تازا ترين
  • ڪوٽڙي: نوري آباد سپر هاءِ وي تي مسافر وين کي باهه: 9 ڄڻا سڙي فوت: ترجمان موٽروي*
  • *عادلپور ويجهو بجلي جو ڪرنٽ لڳڻ سبب نوجوان فوت *ڳوٺ رمضان ڪولاچي ۾ بجلي جو ڪرنٽ لڳڻ سبب 35ورهين جو عبدالقدوس ڪولاچي فوت ٿي ويو*
  • *حيدرآباد: ڪسٽم انٽيلينجس جي سعيد آباد ۾ ڪارروائي، انڊيا کان اسمگل ٿيل آرٽيفيشل جيولري هٿ *اسمگلر آرٽيفيشل جيولري کي چين جي ظاهر ڪئي: ڪسٽم: ذريعا *آرٽيفيشل جيولري اصل انڊيا کان اسمگل ڪئي وئي آهي:ڪسٽم ذريعا *آرٽيفيشل جيولري جي ماليت تقريبن 29ملين رپيا آهي:ڪسٽم ذريعا *
  • *ملڪاڻي شريف: ايل بي اوڊي سم نالي سميت ننڊن ٻين نالن کي لڳل گھارن جو پاڻي نيڪال نه ٿيو *گهارن سبب سوين ڪچا گھر ڪري پيا، سوين ايڪڙن تي بيٺل فصل تباهه *پاڻي نيڪال نه ٿيڻ خلاف سنڌ آبادگار ۽ عوامي تحريڪ جي ڪارڪنن جي اڳواڻي ۾ احتجاج *پاڻي نيڪال جا لنگھه بند ٿيڻ ڪري ھر سال برساتن دوران نقصان ٿيندو آهي: احتجاج ڪندڙ*
  • *ميرپورخاص ۾ ٻوڏ متاثرن جو واهر نه ٿيڻ خلاف احتجاج، راشن من پسند ماڻهن ۾ ورهائڻ جا الزام *فاقا ڪشي واري زندگي گهاري رهيا آهيون، واهر ڪئي وڃي: احتجاج ڪندڙ ٻوڏ متاثر*
  • *نوشهروفيروز: ڀرٽ ۽ سولنگي تڪرار کي ختم ڪرائڻ لاءِ وڪيلن جو منٿ ميڙ قافلو سولنگين وٽ پھتو *قافلو پهرين مرحلي ۾ سولنگي برادري وٽ مناهي پهتو، سولنگي برادري پاران مھلت طلب *سولنگي ۽ ڀرٽ ڌرين ۾ هلندڙ تڪرار ۾ هن وقت تائين ٻنهي ڌرين جا 4 ڄڻا قتل ٿي چڪا*
  • *کپرو: نوجوان شھريار قائم خاني جا قاتل گرفتار نه ٿيڻ خلاف وارثن جو احتجاجي مظاهرو *هڪ مهينو گذرڻ باوجود پوليس جوابدار گرفتار ناهي ڪري سگهي: احتجاج ڪندڙ *پوليس قاتلن کي پروٽوڪول ڏئي رهي آهي: پيءُ علي قائمخاني*
  • *جوهي ۾ بدامني خلاف شهرين جو ٿاڻي آڏو احتجاجي مظاهرو *ٻوڏ جي ماريل ماڻهن جو ڏوهارين به جيئڻ جنجال ڪري ڇڏيو آهي: احتجاج ڪندڙ *پوليس ۾ ساٿاري ۽ ڀوتارن جي پٺڀرائي هجڻ ڪري ڏوهاري سرعام گهمي رهيا آهن: احتجاج ڪندڙ *
  • *جاتي: برساتن کانپوءِ گندو پاڻي واپرائڻ سبب گيسٽرو جي مرش ۾ واڌ، اسپتال ۾ دوائن ۽ بيڊن جي کوٽ *اسپتال ۾ بيڊن جي کوٽ سبب مريض وارڊن ۾ فرش تي پيل، دوائون نه ملڻ جون به دانهون *
  • *ڄامشورو: بنيادي سهولتن جي کوٽ خلاف جدوجهد ڪميٽي پاران 24 ڪلاڪن واري علامتي بک هڙتالي ڪئمپ قائم *ڄامشورو اوور هيڊ برج هيٺيان لڳايل ڪئمپ ۾ وڏي انگ ۾ سياسي توڙي سماجي اڳواڻ ۽ شهري شريڪ *ڪامورن علمي درسگاهن جي شهرکي تباهه ڪري ڇڏيو آهي: اڳواڻ *شهر ۾ پاڻي جي کوٽ سميت رستن ۽ گهٽين ۾ گندگي جا ڍير لڳل آهن:احتجاج ڪندڙ *شهر مان اڃا تائين برساتي پاڻي نيڪال ناهي ٿي سگهيو، ضلعي انتظاميا ڪو ترقياتي ڪم ناهي ڪرايو: اڳواڻ*
  • *سنڌ ٽيڪسٽ بڪ بورڊ پاران تيار ڪيل نائين ڪلاس جو بائلاجي ڪتاب ۾ ڇپيل سيليبس ۽ بورڊ طرفان ڏنل سيليبس ۾ فرق *بورڊ پاران جاري ڪيل ليٽر وارا سيليبس ڪتاب ۾ موجود ئي نه آهن: استاد *سيليبس ۾ فرق هئڻ ڪري اسڪولن جا شاگرد ۽ استاد پريشان *بورڊ پاران جاري ڪيل ليٽر وارا سنڌ ٽيڪسٽ بورڊ جي ڪتابن جي کوٽ*
  • *اسلام آباد: ام رباب جي ٽن گهرڀاتين جو قتل ڪيس، سپريم ڪورٽ پاران روپوش جوابدار گرفتار ڪرڻ جو حڪم *چيف جسٽس جي سربراهي ۾3 رڪني بينچ 24 سيپٽمبر جي ٻڌڻي جو حڪم نامو جاري ڪيو *عدالت پاران ڊي آءِ جي حيدرآباد پاران پيش ڪيل رپورٽ تي عدم اطمينان جو اظهار *ڊي آءِ جي ايندڙ ٻڌڻي تي روپوش جوابدارن کي گرفتار ڪري عدالت کي آگاهه ڪري: حڪم نامو*
  • *اسلام آباد: بحريا ٽائون ڪراچي پاران قسطن جي ادائيگي لاءِ 2 سال مهلت گهرڻ بابت ڪيس جو حڪم نامو جاري *سپريم ڪورٽ 16 سيپٽمبر جي ٻڌڻي جو تحريري حڪم نامو جاري ڪري ڇڏيو *بحريا ٽائون جي وڪيل پاران درخواست واپس وٺڻ جي بنياد تي ڪيس اڪلايو ويو آهي: حڪم نامو *بحريا ٽائون 460 ارب رپيا ادا ڪرڻ لاءِ قسطن ۾ٻن سالن تائين مهلت گهري هئي *
  • *عمرڪوٽ ويجهو زميندار جي نجي جيل تي ڇاپو، 27 هاري بازياب *ڊسٽرڪٽ اينڊ سيشن جج عمرڪوٽ جي حڪم تي پوليس ڪارروائي ڪئي *بازياب ڪرايل هاري فرسٽ ايڊيشنل سيشن جج عمرڪوٽ جي عدالت ۾پيش *
  • *حيدرآباد تعليمي بورڊ ڏهين جماعت جي 2020 جي نتيجا جاري ڪرڻ جو اعلان ڪري ڇڏيو *ڏهين جماعت جي سائنس ۽ جنرل گروپ جا نتيجا اڄ شام 5وڳي جاري ڪيا ويندا*

برساتن سنڌ کي ڪيئن ٻوڙيو !؟

هن سال برساتن ڪري سڄي سنڌ ٻڏي آهي. ڪڏهن رڳو حيدرآباد ۾ برساتون پونديون هيون ته ڪڏهن درياهه جي کاٻي پاسي ڏانهن پر هن سال سنڌ جو ڪو ٽڪرو نه بچيو آهي جتي مينهن نه پيا هجن. ڪراچي کي ٿا وٺون. احمد ڳوٺ ۾ ايترا مينهن پيا جو ماڻهو اتان لڏڻ تي مجبور ٿي ويا. ڊفينس واري علائقي ۾ به ڪن هنڌن تي ايترو پاڻي بيٺو جو ماڻهن ڪلفٽن ڪينٽونمينٽ بورڊ سامهون احتجاج ڪيا. جيڪا ڪراچي جي هڪ پوش آبادي ليکي وڃي ٿي. ناظم آباد ۾ ايترو پاڻي بيٺو جو اتي ٽريفڪ جام ٿي وئي. ڪراچي شهر جي ٻين ڪيترن علائقن ۾ به ٽريفڪ جام ٿي . سرجاڻي واري علائقي ۾ تمام گهڻي برسات پئي ۽ سڄو علائقو ٻڏي ويو.
اچو شهر حيدرآباد تي. ون يونٽ بلڊنگ وارو علائقو پاڻي هيٺ اچي ويو. ٿڌي سڙڪ ٻڏي وئي. لطيف آباد جي ڪن علائقن ۾ ٻيڙيون هلڻ لڳيون. قاسم آباد وارو علائقو ٻڏي ويو. سواءِ سول لائين واري علائقي جي سڄو حيدرآباد شهر ٻڏي ويو.
اچو جوهي واري علائقي ۾ جتي هميشه پاڻي جي کوٽ رهي ٿي. ليفٽ بينڪ بند ۽ گاج نئين واري علائقي ۾ کنڊ پوڻ ڪري سڄو علائقو ٻڏي ويو. ڪا جاءِ نه بچي جتي ڪجهه پوکي جا نشان ملن. ماڻهو ايترو ته تنگ ٿيا جو لڏپلاڻ تي مجبور ٿي پيا.
اچو ميرپورخاص واري علائقي ۾، شهر ۾ ايترو پاڻي بيهي رهيو جو ماڻهن جي اچ وڃ بند ٿي وئي آهي. ايتري حد تائين جو شهر مان پاڻي ڪڍڻ لاءِ ماهرن جي هڪ ڪميٽي ٺاهڻي پئي.
اچو لاڙڪاڻي واري علائقي ۾ روڊن تي پاڻي بيٺو آهي ۽ انهيءَ کي ڪڍڻ جي واهه سمجهه ۾ نٿي اچي. الائي ڪيترا ڏينهن اهو پاڻي بيٺو رهندو.
اچو شهيد بينظير آباد ضلعي تي، جتي ڪٿي پاڻي بيٺو آهي خاص طرح هيٺاهين جاين ۾ جنهن ۾ سرڪاري بنگلا اچي وڃن ٿا. سرڪاري ڪامورا ڪهڙي نموني آفيسن ۾ پهچن ٿا.
اچو دادو ضلعي تي، سڄي ايراضي پاڻي سان ڀريل آهي. رستا ٻڏل آهن. اها خبر ناهي ته ڪڏهن پاڻي رستن تان نڪرندو ۽ ڪڏهن رستا هلڻ جهڙا ٿيندا.
اچو ٺٽو، سجاول ۽ بدين ضلعن تي. اهي سڀ هيٺاهان علائقا آهن. جتي ايترو پاڻي بيهي ٿو جنهن جي ڀيڻي ناهي. اتي مهينن جا مهينا پاڻي بيهي ٿو جيتوڻيڪ روڊ رستا کلي وڃن ٿا پر پوءِ به پاڻي بيٺو رهي ٿو.
مان ڪراچي جو ٻيهر ذڪر ڪندس، اتي ايتري تيز ۽ تکي برسات ڪڏهن به نه پئي آهي. منهنجو گهر مٿاهين تي ٺهيل آهي تنهن هوندي به گهر ۾ پاڻي اچي ويو ۽ قالين ۽ ڦراسيون سڀ خراب ٿيون. مان جڏهن کان اهو گهر ٺاهيو هو تڏهن کان اتي ايترو پاڻي نه آيو هو.
موسمي ڦير گهير:
سڀني کي خبر آهي ته موسمي ڦير گهير جي نتيجي ۾ سڄي دنيا ۾ تبديليون اچن ٿيون پيون ۽ سائنسدانن جو چوڻ آهي ته انهيءُ جو سبب دنيا جي گولي جو گرمي پد وڌڻ آهي. گرمي پد انهيءُ ڪري وڌيو آهي ته صنعتي انقلاب جي نتيجي ۾ اسان نامياتي ٻارڻ (fossil fuel) جو استعمال ڪيو آهي. جنهن ڪري گرين هائوس گيس (GHS)پيدا ٿين ٿيون. اهي گيسون دنيا جي گولي جي چوڌاري هڪ ڇلو (ring) ٺاهن ٿيون. اهو ڇلو زمين کان موٽندڙ شعائن کي روڪي ٿو جنهن جي نتيجي ۾ دنيا جي گولي جو گرمي پد وڌي ٿو ۽ موسمي تبديليون اچن ٿيون. مطلب اهو ته موسمن ۾ ڦير گهير دنيا جي ماڻهن جي نامياتي ٻارڻ استعمال ڪرڻ ڪري آهي ۽ جيڪڏهن اهو استعمال ٿيندو رهيو ته گرمي پد وڌڻ ڪري ماڻهن جو دنيا ۾ رهڻ ڏکيو ٿي پوندو. ڇاڪاڻ ته اهو هڪ ملڪ جو مسئلو ناهي سڄي دنيا جا ماڻهو گرمي پد وڌڻ ڪري متاثر ٿيندا. تنهن ڪري عالمي ادارن ان جو نوٽيس ورتو. گڏيل قومن واري اداري ۽ عالمي موسمياتي اداري انهيءُ ڏس ۾ هڪ عالمي پينل جوڙيو جنهن کي موسمي ڦير گهير جو بين السرڪاري پينل (international panel on climate change) سڏيو ويو جنهن کي مختصر ڪري IPCC سڏيو وڃي ٿو. انهيءَ اداري کي ٽي ڪم ڪرڻ لاءِ چيو ويو.
1- پهريون اهو ته موسمي ڦير گهير جو سائنسي بنيادن تي جائزو وٺڻ ته ان جو ڪارڻ ڇا آهي.
2- ٻيو اهو ته موسمي ڦير گهير ڪري ڪهڙا اثر ٿين ٿا.
3- ٽيون اهو ته انهن اثرن لاءِ حڪمت عملي جوڙڻ
ان جي ڪارڻ لاءِ اهو ٻڌايو ويو ته اهو نامياتي ٻارڻ جي استعمال ڪري ٿئي ٿو.جنهن ڪري ڪاربان ڊاءِ آڪسائيڊ ۽ ٻيون گيسون پيدا ٿين ٿيون. اثرن بابت انهيءُ پينل ٻڌايو ته جيڪڏهن نامياتي ٻارڻ جو استعمال ايئن ئي ٿيندو رهيو ته هن صدي جي پڇاڙي تائين دنيا جي گولي جو گرمي پد وڌي 6.4 ڊگري سينٽي گريڊ ٿي ويندو ۽ 2 ڊگري جي واڌ انسان برداشت نه ڪري سگهندا. حڪمت عملي بابت انهن ٻڌايو ته 2 ڊگري واڌ لاءِ اسان کي هيرڻو پوندو ۽ 2 ڊگري کان مٿي واڌ لاءِ اسان کي نامياتي ٻارڻ جو استعمال گهٽائڻو پوندو.
نامياتي ٻارڻ ڇا آهي؟
ڪوئلي، تيل ۽ گيس گهٽائڻ جي معنيٰ انهن سان لاڳاپيل صنعتن جي ماڻهن جو نقصان. صنعتن ۾ گاڏين ۾ اهي ٽئي ٻارڻ استعمال ٿين ٿا. هڪڙي پاسي اهو ٻارڻ گهٽائڻ ۽ ٻئي پاسي متبادل ٻارڻ ڳولڻ تمام ڏکيو ڪم آهي. تنهن ڪري IPCC جي مخالفت سال 2007ع ۾ ويانا ۾ ٿي. انهيءُ لاءِ هڪ ٻي تنظيم ٺاهي وئي جنهن جو نالو IPCC جي ڀيٽ ۾ N-IPCC يعنيٰ نان IPCC رکيو ويو. اها آمريڪي ورجينيا يونيورسٽي جي ڊاڪٽر سنگر ٺاهي.
پيرس معاهدو (2015)
آمريڪا ۾ آيل گهڻي تباهين کانپوءِ آمريڪي صدر بارڪ اوباما کي پڪ ٿي وئي ته موسمي ڦير گهير نامياتي ٻارڻ ڪري ٿئي ٿو ۽ دنيا جا وڌ ۾ وڌ گدلاڻ پيدا ڪندڙ پهريون نمبر چين ۽ ٻيو نمبر آمريڪا هو. انهيءَ سال 2015ع ۾ هن معاهدو ڪرايو جنهن جو نالو پيرس معاهدو رکيو ويو. اڃان اهو معاهدو ٿي رهيو هو ته آمريڪا ۾ نوان صدارتي اليڪشن ٿيڻ لڳا. نئين اميدوار ڊونلڊ ٽرمپ اليڪشن دوران اعلان ڪيو ته هو ان معاهدي جي مخالفت ڪندو. جڏهن 20 ڊسمبر 2015ع ۾ هو صدر چونڊجي ويو ته هن انهي معاهدي جي مخالفت ڪئي ۽ ان مان نڪرڻ جو فيصلو ڪيو. معاهدي ۾ هڪ شق اها به هئي ته امير ملڪ غريب ملڪن جي مدد ڪندا. جڏهن آمريڪا جهڙو امير ملڪ ان مان نڪري ويو ته هو ڇو ڪنهن ملڪ جي مدد ڪندو؟
جڏهن گيس گهٽائڻ واري معاهدي تي عمل ئي نه ٿيندو ۽ نامياتي ٻارڻ جو استعمال ايئن ئي ٿيندو رهندو ته آسماني آفتون اينديون رهنديون، سنڌ ۽ ٻين علائقن ۾ اهڙا مينهن پوندا رهندا ۽ ملڪ ايئن ٻڏندو رهندو.

Bookmark the permalink.

Leave a Reply

Your email address will not be published. Required fields are marked *