تازا ترين
  • *گمبٽ ۽ ڀرپاسي ۾ گيسٽرو تي ضابطو نه آيو، وڌيڪ20 مريض اسپتال ڀيڙا *ٻارڙن ۽ عورتن سميت 20 ڄڻن کي گمس اسپتال جي ٽراما سينٽر ۾ داخل ڪيو ويو*
  • *پنوعاقل ويجهو چوپائي مال جي چوري دوران 2 چور سوگھا، مارڪٽ بعد پوليس حوالي *ڳوٺ عبدالرحمان جتوئي ۾ ڳوٺاڻن چوري دوران ٻن چورن کي ڊوڙائي ڊوڙائي پڪڙي ورتو، هڪ فرار *نرڇ واسين عبدالطيف ڀيو ۽ غلام مصطفيٰ جعفري کي پوليس حوالي ڪيو ويو*
  • *ڪراچي جي دهشتگردي ٽوڙ عدالت جوابدار رحمان ڀولا ۽ زبير چريا کي موت جي سزا ٻڌائي ڇڏي*
  • *بلديه سانحي ڪيس جو 8 سالن کانپوءِ فيصلو اچي ويو، متحده اڳواڻ رئوف صديقي شاهديون نه هجڻ تي بري*
  • *ڊگهڙي ويجهو اڌڙوٽ شخص سرفراز واهه ۾ ٻڏي فوت *جيلاني پاڙي واسي40 ورهين جو عبدالحئي عرف پٺاڻ ولد عبدالقيوم قمبراڻي سرفراز واهه ۾ ٻڏي ويو *رهواسين شهري کي پاڻي مان ڪڍي اسپتال منتقل ڪيو جتي ڊاڪٽرن سندس فوتگي جي تصديق ڪئي*
  • *سکر: خورشيد شاهه خلاف آمدني کان وڌيڪ اثاثا ڪيس، شاهدن جا بيان قلمبند ڪرڻ جي نيب جي اپيل رد *احتساب عدالت ۾ ريفرنس آهي، شاهدن جا بيان به اتي قلمبند ٿيندا: ڪنزيومر ڪورٽ *خورشيد شاهه جي ملڪيت جي حوالي سان نيب 5 شاهن جا بيان قلمبند ڪرڻ لاءِ درخواست ڏني هئي*
  • *لاهور: آمدني کان وڌيڪ اثاثا ڪيس، شهباز شريف جي گرفتاري جا امڪان *شهباز شريف جي ضمانت واري درخواست تي فيصلو اڄ ٻڌايو ويندو*
  • *سبي: ڪمپڙي پل وٽ ٽرڪ جو ڪار کي ٽڪر، هڪ نينگري فوت، 3 ڄڻا زخمي *حادثي ۾ نينگري مائين خان فوت، زخمين کي اسپتال منتقل ڪيو ويو*
  • *غوثپور:ڳوٺ شهداد ڀيو جي رهواسين پاران بنيادي سهولتون نه ملڻ ڪري پوليو مهم جو بائيڪاٽ *ڳوٺاڻن ٻارن کي پوليو جا ڦڙا پيارڻ کان انڪار ڪري ڇڏيو، پوليو ٽيمون واپس روانيون*
  • *باڊهه ۾ ٽائون ڪميٽي جي ملازمن جو پگهارن نه ملڻ خلاف احتجاجي مظاهرو *ٻن مهينن کان ٽائون آفيسر مقرر ناهي ڪيو ويو، پگهارون نه ملڻ سبب فاقاڪشي ۾ مبتلا آهيون: ملازم *
  • * وڏي وزير مراد علي شاهه جي صدارت هيٺ حيدرآباد ۽ ميرپور خاص ڊويزن ۾ امدادي ڪمن جو جائزو *سانگهڙ، ميرپورخاص ۽ عمرڪوٽ جي 5 لک ايڪڙ ايراضي تي پاڻي بيٺل آهي: بريفنگ *اسان پاڻي نيڪال وارو ڪم شروع ڪري ڇڏيو آهي: سيڪريٽري ايريگيشن *ايندڙ 15 ڏينهن ۾ ضرور پاڻي نيڪال ٿيڻ گهرجي: سيد مراد علي شاهه *
  • *راولپنڊي: بينظير ڀٽو قتل ڪيس ۾ اپيلن جي ٻڌڻي 19 آڪٽوبر تائين ملتوي ڪئي وئي *ڪيس جي پنجن ئي جوابدارن کي ايندڙ ٻڌڻي تي عدالت ۾ پيش ڪرڻ جو حڪم *سي پي او جي پيش نه ٿيڻ تي عدالت پاران سخت ڪاوڙ جو اظهار *
  • *ڏهرڪي: صفائي عملي پاران پگهارون نه ملڻ ۽ سينيٽري انسپيڪٽر کي هٿڪڙيون لڳڻ خلاف احتجاج *ٻن مهينن کان پگهارون نه ملڻ سبب گهرن ۾ فاقاڪشي واري صورتحال آهي: صفائي عملو *سينيٽري انسپيڪٽر کي بيگناهه هٿڪڙيون هڻايون ويون: صفائي عملو*
  • * جروار:ڪپهه جو فصل تباهه ٿيڻ ۽نقلي زرعي دوائون وڪرو ڪندڙ ڊيلرن خلاف احتجاج *جروار يوٿ فورم جي سڏ تي واجد گبول جي اڳواڻي احتجاجي ريلي ڪري گشت *ڊيلرن نقلي ٻج ۽زرعي دوائون ڏيئي غريب آبادگارن جو فصل تباھ ڪيو آھي: اڳواڻ *
  • *ڪنڌڪوٽ:ڏوهي سرگرمين ۾ ملوث اهلڪارن خلاف ڪريڪ ڊائون جاري *ڪنڌڪوٽ: جوا هلائڻ جي الزام ۾ هيڊ محرر ثناءُالله ڏاهاڻي رورٽ ۽ معطل *ڪنڌڪوٽ: 6پوليس اهلڪارن کي منٿلي اوڳاڙي تان ڪوارٽر گارڊ ڪيو ويو*

جوابدارن جا گهر ڊاهڻ جو اختيار پوليس کي ڪنهن ڏنو آهي ؟

سنڌ کي برادرين ۽ قبيلن جي جهيڙن جيترو نقصان ڏنو آهي شايد ئي ٻئي ڪنهن اوترو نقصان پهچايو هجي،انهن جهيڙن جي ڪري هڪ طرف ڪيئي ڳڀرو حياتيون وڃائي ٿا ويهن ته ٻئي طرف جيڪو معاشي نقصان ٿئي ٿو ان جو ازالو ڪرڻ ئي ممڪن ناهي،جيڪڏهن انهن جهيڙن جي بنيادن کي ڏسجي ته اهي ڪنهن معمولي ڳالهه تان شروع ٿيندا آهن ۽ وڏي خونريزي تي وڃي دنگ ڪندا آهن ۽ آخر ۾ جرڳا ڪرائي انهن معاملن کي ماٺ ڪرائڻ جي ڪوشش ته ڪئي ويندي آهي پر تيستائين مجموعي طور سنڌ ، ان علائقي ۽ جهيڙيندڙ ڌرين جو ايترو نقصان ٿي چڪو هوندو آهي جو اهي ڪيترائي سال معاشي سماجي ۽ تعليمي طور ڪيترا سال پوئتي هليا ويندا آهن.معمولي ڳالهين تان شروع ٿيندڙ انهن تڪرارن کي وڌائڻ جو هڪ اهم سبب قانون جي عملداري جو ڪردار نه هجڻ به آهي جنهن ڪري اهي جهيڙا وڌندا ئي رهن ٿا،ويجهي ماضي ۾ ته سنڌ انهن جهيڙن جي خوفناڪ شڪل ڏسي چڪي آهي پر ڪجهه ڪوششن اها قبائلي جهيڙن جي بلا ذري گهٽ سنڌ جي ڳچي مان نڪري چڪي هئي پر هاڻي وري آهستي آهستي اها دونهين دکڻ شروع ٿي آهي جنهن کي جيڪڏهن وقت سر نه روڪيو ويو ته سنڌ وري ڪنهن وڏي رتوڇاڻ طرف هلي ويندي.
اهڙي ئي هڪ جهيڙي جون ڪجهه خبرون ڪجهه ڏينهن کان رپورٽ ٿيڻ شروع ٿيون آهن جنهن ۾ هڪ نوجوان قتل ۽ هڪ زخمي ٿيو آهي،نوابشاهه ضلعي جي دولتپور ويجهو ڏاهري ذات جي ٻن ڌرين ۾ٿيل انهي جهيڙي بابت توڙي جو ٻئي ڌريون هڪٻئي تي الزام هڻي رهيون آهن،اهو ته پوليس جو ڪم آهي ته اها الزامن جي جاچ ڪري قانون کي سامهون رکي ڪيس کي اڳتي وڌائي ته ڪير اڳرائي ڪري رهيو آهي يا علائقي ۾ وڌيڪ رتوڇاڻ کي روڪڻ لاءِ قدم کڻي پر پوليس جيڪو ڪردا ادا ڪري رهي آهي اهو انهي جهيڙي کي ٺارڻ بدران وڌائڻ جو سبب بڻجي رهيو آهي، قتل ڪيس ۾ جوابدارڄاڻايل ڌر الزام هنيو آهي ته پوليس سندن 35 گهر ڊاهي پٽ ڪري ڇڏيا آهن ۽ سندن فصل به ڀيلائي ڇڏيا آهن،سنڌ ڪو وانا وزيرستان يا قبائلي علائقو آهي ڇا جو پوليس پنهنجو قانوني ڪردار ادا ڪرڻ بدران جوابدارن جا گهر ڊاهي کين سزا ڏئي رهي آهي،اڄ جي جديد دور ۾ پوليس جو اهو رويو ثابت ڪري ٿو ته اها ڏوهه گهٽائڻ بدران ڏوهه وڌائڻ جو سبب بڻجي رهي آهي جيڪڏهن ڪنهن تي ڪو الزام به آهي ته اسان جي ملڪ ۽ صوبي ۾ ان جي ڏوهه جي سزا ڏيڻ لاءِ عدالتون موجود آهن قانون ان تي واضح آهي پوليس جي جيڪا ذميواري آهي ته جوابدارن کي گرفتار ڪري قانون ۽ عدالت آڏو پيش ڪرڻ گهرجي،پوليس پاڻمرادو عدالت بڻجي ڪهڙي قانون تحت ماڻهن کي سزائون ڏئي رهي آهي ۽ انهن جا گهر ڊاهي انهن کي دربدر ڪري رهي آهي، جيڪڏهن ڪو جوابدار آهي ته ان جي ڏوهه جو ذميوار ان جا گهرڀاتي ۽ مٽ مائٽ ته ناهن جو انهن کي به دربدري واري زندگي گذارڻ تي مجبور ڪيو وڃي ۽ انهن جي گذر جا وسيلا تباهه ڪيا وڃن.سنڌ ۾ اهڙي قسم جي لاقانونيت اها به انهن هٿان جن تي قانون لاڳو ڪرڻ جي ذميواري ٿئي ٿي ڪنهن به ريت برداشت ڪرڻ جوڳي ناهي. سنڌ پوليس ۾ ڪجهه وقت کان وٺي پاڻمرادو عدالت ٿي فيصلا ڪرڻ واري روايت نظر اچي رهي آهي جنهن جا مثال ماڻهن کي هاف فراءِ ۽ فل فراءِ ڪرڻ جا واقعا آهن انهي کان به وڌيڪ ماڻهن جا گهر ڊاهڻ وارا واقعا جيڪي اڳ ۾ ڄامشوري پوليس هٿان سنگهار کوسي ڳوٺ آڏو آيا، جتي به جوابدارن بدران ٻارڙن ۽ عورتن کي گرفتار ڪري واڙيو ويو ۽ انهن جا گهر ڊاٿا ويا،سنڌ جن قبائلي جهيڙن مان جان ڇڏائي چڪي آهي پوليس جي اهڙين ڪارررواين سان انهن کي هٿي ملي سگهي ٿي
اسان سمجهون ٿا ته سنڌ پوليس جي ڪماني کي اهڙين ڪاررواين جو نوٽيس وٺڻ گهرجي پوليس اهلڪارن ۽ آفيسرن کي پابند بڻايو وڃي ته قانون ۾ سندن جيڪي حدون مقرر ڪيون ويون آهن انهي تي عمل ڪن جيڪڏهن اهي پاڻ ئي قانون ٽوڙيندا ته ٻين شهرين کي قانون تي عمل ڪرائڻ جو ڪيئن پابند بڻائي سگهندا ؟

Bookmark the permalink.

Leave a Reply

Your email address will not be published. Required fields are marked *