تازا ترين
  • *وزير اعظم جي درخواست تي وفاق جي نمائندگي جو فيصلو ڪيو: فروغ نسيم *جسٽس فائز عيسيٰ ريفرنس ڪيس ۾ وفاق جي نمائندگي ڪندس: فروغ نسيم *بطور وزير قانون مون عهدي تان استعيفيٰ ڏني آهي: فروغ نسيم *منهنجي دل ۾ عدليا جي لاءِ عزت ۽ قانون جي پاسداري آهي: فروغ نسيم*
  • *ڀرياسٽي ۽ ڀرپاسي ۾ رولو ڪتن 8 ڄڻن کي ڏاڙهي وڌو *ٽن عورتن سميت 8 زخمين کي اسپتال منتقل ڪيو ويو*
  • *دادو ۾ نوجوان ناري جي ڪورونا ٽيسٽ رپورٽ پازيٽو اچي وئي *ڊاڪٽر رشيد قريشي جي پنجن گهرڀاتين سميت 16 ڄڻن جي رپورٽ نيگيٽو اچي وئي *
  • * وڏي وزير سيد مراد علي شاهه سان ورلڊ هيلٿ آرگنائيزيشن جي ڪنٽري ڊائريڪٽر جي ملاقات *ملاقات دوران صحت واري وزير عذرا پيچوهو، پرنسپال سيڪريٽري ۽ ٻيا به شريڪ *اسان وٽ ڪورونا جي حوالي سان روزانو 6600 ٽيسٽ ڪرڻ جي گنجائش آهي: وڏو وزير *شهري ٽيسٽ ڪرائڻ ۾ ايترو سهڪار نه ڪري رهيا آهن، جيترو ڪرڻ گهرجي: مراد علي شاهه *
  • ڪوٽڙي ۾ وڌيڪ هڪ ڄڻي کي ڪورونا جي تصديق، متاثرن جو انگ 24 ٿي ويو *22مان هڪ ڄڻي جي ڪورونا ٽيسٽ رپورٽ پازيٽو اچي وئي * ڪورونا متاثر کي گهر ۾ ئي آئيسولٽ ڪيو ويندو: ڊي ايڇ او *
  • *قاضي احمد ۾ ڌارين کي جعلي ڊوميسائيل جاري ڪرڻ خلاف احتجاجي ريلي ڪڍي وئي *مختلف سياسي سماجي قومپرست تنظيمن جي اڳواڻن ۽ شهرين پاران ريلي ڪڍي وئي *
  • *سنجهورو: ڪشمير بارڊر تي دل جي دوري سبب فوت ٿيل فوجي جوان جو مڙهه ڳوٺ پهچايو ويو *فوجي جوان ڪاشف جٽ جو مڙھ مظفر آباد کان سندس اباڻي ڳوٺ 23 چڪ پهچايو ويو *
  • *سانگهڙ ۾ ڪورونا متاثر فوڪل پرسن جي ٻيهر ٽيسٽ رپورٽ پازيٽو اچي وئي *ڪورونا متاثر ڊاڪٽر شبير چنا جي ٻيهر ٽيسٽ رپورٽ پازيٽو اچي وئي *
  • *ڪنڊيارو شهر جي محبت ديرو ناڪي وٽ پئٽرول ڀرائڻ دوران چنگچي کي باهه لڳي وئي *مالڪ ٽپو ڏئي پاڻ کي بچايو، شهرين پهچي باهه وسائي ورتي، چنگچي سڙي وئي*
  • *ڊکڻ ويجهو پوليس جي ٽن مقتولن جا جوابدار گرفتار ڪرڻ لاءِ ڳوٺن تي چڙهائي، 2 گهر ۽ اوطاق ڊاهي پٽ*
  • *عمرڪوٽ: مسمات بشرا خاصخيلي کي تذليل ۽ تشدد جو نشانو بڻائڻ وارو معاملو *عمرڪوٽ: پوليس گذريل ڏينهن 3 جوابدارن کي گرفتار ڪرڻ کانپوءِ اڄ ميڊيڪل لاءِ اسپتال آندو *جوابدارن عرس کاڙت، قيوم کاڙت ۽ ربنواز کوسي جو ڊي اين اي ڪرايو ويو: پوليس *عورت ٿاڻي تي پهچي جوابدارن تي تشدد ۽ زيادتي ڪرڻ جو الزام هنيو هو: پوليس *
  • * اسلام آباد: احتساب عدالت ۾ راجا پرويز اشرف جي نيب ريفرنس ۾ بريت واري درخواست *رينٽل پاور ڪرپشن ڪيس جي فيصلي جي لاءِ 25 جون جي تاريخ مقرر *
  • *لاڙڪاڻي جي چانڊڪا اسپتال جي آءِ سي يو وارڊ ۾ داخل 70 ورهين جو مريض فوت *لاڙڪاڻو : گذريل ٽن ڏينهن کان سيد گلزار شاھ آءِ سي يو وارڊ ۾ وينٽيليٽر تي هو*
  • *سکر: سنڌ بار ڪائونسل جي سڏ تي هاءِ ڪورٽ، سيشن ڪورٽ ۽ ماتحت عدالتن ۾ عدالتي ڪارروائين جو بائيڪاٽ *ميرپور ماٿيلو ۾ وڪيل گل فيروز ڪلوڙ کي گرفتار ڪرڻ خلاف وڪيل برادري طرفان مظاهرا *
  • *ڪراچي جهاز سانحو: سڙي زخمي ٿيل نينگري سول اسپتال ۾ زخمن جا تاب نه سهندي فوت، 84 لاش سڃاڻپ بعد وارثن حوالي*

اسپتالن جو عملو ۽ غير انساني رويا!

گذريل ڏينهن ميرپورخاص ۾ جيڪو هنيانءُ ڏاريندڙ واقعو پيش آيو تنهن نه رُڳو بي حسي ۽ سنگ دليءَ جي هڪ نئين تاريخ لکي آهي پر سرڪاري اسپتالن جي رويي جي حقيقي چهري کي پڻ سامهون آندو آهي. اهو واقعو ميرپورخاص جي سول اسپتال ۾ ان وقت پيش آيو جڏهن اسپتال ۾ داخل هڪ ٻارڙو فوت ٿي ويو. ٻارڙي جو لاش کڻائڻ لاءِ وارثن اسپتال انتظاميه کان ايمبولينس گهري ته کانئن پيٽرول جا پيسا گهريا ويا، نه هئڻ تي کين ايمبولينس ڏيڻ کان انڪار ڪيو ويو. هو ٻارڙي جو لاش موٽر سائيڪل تي کڻائي واپس موٽي رهيا هئا ته دڳ ۾ حادثي دوران پاڻ به لاشن ۾ تبديل ٿي ويا.
اسپتالون ۽ صحت مرڪز شفا گهر سمجهيا ويندا آهن، جتي بيمار مريضن جو علاج ڪري کين شفاياب ۽ اڪثر ڪري موت جي منهن مان ڪڍي زندگيءَ ڏانهن موٽايو ويندو آهي پر سنڌ جي اسپتالن جو حال اهو آهي جو اهي زنده ماڻهن کان حياتيون کسجڻ جو سبب بڻجي رهيون آهن. ان کان وڌيڪ الميو ٻيو ڪهڙو ٿي سگهي ٿو ته ٽيڪس جي نالي ۾ انهن ئي غريبن جو خون چوسيندڙ حڪومت وٽ موٽ ۾ عوام کي سهولتون فراهم ڪري پنهنجي بنيادي ذميواري ادا ڪرڻ ته پري رهيو، ماڳهين انسانيت ۽ اخلاقيات جا ليڪا به لتاڙيا وڃن. يعني ايمبولينس جي پئٽرول جا پئسا گهرڻ وقت اهو به نه ڏٺو وڃي ته اهي مسڪين ماڻهو ڪهڙي سوڳ واري ڪيفيت ۾ آهن، تن کي دلداري ڏيڻ ۽ سندن مدد ڪرڻ جي ضرورت هوندي آهي، نه ڪي هنن جي مجبوريءَ جو فائدو وٺندي کين ڦرڻ. ڇا سنڌ حڪومت اهو قانون ٻڌائي سگهي ٿي، جنهن تحت غريب، مسڪين ماڻهن کي بنا ايمبولينس جي پئٽرول جا پئسا ادا ڪرڻ جي لاش کڻائي وڃڻ تي پابندي آهي؟ جي اهڙو ڪو قانون ناهي ته پوءِ هي غير قانوني ڌنڌو ڪنهن جو شروع ڪيل آهي؟ هي ڪير آهن جيڪي پنهنجي پيشي ۽ انساني قدرن کي لڄائي رهيا آهن؟ سنڌ جي اسپتالن ۾ مريضن توڙي سندن تيماردار وارثن سان بدتميزي ۽ سندن تذليل ڪرڻ ته معمول آهي، کين علاج لاءِ ڌڪا کائڻ، دربدر ڪرڻ، دوائن جي کوٽ ڄاڻائي کين ٻاهرين اسٽورن تان مهانگيون دوائون خريد ڪرڻ تي مجبور ڪرڻ، سندن عزت نفس کي مجروح ڪرڻ انهن اسپتالن جي انتظاميه توڙي عملي لاءِ نئين ڳالهه ڪانهي، پر چند پئسن خاطر ايتري نيچ پڻي جو مظاهرو به ڪا انوکي ڳالهه ڪانهي. اهڙا ڪيترائي لاش ۽ زخمي ڪڏهن رڪشائن ۾، ڪڏهن گڏهه گاڏن تي آندا ۽ نيا ويندا آهن پر ايمبولينسون پنهنجي جاءِ تان ناهن چُرنديون. بدانتظامي ۽ ڪرپشن جو ان کان وڌيڪ ٻيو ڪهڙو حوالو ڏئي سگهجي ٿو جو عالمي برادري پاران جڏهن مها ٻوڏ واري وقت ۾ عطئي طور ايمبولينسون ڏنيون ويون هيون ته انهن کي مريض کڻڻ بدران مسافر ڍوئڻ لاءِ ٽرانسپورٽ ڪري هلايو ويو هو. جيتوڻيڪ ميڊيا تي خبرون اچڻ کانپوءِ سنڌ جي وڏي وزير پاران انهيءَ واقعي جو نوٽيس وٺندي ڪميٽي ٺاهي وئي آهي، جيڪا روايتي طور معاملي جي جاچ ڪندي وڏي وزير کي رپورٽ پيش ڪندي پر ڇا ان سان انهيءَ دردناڪ واقعي کي رورس ڪري سگهبو، ڇا ان سان اهي ٻه بي گناهه حياتيون واپس اچي سگهنديون جيڪي سول اسپتال جي بي رحماڻي رويي جي ور چڙهي ويون؟ هن واقعي جو نوٽيس ڀل وٺجي پر اصل نوٽيس اسپتالن جي حالت سڌارڻ، مريضن کي علاج معالجي جون بهتر سهولتون فراهم ڪرڻ ۽ عملي جي رويي کي انسان دوست بڻائڻ لاءِ وٺڻ گهرجي، اهو الائي ڪڏهن ورتو ويندو!

Bookmark the permalink.

Leave a Reply

Your email address will not be published. Required fields are marked *