تازا ترين
  • *سکر: خورشيد شاهه خلاف آمدني کان وڌيڪ اثاثا ڪيس، شاهدن جا بيان قلمبند ڪرڻ جي نيب جي اپيل رد *احتساب عدالت ۾ ريفرنس آهي، شاهدن جا بيان به اتي قلمبند ٿيندا: ڪنزيومر ڪورٽ *خورشيد شاهه جي ملڪيت جي حوالي سان نيب 5 شاهن جا بيان قلمبند ڪرڻ لاءِ درخواست ڏني هئي*
  • *لاهور: آمدني کان وڌيڪ اثاثا ڪيس، شهباز شريف جي گرفتاري جا امڪان *شهباز شريف جي ضمانت واري درخواست تي فيصلو اڄ ٻڌايو ويندو*
  • *سبي: ڪمپڙي پل وٽ ٽرڪ جو ڪار کي ٽڪر، هڪ نينگري فوت، 3 ڄڻا زخمي *حادثي ۾ نينگري مائين خان فوت، زخمين کي اسپتال منتقل ڪيو ويو*
  • *غوثپور:ڳوٺ شهداد ڀيو جي رهواسين پاران بنيادي سهولتون نه ملڻ ڪري پوليو مهم جو بائيڪاٽ *ڳوٺاڻن ٻارن کي پوليو جا ڦڙا پيارڻ کان انڪار ڪري ڇڏيو، پوليو ٽيمون واپس روانيون*
  • *باڊهه ۾ ٽائون ڪميٽي جي ملازمن جو پگهارن نه ملڻ خلاف احتجاجي مظاهرو *ٻن مهينن کان ٽائون آفيسر مقرر ناهي ڪيو ويو، پگهارون نه ملڻ سبب فاقاڪشي ۾ مبتلا آهيون: ملازم *
  • * وڏي وزير مراد علي شاهه جي صدارت هيٺ حيدرآباد ۽ ميرپور خاص ڊويزن ۾ امدادي ڪمن جو جائزو *سانگهڙ، ميرپورخاص ۽ عمرڪوٽ جي 5 لک ايڪڙ ايراضي تي پاڻي بيٺل آهي: بريفنگ *اسان پاڻي نيڪال وارو ڪم شروع ڪري ڇڏيو آهي: سيڪريٽري ايريگيشن *ايندڙ 15 ڏينهن ۾ ضرور پاڻي نيڪال ٿيڻ گهرجي: سيد مراد علي شاهه *
  • *راولپنڊي: بينظير ڀٽو قتل ڪيس ۾ اپيلن جي ٻڌڻي 19 آڪٽوبر تائين ملتوي ڪئي وئي *ڪيس جي پنجن ئي جوابدارن کي ايندڙ ٻڌڻي تي عدالت ۾ پيش ڪرڻ جو حڪم *سي پي او جي پيش نه ٿيڻ تي عدالت پاران سخت ڪاوڙ جو اظهار *
  • *ڏهرڪي: صفائي عملي پاران پگهارون نه ملڻ ۽ سينيٽري انسپيڪٽر کي هٿڪڙيون لڳڻ خلاف احتجاج *ٻن مهينن کان پگهارون نه ملڻ سبب گهرن ۾ فاقاڪشي واري صورتحال آهي: صفائي عملو *سينيٽري انسپيڪٽر کي بيگناهه هٿڪڙيون هڻايون ويون: صفائي عملو*
  • * جروار:ڪپهه جو فصل تباهه ٿيڻ ۽نقلي زرعي دوائون وڪرو ڪندڙ ڊيلرن خلاف احتجاج *جروار يوٿ فورم جي سڏ تي واجد گبول جي اڳواڻي احتجاجي ريلي ڪري گشت *ڊيلرن نقلي ٻج ۽زرعي دوائون ڏيئي غريب آبادگارن جو فصل تباھ ڪيو آھي: اڳواڻ *
  • *ڪنڌڪوٽ:ڏوهي سرگرمين ۾ ملوث اهلڪارن خلاف ڪريڪ ڊائون جاري *ڪنڌڪوٽ: جوا هلائڻ جي الزام ۾ هيڊ محرر ثناءُالله ڏاهاڻي رورٽ ۽ معطل *ڪنڌڪوٽ: 6پوليس اهلڪارن کي منٿلي اوڳاڙي تان ڪوارٽر گارڊ ڪيو ويو*
  • *پ پ اڳواڻ نثار کهڙو کي به نيب پاران گرفتار ڪرڻ جو خدشو *نثار کهڙو گرفتاري کان بچڻ لاءِ سنڌ هاءِ ڪورٽ سان رابطو ڪري ورتو *نيب آمدني کان وڌيڪ اثاثا ڪيس جي ٻن انڪوائريز ۾ طلب ڪيو آهي: نثار کهڙو*
  • *قاضي احمد ويجهو تيز رفتار ڪار ۽ موٽرسائيڪل جي ٽڪر ۾ نوجوان فوت *گابر ڏاهري اسٽاپ وٽ حادثي ۾ نوجوان علي گل مهر ٿڏي تي فوت ٿي ويو،لاش اسپتال منتقل *
  • *ڪشمور بيگاري فيڊر مان لاش هٿ،سڃاڻپ نه ٿي سگهي *اطلاع باوجود پوليس نه پهتي، لاش واقعي واري هنڌ پيل*

جمهوري جدوجهد جو سرواڻ مير حاصل بزنجو

پاڪستان ۾ جمهوري جدوجهد جو سرواڻ ۽ انساني حقن توڙي پاڪستان ۾ عوام دوست حڪمرانيءَ لاءِ هر وقت متحرڪ رهندڙ مير حاصل بزنجوهاڻي اسان ۾ نه رهيوآهي .
مير حاصل بزنجو صاحب سان پهرين ملاقات 1993ع ۾ جناح اسپتال جي ورانڊي ۾ ٿي هئي. جڏهن هو ڪامريڊ ڄام ساقيءَ جي طبيعت پڇڻ آيو هئو. پاڻ ان وقت قومي اسيمبليءَ جو ميمبر ۽ نيشنل پارٽيءَ جو صدر هو. مير صاحب مرحوم ڪافي دير تائين ٺيٺ ٻهراڙيءَ واري انداز ۾ ورانڊي جي ننڍڙي ڀت تي هڪ لانگو ٿي باقي ڪامريڊن سان گڏ ڪافي دير تائين ويٺو دوستن سان ڪچهري ڪندو رهيو. مير صاحب پاڻ ڳالهائڻ بدران سڀني کي ڌيان سان ٻڌندو رهيو. مير صاحب جو والد محترم عليڳڙهه جو گريجوئيٽ مير غوث بخش بزنجو پاڪستاني سياست جو نه وسرندڙ ڪردار عوام دوست ڪردار رهيو آهي. سندس سياست ۽ دوستيون گھڻي ڀاڱي کيس ورثي ۾ ئي ميلون. جنهن کي مير صاحب مڙس ٿي نڀايو.
بلوچستان جنرل مشرف جي آمراڻي دور ۾ ٻرندڙ جبل بڻجي چڪو هيو. بلوچ عوام جي غير منظم ڪاوڙ ۽ ڪروڌ کي اهي سڀ سياستدان صبر ۽ تحمل سان برداشت ڪندا هئا جيڪي پاڪستان ۾ آئيني ۽ جمهوري جدوجهد سان بلوچستان جي عوام کي سندن قومي سڃاڻپ ۽ عوامي حق ڏيارڻ لاءِ پر اميد ۽ متحرڪ رهيا.
مير صاحب توڙي سندس والد بزرگوار ۽ سندس جماعت هر طرف کان تنقيد جا تير کائيندا رهيا. اسلام آباد، لاهور توڙي ڪراچيءَ جي اردو صحافتي ۽ دانشوراڻن حلقن ۾ “بلوچ رهنما” ته وري بلوچستان جي قوم پرست حلقن ۾ “پاڪستاني سياستدان” طور طنز جا تير برداشت ڪندا رهيا .
مير صاحب پنهنجي سموري سياسي ڪيريئر ۾ پاڻ کي ذاتي طور اڇو اجرو ۽ سياسي طور واضح رکيو. مير صاحب جي پارلياماني سياست جو بلڪل محور واضح رهيو. سندس سياست جو مرڪزي نقطو ملڪ اندر پارليامينٽ جي بالادستي رهيو، جيڪو دراصل کيس پنهنجي والد مير غوث بخش بزنجو کان ورثي ۾ مليو هو. مير حاصل بزنجو پڻ پنهنجي والد بزرگ وانگر ان خيال جو هئو ته هن ملڪ ۾ جمهوريت پسند سياسي جماعتن کي گڏجي ڪم ڪرڻ گهرجي، اهو چاهي مخالف ڌر هجي يا وري حڪمت سازي جو عمل هجي.
مير حاصل بزنجو سول سوسائٽي ۽ انساني حقن جي تنظيمن سان سدائين ٻانهن ٻيلي ۽ سندن مددگار رهيو. نه رڳو بلوچستان اندراهڙين تنظيمن کي همٿائيندو رهيو جيڪي معاشري ۾ پرامن جمهوري ۽ آئيني طريقن سان عوامي حقن جي ڳالهه کي اڳتي وڌائين ۽ معاشري ۾ اهڙي سوچ کي هٿي وٺرائين پر بلوچستان کان ٻاهر جمهوري سوچ رکندڙ سياسي ڪارڪنن، دانشورن ۽ صحافين سان تمام گھڻو رابطي ۾ رهيو.
2010ع ۾ جڏهن پيپلز پارٽيءَ جي وفاقي حڪومت اين ايف سي اوارڊ لاءِ سرڪاري سطح تي صوبائي حڪومتن سان ڳالهيون شروع ڪيون ته مير صاحب سنڌ جي سول سوسائٽي گروپن سان گڏجي ان بحث کي سول سوسائٽي، صحافتي حلقن ۾ عام ڪرڻ لاءِ پنهنجو ڀرپور ڪردار ادا ڪيو. مير صاحب پاڪستان نيشنل پارٽيءَ جي سربراهه جي حيثيت ۾ پارٽي ڪارڪنن ۾ هردل عزيز رهيو. نه رڳو بلوچستان ۾ پر پوري پاڪستان ۾ سندس هر ڳالهه کي پوري احترام ۽ دل سان ٻڌو ويندو هيو.
مير صاحب پنهنجي ذاتي زندگي توڙي هڪ سياستدان طور عوامي زندگيءَ ۾ شفاف، سچو ۽ کرو رهيو. سندس پارٽي ڪارڪن توڙي سول سوسائٽي ڪارڪن، صحافي يا دانشور مير صاحب جي سچائي واري زندگي توڙي صاف سچ چئي ڏيڻ واري ڳالهائڻ جي انداز جي تعريف ڪندڙ رهيا . ٿي سگھي ٿو سندس ان انداز کانئس ڪجھه دوست ناراض به ٿيا هجن. مير حاصل بزنجو اقتداري ايوان جو ويجھڙائي کان مشاهدو ڪيو. اقتداري ايوانن متعلق سندس سچ ڳالهائڻ جي پاڪستاني ميڊيا ۾ جڳهه نه آهي. پر مير صاحب پنهنجي نجي ڪچهرين ۾ اهڙيون ڳالهيو بنا رک رکاءَ جي دوستن سان ونڊيندو رهندو هو.
مير حاصل بزنجو بنا شڪ شبهي جي نه رڳو بلوچستان پر پوري ملڪ اندر هڪ خال ڇڏي ويوآهي، جيڪو گھڻي وقت تائين هر وقت محسوس ٿيندو رهندو.

Bookmark the permalink.

Leave a Reply

Your email address will not be published. Required fields are marked *