عالمي وبا” قرار ڏيندي سموري دنيا ۾ ڇهين پبلڪ هيلٿ ايمرجنسي لڳائڻ جو اعلان ڪيو ۽ هن وائرس کي پوري دنيا لاءِ خطرو قرار ڏنو ويو.اهڙي طرح سان دنيا جون اکيون کلڻ شروع ٿي ويون،جديد هٿيارن جي ڊوڙ ۾ هڪ ٻئي کي پٺيان رکندڙ ملڪن کي هڪ وائرس کي ختم ڪرڻ لاءِ ڪو به هٿيار ڏسڻ ۾ نه پئي آيو.
چائنا مان ٿيندي هن وائرس ٻين ملڪن ۾ پڻ  تباهي مچائڻ شروع ڪري ڇڏي،جن ۾ اٽلي،آمريڪا،فرانس ۽ انگلينڊ سميت دنيا جي ٻين ڪيترن ئي ترقي يافته ملڪن ۾  هي وائرس موت جي راڪاس جيان هزارين جانيون ڳڙڪائڻ لڳو.هي اهي ملڪ آهن جن وٽ دنيا جو جديد ترين هيلٿ سسٽم موجود آهي.هنن ملڪن وٽ پنهنجي ماڻهن جي صحت جي حفاظت  لاءِ جديد وسيلن ۽ سهولتن جي ڪا به کوٽ نه هئي،پر تنهن هوندي به دنيا جا ترقي يافتا ملڪ هن ڪورونا وائرس اڳيان بي وس ۽ مجبور ڏسڻ ۾ آيا ۽ ڪيترن ئي ماڻهن جون حياتيون ڪورونا جو کاڄ بڻجي ويون.
پاڪستان جنهن جو صحت وارو شعبو اڳ ۾ جڏي حال ۾ هيو،ان ۾ پهريون مريض فيبروري واري مهيني ۾ ڪراچي ۾ رپورٽ ٿيو.هتان جي ڊاڪٽرن ان  وبائي مرض سان امڪاني تباهي جي باري ۾ ملڪ جي واڳ ڌڻين کي ٻڌائي ڇڏيو ،ته جيڪڏهن هي وائرس هتي  ڦهليو  ۽ جيڪو ضرور ڦهلبو ته ان کي ڪنٽرول ڪرڻ لاءِ جيڪڏهن جوڳا ۽ بروقت اپاءُ نه ورتا ويا ته هتان جو هيلٿ سسٽم ان وائرس آڏو ڪجھه به نه ڪري سگهندو.سرڪاري اسپتالن ۾ ڊاڪٽرن جي کوٽ کان وٺي سهولتن جي اڻهوند سبب عام بيماريون پڻ نه ٿيون سنڀالي سگهجن ته اتي هي عالمي وبا ڪٿان پڪڙ ۾ ايندي.جڏهن هي وائرس ڪراچي ۾ پهريون ڀيرو رپورٽ ٿيو هو ته سنڌ حڪومت ترت ئي حرڪت ۾ اچي وئي هئي.سنڌ جي وڏي وزير ۽ صحت شعبي جي گڏيل حڪمت عملي سان هن وائرس کي منهن ڏيڻ لاءِ ڏينهن رات ڪوششون ورتيون ويون ۽ سنڌ حڪومت هڪ بهترين طريقي سان سندرا ٻڌي ميدان ۾ لهي پئي.سنڌ  حڪومت جي بهتر ۽ بروقت اپائن کي ڏسندي هتان جا ڊاڪٽر پڻ هن ايمرجنسي آڏو هالار ٿي بيهي رهيا.سنڌ صوبي ۾ تقريبن اهي سموريون پاليسيون اختيار ڪرڻ  ۽ حفاظتي اپاءُ  وٺڻ جي هر ممڪن ڪوشش ڪئي وئي،جنهن وسيلي هن وبا جي پکڙجڻ کي ڪنهن حد تائين روڪي سگهجي پيو.
جڏهن تفتان بارڊر مان ايندڙ ڪورونا جي مرض ۾ مبتلا ۽ شڪي زيارتين کي سنڌ جي شهر سکر ۾ ڪورونا فيلڊ اسپتال ۾ رکيو پئي ويو ته ان ويل اها ڳالھه هتان جي ڊاڪٽرن کي واضح طور نظر پئي آئي ته هي وائرس سموري ملڪ ۾ پکڙجي ويندو،جيڪڏهن ترت حفاظتي انتظام نه ورتا ويا.سنڌ حڪومت شهر بند ڪيا،ٽرانسپورٽ سروس معطل  ڪئي وئي،ڪاروباري سرگرميون اڻ ڄاتل مدي تائين بند ڪيون ويون،اسڪول،ڪاليج ۽ يونيورسٽيون بند ڪري شاگردن کي پنهنجي پنهنجي گهرن ڏانهن روانو ڪيو ويو.
سنڌ  جي ڊاڪٽرن ۽ هيلٿ ورڪرن محدود وسيلن هوندي به هن وبا سان مهاڏو اٽڪائي  ماڻهن جون زندگيون بچائڻ شروع ڪيون.
ملڪ جي وزيراعظم قوم کي خطاب ڪندي هن عالمي خطرناڪ وبا کي معمولي زڪام سڏيندي معمول مطابق قوم کي  اهو چيو ته کين گهٻرائڻ نه گهرجي،ڇوته هي بيماري تمام ٿوري رفتار سان پاڪستان ۾ پکڙبي.ان وبا کي منهن ڏيڻ خاطر وزيراعظم صاحب هڪ فورس جوڙڻ جو اعلان پڻ ڪيو ،جنهن کي ۾“ٽائيگر فورس” جو نالو ڏنو ويو.ٽائيگر فورس جو ڪم ڇا هوندو،ڪورونا کي ڪنٽرول ڪرڻ ۾ سندس ڪردار ڪهڙو هوندو اهو واضع ناهي ٿي سگهيو.
ڪورونا کان بچاءَ جو اثرائتو ذريعو سماجي دوري يا ميل ميلاپ کان پاسو اختيار ڪرڻ ئي ٻڌايو پئي ويو،جيڪو صرف سڀئي ننڍا توڙي وڏا شهر مڪمل طور بند ڪري ئي ممڪن هو.خان صاحب ان کان به انڪاري هو ته لاڪڊائون ان مسئلي جو حل ڪونهي.
هڪ طرف جڏهن وفاقي سرڪار سنڌ صوبي کي ان عالمي ايمرجنسي واري صورتحال ۾ اڪيلو ڇڏيو هو تڏهن به سنڌ حڪومت پنهنجي صحت واري عملي سان گڏ هن وبا سان ڀرپور ويڙهه وڙهي رهي هئي.هن وبا سان وڙهڻ دوران مريضن سان گڏ رهندي ۽ سندن علاج ڪندي ڪيترا ئي ڊاڪٽر پڻ هن وبا ۾ وڪوڙجي ويا،پر سندن همت ۽ حوصلو هماليه جيڏو نظر پئي آيو.ڪيترا ئي ڊاڪٽر پنهنجون زندگيون هن مرض سان وڙهندي وڃائي ويٺا.پر موت جو ڊپ به سندن حوصلن کي هيڻو نه ڪري سگهيو.هن وبائي مرض جو ڦهلاءُ آهستي آهستي ملڪ جي ٻين صوبن ۾ پڻ شروع ٿيڻ لڳو.وري به ٻيهر ملڪ جي وزيراعظم قوم کي نه گهٻرائڻ واري وائي سڻائي ۽ ٽائيگر فورس  کي تيار رهڻ جو چيو.سڄو ملڪ ڪورونا ۾ وڪوڙجي رهيو هو،اسپتالون ڀرجي رهي هيون پر ٽائيگر فورس جو ڪو ڏس پتو به نه پئي مليو.
لاڪڊائون سبب جڏهن سنڌ صوبي ۾ وائرس تي ڪافي حد تائين ڪنٽرول ٿي چڪو هو ته وفاقي سرڪارجيڪا پڻ سنڌ صوبي جي وائرس خلاف جنگ تي ناراض هئي،ان لاڪڊائون جي سخت مخالفت ڪئي ۽ عدليا پڻ ڪاروبار کولڻ جو اعلان فرمايو.عيدالفطر جي موقعي تي جڏهن اهو اعلان سنڌ صوبي جي هزارين اعتراضن باوجود ڪيو ويوته عيد جي خريداري لاءِ ماڻهن کي ٻاهر نڪرڻ جي هر طرح سان اجازت هوندي ۽ ڪاروبار پڻ کوليا ويندا،ته ايئن محسوس ٿيو ته هر ماڻهو پاڻ سان گڏ عيد خريداري دوران وائرس به خريد ڪري گهر پهچندو.هن وائرس جي مريضن جي تعداد ۾ عيدالفطر کان پوءِ جلد ئي انتهائي تيزي ڏسڻ ۾ آئي.،اسپتالون ڀرجڻ لڳيون،وينٽيليٽر کٽي ويا،دوائون ختم ٿيڻ لڳيون ۽ آڪسيجن پڻ اڻ لڀ ٿي وئي.ڊاڪٽر ۽ هيلٿ ڪيئر ورڪرس وري به هن وبا آڏو هڪ پهاڙ جيان بيٺل نظر آيا.پنهنجي زندگي کي داءُ تي لڳائي مريضن جون حياتيون بچائيندا رهيا،پنهنجو آرام ڦٽائي  مريضن  ۽ ماڻهن جي سک ۽ سلامتي لاءِ ڏينهن ۽ راتيون اسپتالن ۾ مريضن سان گڏ گذارڻ لڳا.ان ويل به ٽائيگر فورس جو ٽائيگر نظر نه پئي آيو.جڏهن ڪورونا جي مريضن کي پنهنجا رت جا رشتا به هٿ لڳائڻ کان ڪيٻائي رهيا هئا ته ان وقت به ڊاڪٽر ئي هن وائرس جي مريضن لاءِ هڪ آٿت ۽ اميد هئا،پر ڪا به ٽائيگر فورس نظر نه آئي.
هن وقت جڏهن پاڪستان ۾ ڪورونا جي مريضن جو تعداد اڍائي لکن کان به ٽپي چڪو آهي ته اڄ به  سندن مدد ۽ آٿت لاءِ ڪو ٽائيگر فورس جو چيتو ناهي پهتو.اڄ به ڊاڪٽر ۽ نرسنگ اسٽاف پنهنجي ڪيئي ساٿين جي هن راھه ۾ قرباني ڏيئي به همت ۽ حوصلي سان هي جنگ وڙهي رهيا آهن.
9آگسٽ 2020ع تي وزيراعظم صاحب ٽائيگر فورس جو ڏهاڙو ملهائڻ جو اعلان ڪيو آهي،جنهن ڏينهن تي ڪورونا دوران نظر نه ايندڙ ٽائيگر فورس جي ٽائيگرن کي ڀيٽا پيش ڪئي ويندي ۽ سندن ڪم کي ساراهيو ويندو.ان ڏينهن ٽائيگر فورس جي ايجنڊا شجرڪاري مهم هوندي.مطلب ته وڻ پوکي هي ٽائيگر فورس ڪورونا جي وبا کي شڪست ڏيندي.ان ويل جڏهن پاڪستاني ٽائيگر فورس جي نامعلوم ڪارڪردگي کي واکاڻيندي کين داد ڏنو ويندو،ٺيڪ ان وقت به هن ملڪ جا مسيحا،هن ملڪ جا ڊاڪٽر ،هن ملڪ جا پيراميڊڪس ڪنهن ڪورونا جي مريض جي زندگي بچائيندي حقيقي ٽائيگر فورس جو رول ادا ڪري رهيا هوندا،ته پوءِ ڇو نه  9آگسٽ کي انهن مسيحائي ڪردارن جو نالو ڏيئي ياد ڪيو وڃي،جيڪي هن وبا سان وڙهندي وڙهندي پنهنجن ٻچن کي يتيم ڪري ويا،پر ڪيترن ئي انسانن جي سر تان پنهنجن جو سايو ختم ٿيڻ نه ڏنو.

Bookmark the permalink.

Leave a Reply

Your email address will not be published. Required fields are marked *