تازا ترين
  • ڪوٽڙي: نوري آباد سپر هاءِ وي تي مسافر وين کي باهه: 9 ڄڻا سڙي فوت: ترجمان موٽروي*
  • *عادلپور ويجهو بجلي جو ڪرنٽ لڳڻ سبب نوجوان فوت *ڳوٺ رمضان ڪولاچي ۾ بجلي جو ڪرنٽ لڳڻ سبب 35ورهين جو عبدالقدوس ڪولاچي فوت ٿي ويو*
  • *حيدرآباد: ڪسٽم انٽيلينجس جي سعيد آباد ۾ ڪارروائي، انڊيا کان اسمگل ٿيل آرٽيفيشل جيولري هٿ *اسمگلر آرٽيفيشل جيولري کي چين جي ظاهر ڪئي: ڪسٽم: ذريعا *آرٽيفيشل جيولري اصل انڊيا کان اسمگل ڪئي وئي آهي:ڪسٽم ذريعا *آرٽيفيشل جيولري جي ماليت تقريبن 29ملين رپيا آهي:ڪسٽم ذريعا *
  • *ملڪاڻي شريف: ايل بي اوڊي سم نالي سميت ننڊن ٻين نالن کي لڳل گھارن جو پاڻي نيڪال نه ٿيو *گهارن سبب سوين ڪچا گھر ڪري پيا، سوين ايڪڙن تي بيٺل فصل تباهه *پاڻي نيڪال نه ٿيڻ خلاف سنڌ آبادگار ۽ عوامي تحريڪ جي ڪارڪنن جي اڳواڻي ۾ احتجاج *پاڻي نيڪال جا لنگھه بند ٿيڻ ڪري ھر سال برساتن دوران نقصان ٿيندو آهي: احتجاج ڪندڙ*
  • *ميرپورخاص ۾ ٻوڏ متاثرن جو واهر نه ٿيڻ خلاف احتجاج، راشن من پسند ماڻهن ۾ ورهائڻ جا الزام *فاقا ڪشي واري زندگي گهاري رهيا آهيون، واهر ڪئي وڃي: احتجاج ڪندڙ ٻوڏ متاثر*
  • *نوشهروفيروز: ڀرٽ ۽ سولنگي تڪرار کي ختم ڪرائڻ لاءِ وڪيلن جو منٿ ميڙ قافلو سولنگين وٽ پھتو *قافلو پهرين مرحلي ۾ سولنگي برادري وٽ مناهي پهتو، سولنگي برادري پاران مھلت طلب *سولنگي ۽ ڀرٽ ڌرين ۾ هلندڙ تڪرار ۾ هن وقت تائين ٻنهي ڌرين جا 4 ڄڻا قتل ٿي چڪا*
  • *کپرو: نوجوان شھريار قائم خاني جا قاتل گرفتار نه ٿيڻ خلاف وارثن جو احتجاجي مظاهرو *هڪ مهينو گذرڻ باوجود پوليس جوابدار گرفتار ناهي ڪري سگهي: احتجاج ڪندڙ *پوليس قاتلن کي پروٽوڪول ڏئي رهي آهي: پيءُ علي قائمخاني*
  • *جوهي ۾ بدامني خلاف شهرين جو ٿاڻي آڏو احتجاجي مظاهرو *ٻوڏ جي ماريل ماڻهن جو ڏوهارين به جيئڻ جنجال ڪري ڇڏيو آهي: احتجاج ڪندڙ *پوليس ۾ ساٿاري ۽ ڀوتارن جي پٺڀرائي هجڻ ڪري ڏوهاري سرعام گهمي رهيا آهن: احتجاج ڪندڙ *
  • *جاتي: برساتن کانپوءِ گندو پاڻي واپرائڻ سبب گيسٽرو جي مرش ۾ واڌ، اسپتال ۾ دوائن ۽ بيڊن جي کوٽ *اسپتال ۾ بيڊن جي کوٽ سبب مريض وارڊن ۾ فرش تي پيل، دوائون نه ملڻ جون به دانهون *
  • *ڄامشورو: بنيادي سهولتن جي کوٽ خلاف جدوجهد ڪميٽي پاران 24 ڪلاڪن واري علامتي بک هڙتالي ڪئمپ قائم *ڄامشورو اوور هيڊ برج هيٺيان لڳايل ڪئمپ ۾ وڏي انگ ۾ سياسي توڙي سماجي اڳواڻ ۽ شهري شريڪ *ڪامورن علمي درسگاهن جي شهرکي تباهه ڪري ڇڏيو آهي: اڳواڻ *شهر ۾ پاڻي جي کوٽ سميت رستن ۽ گهٽين ۾ گندگي جا ڍير لڳل آهن:احتجاج ڪندڙ *شهر مان اڃا تائين برساتي پاڻي نيڪال ناهي ٿي سگهيو، ضلعي انتظاميا ڪو ترقياتي ڪم ناهي ڪرايو: اڳواڻ*
  • *سنڌ ٽيڪسٽ بڪ بورڊ پاران تيار ڪيل نائين ڪلاس جو بائلاجي ڪتاب ۾ ڇپيل سيليبس ۽ بورڊ طرفان ڏنل سيليبس ۾ فرق *بورڊ پاران جاري ڪيل ليٽر وارا سيليبس ڪتاب ۾ موجود ئي نه آهن: استاد *سيليبس ۾ فرق هئڻ ڪري اسڪولن جا شاگرد ۽ استاد پريشان *بورڊ پاران جاري ڪيل ليٽر وارا سنڌ ٽيڪسٽ بورڊ جي ڪتابن جي کوٽ*
  • *اسلام آباد: ام رباب جي ٽن گهرڀاتين جو قتل ڪيس، سپريم ڪورٽ پاران روپوش جوابدار گرفتار ڪرڻ جو حڪم *چيف جسٽس جي سربراهي ۾3 رڪني بينچ 24 سيپٽمبر جي ٻڌڻي جو حڪم نامو جاري ڪيو *عدالت پاران ڊي آءِ جي حيدرآباد پاران پيش ڪيل رپورٽ تي عدم اطمينان جو اظهار *ڊي آءِ جي ايندڙ ٻڌڻي تي روپوش جوابدارن کي گرفتار ڪري عدالت کي آگاهه ڪري: حڪم نامو*
  • *اسلام آباد: بحريا ٽائون ڪراچي پاران قسطن جي ادائيگي لاءِ 2 سال مهلت گهرڻ بابت ڪيس جو حڪم نامو جاري *سپريم ڪورٽ 16 سيپٽمبر جي ٻڌڻي جو تحريري حڪم نامو جاري ڪري ڇڏيو *بحريا ٽائون جي وڪيل پاران درخواست واپس وٺڻ جي بنياد تي ڪيس اڪلايو ويو آهي: حڪم نامو *بحريا ٽائون 460 ارب رپيا ادا ڪرڻ لاءِ قسطن ۾ٻن سالن تائين مهلت گهري هئي *
  • *عمرڪوٽ ويجهو زميندار جي نجي جيل تي ڇاپو، 27 هاري بازياب *ڊسٽرڪٽ اينڊ سيشن جج عمرڪوٽ جي حڪم تي پوليس ڪارروائي ڪئي *بازياب ڪرايل هاري فرسٽ ايڊيشنل سيشن جج عمرڪوٽ جي عدالت ۾پيش *
  • *حيدرآباد تعليمي بورڊ ڏهين جماعت جي 2020 جي نتيجا جاري ڪرڻ جو اعلان ڪري ڇڏيو *ڏهين جماعت جي سائنس ۽ جنرل گروپ جا نتيجا اڄ شام 5وڳي جاري ڪيا ويندا*

 ترڪيءَ جو اصل هيرو ڪمال اتاترڪ آهي

اڄ ڪلهه پاڪستان ۾ هڪ ترڪ ديو مالائي ڪردار ارتغرل بابت ٽي وي ڊرامي جو وڏو هل متل آهي، ترڪيءَ جي تاريخ ۾ ان ڪردار بابت ڪا گھڻي ڄاڻ موجود ناهي پر ان کي مسلمانن جو هڪ وڏو هيرو ڪري اڀاريو ويو آهي. پاڪستان ۾ کوٽي کوٽي مسلمانن جي اهڙن نالن کي هٿ ڪري هيرو بڻايو ويندو آهي، جيڪي يا ته حملي آور ۽ ڦورو هوندا آهن يا وري انهن جي جنگي صلاحيتن جو دٻدٻو ڏيکاري ماڻهن کي ٻڌايو ويندو آهي ته مسلمان ڪيڏا نه بهادر ۽ ويڙهاڪ هئا. اسان جي ڪتابن، ٽي وي ڊرامن ۽ فلمن ۾ جديد معاشرن جا اڏيندڙ ڪڏهن به هيرو ڪري پيش نه ڪيا ويندا آهن.
ترڪيءَ بابت به پاڪستان ۾ اڃان تائين خلافت جي دور وارو رومانس آهي، ترڪيءَ جو هاڻوڪو صدر اردگان به ڪيترن ئي موقعن تي جديد دور ۾ مسلمانن جو خليفو ٿيڻ وارو لاڙو ڏيکاريندو رهيو آهي. البته ترڪيءَ جي اڄوڪي سياسي ۽ سماجي ترقيءَ جا بنياد مصطفيٰ ڪمال پاشا رکيا جنهن کي اتاترڪ يعني “ترڪن جو ابو” جو لقب ڏنو ويو. ترڪيءَ سان چاهه رکندڙن کي گھرجي ته تاريخ جو اڀياس ڪن جيئن کين خبر پئي ته ترڪيءَ جو اصل هيرو ارتغرل يا اردگان نه پر ڪمال اتاترڪ هو، جنهن جي سڌارن اڄوڪي ترڪيءَ جا بنياد رکيا.
پهرين مهاڀاري لڙائيءَ کان پوءِ خلافت عثمانيه ٽڪرا ٿي چڪي هئي ۽ اتاترڪ ان وقت ترڪ فوج جي اڳواڻي ڪري رهيو هو، هن ترڪش نيشنل موومينٽ جي اڳواڻي ڪندي اتحادين کي ترڪيءَ جا ٽڪرا ڪري ورهائڻ جي ڪامياب مزاحمت ڪئي. پهرين نومبر 1922ع تي ترڪش گرانڊ نيشنل اسيمبليءَ پاران سلطنت عثمانيه کي باقاعدي ختم ڪرڻ جو اعلان ڪيو ويو ۽ ترڪ خليفو ملڪ ڇڏي هليو ويو. اڳتي هلي 29 آڪٽوبر 1923ع تي جمهوريه ترڪي قائم ڪرڻ جو اعلان ڪيو ويو. ان کان اڳ جنوري 1921ع ۾ گرانڊ نيشنل اسيمبلي ترڪيءَ جو 23 آرٽيڪلز تي ٻڌل مختصر آئين منظور ڪري چڪي هئي. ان آئين جو اهم بنياد اهو هيو ته ان ۾ طاقت ۽ اقتدار جو بنياد سلطان کي نه پر عوام کي ڄاڻايو ويو هو. 1924ع ۾ ان آئين کي بدلائي نئون جامع آئين متعارف ڪرايو ويو.
اتاترڪ پاران ترڪيءَ ۾ متعارف ڪرايل سڌارا زندگيءَ جي هر شعبي ۾ هئا ۽ 1935ع تائين انهن وسيلي ترڪي مڪمل طور تي هڪ سيڪيولر جمهوري رياست ۾ بدلجي چڪو هو. نئين ڍانچي اندر هڪ ايوان واري گرانڊ نيشنل اسيمبلي ۽ صدر ۽ وزيراعظم جا عهدا متعارف ڪرايا ويا. اسيمبليءَ جي چونڊ سڌيءَ ريت عوام جي ووٽن وسيلي رکي وئي. ان وقت ملڪ اندر اڪيلي سياسي پارٽي “پيپلز پارٽي” هئي، جنهن جو بنياد ڪمال اتاترڪ رکيو هو ۽ ان جو نالو 1924ع ۾ بدلائي ريپبليڪن پيپلز پارٽي رکيو ويو. 1925ع کان 1945ع تائين ملڪ ۾ ان ئي هڪ پارٽيءَ جي حڪومت هئي، جنهن کان پوءِ گھڻ پارٽي چونڊون ٿيون جنهن ۾ پڻ ان کي سوڀ ملي. سلطنت عثمانيه جي دور ۾ مختلف مذهبي برادرين کي پنهنجي مذهبي قانونن هيٺ ٽيڪس اوڳاڙڻ ۽ رهڻي ڪهڻيءَ جا اختيار حاصل هئا. مسلمانن ۾ عالمن جو نظام هو، جن ۾ سڀ کان وڏو عهدو شيخ الاسلام هو. اهم شهرن جا قاضي گڏجي هڪ شاهي فرمان هيٺ شيخ الاسلام کي چونڊيندا هئا. شيخ الاسلام کي عوام مٿان اختيار حاصل هو. هو فتويٰ به جاري ڪندو هو ۽ شرعي قانون جي نمائندگي ڪندو هو. اهو سڄو نظام نئين دور ۾ ختم ڪيو ويو ۽ ترڪي کي سيڪيولر جمهوريه بڻايو ويو. عثمانيه سلطنت کي ختم ڪري عوامي زندگي ۾ مذهبي معاملن کي نبيرڻ لاءِ مذهبي معاملن واري ڊائريڪٽوريٽ قائم ڪئي وئي. مذهبي ٿوراين جھڙوڪ آرمينيائي ۽ گريس وارن کي ذاتي دائري ۾ مذهب جي ضمانت ڏني وئي البته ڪنهن به مذهبي برادريءَ کي سماجي دائري ۾ مذهبي حق نه ڏنا ويا هئا (ٻين لفظن ۾ ته مذهب کي سماجي يا رياستي نه پر صرف ذاتي معاملو بڻايو ويو.) مذهبي معاملن واري ڊائريڪٽوريٽ کي سونپيل ذميوارين ۾ اهو به شامل هو ته ڪي به مذهبي فرد يا گروهه رياست کي سيڪيولر سڃاڻپ کي نه للڪارن.
اتاترڪ پاران آندل سماجي سڌارن ترڪيءَ جي صدين کان جمود جي ور چڙهيل خلافت واري ڍانچي کي بدلائي هڪ جديد روشن خيال ترڪيءَ کي اڳيان آندو. عثمانيه سلطنت جي دور ۾ جنس، عهدي ۽ سول/فوجي ڪرت جي حساب سان لباس جون الڳ علامتون هونديون هيون، جنهن ۾ پٽڪو، ترڪي ٽوپي ۽ زناني ٽوپي شامل هيا. سليمان عاليشان جي دور ۾ انهن لباسن جي نمونن کي سخت ضابطن سان لاڳو ڪيو ويو هو. اهو سڄو سماجي ڍانچو مذهبي اهڃاڻن تي ٻڌل هو. هوريان هوريان انهن اهڃاڻن کي ختم ڪيو ويو ۽ 1923ع جي آئين ۾ انهن روايتي لباسن جي استعمال کي محدود ڪيو ويو. مصطفيٰ ڪمال سڀني کان پهرين سرڪاري ملازمن لاءِ ٽوپلي (Hat) جو استعمال لازمي ڪيو. شاگردن ۽ سرڪاري ملازمن جي باقاعدي لباس لاءِ رهنما اصول جوڙيا ويا. 25 نومبر 1925ع تي پارليامينٽ قانون پاس ڪري ترڪي ڦندڻ واري ٽوپي ختم ڪري ان جي جاءِ تي اولهه واري نموني جو ٽوپلو متعارف ڪرايو. قانون ۾ نقاب يا مٿي ڍڪڻ تي پابندي ته هنئي وئي پر مردن لاءِ پٽڪي ۽ ترڪي ٽوپيءَ تي پابندي لاڳو ڪئي وئي. نصابي ڪتابن ۾ ڏنل چترن ۾ به ٽوپلو ڏيکاريو ويو. 1934ع ۾ هڪ ٻئي قانون وسيلي مذهبي نوعيت جو لباس عباد تگاهن کان ٻاهر پهرڻ تي پابندي لاڳو ڪئي وئي.
سلطنت عثمانيه جي دور ۾ قرآن شريف رڳو عربي زبان ۾ هيو. ڪمال اتاترڪ ان جي ترڪي ٻوليءَ ۾ ترجمي لاءِ چيو ته ماڻهو صدين کان اسلام جي پوئواري ڪندي قرآن شريف کي بنا سمجھڻ جي پڙهندا رهيا آهن، تنهن ڪري ترجمي سان ترڪن لاءِ مذهبي هدايتون ترڪي ٻوليءَ ۾ سمجھائي سگھبيون. اڳتي هلي 1935ع ۾ ترڪي ٻوليءَ ۾ قرآن شريف ڇپيو. مسجدن ۾ ٻانگ پڻ عربي زبان بجاءِ ترڪي ٻوليءَ ۾ متعارف ڪرائي وئي. 18 جولاءِ 1932ع تي سڄي ترڪيءَ جي مسجدن کي ترڪي زبان ۾ ٻانگ ڏيڻ جو پابند بڻايو ويو. اها روايت 18 سالن تائين هلندي رهي ۽ 16 جون 1950ع تي نئين حڪومت جي سربراهه عدنان ميندرس عربيءَ کي مذهبي ٻوليءَ طور بحال ڪيو. عدنان ميندرس 1950ع کان 1960ع تائين ترڪيءَ جو چونڊيل وزيراعظم رهيو. هن جي مذهبي لاڙڻ سبب هن عربيءَ ۾ ٻانگ به بحال ڪئي ۽ هزارين بند ٿيل مسيتون به کولايون. هن هڪ ڀيري تقرير ۾ اهو به چيو هو ته جيڪڏهن پارليامينٽ کي وڻي ته اها خلافت کي به بحال ڪري سگھي ٿي. ترڪيءَ جي عوام جو هڪ وڏو حصو سندس پاليسين مان ارهو به هو. 27 مئي 1960ع تي فوج جي 37 آفيسرن بغاوت ڪري کيس هٽائي مٿس آئين جي ڀڃڪڙي ۽ استنبول ۾ 57 گريڪ رهواسين جي قتل عام جو ڪيس هلائي کيس ڦاسي ڏئي ڇڏي.
ان کان اڳ اتاترڪ واري دور ۾ نه رڳو ٻانگ ترڪي زبان ۾ شروع ڪئي وئي پر جنهن ترڪيءَ جي گرانڊ نيشنل اسيمبليءَ ۾ مقرر ٿيل امام جو عهدو به اهو چئي ختم ڪري ڇڏيو ته امام مسيتن ۾ هوندا آهن، پارليامينٽ ۾ نه، 25 فيبروري 1925ع تي پارليامينٽ هڪ قانون منظور ڪيو جنهن ۾ چيو ويو ته مذهب کي سياست ۾ اوزار طور استعمال نه ڪيو ويندو.
مصطفيٰ ڪمال سماجي ڍانچي مان هر هنڌ تان توهم پرستي کي ختم ڪيو. سندس چوڻ هو ته توهم پرستي اسلام ۾ به جھليل آهي. هن وهمن جي بنياد تي اسريل طب کي به نيڪالي ڏني. ان لاءِ هن جڙي ٻوٽين وارين دوائن، معجونن، ذهني بيمارين جي روحاني علاج ۽ مذهبي طريقن سان علاج کي بند ڪرايو. پهرين سيپٽمبر 1925ع تي پهرين ترڪش ميڊيڪل ڪانگريس ڪوٺائي وئي، جنهن ۾ ڪمال اتاترڪ پاڻ به شريڪ ٿيو.
هن هر طرح جي مذهبي ۽ روحاني طور طريقن کي ختم ڪرايو. هن عالمن واري سلسلي کي به بند ڪرايو ته صوفي ازم وارين درويشن جي خانقاهن کي به غيرقانوني قرار ڏياريو. سلطنت جي دور ۾ جمعي ۽ ڇنڇر ڏينهن عام موڪل هوندي هئي، جنهن کي بدلائي جمعي جي منجھند کان آچر تائين موڪل مقرر ڪئي وئي. ڪمال اتاترڪ جي اهم سڌارن ۾ عورتن جي حقن، آزادي ۽ ترقيءَ جو عمل به شامل هئا. اتاترڪ عورتن کي مخاطب ٿيندي چيو ته منهنجي اوهان کي اپيل آهي ته اسان لاءِ تعليم جي جنگ کٽڻ ۾ هٿ ونڊايو. ان سان اڄ تائين ملڪ لاءِ اسان جيڪو ڪجھه ڪري سگھيا آهيون، اوهان ان کان به گھڻو وڌيڪ ڪري سگھنديون. هن مردن کي مخاطب ٿيندي چيو ته جيستائين هاڻي زائفائون قوم جي سماجي ڪاروهنوار ۾ هٿ نه ونڊائينديون اسان ڪڏهن به مڪمل ترقي حاصل نه ڪري سگھنداسين. سلطنت عثمانيه جي دور ۾ عورتن کي ڪي به سماجي حق حاصل نه هئا. ڪمال اتاترڪ جي سڌارن کان پوءِ انهن لاءِ دنيا بدلجي وئي. 3 اپريل 1930ع تي عورتن کي مڪاني چونڊن ۾ ووٽ جو حق ڏنو ويو. چار سال پوءِ 5 ڊسمبر 1934ع تي قانون سازيءَ وسيلي کين هر سطح تي ووٽ جو حق ڏنو ويو. 1935ع جي چونڊن ۾ پارليامينٽ ۾ 18 زائفائون چونڊجي آيون جڏهن اڃان يورپ جي ڪيترن ئي ملڪن ۾ عورتن کي ووٽ جو حق به مليل نه هو.
ترڪيءَ جي قانون وسيلي عورتن جي حقن کي ايترو سگھارو ڪيو ويو جو مردن جيان عورتن کي به طلاق جو برابر حق ڏنو ويو. عثمانيه سلطنت جي دور ۾ مرد کي هڪ کان وڌيڪ شاديون ڪرڻ جي اجازت هئي، جنهنکي سڌارن کان پوءِ ڏوهه قرار ڏنو ويو. غيرقانوني طور وڌيڪ شاديون ڪرڻ کي ٻن سالن تائين ٽيپ جي سزا رکي وئي. عورتن کي ملڪيت ۾ مرد جي حصي جي اڌ ڏيڻ بجاءِ عورتن کي برابر جو حصو ڏنو ويو. اتاترڪ جي سڌارن سان عورتن کي ڪم ڪرڻ ۽ يونيورسٽين ۾ تعليم لاءِ همٿايو ويو. 1920ع کان 1938ع جي وچ ۾ يونيورسٽي گريجوئيشن ۾ عورت جو حصو ڏهه سيڪڙو تائين پهچي ويو. 1930ع ۾ پهرين عورت جج مقرر ڪئي وئي. اتاترڪ جي حڪومت اتساهيندڙ عورتن کي قوم جي مائرن جو لقب ڏنو ويو. خلافت جي دور ۾ هلندڙ هجري ۽ رومي ڪئلينڊر کي 1925ع ۾ ختم ڪري جديد ڪئليندر متعارف ڪرايو ويو، وقت، فاصلي ۽ ماپ طور جا آڳاٽا طريقا ختم ڪري جديد پيمانا اختيار ڪيا ويا.
اتاترڪ جي دور ۾ تعليمي سڌارا به متعارف ڪرايا ويا. عثمانيه سلطنت جي دور ۾ عربي ۾ قرآن پڙهائڻ ۽ برزبان ياد ڪرڻ وارا مدرسا ۽ ڪجھه جديد تعليم وارا ڪاليج هئا. اتاترڪ عام تعليم کي هر ڪنهن تائين پهچ جوڳو بڻايو. 1923ع کان 1938ع جي وچ ۾ پرائمري اسڪولن ۾ شاگردن جو انگ 342،000 مان وڌي 765،000 ٿي ويو. مڊل اسڪول تائين پهچندڙن جو انگ ڇهه هزار مان وڌي 74 هزار ٿي ويو ۽ هاءِ اسڪول جي شاگردن جو انگ 12 سئو مان وڌي 21 هزار ٿي ويو. 1924ع ۾ گڏيل تعليمي سلسلو شروع ڪري ڇوڪرن ۽ ڇوڪرين کي هڪ ٻئي جي اسڪولن ۾ داخلا جو حق ڏنو ويو. 1928ع ۾ ٻولي ڪميشن وسيلي ترڪي ٻوليءَ ۾ الفابيٽ جوڙائي وئي ۽ 1929ع ۾ ان کي لاڳو ڪيو ويو. 11 نومبر 1928ع تي 16 کان 30 سالن جي ڄمار وارن لاءِ گھٽ ۾ گھٽ پرائمري تعليم لازمي قرار ڏئي ان لاءِ بندوبست ڪيا ويا. اتاترڪ پاڻ ٻهراڙين جي اسڪولن ۾ پڙهائڻ ويندو هو. ان لاءِ 1928ع ۾ 20 هزار کان وڌيڪ ڪلاس ٺهرايا ويا ۽ ڏهه لک کان وڌيڪ ماڻهن تعليم حاصل ڪئي. تعليمي نصاب مان مذهبي اثر ختم ڪري ان کي سيڪيولر ڪيو ويو.
ساڳيءَ طرح اتاترڪ صنعتي ۽ مالياتي سڌارا پڻ متعارف ڪرايا. 1931ع ۾ ترڪي جي مرڪزي بئنڪ (اسٽيٽ بئنڪ) قائم ڪئي وئي.
اڄوڪي دور جي ترڪيءَ جي انهن حاصلاتن کي سمجھڻ لاءِ ضروري آهي ته عوام کي ڪمال اتاترڪ جي ڪارنامن بابت ڄاڻ ڏجي، پر اسان جي حڪمرانن کي جنگي هيروز کي عام ڪرڻ ۾ وڌيڪ دلچسپي آهي تنهن ڪري هو ارتغرل جا ڊراما عام ڪرائين ٿا پر ڪمال اتاترڪ جي سڌارن بابت عوام کي نه ٻڌائيندا متان هتي به عوام اهڙن سڌارن جو مطالبو نه ڪرڻ لڳي.

Bookmark the permalink.

2 Responses to  ترڪيءَ جو اصل هيرو ڪمال اتاترڪ آهي

  1. Muhammad Daud says:

    Very informative. Kamal Ata Turk was a revolutionary leader and he took the reigns of the country in a very critical time and threats were so huge that existence of Turkey was in danger. But he managed to lead the country and brought it out and set it on the track of development and gave straight policies and direction to the nation. It was Kamal Ata Turk who laid the foundation of modern Turkey. As for as Ertagrul is concerned its a drama serial for entertainment and not history in its true spirit.

  2. Uroosa says:

    Very informative article. We as Nation need to learn from the key decisions taken by the Visionary Mustafa Kamal Ataturk.

Leave a Reply

Your email address will not be published. Required fields are marked *