تازا ترين
  • *وزير اعظم جي درخواست تي وفاق جي نمائندگي جو فيصلو ڪيو: فروغ نسيم *جسٽس فائز عيسيٰ ريفرنس ڪيس ۾ وفاق جي نمائندگي ڪندس: فروغ نسيم *بطور وزير قانون مون عهدي تان استعيفيٰ ڏني آهي: فروغ نسيم *منهنجي دل ۾ عدليا جي لاءِ عزت ۽ قانون جي پاسداري آهي: فروغ نسيم*
  • *ڀرياسٽي ۽ ڀرپاسي ۾ رولو ڪتن 8 ڄڻن کي ڏاڙهي وڌو *ٽن عورتن سميت 8 زخمين کي اسپتال منتقل ڪيو ويو*
  • *دادو ۾ نوجوان ناري جي ڪورونا ٽيسٽ رپورٽ پازيٽو اچي وئي *ڊاڪٽر رشيد قريشي جي پنجن گهرڀاتين سميت 16 ڄڻن جي رپورٽ نيگيٽو اچي وئي *
  • * وڏي وزير سيد مراد علي شاهه سان ورلڊ هيلٿ آرگنائيزيشن جي ڪنٽري ڊائريڪٽر جي ملاقات *ملاقات دوران صحت واري وزير عذرا پيچوهو، پرنسپال سيڪريٽري ۽ ٻيا به شريڪ *اسان وٽ ڪورونا جي حوالي سان روزانو 6600 ٽيسٽ ڪرڻ جي گنجائش آهي: وڏو وزير *شهري ٽيسٽ ڪرائڻ ۾ ايترو سهڪار نه ڪري رهيا آهن، جيترو ڪرڻ گهرجي: مراد علي شاهه *
  • ڪوٽڙي ۾ وڌيڪ هڪ ڄڻي کي ڪورونا جي تصديق، متاثرن جو انگ 24 ٿي ويو *22مان هڪ ڄڻي جي ڪورونا ٽيسٽ رپورٽ پازيٽو اچي وئي * ڪورونا متاثر کي گهر ۾ ئي آئيسولٽ ڪيو ويندو: ڊي ايڇ او *
  • *قاضي احمد ۾ ڌارين کي جعلي ڊوميسائيل جاري ڪرڻ خلاف احتجاجي ريلي ڪڍي وئي *مختلف سياسي سماجي قومپرست تنظيمن جي اڳواڻن ۽ شهرين پاران ريلي ڪڍي وئي *
  • *سنجهورو: ڪشمير بارڊر تي دل جي دوري سبب فوت ٿيل فوجي جوان جو مڙهه ڳوٺ پهچايو ويو *فوجي جوان ڪاشف جٽ جو مڙھ مظفر آباد کان سندس اباڻي ڳوٺ 23 چڪ پهچايو ويو *
  • *سانگهڙ ۾ ڪورونا متاثر فوڪل پرسن جي ٻيهر ٽيسٽ رپورٽ پازيٽو اچي وئي *ڪورونا متاثر ڊاڪٽر شبير چنا جي ٻيهر ٽيسٽ رپورٽ پازيٽو اچي وئي *
  • *ڪنڊيارو شهر جي محبت ديرو ناڪي وٽ پئٽرول ڀرائڻ دوران چنگچي کي باهه لڳي وئي *مالڪ ٽپو ڏئي پاڻ کي بچايو، شهرين پهچي باهه وسائي ورتي، چنگچي سڙي وئي*
  • *ڊکڻ ويجهو پوليس جي ٽن مقتولن جا جوابدار گرفتار ڪرڻ لاءِ ڳوٺن تي چڙهائي، 2 گهر ۽ اوطاق ڊاهي پٽ*
  • *عمرڪوٽ: مسمات بشرا خاصخيلي کي تذليل ۽ تشدد جو نشانو بڻائڻ وارو معاملو *عمرڪوٽ: پوليس گذريل ڏينهن 3 جوابدارن کي گرفتار ڪرڻ کانپوءِ اڄ ميڊيڪل لاءِ اسپتال آندو *جوابدارن عرس کاڙت، قيوم کاڙت ۽ ربنواز کوسي جو ڊي اين اي ڪرايو ويو: پوليس *عورت ٿاڻي تي پهچي جوابدارن تي تشدد ۽ زيادتي ڪرڻ جو الزام هنيو هو: پوليس *
  • * اسلام آباد: احتساب عدالت ۾ راجا پرويز اشرف جي نيب ريفرنس ۾ بريت واري درخواست *رينٽل پاور ڪرپشن ڪيس جي فيصلي جي لاءِ 25 جون جي تاريخ مقرر *
  • *لاڙڪاڻي جي چانڊڪا اسپتال جي آءِ سي يو وارڊ ۾ داخل 70 ورهين جو مريض فوت *لاڙڪاڻو : گذريل ٽن ڏينهن کان سيد گلزار شاھ آءِ سي يو وارڊ ۾ وينٽيليٽر تي هو*
  • *سکر: سنڌ بار ڪائونسل جي سڏ تي هاءِ ڪورٽ، سيشن ڪورٽ ۽ ماتحت عدالتن ۾ عدالتي ڪارروائين جو بائيڪاٽ *ميرپور ماٿيلو ۾ وڪيل گل فيروز ڪلوڙ کي گرفتار ڪرڻ خلاف وڪيل برادري طرفان مظاهرا *
  • *ڪراچي جهاز سانحو: سڙي زخمي ٿيل نينگري سول اسپتال ۾ زخمن جا تاب نه سهندي فوت، 84 لاش سڃاڻپ بعد وارثن حوالي*

آرٽيڪل 149 جي آڙ ۾ سنڌ مٿان هڪ ٻيو وار!

وفاقي قانوني وارو وزير فروغ نسيم الطاف حسين ۽ بعد ۾ پرويز مشرف جو وڪيل رهيو آهي، ان کان علاوه هو ايم ڪيو ايم جو پُراڻو ۽ اهم اڳواڻ ۽ سينيٽر به رهندو آيو آهي. هن همراهه جي سوچ ۽ نظرئي ۾ الطاف حسين جي سنڌ دشمني، پرويز مشرف جي غير جمهوري سوچ ۽ ايم ڪيو ايم جي فاشسٽ سياست جو خطرناڪ امتراج آهي. هن وقت هو ايم ڪيو ايم جو ٿنڪ ٽينڪ آهي ۽ عمران خان توڙي سگهارين ڏرين سان به هن جي ڪافي قربت آهي. عمران خان سندس نفاست مان ڏاڍو متاثر آهي ۽ کيس ملڪ اندر قانون جي سڌارن جو ذمو به ڏنو اٿس. فروغ نسيم پنهنجن سمورن وسيلن کي استعمال ڪندي ٻيو ته ملڪ لاءِ ڪجهه به نه ڪري سگهيو پر ٻه ٽي ڪم يقينن اهڙا ڪيا اٿس جنهن عمران خان جي نئين پاڪستان جون پاڙون زمين ۾ کوڙڻ کان اڳ ئي پٽرائي ڇڏيون آهن. هڪ ته ملڪ جي ٻن انتهائي ايماندار، بهادر، آزاد ۽ اهل ججن قاضي فائز عيسيٰ ۽ ڪي ڪي آغا خلاف ريفرنسز داخل ڪرائي پوري دنيا ۾ اسان جي عدالتي نظام تي سوال اٿاري ڇڏيا اٿس. ٻيو وزير صاحب پوري ڪوشش ڪئي آهي ته وڪيلن ۾ ڌڙابندي ڪجي، جنهن جي لاءِ هن ڪروڙين رپيا مختلف بارس کي گرانٽ طور ڏنا آهن. اهو ڪريڊٽ به وزير صاحب ڏي وڃي ٿو جو هن آئين جي سراسر ڀڃڪڙي ڪندي اليڪشن ڪميشن جي ٻن ميمبرن کي صدر طرفان نامزد ڪرائي اليڪشن ڪميشن ڏانهن اماڻيو. اها ٻي ڳالهه آهي ته چيف اليڪشن ڪمشنر هنن کي حلف کڻائڻ کان انڪار ڪري ڇڏيو. ڇاڪاڻ ته ٻنهي ميمبرن جي مقرري لاءِ وزيراعظم ۽ مخالف ڌر جي اڳواڻ وچ ۾ مشاورت نه ٿي هئي. بجاءِ جو وزير صاحب پنهنجي غلطي مڃي يا شرارت کان باز اچي هن الٽو چيف اليڪشن ڪمشنر خلاف به عدالتي ريفرنس اماڻي ڇڏيو آهي.
فروغ نسيم پاران ڪراچي ۾ وڌندڙ گند ڪچري، مڪاني ادارن ۽ صوبائي حڪومت جي نالائقي کي بهانو بڻائيندي آئين جي آرٽيڪل 149 (4) جي آڙ ۾ سنڌ جي وحدت تي حملو به سندس مٿي ڄاڻايل سوچ جو عڪاس آهي. آرٽيڪل 148 ۽ 149 وفاق ۽ صوبن وچ ۾ سهڪار لاءِ يا بدامني يا معاشي بحران جي صورت ۾ استعمال ٿي سگهن ٿا پر اهڙي قسم جا اختيار ماضيءَ ۾ ڪڏهن به استعمال نه ٿيا آهن ڇاڪاڻ ته آئين ۾ صوبائي ۽ وفاقي حڪومت کي پنهنجا پنهنجا ايگزيڪيوٽو اختيار پنهنجي دائرن اندر محدود ڪن ٿا. سو سوال اهو ٿو پيدا ٿئي ته وزير موصوف هن موقعي تي آرٽيڪل 149 جي استعمال ڪرڻ جي ڪوشش ڪندي ڪراچي کي وفاقي انتظام هيٺ ڏيڻ جي سازش ڇو ڪئي آهي. حالانڪه هو ان سازش ۾ هن وقت ڪامياب نه ٿي سگهيو آهي ڇاڪاڻ ته نه صرف ان خلاف سخت ردعمل پ پ، نواز ليگ ۽ سنڌ مان مختلف آوازن ذريعي پيدا ٿيو پر خود پي ٽي آءِ وارن به ان جي مخالفت ڪئي ۽ صدر پاڪستان به ان خلاف پنهنجو اظهار ڪيو پر ان جي باوجود به فروغ نسيم ۽ ايم ڪيو ايم جي سازش جي پٺيان جيڪي مقصد هئا انهن تي روشني وجهڻ ضروري آهي.
(1) عمران خان جي سياست سنڌ اندر رُڳو ڪراچي تائين محدود آهي، ايم ڪيو ايم جي پوري ڪوشش آهي ته عمران خان کي ڪراچي ۾ به تڪراري بڻائجي ۽ سنڌين سميت ٻيون سڀ لساني ڌريون کيس ڪراچي ۾ ووٽ نه ڪن.
(2) ايم ڪيو ايم ڪراچي تي سياست ڪري پنهنجي وڃايل ساک ۽ اثر واپس وٺي، مهاجر پرستيءَ کي وڌيڪ اُڀارڻ چاهي ٿي ته جيئن ايندڙ مڪاني چونڊن ۾ کيس ووٽ پوي ۽ پنهنجي حريفن کي شڪست ڏئي.
(3) عمران خان کي پوري سنڌ ۾ غير مقبول ڪرائجي، سندس سنڌ مان تڏا ويڙهه ڪرائجي.
04) سنڌ ۾ لساني فساد ڪرائجن ۽ پاڪستان ۽ وفاق کي ڪاپاري ڌڪ هڻائجي ۽ الطاف حسين جي پاڪستان مخالف نظرئي کي پورو ڪجي.
اهو ذهن ۾ رکڻ گهرجي ته هن وقت دنيا وري نون خطرن ۽ چئلينجن جو شڪار ٿيندي نظر اچي ٿي. جمهوريت کي يا پاپولسٽ ليڊرن مان خطرو آهي، معاشي طور تي ڪمزور، گهڻ قومي رياستن کي وڌندڙ سب نيشنلزم مان خطرو آهي. علائقائي ڇڪتاڻ پٺيان منفي نظريا، مذهبي بنياد پرستي ۽ نسل پرستي ۽ مها قومپرستيءَ وارا عنصر آهن. ان کان علاوه بين الاقوامي قانون ايترو ته ڪمزور ٿي چڪو آهي جو ان جو شڪار صرف معاشي طور تي ڪمزور ۽ محڪوم ملڪ ٿي رهيا آهن. ان سڄي صورتحال ۾ پاڪستان به گهڻن ئي چئلينجن جو شڪار ٿيندي نظر اچي ٿو. پاڪستان کي هن وقت سخت ضرورت آهي ته ملڪ اندر سياسي استحڪام هجي، معاشي ترقي هجي، علائقي ۾ امن امان هجي ۽ ان سان گڏ پاڪستان جيترو جلد ٿي سگهي آءِ ايم ايف جي جڪڙ مان نڪري پر ايم ڪيو ايم جي هن موجوده سازش جي پٺيان اهي سڀئي فيڪٽرس به موجود آهن. اهي الطاف حسين جا پوئلڳ چاهين ٿا ته پاڪستان هن وقت جڏهن ڪمزور، غير مستحڪم ۽ دنيا ۾ ڪافي اڪيلو آهي، اهڙي وقت ۾ سنڌ ۾ لساني فساد ڪرائجن ته جيئن ملڪ ۾ ڏڦيڙ پيدا ٿئي ۽ جيترو ٿي سگهي هن ملڪ کي تباهه برباد ڪجي.
هاڻ ان صورتحال ۾ اسان کي ڇا ڪرڻ گهرجي؟ اهو سوال ان ڪري به اهميت ٿو رکي جو هن وقت جتي عمران خان عددي حوالي سان ايم ڪيو ايم هٿان بليڪ ميل ٿي رهيو آهي ته سنڌ جي پ پ حڪومت به ڪرپٽ مافيا ۽ سنڌ دشمن مافيا جي جڪڙ ۾ آيل آهي، ٻئي طرف جي ڊي اي وارن مان سواءِ اياز لطيف پليجي جي ڪنهن به ٻئي ليڊر جو آواز ٻڌڻ ۾ نٿو اچي ۽ افواهه تيز ٿي رهيا آهن ته سنڌ ۾ پ پ حڪومت اندر فارورڊ بلاڪ ٺهي رهيو آهي، جنهن سان پ پ حڪومت جي وڌيڪ ڪمزور ٿيڻ يا ڊهڻ جا امڪان به پيدا ٿي چڪا آهن. بدقسمتي سان هن وقت سنڌ جي قومپرست قيادت به ڪمزور، منجهيل ۽ ورهايل نظر اچي رهي آهي، تنهنڪري اسان سڀني کي هن وقت متحد ٿيڻو پوندو، پنهنجا ننڍا وڏا اختلاف ختم ڪرڻا پوندا ۽ سنڌ جي وحدت ۽ آئيندي جي لاءِ گڏجي ميدان ۾ نڪرڻو پوندو، ان ۾ اسان جا اديب، دانشور، ميڊيا، شاگرد، استاد، وڪيل ۽ محنت ڪش طبقا شامل آهن. هن وقت يقينن ملڪ اندر جيڪا صورتحال آهي، ان ۾ بي يقيني آهي ۽ خاص طور تي سنڌ اندر اسان جي حالت وڌيڪ خراب آهي، ڇاڪاڻ ته هتي ليڊر شپ جو وڏو بحران آهي ۽ اسان جي ٻهراڙي وارا علائقا زندگيءَ جي بنيادي ضرورتن کان به محروم آهن ۽ حڪومت جو انهن مسئلن جي حل ڏانهن ڪو ڌيان ڪونهي. ان ڪري اسان سڀني لاءِ اهو ضروري آهي ته نه صرف جيڪي سازشون ٿي رهيون آهن، انهن تي نگاهه رکون پر انهن سازشن کي شڪست ڏيڻ لاءِ به هر وقت تيار هجون ۽ جيڪڏهن اسان ايئن ڪيوسين ته هي ايم ڪيو ايم جو جيڪو ملڪ مخالف ۽ سنڌ دشمن ايجنڊا آهي، سي يقينن ڪوشش ڪندا ته پنهنجو ايجنڊا پورو ڪن.

Bookmark the permalink.

Leave a Reply

Your email address will not be published. Required fields are marked *