تازا ترين
  • *ڪراچي: سنڌ ۾ سي اين جي اسٽيشنز اڄ به بند، سڀاڻي 8 وڳي کوليون وينديون *هفتي ۾ 4 ڏينهن گيس پريشر گهٽ ڄاڻائي سي اين جي اسٽيشنز بند ڪيون پيون وڃن *صرف سنڌ ۾ سي اين جي اسٽيشنز مالڪن کي پريشان ڪيو پيو وڃي: پرشوتم لال *
  • *خيرپور: عورت سان مبينا طور اجتماعي زيادتي ۽ تشدد، اين سي داخل، وارثن جو احتجاج *شادي شده عورت مومل شيخ کي ٽن ٻارڙن سميت اغوا ڪري ڏاڍائي جو نشانو بڻايو ويو: وارث *5جوابدارن اغوا ڪري زيادتي ڪرڻ سان گڏ تشدد ڪيو: متاثر ناري *جوابدارن خلاف سوڀو ديرو ٿاڻي تي اين سي داخل، وارثن جو جوابدارن جي گرفتاري لاءِ احتجاجي مظاهرو*
  • *آواران ۾ سڪيورٽي فورسز جي ڪارروائي، 4 دهشتگرد مارجي ويا: آءِ ايس پي آر *آپريشن دوران دهشتگردن جا ٺڪاڻا تباهه، وڏي انگ ۾ هٿيار هٿ ڪيا ويا: آءِ ايس پي آر*
  • *گهوٽڪي: عدالت پاران سبزي منڊي ۾ قائم وڪلين جون آفيسون خالي ڪرائڻ واري فيصلي خلاف اسٽي آرڊر جاري *عدالت پاران اسٽي آرڊر جاري ڪرڻ بعد وڪيلن پاران ڊسٽرڪٽ بار ۾ مٺائي ورهائي *عدالت وڪيلن جي حق ۾ اسٽي جاري ڪري وڪيلن سان انصاف ڪيو آهي: وڪيل اڳواڻ *
  • *گمبٽ:16 ڏينهن اڳ مبينا طور اغوا ٿي ويل ٻن عورتن ۽ 2 ٻارڙن کي پوليس بازياب ڪرائي ورتو *حنا ۽ نگينا خاتون سميت ٻن ٻارڙن کي باءِ پاس تان بازياب ڪرايو: پوليس *16 ڏينهن اڳ ٽن جوابدارن هٿيارن جي زور تي ٻن عورتن ۽ ٻن ٻارڙن کي اغوا ڪيو هو: پوليس *بازياب ڪرايل عورتون ۽ ٻار عدالت ۾ پيش، بيان بعد وارثن حوالي *
  • *ڏڪاريل ڏيهه ٿرپارڪر ۾ برساتن بعد هرطرف ساوڪ، ميوا توڙي ڀاڄيون ٿيڻ بعد مارڪيٽ پهچي ويون *گدرا، ڇانهيا، مهيا، چڀڙ ۽ ٻيون ڀاڄيون توڙي ميوا مختلف شهرن جي مارڪيٽن ۾ وڪرو *روڊن تي اسٽال لڳائي ڀاڄيون ۽ ميوا وڪرو، ماروئڙن ۾ خوشي واري لهر *
  • *پيرجوڳوٺ: ٻه ڏينهن اڳ مڙس ۽ ڏيرن هٿان تشدد ۽ تذليل جو نشانو بڻايل عورت سيشن ڪورٽ خيرپور ۾ پيش *تشدد جي مبينا الزام ۾ گرفتار مڙس زال کان معافي وٺڻ بعد عورت جو عدالت ۾ مڙس سان رهڻ جو بيان *عدالت پاران ناري منيران راهوجو کي مڙس عبدالحليم راهوجو جي حوالي ڪري ڇڏيو *
  • *ڏهرڪي:قتل ٿي ويل عنايت شاهه جو لاش قومي شاهراهه تي رکي ڌرڻو، ٽريفڪ معطل *نئون ڪوٽ بس اسٽاپ وٽ ڌرڻي سبب ٻنهي طرفن کان ايندڙ ويندڙ ٽريفڪ معطل *جوابدارن جو پتو لڳائي ورتو آھي، گرفتاي لاءِ پوليس رواني ٿي ويئي آھي: پوليس جي خاطري*
  • *ڀان سيدآباد ۾ بدامني خلاف شهرين پاران جي احتجاجي ريلي ڪڍي وئي *شهر ۾ ڦورن ۽ چورن جو راڄ قائم آهي، پوليس ڏوهارين خلاف ڪارروائي نه پئي ڪري: احتجاج ڪندڙ *
  • *ڪڙيو گهنور ۾ ٻوڏ متاثرن جي واهر نه ٿي، سنڌياڻي تحريڪ طرفان حيدرآباد روڊ تي ڌرڻو *کليل آسمان هيٺ ويٺل آهيون، ٽينٽ ۽ کاڌي پيتي سميت صحت جي سهولت فراهم ڪئي وڃي: ٻوڏ متاثرن جو مطالبو *
  • *گهوٽڪي: عدالت پاران سبزي منڊي ۾ قائم وڪلين جون آفيسون خالي ڪرائڻ واري فيصلي خلاف اسٽي آرڊر جاري *عدالت پاران اسٽي آرڊر جاري ڪرڻ بعد وڪيلن پاران ڊسٽرڪٽ بار ۾ مٺائي ورهائي *عدالت وڪيلن جي حق ۾ اسٽي جاري ڪري وڪيلن سان انصاف ڪيو آهي: وڪيل اڳواڻ *
  • *ڏهرڪي ڀرسان ننڊ پيل ڳوٺاڻو قتل، پوليس واقعي جي جاچ شروع ڪري ڇڏي *ڳوٺ نئون ڪوٽ ۾ اڻڄاتل جوابدار 45سالن جي عنايت علي شاهه جو ڳلو ڪپي فرار ٿي ويا *زخمي حالت ۾ عنايت علي شاهه کي وارث رحيم يار خان اسپتال کڻي ويا جتي هن دم ڏنو *
  • *پي ٽي آءِ سينيٽر اورنگزيب اورڪزئي پاران بني گالا ۾ سرڪاري زمين تي قبضي جو انڪشاف *سي ڊي اي ۽ ايم سي آءِ قبضي واري رپورٽ اسلام آباد هاءِ ڪورٽ ۾ جمع ڪرائي ڇڏي *عدالت پاران سرڪاري ايراضي تي قبضو ڪندڙ سينيٽر ۽ سي ڊي اي آفيسرن خلاف ڪارروائي جو حڪم*
  • *ڪنري ڀرسان گھر جي ڀت ڪرڻ سبب معصوم نينگر دٻجي فوت ٿي ويو *ڳوٺ رامچند ڪولھي ۾ ڀت ڪرڻ سبب11 ورھين جو نينگر لڇمڻ پٽ گلاب ڪولھي دٻجي ويو *نينگر کي ڳڻتي جوڳي حالت ۾ حيدرآباد نيو پئي ويو ته هن رستي ۾ ئي دم ڏئي ڇڏيو*
  • *لاڙڪاڻو: 10 کان مٿي مختلف ڳوٺن جي بجلي گذريل ڪيترن مھينن کان بند، ڳوٺاڻن جو ٽائر ساڙي احتجاج *ٻلھڙجي، بگي ٻنڊي، گاجي ديرو ۽ وڏي وھڻي سميت مختلف ڳوٺن جي رهواسين جو ايئرپورٽ روڊ بند ڪري احتجاج *بلن جي ادائگي باوجود رشوت طلب ڪئي وڃي ٿي، نه ڏيڻ جي صورت ۾ بجلي بند ڪئي وئي آهي : ڳوٺاڻا *

اچـو ته پنھـنجن جي مالڪي ڪريون

سنڌ صوبو جيڪو قدرتي وسيلن سان مالا مال آهي، سمنڊ، درياءَ، واري، جبل ۽ رڻ سميت قدرت جون اهي سموريون نعمتون هن ڌرتي تي موجود آهن، جيڪي انساني جياپي لاءِ انتهائي اهم هجن ٿيون، پر انهن نعمتن کي استعمال ڪرڻ لاءِ اسان وٽ ڪٿي وسيلن جي اڻهوند آهي ته ڪٿي سماجي خدمت جي جذبي جي کوٽ آهي، جنهن سبب اسين پنهنجي ڌرتي جي ماڻهن جي اها مدد ڪرڻ کان قاصر آهيون، جيڪا ڪرڻ چاهيون ته ممڪن ٿي سگهي ٿي.
جيتوڻيڪ اها حڪومت وقت ذميوار آهي ته اها پنهنجي سمورن شهرين کي بنيادي سهولتون فراهم ڪري پر اسين اڃان تائين انهن فلاحي رياستن ۾ ان حد تائين شامل نه ٿي سگهيا آهيون جنهن حد تائين اسانکي شامل هجڻ گهرجي، پر ھر ڪم حڪومت تي ڇڏڻ به بيواجبي آھي. سنڌ حڪومت ھن وقت پنھنجي محدود وسيلن ۽ مختصر معاشي بجيٽ رکڻ باوجود سنڌ جي سڀني ننڍن، وڏن شھرن ڳوٺن جي واھر ۽ سھائتا ۾ رڌل نظر اچي ٿي. اسان وٽ اھو رواج آھي ته سڀ ڪم حڪومت ڪندي پر ڪجھه ڪم اھڙا ھوندا آھن جيڪي ھر انسان پنھنجي ذاتي حيثيت ۾ به ڪري سگھي ٿو، پر ان لاءِ اسان سڀني کي پنھنجي ذميواري ۽ معاشرتي ڪردار ۽ ڪارج کي سمجھڻو پوندو.
اهڙي صورتحال ۾ اسان سڀني جي اها ذميواري آهي ته اسين سماجي شعور اجاگر ڪرڻ لاءِ ڪردار ادا ڪريون، تعليم، روزگار ۽ ٻيون به ڪيتريون ئي بنيادي ضرورتون انساني زندگي لاءِ انتهائي اهم آهن، پر جياپي جي بنيادي ضرورت پاڻي آهي، انساني جسم ۾ 70 سيڪڙو پاڻي آهي، ايئن ئي روز جي ڪاروهنوار ۾ به 70 سيڪڙو پاڻي جي گهرج رهي ٿي، پاڻي جيڪو زمين ۾ وافر مقدار ۾ موجود آهي پر انهي کي آساني سان انساني آبادي تائين پهچائڻ لاءِ وسيلن جي اڻهوند جو مسئلو آهي. ٿر جيڪو وارياسي ڀٽن تي مشتمل علائقو آهي اتي آبادي جي گهرج مطابق پاڻي ميسر ناهي، ڪيترن ئي هنڌن تي جر جو پاڻي کارو آهي ۽ ھن وقت ٿر جي حالت جيڪڏھن اسان Samuel taylor Coleridge جي نظم “The Rime of Ancient Mariner” جي ھيءَ سٽ پڙھون “Water Water Every Where, Not a Single Drop to Drink” ته بخوبي محسوس ڪري سگھون ٿا ته ان ملاح ٻيڙي تي بيھي جڏھن پنهنجي چئو طرف پاڻي ڏٺو پر پيئڻ جي لاءِ ھڪ ڍڪ به مٺو پاڻي نه مليس ته ان جي پيڙا ان سٽ مان سمجھي سگھجي ٿي ته مٺي پاڻيءَ جي پيئڻ جي ڪيڏي اھميت آھي.
ٻئي طرف ھيءَ کڻي چئجي ته پاڻي مٿي جھوپڙا مورک اڃ مرن. اڄ به ڪيترائي ٿر جا اهڙا ڳوٺ آهن جتي جا رهواسي پيئڻ جي پاڻي لاءِ ڪيترائي ڪلو ميٽر پنڌ ڪرڻ تي مجبور آهن، پنڌ ڪري پاڻي ڀري ايندڙ ماڻهو ان جو استعمال به احتياط سان ڪن ٿا، يعني ضرورت کان به گهٽ استعمال ڪن ٿا، نتيجي ۾ کين بيماريون به وڪوڙي وڃن ٿيون، اهو پاڻي جيڪو جر ۾ موجود آهي پر مقامي انتظامي سطح تي انهي کي عوام جي استعمال لاءِ جر کان مٿي ڌرتيءَ تائين پهچائڻ لاءِ ڪي جوڳا انتظام نه ڪرڻ تي سڄو ڏينهن تنقيد ڪرڻ سان مسئلي جو حل ممڪن ناهي. اهڙي صورتحال ۾ اسانکي سماجي شعور جي اهم ضرورت آهي، سماجي شعور اهو جيڪو پاڪستان ۾ عبدالستار ايڌي ( جيڪو دنيا جو امير ترين غريب شخص ھو) متعارف ڪرايو، بنا مذهبي تفريق جي رڳو انساني بنيادن تي ماڻهن جي مدد جو جذبو ڌارڻ لاءِ سماجي شعور عام ڪرڻ جي سرڪاري سطح تي رٿا بندي ٿيڻ گهرجي، جيئن شروعاتي طور رڳو ٿر کي ئي فوڪس ڪجي ۽ ٿر ۾ جيڪو جر جو پاڻي موجود آهي اهو انهن ماڻهن جي ڪم آڻي سگهجي جيڪي اتي جا رهواسي آهن، انهن ۾ خوشحال ماڻهن جي هڪڙي لسٽ ٺاهي، انهن کان چندو ڪري، جن ڳوٺن ۾ پاڻي ناهي اتي کوهه کوٽائڻ، هٿ وارا نلڪا يا سولر تي هلندڙ ٽيوب ويل يا بورنگ لڳائي ڏيڻ ۾ ڪا اربين روپين جي سيڙپ ناهي، رڳو ماڻهن ۾ شعور جي کوٽ آهي.
مون ڪجهه عرصو اڳ رضاڪاراڻا طور اهو طئه ڪيو ته ڪجهه ڪجي ۽ پوءِ پنهنجي مٽن مائٽن، واسطيدارن ۽ ڄاڻ سڃاڻ وارن کان چندو گڏ ڪري پنھنجي ٽيم سان گڏ جنھن ۾ مک ڪردار اخلاق احمد ۽ محمد احمد سان ٿر جي ڪجهه ڳوٺن ۾ ضرورت جي بنيادن تي کين کوھه کوٽائي ڏنم، ڪٿي هٿ وارو نلڪو ۽ جتي ٿر ۾ ڪجھه جڳھن تي بجلي موجود نه آھي اتي سولر تي هلندڙ ٽيوب ويل لڳرائي ڏنا، هاڻي ڪنهن حد تائين اتي ماڻهن کي پيئڻ جو پاڻي ملي ويو آهي.
اهڙي ريت ڪاڇي جا رهواسي به پيئڻ جي پاڻي لاءِ پريشان آهن، ڪاڇي ۾ به ان قسم جو ڪو به انتظام ڪونھي جو غريب صاف پاڻي، جيڪا بنيادي صحت جي ضرورت آھي استعمال ڪري سگھن. اسان اتي به هڪ ٻن ڳوٺن ۾ ان قسم جو ڪم ڪيو آهي ۽ اڃان به اسانجو اھو منصوبو آھي ته سنڌ بواءِ اسڪائوٽس جي پليٽ فارم تان جنھن جي مان ڪمشنر به آھيان پنھنجي ٽيم سان گڏجي ٿر ۽ ڪاڇي ۾ گھٽ ۾ گھٽ ٻه سئو سولر ٽيوب ويلز لڳرايون، ته جيئن گھڻي کان گھڻن ڳوٺن جي ماڻھن جا سھولتڪار ٿي سگھون. منهنجي هن ڪالم جو مقصد اهو ناهي ته اوهان کي پنهنجي ڪيل ڪم بابت آگاهي ڏيان پر اهو مطلب آهي ته اسان وٽ سماجي شعور بيدار ڪرڻ جي ضرورت آهي، هر هڪ ڳوٺ ۾ ضرور هڪ يا ٻه اهڙا ماڻهو هوندا جيڪي سرندي وارا هوندا. اهي جيڪڏهن پنهنجي ڪمائي مان پنهنجي ئي ماڻهن جي مدد لاءِ رڳو هڪ پاڻي جو وسيلو پيدا ڪري ڏين ته يقين ڄاڻو ماڻهن کي ڪنھن جي اڳيان گهٽ ۾ گهٽ پاڻي جي لاءِ هٿ ٽنگڻ جي ضرورت پيش نه ايندي، ان سان هڪ پاسي پنهنجي ماڻهن ۾ پنهنجن ئي ماڻهن جي مدد جو جذبو پيدا ٿيندو، سماجي سطح تي پيدا ٿيندڙ ننڍا ننڍا اختلاف ختم ٿي ويندا، ساڳي وقت تي شهرن ۾ جيڪي سرندي وارا رهن ٿا اهي پنهنجي علائقي جي ماڻهن جي مالڪي ڪن ۽ بنيادي ضرورت جي فراهمي لاءِ سماجي خدمت جي جذبي سان اڳتي اچن ته اسان وٽ اڌ کان وڌيڪ مسئلا حل ٿي ويندا.
انهي ڪري ضرورت ان ڳالهه جي آهي ته ماڻهن ۾ سماجي شعور اجاڳر ڪجي ته جيئن پيئڻ جي پاڻي جهڙي بنيادي سهولت کان محروم ماڻهن جي مدد ٿي سگهي.ان قسم جي شعور ذريعي روزگا جا موقعا پيدا ڪري سگهجن ٿا، ننڍي سطح تي عورتن جي تنظيمن جي جوڙجڪ ڪري ڳوٺاڻين عورتن کي جيڪڏهن پنهنجي پيرن تي بيهارڻ لاءِ حڪمت عملي جوڙي وڃي، انهن کي ماهوار ڪنهن هڪ وٽ ڪجهه پئسا گڏ ڪرڻ جي صلاح ڏجي ۽ پوءِ انهن کان ڪجهه سو ئي صحيح پر کين رڳو اهو احساس ڏيارجي ته انهي پاڻي جي نلڪي ۾ انهن جو به حصو شامل آهي، اهي وٺي علائقي جا مخير ماڻهو سندن سهولتن لاءِ ڪوشش ڪن ته سنڌ جون اهي عورتون جيڪي پيئڻ جي پاڻي لاءِ ڪوهين ڏور پنڌ ڪري جواني کان اڳ پيري تائين پهچي وڃن ٿيون تن جي حياتي جي هڪ مشڪل گهٽ ٿي سگهي. ۽ اھڙيون عورتون جيڪي ننڍ پڻ کان ڪم ڪري ڪري پيريءَ ۾ پھچي وڃن ٿيون تن کي به ڪجهه آرام ميسر ٿي سگھي. دنيا جي سڀني ملڪن ۾ مقامي ماڻھن (Community Involvement) جي ڪري گھڻي ڀاڱي منصوبا ڪامياب وڃن ٿا. ٿر ۾ به سنڌ حڪومت ٿرين جي اڃ اجھائڻ لاءِ قيمتي R.O Plants لڳايا آھن پر آخرڪار حڪومت اڪيلي سر ھر شيءِ کي ته نه ڏسندي، اسان سڀني کي اڳتي اچي پنھنجي حڪومت جو ھٿ ونڊائڻو پوندو ۽ ڀرپور ساٿ ڏئي پنھنجي ماڻھن جي زندگي ۾ اجالو ڪرڻو پوندو ته جيئن اسان به جلد دنيا جي سڌريل ملڪن واري ڳڻپ ۾ اچي سگھون.

Bookmark the permalink.

Leave a Reply

Your email address will not be published. Required fields are marked *