تازا ترين
  • *اڳوڻو آسٽريلين بيٽسمين ڊين جونز دل جو دورو پوڻ ڪري لاڏاڻو ڪري ويو *ڊين جونز 59 ورهين جي ڄمار ۾ لاڏاڻو ڪري ويو *ڊين جونز پي ايس ايل ۾ اسلام آباد يونائٽيڊ جو ڪوچ رهيو هو*
  • *بدين ۾ پگهارون نه ملڻ خلاف ميونسپل عملي پاران ڪم ڇڏ هڙتال ڪري آفيس آڏو معصوم ٻارڙن سميت احتجاج *نااهل ۽ ڪرپٽ سي ايم او کي هٽائي فوري طور تي پگهارون جاري ڪيون وڃن: احتجاج ڪندڙ ملازم *
  • *بدين: ڪڍڻ رورل ھيلٿ سينٽر جو ايم ايس ڊاڪٽر شجاعت خواجا ڪورونا وائرس جو شڪار *ايم ايس ڊاڪٽر شجاعت خواجا جي ٽيسٽ پازيٽو اچڻ بعد رورل هيلٿ سينٽر سيل ڪيو ويو *
  • *ڀٽ شاھه: شاھ لطيف فائونڊيشن پاران عالمي مشائخ ڪانفرنس ملتوي ڪرڻ جو اعلان *درگاھ ڀٽائي جي سجاده نشين پاران ميلي جون غيرسرڪاري تقريبون ملتوي ڪرڻ جو اعلان *ڪورونا سبب سنڌ حڪومت جي فيصلي جو احترام ڪريون ٿا: سجاده نشين *رڳو عرس جون رسمون ايس او پيز تحت ادا ڪيون وينديون*
  • *ڪراچي ۾ سنڌي نوجوان جي قتل خلاف جروار ۾ احتجاجي ريلي، ڌرڻو *مختلف سياسي سماجي تنظيمن جي ڪارڪنن ۽ شهرين ريلي ڪڍي مين چوڪ تي ڌرڻو هنيو، نعريبازي *ڪراچي ۾ ڌرتي ڌڻين کي بيگناهه قتل ڪرڻ جو سلسلو جاري آهي: مظاهرين *عبدالحميد گبول جي قتل ۾ ملوث ٻين جوابدارن کي به گرفتار ڪري عبرتناڪ سزا ڏني وڃي: مظاهرين*
  • *سيوهڻ ويجهو ڪارنهن جي مبينا الزام هيٺ سهري هٿان ناري قتل، جوابدار ٿاڻي تي پيش *ڳوٺ بچل چنا ۾ جوابدار گلشير چنا پنهنجي ننهن 25 ورھين جي فائزا چنا کي گوليون هڻي قتل ڪري ڇڏيو *جوابدار قتل ڪرڻ بعد پسٽل سميت گرفتاري ڏيئي ڇڏي، غيرت ۾ اچي قتل ڪيو: گلشير چنا جو اعتراف *پوليس پاران مقتولا ناري جو لاش ضروري ڪارروائي لاءِ سيوھڻ اسپتال پھچايو ويو*
  • رائونتي جي ڪچي ۾ پوليس جي مبينا مقابلي ۾ زخمي ٿيل ڏوهاري اسپتال ۾ دم ڏئي ڇڏيو *رات دير سان بچاءَ بند وٽ مقابلي دوران ڏوهاري محمد نواز سيال کي زخمي حالت ۾ گرفتار ڪيو هو: پوليس *زخمي ڏوهاري کي سکر اسپتال منتقل ڪيو ويو جتي فوت ٿي ويو:پوليس *جوابدار محمد نواز سيال تي سنگين قسم جا ڪيس داخل آهن: پوليس*
  • *دادو ويجهو ٻن موٽرسائيڪلن ۾ آمهون سامهون ٽڪر، يعقوب پٽ ڦوٽو فوت ٿي ويو *
  • *ڪشمور: عدالت پاران3ڄڻن کي بلاجواز گرفتار ڪرڻ تي ٽن اهلڪارن تي ڪيس داخل ڪرڻ جو حڪم *ڪشمور جي عدالت ٽن ڄڻن کي بلاجواز گرفتار ڪرڻ بابت ڪيس جي ٻڌڻي ڪئي *ڪشمور: عدالت سي سيڪشن ٿاڻي جي ايس ايڇ اوسميت ٽن اهلڪارن تي ڪيس داخل ڪرڻ جو حڪم ڏنو *
  • *اسلام آباد: احتساب عدالت ۾ آصف زرداري، نواز شريف ۽ يوسف رضا گيلاني خلاف توشه خانه ريفرنس تي ٻڌڻي *اڳوڻو وزيراعظم يوسف رضا گيلاني احتساب عدالت ۾ پيش *عدالت ٻڌڻي پهرين آڪٽوبر تائين ملتوي ڪري ڇڏي *
  • *ڪنري ويجهو واپاري کان ڦر دوران هڪ ڦورو سوگهو، مارڪٽ *ڳوٺ شاھ بيگ چانڊيو وٽان ڦورو واپاري کان موٽرسائيڪل ڦر ڪري فرار ٿي رهيا هئا ته ڳوٺاڻا پهچي ويا * ڳوٺاڻن هڪ ڦورو کي پڪڙي مارڪٽ ڪرڻ بعد سندس هٿ پير ٻڌي ويهاري ڇڏيو، پوليس نه پهتي
  • *نوري آباد ويجهو مزدا ۽ ٽرالر ۾ ٽڪر، هڪ ڄڻو فوت *موٽر وي تي حادثي ۾ مزدا ڊرائيور پنجاب واسي محمد اسلم راجپوت فوت ٿي ويو *
  • *ڪنري ويجهو واپاري کان ڦر دوران هڪ ڦورو سوگهو، مارڪٽ *ڳوٺ شاھ بيگ چانڊيو وٽان ڦورو واپاري کان موٽرسائيڪل ڦر ڪري فرار ٿي رهيا هئا ته ڳوٺاڻا پهچي ويا *ڳوٺاڻن هڪ ڦورو کي پڪڙي مارڪٽ ڪرڻ بعد سندس هٿ پير ٻڌي ويهاري ڇڏيو، پوليس نه پهتي*
  • *نواب ولي محمد ڀرسان ملواهه شاخ وٽ نوجوان جو لاش هٿ، سڃاڻپ نه ٿي*لاش جي نِڪ ۽ وات مان رت وهي رهيو هو، لڳي ٿو هڪ ڏينهن پُراڻو آهي: پوليس *
  • *مورو: داد بئراج ۾ ٻڏي ويل ملير واسي محمد فاروق جٽ جو لاش هٿ *ٻڏي ويل ڊرائيور مزدا کي ڌوئي رهيو هو ته پير ترڪڻ سبب داد بئراج ۾ ڪري پيو*

برساتي پاڻي، عوام ۽ اسان جا حڪمران

ترقي يافته ۽ سڌريل ملڪن ۽ مهذب معاشرن ۾ اتان جون حڪومتون قدرتي آفتن، مصيبتن، مشڪل حالتن ۽ هر ڏکئي وقت ۾ پنهنجي عوام جي پرگھور لهڻ نه صرف پنهنجي ذميواري، پر پنهنجو بنيادي فرض سمجھي ڪم ڪنديون آهن. پر ترقي پذير ۽ پٺتي پيل ملڪن جي حڪومتن ۽ معاشرن ۾ خاص ڪري پاڪستان يا سنڌ جھڙن ملڪن ۾ جتان جا حڪمران پاڻ کي عوام جو خادم سمجھڻ بجاءِ حاڪم تصور ڪندا هجن، اتان جي چونڊيل نمائندن يا حڪومتن کان اهڙي قسم جون اميدون وابستا ڪرڻ يا توقعات رکڻ ٻٻرن کان ٻير گھرڻ يا کدڙي جي گھر۾ پُٽ ڄمڻ جي برابر هوندو آهي.
پاڪستان ۾ تحريڪ انصاف جي سربراھ عمران خان جي حڪومت کي ٻه سال مڪمل ٿي چڪا آهن. حڪومتي وزيرن ۽ مشيرن پاران پنهنجي ٻن سالن جي ڪارڪردگي به پيش ڪئي وئي آهي. پر سچ اهو آهي ته عوام جيترو جلد هن حڪومت مان بيزار ٿيو آهي اڳ شايد ٿيو هجي. عمران خان اليڪشن کان اڳ جيڪي به عوام سان واعدا ڪيا هئا، انهن مان هڪڙي واعدي تي به پورو لهي ناهي سگھيو. جنهن ڪري مسئلن، مصيبتن ۽ دردن جي ڌٻڻ ۾ ڦاٿل عوام مهانگائي، بيروزگاري ۽ ٻين ذلتن جي زنجيرن ۾ وڌيڪ جڪڙجندو پيو وڃي. جيڪڏهن عمران خان جي وفاقي حڪومت کان پوءِ، جيري ڪارڻ ٻڪري ڪهڻ لاءِ هر وقت تيار رهندڙ رئيس وڏي واري پيپلزپارٽيءَ جي ٻارهن ورهن جي حڪومتي ڪارڪردگيءَ تي ايمانداراڻي نظر ڪنداسين ته ڪرپشن، ڪميشن، نالائقين، خودغرضين، ناڪامين ۽ مايوسين کان سواءِ ڪجھه به ڏسڻ ۾ نٿو اچي.
سنڌ ۾ گذريل ڪيترن ڏينهن کان وٺي وقفي وقفي سان زوردار برساتن جو سلسلو جاري آهي، جنهن سان جاني نقصانن سان گڏ چوپائي مال، اناج ۽ فصلن جو تمام وڏو ڪاپاري نقصان ٿيو آهي. پر حڪومت پاران ڪٿي به، ڪنهن به قسم جا ڪي جوڳا بندوبست ناهن ڪيا ويا. ڪراچي، حيدرآباد، لاڙڪاڻو، ٿرپارڪر، دادو، جوهي، شهدادڪوٽ سميت سنڌ جي ٻين سمورن ننڍن وڏن شهرن ۾ برساتي پاڻي تباهي مچائي ڇڏي آهي. پاڻي گھرن ۾ ڪاهي پيو آهي، ڪيترن ئي شهرن ۾ ماڻهن جا اجھا ڊهي پيا آهن. جنهن ڪري ويچارا ماڻهو بي يارو مددگار بڻجي کليل آسمان جي هيٺان ويهڻ تي مجبور آهن. ماڻهن جا ڪاروبار تباھ ۽ زندگيءَ جو سمورو ڪارونهوار مفلوج بڻجي چڪو آهي، جنهن سبب محنت مزدوري ڪري روز ڪمائڻ ۽ روز کائڻ وارو پورهيت طبقو سخت مشڪلاتن کي منهن ڏئي رهيو آهي. حڪومتي سطح تي متاثر ماڻهن لاءِ ڪٿي به، ڪوبه بندوبست ٿيل نظر ڪو نه ٿو اچي ۽ نه ئي وري ان سلسلي ۾ وفاقي يا سنڌ حڪومت سنجيده نظر اچي رهي آهي. انيل ڪپور اسٽائيل سنڌ جي وڏي وزير جي هن وقت تائين جي ڪارڪردگي سکڻين ڳالهين، فوٽو سيشن ۽ ميڊيائي خبرن کان علاوه ٻڙي برابر آهي.
ڪراچي ۾ به ساڳي صورتحال آهي، جتي تقريبن چاليهن ورهين کان ايم ڪيو ايم جي حڪومت رهندي آئي آهي. هڪ ته پيپلزپارٽيءَ جي سهولتڪاريءَ ۾، ايم ڪيو ايم ٻين کاتن کان علاوه ميونسپل ادارن ۾ پڻ وڏي تعداد ۾ پنهنجي پارٽيءَ جا ڪارڪن ڀرتي ڪري ڇڏيا آهن. ٻيو ته ڪراچي اندر برسات يا ٻئي گندي پاڻيءَ جي نيڪال جا جيڪي به نيچرلي ۽ قديمي دڳ يا هاڻوڪا مين نالا آهن، انهن سمورن جي مٿان ايم ڪيو ايم جي ڪارڪنن ۽ همدردن پاران قبضا ڪري وڏا بنگلا يا عاليشان پلازه ٺهرايا ويا آهن. جنهنڪري هينئر برساتي پاڻيءَ ۾ ڪراچي ٻڏي رهي آهي. حقيقت اها به آهي ته هڪڙو چور ٻئي چور جي خلاف قدم ناهي کڻي سگھندو. جيڪڏهن ائين نه هجي ها ته، هن وقت پيپلزپارٽيءَ کي وڏو موقعو آهي ته ايم ڪيو ايم جي وائيٽ ڪالر ڀرتي ڪيل هزارين ملازمن جي لسٽ پڌري ڪري انهن کان ڊيوٽي ورتي وڃي ها، يا کين نوڪري مان برطرف ڪيو وڃي ها. پر حقيقت اها آهي ته ايم ڪيو ايم جي سمورن ڏوهن ۾ پيپلزپارٽي سڌي يا اڻ سڌي طرح سندن مددگار، همدرد، ۽ هم صلاح رهي آهي. هن وقت طوفاني برساتن ۽ سنڌ حڪومت جي ڪوتاهين، خودغرضين ۽ خراب حڪمراني سبب سڄي سنڌ مصيبتن ۽ مشڪلاتن ۾ ڦاٿل آهي. برساتي ٻوڏ ۾ ماڻهن جي الھه تلھه لڙهي وڃڻ سان گڏ سندن اميدون ۽ امنگون به لڙهي ويون آهن. عوام جي چونڊيل ووٽن سان عوامي ۽ جمهوري حڪومت عوام جي پرگھور لهڻ، مدد ڪرڻ يا پنهنجون ذميواريون نڀائڻ کان بلڪل بيوس ۽ قاصر نظر اچي رهي آهي. اهڙين حالتن ۾ وري به ماڻهو پنهنجي مدد پاڻ تحت مصيبتن کي منهن ڏئي رهيا آهن يا وري ڪٿي ڪي صاحبِ حيثيت ماڻهو سندن مدد ڪندي نظر اچن پيا.

Bookmark the permalink.

Leave a Reply

Your email address will not be published. Required fields are marked *