تازا ترين
  • *گمبٽ ۽ ڀرپاسي ۾ گيسٽرو تي ضابطو نه آيو، وڌيڪ20 مريض اسپتال ڀيڙا *ٻارڙن ۽ عورتن سميت 20 ڄڻن کي گمس اسپتال جي ٽراما سينٽر ۾ داخل ڪيو ويو*
  • *پنوعاقل ويجهو چوپائي مال جي چوري دوران 2 چور سوگھا، مارڪٽ بعد پوليس حوالي *ڳوٺ عبدالرحمان جتوئي ۾ ڳوٺاڻن چوري دوران ٻن چورن کي ڊوڙائي ڊوڙائي پڪڙي ورتو، هڪ فرار *نرڇ واسين عبدالطيف ڀيو ۽ غلام مصطفيٰ جعفري کي پوليس حوالي ڪيو ويو*
  • *ڪراچي جي دهشتگردي ٽوڙ عدالت جوابدار رحمان ڀولا ۽ زبير چريا کي موت جي سزا ٻڌائي ڇڏي*
  • *بلديه سانحي ڪيس جو 8 سالن کانپوءِ فيصلو اچي ويو، متحده اڳواڻ رئوف صديقي شاهديون نه هجڻ تي بري*
  • *ڊگهڙي ويجهو اڌڙوٽ شخص سرفراز واهه ۾ ٻڏي فوت *جيلاني پاڙي واسي40 ورهين جو عبدالحئي عرف پٺاڻ ولد عبدالقيوم قمبراڻي سرفراز واهه ۾ ٻڏي ويو *رهواسين شهري کي پاڻي مان ڪڍي اسپتال منتقل ڪيو جتي ڊاڪٽرن سندس فوتگي جي تصديق ڪئي*
  • *سکر: خورشيد شاهه خلاف آمدني کان وڌيڪ اثاثا ڪيس، شاهدن جا بيان قلمبند ڪرڻ جي نيب جي اپيل رد *احتساب عدالت ۾ ريفرنس آهي، شاهدن جا بيان به اتي قلمبند ٿيندا: ڪنزيومر ڪورٽ *خورشيد شاهه جي ملڪيت جي حوالي سان نيب 5 شاهن جا بيان قلمبند ڪرڻ لاءِ درخواست ڏني هئي*
  • *لاهور: آمدني کان وڌيڪ اثاثا ڪيس، شهباز شريف جي گرفتاري جا امڪان *شهباز شريف جي ضمانت واري درخواست تي فيصلو اڄ ٻڌايو ويندو*
  • *سبي: ڪمپڙي پل وٽ ٽرڪ جو ڪار کي ٽڪر، هڪ نينگري فوت، 3 ڄڻا زخمي *حادثي ۾ نينگري مائين خان فوت، زخمين کي اسپتال منتقل ڪيو ويو*
  • *غوثپور:ڳوٺ شهداد ڀيو جي رهواسين پاران بنيادي سهولتون نه ملڻ ڪري پوليو مهم جو بائيڪاٽ *ڳوٺاڻن ٻارن کي پوليو جا ڦڙا پيارڻ کان انڪار ڪري ڇڏيو، پوليو ٽيمون واپس روانيون*
  • *باڊهه ۾ ٽائون ڪميٽي جي ملازمن جو پگهارن نه ملڻ خلاف احتجاجي مظاهرو *ٻن مهينن کان ٽائون آفيسر مقرر ناهي ڪيو ويو، پگهارون نه ملڻ سبب فاقاڪشي ۾ مبتلا آهيون: ملازم *
  • * وڏي وزير مراد علي شاهه جي صدارت هيٺ حيدرآباد ۽ ميرپور خاص ڊويزن ۾ امدادي ڪمن جو جائزو *سانگهڙ، ميرپورخاص ۽ عمرڪوٽ جي 5 لک ايڪڙ ايراضي تي پاڻي بيٺل آهي: بريفنگ *اسان پاڻي نيڪال وارو ڪم شروع ڪري ڇڏيو آهي: سيڪريٽري ايريگيشن *ايندڙ 15 ڏينهن ۾ ضرور پاڻي نيڪال ٿيڻ گهرجي: سيد مراد علي شاهه *
  • *راولپنڊي: بينظير ڀٽو قتل ڪيس ۾ اپيلن جي ٻڌڻي 19 آڪٽوبر تائين ملتوي ڪئي وئي *ڪيس جي پنجن ئي جوابدارن کي ايندڙ ٻڌڻي تي عدالت ۾ پيش ڪرڻ جو حڪم *سي پي او جي پيش نه ٿيڻ تي عدالت پاران سخت ڪاوڙ جو اظهار *
  • *ڏهرڪي: صفائي عملي پاران پگهارون نه ملڻ ۽ سينيٽري انسپيڪٽر کي هٿڪڙيون لڳڻ خلاف احتجاج *ٻن مهينن کان پگهارون نه ملڻ سبب گهرن ۾ فاقاڪشي واري صورتحال آهي: صفائي عملو *سينيٽري انسپيڪٽر کي بيگناهه هٿڪڙيون هڻايون ويون: صفائي عملو*
  • * جروار:ڪپهه جو فصل تباهه ٿيڻ ۽نقلي زرعي دوائون وڪرو ڪندڙ ڊيلرن خلاف احتجاج *جروار يوٿ فورم جي سڏ تي واجد گبول جي اڳواڻي احتجاجي ريلي ڪري گشت *ڊيلرن نقلي ٻج ۽زرعي دوائون ڏيئي غريب آبادگارن جو فصل تباھ ڪيو آھي: اڳواڻ *
  • *ڪنڌڪوٽ:ڏوهي سرگرمين ۾ ملوث اهلڪارن خلاف ڪريڪ ڊائون جاري *ڪنڌڪوٽ: جوا هلائڻ جي الزام ۾ هيڊ محرر ثناءُالله ڏاهاڻي رورٽ ۽ معطل *ڪنڌڪوٽ: 6پوليس اهلڪارن کي منٿلي اوڳاڙي تان ڪوارٽر گارڊ ڪيو ويو*

اجرڪ وارو ماسڪ ۽ معصوم سنڌي

ڇا لکان؟، ڇا اهو لکان ته سنڌين سان تاريخ جو سڀ کان وڏو فريب ٿي رهيو آهي، يا وري لکان ته سنڌي دوکيبازي واري ڪارڊ تي خوش آهن ته سندن گهر، گهٽيون، زمينون، مفاد ۽ مستقبل محفوظ هٿن ۾ آهن؟ يا اهو لکڻ جي سنگين غلطي ڪري وجهان ته سنڌين اکيون ٻوٽي “ديواني جو خواب” ڏسڻ شروع ڪري ڇڏيو آهي، جنهن جي تعبير جو حقيقت سان ڪو واسطو ئي ناهي ۽ اهڙا خواب ڏسڻ سان سندن رهيل سهيل سوجهرو به چٽ ٿي ويندو، اسان جو ايندڙ نسل پنهنجن پاڙيسرين جي ڊپ کان گهرن ٻاهران ڇولا کپائڻ جي قابل به نه رهندو ۽ ڇپري واري هوٽل ۾ چانهه جو ڪوپ هٿ ۾ کڻي شهپرن کي وٽ ڏيندي نرڙ تان پگهر اگهي پاراتو ڏيندو ته فلاڻا گهر، فلاڻيون گهٽيون ۽ زمينون اسان جي وڏن جون هيون، جن ڀڳڙن مٺ عيوض کپايون يا قابض ڌرين آڏو بيوسي جو اهڙو روزو رکيو جو اسان جو مستقبل ڀيانڪ بڻجي ويو.
مورخ لکندو ته جڏهن ماڪڙ سنڌ جي هزارين ايڪڙن تي تيار ٿيل فصل ناس ڪري رهي هئي تڏهن بکئي پيٽ سنڌي ، سرڪار طرفان ماڪڙ مارڻ لاءِ خريد ڪيل ڪروڙين رپين جي ويگو گاڏين جا مثال ڏئي واهه واهه ڪري رهيا هئا، خبر تن کي به هئي ته اهي گاڏيون بنگلن تي سجائي بيهارڻ لاءِ ورتيون ويون آهن. ڪنهن ڏاهي لکيو هو ته زنده قومون پنهنجي زمين، ثقافت، ٻوليءَ، لڄ ۽ ٿڃ خاطر مٽجي وينديون آهن پر انهن تي آر اچڻ ناهن ڏينديون پر هتي ته ڪم ئي ابتو آهي، عمل ئي ابتو آ، سوچ تي اهڙا ويراني جا ڪڪر ڇانيل آهن، جن کي مينهن وسائڻو ئي ناهي ۽ نه وري اهي ڪڪر نئون سج اڀرڻ ٿا ڏين.
يا اهو سوچي ماتم برپا ڪيان ته منهنجا مارو گمراهي جي اهڙي واٽ تي نڪري پيا آهن، جتان سندن واپسي ممڪن ئي ناهي، اڳتي هلي صورتحال اهڙي ٿي ويندي جو کين لفظ ڪڇڻ تي زبان ڪٽائڻي پوندي، ٻانهه ڀڃائڻي پوندي، ٻانهه کڻائڻي پوندي، لڄ لٽائڻي پوندي، لکين ڪروڙين ڪونڌرن جو ٻليدان ڏيڻو پوندو پر پوءِ به واپسي ۾ ورهيه لڳي ويندا. ڪاش! ان وقت ڪير انهن مارن جي ڀڳل ٻانهن تي زور سان هٿ رکي کانئن پڇي ته ڀائو! ان وقت اوهان ڪهڙي هنڌ آرامي هئا، جڏهن سنڌ جي لکين ايڪڙ زمين ڀڳڙن مٺ عيوض کپائي پئي وئي، سرڪاري ڪاروهنوار تي ڌاريا قابض هئا، اوهان جا نوجوان ڊگريون هٿن ۾ کڻي روزگار لاءِ منٿون ڪندا هئا ۽ کين جواب ملندو هو ته وڃي ڇولا کپايو ۽ اهڙيون بي تڪيون صلاحون ڏيندڙ پاڻ پيجارو تان لهڻ پسند نه ڪندا هئا، اهو سڀ توهان کي ان وقت ئي سوچڻ کپندو هو جڏهن توهان جي اسڪولن، لائبريرين، ثقافتي ورثن کي ڊاٿو پئي ويو، در اصل توهان جون پاڙون پٽيون پئي ويون.
انهن مسڪينن کي ڇا چئي ماٺ ڪرايان جن جا ٻچا ڪيئي ڏينهن کان بکيا آهن، ڇا اهو چوان ته ماٺ ڪريو، توهان جا حڪمران توهان جي ثقافت اجرڪ جا ماسڪ ٺهرائڻ ۾ رڌل آهن، يا وري اهو دلاسو ڏئي ماٺ ڪرايان ته هاڻي روڊن تي اجرڪ واري نمبر پليٽس واريون گاڏيون هلنديون جن کي ڏسي بکيو پيٽ ڀري وٺجو؟، جناب اعليٰ، هزارين سي ايس ايس پاس نوجوان سوال ڪري بورڪري ٿا ڇڏين ته سرڪار سڳوري کين ڪڏهن ٿي آفر آرڊر ڏي، انهن کي به سمجهڻ گهرجي ته اوهان کي اهي ڊگريون ڦٽيون ڪري پنجاب، ڪي پي يا بلوچستان مان وفاداري جا سرٽيفڪيٽ آڻڻا پوندا جن جي آڌار تي ئي اوهان کي پوسٽنگ ملي سگهندي.
سلجهيل معاشرا بهادر، ايماندار، فرض شناس حڪمرانن کي جنم ڏيندا آهن ۽ الجهيل معاشرا جاهل، ظالم، بي ايمان، احساس فراموش، دوکيباز حڪمرانن کي ڄڻيندا آهن، پوءِ اهي اڳتي هلي اهڙو گابو بڻجي ويندا آهن، جنهن آڏو ڪڇڻ به ڪفر بڻجي ويندو آهي ۽ نسل تباهه ۽ برباد ٿي ويندا آهن، امير ويتر امير ۽ غريب ويتر غريب ٿي ويندا آهن، هاري، پورهيت ۽ مزدور جو پٽ ماني ڳڀي لاءِ واجهائي واجهائي مري ويندو آهي ۽ حڪمرانن جي نسلي ڪتن لاءِ طعام تيار ٿيندا آهن، اهو لڪاءُ ڏسي اهي ڪتا به روئي پوندا آهن پر بي حس معاشرو اکيون کولڻ جي زحمت نه ڪندو آهي.
سنڌ ۾ گذريل هڪ ڏهاڪي کان سنڌ جي نمائنده جماعت پيپلز پارٽي حڪمراني جا مزا وٺي رهي آهي پر جڏهن ڪو ٻار ٿر ۾ بک ۽ بيمارين وگهي مري وڃي ته ڏوراپو اسلام آباد وارن کي ڏيڻ لاءِ چيو ويندو آهي، سنڌ ۾ آفيسر ڇو سڀ ڌاريا آهن جي سوال تي وزير عجيب منطق پيش ڪندا آهن، جڏهن مٿن ڏکيو وقت ايندو آهي ته اٻوجهه سنڌين کي اهڙي واٽ تي گهلي بيهاري ڇڏيندا آهن، جتي عام ماڻهن جو دماغ جواب ڏئي وڃي، اهڙو ڪارڊ کيڏندا آهن جو ڪير ڪڇي ئي نه سگهي، يا ايئن کڻي چئجي ته “نانگ به مري وڃي ۽ لٺ به نه ڀڄي” واري چوڻي تي ڀرپور عمل ڪندا آهن.
سنڌو جي ڀومي ۾ جنم وٺندڙ ماضي جي عظيم ديس جي رهاڪن کي هاڻ پنهنجي سوچ جا بند دروازا کولڻ کپن، تباهي ڏانهن ويندڙ لنگهه بند ڪري ڇڏڻ گهرجن، ڪٿي ايئن نه ٿئي جو سندن ايندڙ نسل سڄي ڄمار کين پٽون ۽ پاراتا ڏيندو رهي!.

Bookmark the permalink.

Leave a Reply

Your email address will not be published. Required fields are marked *