تازا ترين
  • ڪوٽڙي: نوري آباد سپر هاءِ وي تي مسافر وين کي باهه: 9 ڄڻا سڙي فوت: ترجمان موٽروي*
  • *عادلپور ويجهو بجلي جو ڪرنٽ لڳڻ سبب نوجوان فوت *ڳوٺ رمضان ڪولاچي ۾ بجلي جو ڪرنٽ لڳڻ سبب 35ورهين جو عبدالقدوس ڪولاچي فوت ٿي ويو*
  • *حيدرآباد: ڪسٽم انٽيلينجس جي سعيد آباد ۾ ڪارروائي، انڊيا کان اسمگل ٿيل آرٽيفيشل جيولري هٿ *اسمگلر آرٽيفيشل جيولري کي چين جي ظاهر ڪئي: ڪسٽم: ذريعا *آرٽيفيشل جيولري اصل انڊيا کان اسمگل ڪئي وئي آهي:ڪسٽم ذريعا *آرٽيفيشل جيولري جي ماليت تقريبن 29ملين رپيا آهي:ڪسٽم ذريعا *
  • *ملڪاڻي شريف: ايل بي اوڊي سم نالي سميت ننڊن ٻين نالن کي لڳل گھارن جو پاڻي نيڪال نه ٿيو *گهارن سبب سوين ڪچا گھر ڪري پيا، سوين ايڪڙن تي بيٺل فصل تباهه *پاڻي نيڪال نه ٿيڻ خلاف سنڌ آبادگار ۽ عوامي تحريڪ جي ڪارڪنن جي اڳواڻي ۾ احتجاج *پاڻي نيڪال جا لنگھه بند ٿيڻ ڪري ھر سال برساتن دوران نقصان ٿيندو آهي: احتجاج ڪندڙ*
  • *ميرپورخاص ۾ ٻوڏ متاثرن جو واهر نه ٿيڻ خلاف احتجاج، راشن من پسند ماڻهن ۾ ورهائڻ جا الزام *فاقا ڪشي واري زندگي گهاري رهيا آهيون، واهر ڪئي وڃي: احتجاج ڪندڙ ٻوڏ متاثر*
  • *نوشهروفيروز: ڀرٽ ۽ سولنگي تڪرار کي ختم ڪرائڻ لاءِ وڪيلن جو منٿ ميڙ قافلو سولنگين وٽ پھتو *قافلو پهرين مرحلي ۾ سولنگي برادري وٽ مناهي پهتو، سولنگي برادري پاران مھلت طلب *سولنگي ۽ ڀرٽ ڌرين ۾ هلندڙ تڪرار ۾ هن وقت تائين ٻنهي ڌرين جا 4 ڄڻا قتل ٿي چڪا*
  • *کپرو: نوجوان شھريار قائم خاني جا قاتل گرفتار نه ٿيڻ خلاف وارثن جو احتجاجي مظاهرو *هڪ مهينو گذرڻ باوجود پوليس جوابدار گرفتار ناهي ڪري سگهي: احتجاج ڪندڙ *پوليس قاتلن کي پروٽوڪول ڏئي رهي آهي: پيءُ علي قائمخاني*
  • *جوهي ۾ بدامني خلاف شهرين جو ٿاڻي آڏو احتجاجي مظاهرو *ٻوڏ جي ماريل ماڻهن جو ڏوهارين به جيئڻ جنجال ڪري ڇڏيو آهي: احتجاج ڪندڙ *پوليس ۾ ساٿاري ۽ ڀوتارن جي پٺڀرائي هجڻ ڪري ڏوهاري سرعام گهمي رهيا آهن: احتجاج ڪندڙ *
  • *جاتي: برساتن کانپوءِ گندو پاڻي واپرائڻ سبب گيسٽرو جي مرش ۾ واڌ، اسپتال ۾ دوائن ۽ بيڊن جي کوٽ *اسپتال ۾ بيڊن جي کوٽ سبب مريض وارڊن ۾ فرش تي پيل، دوائون نه ملڻ جون به دانهون *
  • *ڄامشورو: بنيادي سهولتن جي کوٽ خلاف جدوجهد ڪميٽي پاران 24 ڪلاڪن واري علامتي بک هڙتالي ڪئمپ قائم *ڄامشورو اوور هيڊ برج هيٺيان لڳايل ڪئمپ ۾ وڏي انگ ۾ سياسي توڙي سماجي اڳواڻ ۽ شهري شريڪ *ڪامورن علمي درسگاهن جي شهرکي تباهه ڪري ڇڏيو آهي: اڳواڻ *شهر ۾ پاڻي جي کوٽ سميت رستن ۽ گهٽين ۾ گندگي جا ڍير لڳل آهن:احتجاج ڪندڙ *شهر مان اڃا تائين برساتي پاڻي نيڪال ناهي ٿي سگهيو، ضلعي انتظاميا ڪو ترقياتي ڪم ناهي ڪرايو: اڳواڻ*
  • *سنڌ ٽيڪسٽ بڪ بورڊ پاران تيار ڪيل نائين ڪلاس جو بائلاجي ڪتاب ۾ ڇپيل سيليبس ۽ بورڊ طرفان ڏنل سيليبس ۾ فرق *بورڊ پاران جاري ڪيل ليٽر وارا سيليبس ڪتاب ۾ موجود ئي نه آهن: استاد *سيليبس ۾ فرق هئڻ ڪري اسڪولن جا شاگرد ۽ استاد پريشان *بورڊ پاران جاري ڪيل ليٽر وارا سنڌ ٽيڪسٽ بورڊ جي ڪتابن جي کوٽ*
  • *اسلام آباد: ام رباب جي ٽن گهرڀاتين جو قتل ڪيس، سپريم ڪورٽ پاران روپوش جوابدار گرفتار ڪرڻ جو حڪم *چيف جسٽس جي سربراهي ۾3 رڪني بينچ 24 سيپٽمبر جي ٻڌڻي جو حڪم نامو جاري ڪيو *عدالت پاران ڊي آءِ جي حيدرآباد پاران پيش ڪيل رپورٽ تي عدم اطمينان جو اظهار *ڊي آءِ جي ايندڙ ٻڌڻي تي روپوش جوابدارن کي گرفتار ڪري عدالت کي آگاهه ڪري: حڪم نامو*
  • *اسلام آباد: بحريا ٽائون ڪراچي پاران قسطن جي ادائيگي لاءِ 2 سال مهلت گهرڻ بابت ڪيس جو حڪم نامو جاري *سپريم ڪورٽ 16 سيپٽمبر جي ٻڌڻي جو تحريري حڪم نامو جاري ڪري ڇڏيو *بحريا ٽائون جي وڪيل پاران درخواست واپس وٺڻ جي بنياد تي ڪيس اڪلايو ويو آهي: حڪم نامو *بحريا ٽائون 460 ارب رپيا ادا ڪرڻ لاءِ قسطن ۾ٻن سالن تائين مهلت گهري هئي *
  • *عمرڪوٽ ويجهو زميندار جي نجي جيل تي ڇاپو، 27 هاري بازياب *ڊسٽرڪٽ اينڊ سيشن جج عمرڪوٽ جي حڪم تي پوليس ڪارروائي ڪئي *بازياب ڪرايل هاري فرسٽ ايڊيشنل سيشن جج عمرڪوٽ جي عدالت ۾پيش *
  • *حيدرآباد تعليمي بورڊ ڏهين جماعت جي 2020 جي نتيجا جاري ڪرڻ جو اعلان ڪري ڇڏيو *ڏهين جماعت جي سائنس ۽ جنرل گروپ جا نتيجا اڄ شام 5وڳي جاري ڪيا ويندا*

بک بڇڙو ٽول

جڏھن به بک سان وڙھڻ ڪو اٿي بيھي ٿو
ته خوبصورت لڳڻ لڳي ٿو
جھڙپيندڙ باز
ڦڻ کنيل نانگ
ٻن پيرن تي بيھي ڪنڊن منجھان
ننڍا پتا کائيندڙ ٻڪرو
جھنگ ۾ بنا آواز جي گھمندڙ
ڦرندڙ چيتو
ٽاري تي ابتو لڙڪي
ميوو کائيندڙ طوطو
يا انھن سڀني جي جاءِ تي
ڪو ماڻھو هجي
جڏھن به بک سان وڙھڻ لاءِ
اٿي بيھي ٿو
خوبصورت لڳڻ لڳي ٿو
سروشور ديال سڪسينه جو اهو نظم بک سان جھيڙڻ لاءِ اتساهيبندڙ آھي پر ان مان اتساھ به فقط انھن کي ئي ملي سگھي ٿو جيڪي بک کي پنھنجو نصيب نه سمجھندا هجن،جيتوڻيڪ استحصالي طبقا عام ماڻھو جي ذھن ۾ سدا کان اهو ئي ٻج پوکيندا آيا آھن ته بک ۽ بدحالي سندن نصيب آھي۔ نصيب جي نالي تي عام ماڻھو جي ڳچي ۾ ھميشه ڳٽ ئي وڌو ويو آھي.
هڪ قصو آھي ته پنھنجي زماني جي ڪنھن بادشاھ ڪنھن ڏوھ جي ڪارڻ ھڪ شخص کي ڦاسي جو حڪم ڏئي ڇڏيو. جڏهن حڪم تي عمل جو وقت آيو ۽ جلاد ڏوهي کي ڦاسي ڏيڻ لڳو ته ڦاسي جو ڦندو سوڙھو نڪري پيو جڏهن ته ڏوهي جي ڳچي موٽي هئي. جلاد لاءِ ڦاسي جي حڪم جي تعميل ڪرڻ ڏکي ٿي پئي.جلاد وڃي بادشاهه کي عرض ڪيو ته حضور اوهان جي حڪم جي تعميل ڪرڻ لاءِ جيئن ئي ڦاسي جو ڦندو ڏوهي جي ڳچي ۾ وجھڻ جي ڪوشش ڪيم ته ڦندو ڏوھي جي ڳچي کان سوڙھو هجڻ ڪري ان ۾ نه پئي آيو . سو عرض کڻي دربار ۾ حاضر ٿيو آھيان ته هاڻي ڇا حڪم آھي ؟
بادشاھ مدبرانا انداز ۾ مسئلي جو حل ڪڍندي حڪم ڪيو ته اتي موجود رعايا مان جنھن جي ڳچي ۾ اهو ڦندو پورو اچي ان کي ڦاھي تي چاڙھيو وڃي. جلاد وڃي حڪم جي تعميل ڪئي ۽ اتي بيٺل هڪ ماڻھو جي ڳچي ۾ ڦاهو وجھي کيس ڦاسي تي چاڙھي ڇڏيو. حقيقت هي آھي ته تبديلي جي طلسماتي نعري سان تخت نشين ٿيل پي ٽي آءِ حڪومت به پورن ٻن سالن کان عوام جي ڳچي ۾ ٻين جي نالن جا ڦندا پئي وڌا آھن.ڪڏھن لٽيرن کان لٽيل ملڪي ناڻو واپس ڪرڻ جو ڦندو، ڪڏھن کنڊ مافيا جو ڦندو ،ڪڏهن اٽي مافيا جو ڦندو، ڪڏھن پيٽرول مافيا جو ڦندو ،ته ڪڏھن دوائن جي مافيا جو ڦندوپر ٻن سالن کان ڪوبه ڦندو ڪنھن به مافياجي موٽي ڳچي ۾ فٽ نه پيو اچي جنھن ڪري اهو ڦندو عوام جي ڳچي ۾ وجھي کيس ڦاهي چاڙھيو پيو وڃي. پاڪستان ٺھڻ جي پھرين ڏينھن کان وٺي عوام کي ئي ڪٺو ويو آھي، هر حڪومت اهي رٽيل جملا ڳالهائيندي آھي ته خزانو خالي آھي.ملڪ تي قرضن جو وڏو بار آھي ان ڪري عوام کي ٽئڪسن ۽ مهانگائي جو اضافي بار برداشت ڪرڻو پوندو. ايئن هر ڦاهو عوام جي ڳچي ۾ ئي فٽ ايندو آھي.
خود ڪو جس ڪي سپرد ڪرتا هون
وه اپني حصي ڪا نوچ ليتا هي .
پاڪستان جي تاريخ جو هر ورق اها شاهدي ڏيندو ته عوام اڄ تائين جنھن به حڪمران جنھن به پارٽي جي سپرد ٿيو آھي ان پنھنجي حرفت سان کيس پئي نپوڙيو آھي.
جرمن فلسفي شوپنھار جي عادت هئي ته هو جڏھن هوٽل ۾ کاڌو کائڻ ويندو هو ته پنھنجي کيسي مان هڪ سونو سڪو ڪڍي ٽيبل تي رکندو هو ۽ ماني کائي وڃڻ کان پوءِ اهو سڪو واپس پنھنجي کيسي ۾ وجھي روانو ٿي ويندو هو . سندس ان معمول کي نوٽ ڪندڙ بيري هڪ دفعي هن کان ان جو سبب پڇيو تنھن تي شوپنھار کيس جواب ڏنو ته مان روزانو پاڻ سان اها شرط لڳائيندو آھيان ته جنھن ڏينھن هوٽل ۾ کاڌو کائڻ لاء ويٺل انگريز آفيسرن گھوڙن ،ڪتن ۽ عورتن بدران ڪنھن ٻئي موضوع تي ڳالھايو ان ڏينھن مان هي سڪو خيرات ڪري ڇڏيندم.
خبر ناھي پوءِ ڪڏھن شوپنھار جي اها باس جھڙي شرط پوري ٿي يا نه پر اسان کڻي پاڻ سان ڪھڙي به شرط رکون باس باسيون پر هن ملڪ جا حڪمران عوام دشمن غريب دشمن پاليسين کان سواءِ ڪابه پاليسي ڪونه جوڙيندا. اٽي لٽي اجھي جو نعرو هجي، ووٽ ڪو عزت دو جو نعرو هجي يا تبديلي جو نعرو.انھن سڀني کي اڳتي آڻڻ کان پوءِ صرف ڀوڳيو ئي آھي۔.پڇتايو ئي آھي. انھن دل کي ڇھندڙ نعرن سان پيار ڪرڻ جي عيوض غريب ماڻھن کي غم ئي غم پئي مليو آھي.مشھور شاعر جوش مليح آبادي کان هڪ دفعي ڪنھن پڇيو ته جوش صاحب اوهان جي شاعري ۾ شوخي ۽ جوش ته آھي پر ان ۾ درد ۽ تڙپ ڪونھي. تنھن جي جواب ۾ جوش وراڻيو ته مون پنھنجي زندگي ۾ ٽوٽل 18 عشق ڪيا ۽ ڪنھن ۾ به ناڪام نه ٿيس ته پوءِ ڀلا شاعري ۾ درد ڪٿان ايندو.
جڏھن اسان غريب عوام هن مھل تائين جنھن به سياسي پارٽي سان عشق ڪيو آھي اهو ناڪام ويو آھي اهو ئي سبب آھي جو عام ماڻھو درد ۽ پيڙا کان سواءِ پاڇي ۾ڪجھه به ڪونه بچيو آھي. تحريڪ انصاف مان چڱائي جون سوين اميدون رکندڙ عام ماڻھو جو ساھ ئي سوڙھو ڪيو ويو آھي. بک بدحالي مهانگائي توڙي بيروزگاري پاڪستاني تاريخ جي بلند ترين سطح تي پھچي عوامي اميدن تي ٺٺوليون ڪري رهيا آھن۔. سڌاري جي سولي زندگي جي ڪا به اميد نظر نه پئي اچي. مرزا غالب چواڻي
ڪوئي اميد بر نظر نهين آتي
ڪوئي صورت نظر نهين آتي

Bookmark the permalink.

Leave a Reply

Your email address will not be published. Required fields are marked *