تازا ترين
  • *ڪراچي: سنڌ ۾ سي اين جي اسٽيشنز اڄ به بند، سڀاڻي 8 وڳي کوليون وينديون *هفتي ۾ 4 ڏينهن گيس پريشر گهٽ ڄاڻائي سي اين جي اسٽيشنز بند ڪيون پيون وڃن *صرف سنڌ ۾ سي اين جي اسٽيشنز مالڪن کي پريشان ڪيو پيو وڃي: پرشوتم لال *
  • *خيرپور: عورت سان مبينا طور اجتماعي زيادتي ۽ تشدد، اين سي داخل، وارثن جو احتجاج *شادي شده عورت مومل شيخ کي ٽن ٻارڙن سميت اغوا ڪري ڏاڍائي جو نشانو بڻايو ويو: وارث *5جوابدارن اغوا ڪري زيادتي ڪرڻ سان گڏ تشدد ڪيو: متاثر ناري *جوابدارن خلاف سوڀو ديرو ٿاڻي تي اين سي داخل، وارثن جو جوابدارن جي گرفتاري لاءِ احتجاجي مظاهرو*
  • *آواران ۾ سڪيورٽي فورسز جي ڪارروائي، 4 دهشتگرد مارجي ويا: آءِ ايس پي آر *آپريشن دوران دهشتگردن جا ٺڪاڻا تباهه، وڏي انگ ۾ هٿيار هٿ ڪيا ويا: آءِ ايس پي آر*
  • *گهوٽڪي: عدالت پاران سبزي منڊي ۾ قائم وڪلين جون آفيسون خالي ڪرائڻ واري فيصلي خلاف اسٽي آرڊر جاري *عدالت پاران اسٽي آرڊر جاري ڪرڻ بعد وڪيلن پاران ڊسٽرڪٽ بار ۾ مٺائي ورهائي *عدالت وڪيلن جي حق ۾ اسٽي جاري ڪري وڪيلن سان انصاف ڪيو آهي: وڪيل اڳواڻ *
  • *گمبٽ:16 ڏينهن اڳ مبينا طور اغوا ٿي ويل ٻن عورتن ۽ 2 ٻارڙن کي پوليس بازياب ڪرائي ورتو *حنا ۽ نگينا خاتون سميت ٻن ٻارڙن کي باءِ پاس تان بازياب ڪرايو: پوليس *16 ڏينهن اڳ ٽن جوابدارن هٿيارن جي زور تي ٻن عورتن ۽ ٻن ٻارڙن کي اغوا ڪيو هو: پوليس *بازياب ڪرايل عورتون ۽ ٻار عدالت ۾ پيش، بيان بعد وارثن حوالي *
  • *ڏڪاريل ڏيهه ٿرپارڪر ۾ برساتن بعد هرطرف ساوڪ، ميوا توڙي ڀاڄيون ٿيڻ بعد مارڪيٽ پهچي ويون *گدرا، ڇانهيا، مهيا، چڀڙ ۽ ٻيون ڀاڄيون توڙي ميوا مختلف شهرن جي مارڪيٽن ۾ وڪرو *روڊن تي اسٽال لڳائي ڀاڄيون ۽ ميوا وڪرو، ماروئڙن ۾ خوشي واري لهر *
  • *پيرجوڳوٺ: ٻه ڏينهن اڳ مڙس ۽ ڏيرن هٿان تشدد ۽ تذليل جو نشانو بڻايل عورت سيشن ڪورٽ خيرپور ۾ پيش *تشدد جي مبينا الزام ۾ گرفتار مڙس زال کان معافي وٺڻ بعد عورت جو عدالت ۾ مڙس سان رهڻ جو بيان *عدالت پاران ناري منيران راهوجو کي مڙس عبدالحليم راهوجو جي حوالي ڪري ڇڏيو *
  • *ڏهرڪي:قتل ٿي ويل عنايت شاهه جو لاش قومي شاهراهه تي رکي ڌرڻو، ٽريفڪ معطل *نئون ڪوٽ بس اسٽاپ وٽ ڌرڻي سبب ٻنهي طرفن کان ايندڙ ويندڙ ٽريفڪ معطل *جوابدارن جو پتو لڳائي ورتو آھي، گرفتاي لاءِ پوليس رواني ٿي ويئي آھي: پوليس جي خاطري*
  • *ڀان سيدآباد ۾ بدامني خلاف شهرين پاران جي احتجاجي ريلي ڪڍي وئي *شهر ۾ ڦورن ۽ چورن جو راڄ قائم آهي، پوليس ڏوهارين خلاف ڪارروائي نه پئي ڪري: احتجاج ڪندڙ *
  • *ڪڙيو گهنور ۾ ٻوڏ متاثرن جي واهر نه ٿي، سنڌياڻي تحريڪ طرفان حيدرآباد روڊ تي ڌرڻو *کليل آسمان هيٺ ويٺل آهيون، ٽينٽ ۽ کاڌي پيتي سميت صحت جي سهولت فراهم ڪئي وڃي: ٻوڏ متاثرن جو مطالبو *
  • *گهوٽڪي: عدالت پاران سبزي منڊي ۾ قائم وڪلين جون آفيسون خالي ڪرائڻ واري فيصلي خلاف اسٽي آرڊر جاري *عدالت پاران اسٽي آرڊر جاري ڪرڻ بعد وڪيلن پاران ڊسٽرڪٽ بار ۾ مٺائي ورهائي *عدالت وڪيلن جي حق ۾ اسٽي جاري ڪري وڪيلن سان انصاف ڪيو آهي: وڪيل اڳواڻ *
  • *ڏهرڪي ڀرسان ننڊ پيل ڳوٺاڻو قتل، پوليس واقعي جي جاچ شروع ڪري ڇڏي *ڳوٺ نئون ڪوٽ ۾ اڻڄاتل جوابدار 45سالن جي عنايت علي شاهه جو ڳلو ڪپي فرار ٿي ويا *زخمي حالت ۾ عنايت علي شاهه کي وارث رحيم يار خان اسپتال کڻي ويا جتي هن دم ڏنو *
  • *پي ٽي آءِ سينيٽر اورنگزيب اورڪزئي پاران بني گالا ۾ سرڪاري زمين تي قبضي جو انڪشاف *سي ڊي اي ۽ ايم سي آءِ قبضي واري رپورٽ اسلام آباد هاءِ ڪورٽ ۾ جمع ڪرائي ڇڏي *عدالت پاران سرڪاري ايراضي تي قبضو ڪندڙ سينيٽر ۽ سي ڊي اي آفيسرن خلاف ڪارروائي جو حڪم*
  • *ڪنري ڀرسان گھر جي ڀت ڪرڻ سبب معصوم نينگر دٻجي فوت ٿي ويو *ڳوٺ رامچند ڪولھي ۾ ڀت ڪرڻ سبب11 ورھين جو نينگر لڇمڻ پٽ گلاب ڪولھي دٻجي ويو *نينگر کي ڳڻتي جوڳي حالت ۾ حيدرآباد نيو پئي ويو ته هن رستي ۾ ئي دم ڏئي ڇڏيو*
  • *لاڙڪاڻو: 10 کان مٿي مختلف ڳوٺن جي بجلي گذريل ڪيترن مھينن کان بند، ڳوٺاڻن جو ٽائر ساڙي احتجاج *ٻلھڙجي، بگي ٻنڊي، گاجي ديرو ۽ وڏي وھڻي سميت مختلف ڳوٺن جي رهواسين جو ايئرپورٽ روڊ بند ڪري احتجاج *بلن جي ادائگي باوجود رشوت طلب ڪئي وڃي ٿي، نه ڏيڻ جي صورت ۾ بجلي بند ڪئي وئي آهي : ڳوٺاڻا *

برساتن بعد ڪراچي مان غائب ٿيل بجلي..!!

ڪراچي شهر ۾ برساتن جتي زندگي جو سمورو وهنوار مفلوج بڻائي ڇڏيوآهي، اتي شهر ۾ بجلي به لاڳيتو ٽن ڏينهن کان غائب آهي، جنهن ڪري شهري عذاب واري زندگي گذارڻ تي مجبورآهن. برسات شهر کي سمنڊ بڻائي ڇڏيو هو، شهر جي ڪيئي علائقن مان برساتي پاڻي اڃا نيڪال ناهي ٿي سگھيو، ڊفينس جهڙي پوش علائقي جا سمورا فيز پاڻي ۾ ٻُڏل آهن، ڊفينس فيز 6 ۽ فيز 7 وارا علائقا تمام گھڻو متاثر ٿيا آهن. شهر جي مُک روڊن جي ڳالهه ڪجي ته شاهراھ فيصل تي ڪارساز، نرسري، ايف ٽي سي بلڊنگ وٽ پاڻي جمع ٿيل آهي. صدر جو سي آءِ اي سينٽرروڊ، ايمپريس مارڪيٽ، ٽاور واروعلائقوبه اڃا تائين برساتي پاڻي ۾ ٻُڏل آهي. قائداعظم محمد علي جناح جي رهائشگاھ واري علائقي وزير مينشن ۾به پاڻي جو تلاءُ جمع ٿيل آهي. پر اتان به اڃا تائين پاڻي نيڪال ناهي ٿي سگھيو. سرجاني ٽائون، اورنگي ٽائون، حب ريور روڊ ۽ بلديا ٽائون مان به پاڻي نيڪال نه ٿيڻ سبب رهواسي سخت پريشانين ۾مبتلا آهن. ڪلفٽن ۾ باٿ آئيلينڊ واري علائقن ۾به پاڻي جمع ٿيل آهي. پاڻي نيڪال نه ٿيڻ سبب شهر ۾ بجلي جو نظام به مڪمل طور ٺِپ ٿيل آهي. جنهن ڪري سمورو نظام بيهجي ويو آهي. شهر جا ڪافي اهڙا علائقا آهن جتي ٽن ڏينهن کان بجلي بند آهي. ايتري قدر جو ٽي تلوار جي ڪجهه علائقن، اخترڪالوني، ڪشميرڪالوني، ڊفينس فيز 6، ڊفينس فيز ٽو ۽ صدر، آءِ آءِ چندريگر روڊ تي بجلي بند ٿيل آهي. بجلي بند هجڻ سبب رهائشي عمارتن ۾ پاڻي جو پڻ وڏو بحران پيدا ٿي ويو آهي. جنهن ڪري شهرين جو احتجاج هلي رهيو آهي. شهر جي مختلف علائقن ۾ شهرين پاران احتجاج رڪارڊ ڪرايو ويو آهي، اختر ڪالوني، ٽي تلوار ۽ ٻين علائقن ۾ ڌرڻا به لڳايا ويا آهن، مڇريل ماڻهن جي احتجاجن سبب روڊ رستن تي ٽريفڪ جو نظام به مفلوج بڻجي ويوآهي. پر ان باوجود ڪي اليڪٽرڪ انتظاميا جي ڪن تي جونءَ ناهي سُري سگھي. ڪي اليڪٽرڪ جي انتظاميا پاران رڳو اهو ئي جواز ڄاڻايو پيو وڃي ته فالٽ ڪٿي به ناهي پر احتياط طور بجلي بحال نه پئي ڪئي وڃي.
ڪالهه نيٺ سنڌ جي گورنر عمران اسماعيل ۽ سنڌ جي وڏي وزير مرادعلي شاھ کي بجلي بند هجڻ جو خيال اچي ويو ۽ ٻنهي پاران شهرين جي ڪاوڙ کي ماٺو ڪرڻ وارو قدم کڻندي اپاءُ ورتا ويا پر ان باوجود بجلي بحال ناهي ٿي سگھي. ڪالهه گورنر عمران اسماعيل پاران ڪي اليڪٽرڪ جي سي اِي او مونس علوي سان رابطو ڪيو ويو، رابطي دوران هُن ڪي اليڪٽرڪ جي چيف ايگزيڪيوٽو آفيسر کان بجلي بند هجڻ بابت تفصيلي آگاهي ورتي ۽ کيس هدايت ڪئي ته بجلي بحال ڪرڻ لاءِ تڪڙا اپاءُ ورتا وڃن، وڏي وزيرسيد مرادعلي شاھ به ڪي اليڪٽرڪ آفيس پهچي انتظاميا تي ڪاوڙ جو اظهار ڪيو ۽ بجلي بحال ڪرڻ جي هدايت ڪئي. پر ان جي باوجود شهر جي ڪيئي علائقن ۾ اڃا تائين بجلي بحال ناهي ٿي سگھي. بجلي لاڳيتو ٽن ڏينهن کان بند هجڻ ڪري خاص طورتي پوش علائقن مان عارضي بنيادن تي لڏپلاڻ پڻ شروع ٿي وئي آهي. ماڻهو عارضي طور ڪراچي ڇڏي پنهنجن پنهنجن ڳوٺن ڏانهن به هليا ويا آهن.
ڪراچي شهر ۾ اهڙو لقاءُ شايد اڳ ڪڏهن به ناهي ٿيو ته شهر ۾ بجلي، پاڻي، موبائيل نيٽ ورڪ، پبلڪ ٽرانسپورٽ مڪمل طوربند آهي، واپارين جي ڪاروبار کي به تالو لڳل آهي، اقبال مارڪيٽ، ايمپريس مارڪيٽ، نارٿ ناظم آباد، يونائيٽيڊ بيڪري روڊ، بوهري بازار، زينب مارڪيٽ، مدينه مال مڪمل طورتي بند آهن، ڇاڪاڻ ته نه بجلي آهي نه ئي ڄاڻايل مارڪيٽن ٻاهران پاڻي نيڪال ٿي سگھيو آهي.
پاڻي نيڪال نه ٿيڻ سبب سوشل ميڊيا تي سخت تنقيد ۽ جملي بازي کان پوءِ سنڌ جي وڏي وزير سيد مراد علي شاھ ڪالهه سمورن ڊويزنل ڪمشنرن سان گڏجاڻي ڪئي ۽ سموري صورتحال بابت تفصيلي آگاهي ڪئي. ان دوران ڪراچي جي نئين مقرر ٿيل ڪمشنر سهيل راجپوت پاران “سڀ ٺيڪ” هجڻ جي رپورٽ ڏني! پر وڏي وزير جيڪو پاڻ دورو ڪيو هو کيس چڱي ريت خبر هئي ته ڪراچي جي ڪاروباري مرڪز کان وٺي پوش علائقن واري ضلعي ڏکڻ جي ڪهڙي صورتحال آهي؟ ڪمشنر کي ڇڏي وڏي وزير ڏکڻ ضلعي جي ڊپٽي ڪمشنر کان نه رڳو معلومات ورتي پر پاڻي جي فوري نيڪالي جي هدايت پڻ ڪئي. ان موقعي تي وڏي وزير سمورن ڪمشنرن کي هدايت ڪئي ته هُو سرڪاري سطح تي پاڻي جي نيڪال توڙي امدادي سرگرمين ۾حصو وٺندڙ عملي جي لاءِ ڪنهن خاص لباس جو بندوبست ڪن جيئن ماڻهن کي اها خبر پوي ته سرڪار به ڪم ڪري رهي آهي. وڏي وزير جي انهي هدايت مان اهو ئي اندازو لڳائي سگھجي ٿو ته سنڌ سرڪار رڳو فوٽو سيشن ڪرائڻ ۾ دلچسپي رکي ٿي، ضرورت ان ڳالهه جي آهي ته ڪنهن خاص لباس بدران عملي طور اهو ثابت ڪيو وڃي ته سڀ ٺيڪ ٿي چُڪو آهي.

Bookmark the permalink.

Leave a Reply

Your email address will not be published. Required fields are marked *