تازا ترين
  • *اڳوڻو آسٽريلين بيٽسمين ڊين جونز دل جو دورو پوڻ ڪري لاڏاڻو ڪري ويو *ڊين جونز 59 ورهين جي ڄمار ۾ لاڏاڻو ڪري ويو *ڊين جونز پي ايس ايل ۾ اسلام آباد يونائٽيڊ جو ڪوچ رهيو هو*
  • *بدين ۾ پگهارون نه ملڻ خلاف ميونسپل عملي پاران ڪم ڇڏ هڙتال ڪري آفيس آڏو معصوم ٻارڙن سميت احتجاج *نااهل ۽ ڪرپٽ سي ايم او کي هٽائي فوري طور تي پگهارون جاري ڪيون وڃن: احتجاج ڪندڙ ملازم *
  • *بدين: ڪڍڻ رورل ھيلٿ سينٽر جو ايم ايس ڊاڪٽر شجاعت خواجا ڪورونا وائرس جو شڪار *ايم ايس ڊاڪٽر شجاعت خواجا جي ٽيسٽ پازيٽو اچڻ بعد رورل هيلٿ سينٽر سيل ڪيو ويو *
  • *ڀٽ شاھه: شاھ لطيف فائونڊيشن پاران عالمي مشائخ ڪانفرنس ملتوي ڪرڻ جو اعلان *درگاھ ڀٽائي جي سجاده نشين پاران ميلي جون غيرسرڪاري تقريبون ملتوي ڪرڻ جو اعلان *ڪورونا سبب سنڌ حڪومت جي فيصلي جو احترام ڪريون ٿا: سجاده نشين *رڳو عرس جون رسمون ايس او پيز تحت ادا ڪيون وينديون*
  • *ڪراچي ۾ سنڌي نوجوان جي قتل خلاف جروار ۾ احتجاجي ريلي، ڌرڻو *مختلف سياسي سماجي تنظيمن جي ڪارڪنن ۽ شهرين ريلي ڪڍي مين چوڪ تي ڌرڻو هنيو، نعريبازي *ڪراچي ۾ ڌرتي ڌڻين کي بيگناهه قتل ڪرڻ جو سلسلو جاري آهي: مظاهرين *عبدالحميد گبول جي قتل ۾ ملوث ٻين جوابدارن کي به گرفتار ڪري عبرتناڪ سزا ڏني وڃي: مظاهرين*
  • *سيوهڻ ويجهو ڪارنهن جي مبينا الزام هيٺ سهري هٿان ناري قتل، جوابدار ٿاڻي تي پيش *ڳوٺ بچل چنا ۾ جوابدار گلشير چنا پنهنجي ننهن 25 ورھين جي فائزا چنا کي گوليون هڻي قتل ڪري ڇڏيو *جوابدار قتل ڪرڻ بعد پسٽل سميت گرفتاري ڏيئي ڇڏي، غيرت ۾ اچي قتل ڪيو: گلشير چنا جو اعتراف *پوليس پاران مقتولا ناري جو لاش ضروري ڪارروائي لاءِ سيوھڻ اسپتال پھچايو ويو*
  • رائونتي جي ڪچي ۾ پوليس جي مبينا مقابلي ۾ زخمي ٿيل ڏوهاري اسپتال ۾ دم ڏئي ڇڏيو *رات دير سان بچاءَ بند وٽ مقابلي دوران ڏوهاري محمد نواز سيال کي زخمي حالت ۾ گرفتار ڪيو هو: پوليس *زخمي ڏوهاري کي سکر اسپتال منتقل ڪيو ويو جتي فوت ٿي ويو:پوليس *جوابدار محمد نواز سيال تي سنگين قسم جا ڪيس داخل آهن: پوليس*
  • *دادو ويجهو ٻن موٽرسائيڪلن ۾ آمهون سامهون ٽڪر، يعقوب پٽ ڦوٽو فوت ٿي ويو *
  • *ڪشمور: عدالت پاران3ڄڻن کي بلاجواز گرفتار ڪرڻ تي ٽن اهلڪارن تي ڪيس داخل ڪرڻ جو حڪم *ڪشمور جي عدالت ٽن ڄڻن کي بلاجواز گرفتار ڪرڻ بابت ڪيس جي ٻڌڻي ڪئي *ڪشمور: عدالت سي سيڪشن ٿاڻي جي ايس ايڇ اوسميت ٽن اهلڪارن تي ڪيس داخل ڪرڻ جو حڪم ڏنو *
  • *اسلام آباد: احتساب عدالت ۾ آصف زرداري، نواز شريف ۽ يوسف رضا گيلاني خلاف توشه خانه ريفرنس تي ٻڌڻي *اڳوڻو وزيراعظم يوسف رضا گيلاني احتساب عدالت ۾ پيش *عدالت ٻڌڻي پهرين آڪٽوبر تائين ملتوي ڪري ڇڏي *
  • *ڪنري ويجهو واپاري کان ڦر دوران هڪ ڦورو سوگهو، مارڪٽ *ڳوٺ شاھ بيگ چانڊيو وٽان ڦورو واپاري کان موٽرسائيڪل ڦر ڪري فرار ٿي رهيا هئا ته ڳوٺاڻا پهچي ويا * ڳوٺاڻن هڪ ڦورو کي پڪڙي مارڪٽ ڪرڻ بعد سندس هٿ پير ٻڌي ويهاري ڇڏيو، پوليس نه پهتي
  • *نوري آباد ويجهو مزدا ۽ ٽرالر ۾ ٽڪر، هڪ ڄڻو فوت *موٽر وي تي حادثي ۾ مزدا ڊرائيور پنجاب واسي محمد اسلم راجپوت فوت ٿي ويو *
  • *ڪنري ويجهو واپاري کان ڦر دوران هڪ ڦورو سوگهو، مارڪٽ *ڳوٺ شاھ بيگ چانڊيو وٽان ڦورو واپاري کان موٽرسائيڪل ڦر ڪري فرار ٿي رهيا هئا ته ڳوٺاڻا پهچي ويا *ڳوٺاڻن هڪ ڦورو کي پڪڙي مارڪٽ ڪرڻ بعد سندس هٿ پير ٻڌي ويهاري ڇڏيو، پوليس نه پهتي*
  • *نواب ولي محمد ڀرسان ملواهه شاخ وٽ نوجوان جو لاش هٿ، سڃاڻپ نه ٿي*لاش جي نِڪ ۽ وات مان رت وهي رهيو هو، لڳي ٿو هڪ ڏينهن پُراڻو آهي: پوليس *
  • *مورو: داد بئراج ۾ ٻڏي ويل ملير واسي محمد فاروق جٽ جو لاش هٿ *ٻڏي ويل ڊرائيور مزدا کي ڌوئي رهيو هو ته پير ترڪڻ سبب داد بئراج ۾ ڪري پيو*

بجلي ڪمپنيون حڪومتن کان به زور آهن ڇا؟

سنڌ ٻري رهي آهي، سنڌ تپيل آهي،گرمي سنڌ ۾ ماڻهن جو ساهه ڪڍي رهي آهي ۽ انهي حالت ۾ سنڌ جي ٻهراڙين ۽ شهرن ۾ 12 کان 18 ڪلاڪن تائين بجلي جي لوڊشيڊنگ ٿي رهي آهي عوام بجلي لاءِ دانهون ڪري رهيو آهي پر انهن جي ڪير دانهن ورنائڻ وارو نه آهي، نه وفاقي حڪومت ۽ نه ئي صوبائي حڪومت کي عوام جو بجلي سان لاڳاپيل مسئلو حل ڪرڻ ۾ دلچسپي آهي ۽ نه ئي انهن عوام جي لڳاتار بجلي جي لوڊشيڊنگ خلاف ٿيندڙ دانهن تي ڌيان ڏنو آهي. سنڌ ۾ مارچ جي پڇاڙي کان گرميون شروع ٿي وينديون آهن،۽ انهن ئي ڏينهن کان بجلي جي لوڊشيڊنگ شروع ٿي وئي هئي ۽ عوام جو احتجاج به انهن ئي ڏينهن کان شروع هيو وفاقي سرڪار کي ته خير سنڌ ۾ ٿيندڙ دانهن جي پرواهه نه هئي پر سنڌ حڪومت جيڪا انهن ئي ماڻهن جي ووٽن سان اقتدار ۾ ويٺل آهي انهي به انهي معاملي تي ڪو ڌيان نه ڏنو،پر مس مس وڃي سنڌ حڪومت سجاڳ ٿي آهي ۽ توانائي واري وزير جي صدارت ۾ اجلاس ٿيو جنهن ۾ ڪي اليڪٽرڪ، حيسڪو ۽ سيپڪو وارن کان لوڊشيڊنگ جو پڇاڻو ڪيو ويو آهي.
ڪراچي جي بجلي جو معاملو ته اڪثر ڪري قومي اسيمبلي کان وٺي اقتدار جي ايوانن ۾ بحث هيٺ رهندو آهي ۽ وفاقي سرڪار کي به انهي جو وڌيڪ لاچار هوندو آهي پر ٻين شهرن ۾ بجلي جي لوڊشيڊنگ ته ڄڻ ڪنهن جي ايجنڊا تي ئي نه هئي پر صوبائي سرڪار حيسڪو ۽ سيپڪو وارن کان به پڇاڻو ڪري ٻين شهرن جي به ڄڻ سار لڌي آهي باقي مسئلو ڪڏهن ۽ ڪيترو ٿو حل ٿئي اهو ته ايندڙ ڏينهن ۾ ئي خبر پئجي سگهندي. توڙي جو بجلي ورهاست جون ذميوار اهي ڪمپنيون سڌو سنئون وفاقي سرڪار جي نگراني ۾ آهن پر لڳي ايئن ٿو ته اهي ڪمپنيون ڪنهن به حڪومت آڏو پاڻ کي پابند نه ٿيون سمجهن جو وفاق ۾ حڪومت ڪندڙ پارٽي جا ايم اين ايز ۽ ايم پي ايز ڪي اليڪٽرڪ خلاف احتجاجي ڪئمپ قائم ڪري ويٺا ۽ توانائي واري صوبائي وزير اجلاس دوران چتاءُ ٿو ڏئي ته مسئلو حل نه ٿيو ته احتجاج ڪيو ويندو . حڪومتن جو ڪم احتجاج ڪرڻ نه هوندو آهي اهو به انهي معاملي تي جيڪي اهي پنهنجي انتظامي آرڊر سان حل ڪري سگهن ٿيون. ها وفاقي حڪومت جيڪڏهن صوبائي حڪومت جو ڪو مسئلو حل نه ڪري ته صوبائي حڪومت جو احتجاج ڪرڻ ٺهي ٿو پر وفاقي سرڪار جا نمائندا پنهنجي حڪومت جي ماتحت ادارن خلاف ڇو احتجاج ڪري رهيا هيا؟ ڇا انهن ئي چونڊيل نمائندن جي ڳالهه ڪمپني ته ڇڏيو پنهنجي پارٽي جي ئي حڪومت نه ٻڌي رهي هئي.
اها حقيقت آهي ته سنڌ سان وفاقي سرڪار جو سلوڪ سدائين ماٽيجي ماءُ وارو رهيو آهي ،اها پ پ حڪومت هجي ،نواز ليگ جي يا وري ٻين پارٽين جي،پر ڪڏهن به سنڌ کي پنهنجي حصي موجب ترقياتي رٿائن،نوڪرين ۽ ٻين ڪمن ۾ پورو حصو نه مليو آهي.پر هاڻوڪي حڪومت ۾ ته سنڌ کي ايئن وساريو ويو آهي ڄڻ وفاقي سرڪار کي سنڌ ۾ ڪجهه ڪرڻو ئي ناهي جنهن ڪري وفاقي ادارا به سنڌ سان اهڙو ئي سلوڪ ڪري رهيا آهن.جنهن جو ثبوت اهو آهي جو بجلي جي لوڊشيڊنگ جي خاتمي لاءِ به وفاقي توڙي صوبائي حڪومتن جي چونڊيل نمائندن کي احتجاج ڪرڻو ٿو پوي يا احتجاج جو چتاءُ ڏيڻو ٿو پوي. حيسڪو ،سيپڪو ۽ ڪي اليڪٽرڪ وارن جو صارفين سان رويو ۽ سلوڪ انتهائي نامناسب آهي جڏهن ملڪ ۾ بجلي جي پيداوار جي کوٽ ايتري ناهي ته پوءِ ڇو 18 ،18 ڪلاڪ تائين لوڊشيڊنگ ڪري عوام کي عذاب ۾ مبتلا ڪيو ٿو وڃي ،بجلي جي اضافي بلن، مهينن جا مهينا سڙيل ٽرانسفارمر تبديل نه ڪرڻ ،ڏنڊ لڳائڻ ۽ ٻيون شڪايتون ته اڃان الڳ آهن.
اسان سمجهون ٿا ته سنڌ حڪومت جي اها ذميواري آهي ته اها انهن ڪمپنين سان لڳاتار رابطي ۾ رهي بجلي جي لوڊشيڊنگ ختم ڪرڻ لاءِ انهن ڪمپنين کي پابند بڻائي جيڪڏهن لوڊشيڊنگ جو مسئلو حل نه ٿئي ته وفاق آڏو لکت ۾ انهن ڪمپنين خلاف احتجاج ڪرڻ گهرجي جيڪڏهن پوءِ به مسئلو حل نه ٿئي توانائي واري صوبائي وزير جي ڏنل چتاءُ تحت صوبائي حڪومت به احتجاج شروع ڪري عوام ته اڳ ئي احتجاج ۾ آهي اهو به انهي احتجاج ۾ شامل ٿي ويندو .

Bookmark the permalink.

Leave a Reply

Your email address will not be published. Required fields are marked *