تازا ترين
  • *ڪراچي: وڏي وزير مراد علي شاهه شير شاهه ۾عمارت ڪرڻ واري واقعي جو نوٽيس ورتو *وڏي وزير پاران ڪمشنر ڪراچي کي فوري طور انتظاميه کي متحرڪ ڪرڻ جي هدايت *ڪوشش ڪئي وڃي ته سمورن مزدورن جون حياتيون بچايون وڃن: وڏو وزير مراد علي شاهه*
  • *ٽنڊو غلام حيدر جي مختلف علائقن مان برسات ۽ گهارن جو پاڻي نيڪال نه ٿيو، رهواسي عذاب ۾ مبتلا *مويا نظرپور، ڏندو، حاجي صوڀو خان چانڊيو سميت 8 يوسيز جي ڪيترن ئي ڳوٺن ۾ پاڻي بيٺل پاڻي نيڪال نه ٿيڻ سبب مليريا، گيسٽرو ۽ ٻين بيماريون منهن ڪڍيو، ڪيترائي ڳوٺاڻا اسپتال ڀيڙا*
  • *سپريم ڪورٽ ۾ ذهني مريض قيدي جي موت واري سزا روڪڻ لاءِ اپيل تي ٻڌڻي *عدالت جوابدار غلام عباس جي طبي چڪاس لاءِ ميڊيڪل بورڊ جوڙي ڇڏيو *ميڊيڪل بورڊ کي طبي چڪاس ڪري ٽن هفتن اندر رپورٽ پيش ڪرڻ جو حڪم*
  • *ٽنڊو غلام حيدر ۾ ڳوٺاڻن جو برساتي پاڻي نيڪال نه ٿيڻ تي ٻارڙن کي پوليو جا ڦڙا پيئارڻ کان انڪار *ڳوٺ مير محمد لاشاري جي رهواسين برساتي پاڻي نيڪال نه ٿيڻ خلاف احتجاج ڪيو *ڳوٺ مان پاڻي نيڪال ڪرايو وڃي ٻي صورت ۾ ٻارڙن کي پوليو جا ڦڙا نه پيئارينداسين: ڳوٺاڻا*
  • *ٽنڊو ڄام زرعي يونيورسٽي ۽ وٽرنري يونيورسٽي سڪرنڊ ۾ وقتي وائيس چانسلرز جي مقرري *پروفيسر ڊاڪٽر ظهير الدين ميراڻي زرعي يونيورسٽي ٽنڊو ڄام جو وقتي وائيس چانسلر مقرر *احمد سلطان جتوئي وٽرنري يونيورسٽي سڪرنڊ جو وقتي وائيس چانسلر مقرر، نوٽيفڪيشن جاري*
  • *آصف زرداري ۽ نواز شريف هڪ ٻئي تي الزام لڳائيندا رهيا هاڻي گڏ ويٺا آھن: خرم شير زمان *بلاول جي تقرير مان لڳي پيو ته پاڪستان خلاف تحريڪ هلائڻ وڃن پيا: خرم شيرزمان *جيڪڏھن کين تحريڪ هلائڻي آھي ته ڪراچي ۽ لاڙڪاڻي کان شروع ڇو نٿا ڪن: خرم شير زمان*
  • *ڪراچي: دهشتگردي ٽوڙ عدالت ۾ انسپيڪٽر ناصر الحسن جي ٽارگيٽ ڪلنگ بابت ڪيس تي ٻڌڻي *ڏوهه ثابت نه ٿيڻ تي عدالت 5 جوابدارن کي بري ڪري ڇڏيو *اکين ڏٺن شاهدن جي تڪراري بيان جي ڪري ڏوهه ثابت نه ٿي سگهيو آهي: پوليس *
  • * ڪراچي: ميٽرڪ بورڊ شاگردن جي امتحان جا نتيجا پڌرا ڪري ڇڏيا *ڪراچي: ميٽرڪ بورڊ سائنس گروپ جي نتيجن جو اعلان ڪري ڇڏيو *ڪراچي: هڪ لک 68 هزار 880 شاگرد امتحان ۾ ڪامياب قرار*
  • *ڪشمور ويجهو سڱاوتي تڪرار تان هٿياربندن جي فائرنگ ۾ نوجوان قتل، واٽهڙو پيرسن زخمي *هٿياربندن جي فائرنگ ۾ عيد گاهه واسي علي گل سولنگي ۽ واٽھڙو پيرسن شاھمور خالدي زخمي ٿي پيا *زخمي سول اسپتال منتقل، نوجوان کي رحيم يار خان نيو پئي ويو ته رستي ۾ دم ڌڻي حوالي ڪيائين *مورزادو جکراڻي ۽ ڏاڏو جکراڻي نوجوان کي قتل ڪيو، قاتل گرفتار ڪري انصاف ڪيو وڃي: وارث *
  • *محرابپور ويجهو نوجوان بجلي جو ڪرنٽ لڳڻ سبب فوت *ڳوٺ ولي آباد ۾ علي ولد رمضان آرائين پکي مان ڪرنٽ لڳڻ سبب فوت ٿي ويو *
  • *سپريم ڪورٽ ۾ سرڪاري زمين تي پيٽرول پمپس ليز تي ڏيڻ بابت پاڻمرادو نوٽيس تي ٻڌڻي *عدالت ڪمشنر فيصل آباد پاران پيش ڪيل رپورٽ رد ڪري ڇڏي *سپريم ڪورٽ پاران ايندڙ ٻڌڻي تي ڪمشنر فيصل آباد کي ذاتي حيثيت ۾ پيش ٿيڻ جو حڪم *حڪم تي عمل نه ٿيو ته ڪمشنر ۽ اسسٽنٽ ڪمشنر ٻئي جيل ويندا: سپريم ڪورٽ*
  • *سڪرنڊ ۾ آل پارٽيز الائينس جي سڏ تي بجلي جي اڻ اعلانيل لوڊشيڊنگ خلاف احتجاجي ريلي *مظاهرين صحافي چوڪ کان ريلي ڪڍي حيسڪو آفيس جي گيٽ آڏو ڌرڻو هنيو، ڇتي نعريبازي *سڪرنڊ ۽ ڀرپاسي ۾ 16کان18 ڪلاڪ بجلي جي لوڊشيڊنگ ڪئي پئي وڃي: مظاهرين *
  • *ڪراچي: سهراب ڳوٺ وٽ پوليس ۽ ڏوهارين وچ ۾ مبينا مقابلو، 2 ڦورو زخمي حالت ۾ گرفتار *موٽر سائيڪل تي سوار ٽن جوابدارن ڦر جي ڪوشش ڪئي ته پوليس پهتي: پوليس *مقابلي ۾ زخمي ٿيل ڦورو فيروز اسپتال ۾ علاج دوران فوت ٿي ويو: پوليس *
  • *ڪراچي: شرافي ڳوٺ ۾ نجي ڪمپني جي لاڪرز مان چوري ڪندڙ جوابدار گرفتار *جوابدار لاڪرز ٽوڙي نجي ڪمپني جا 6 لک رپيا چوري ڪيا هئا: پوليس *سي سي ٽي وي فوٽيجز ۾ هڪ جوابدار ڪمپني اندر نظر آيو آهي: پوليس*
  • *رائونتي ۾ ڳوٺاڻن جو بنيادي سهولتن جي کوٽ خلاف احتجاجي ريلي، ڌرڻو *مختلف ڳوٺن جي رهواسين احتجاجي ريلي ڪڍي اي سي آفيس اوٻاوڙو آڏو ڌرڻو هنيو، نعريبازي *ڳوٺن ۾ اسڪول، پڪن روڊن ۽ اسپتال جهڙي جهڙي ڪا به سهولت نه آهي: ڳوٺاڻا*

آءِ جي صاحب! پوليس اهلڪار اوهان کان انصاف گھرن ٿا..!!

خميس واري ڏهاڙي تي ڪراچي جي صدر واري علائقي لائينز ايريا ۾ هٿياربندن هٿان هلايل هڪ گولي جتي سڄو سارو گھر اجاڙي وئي آهي، اتي ان گولي خود پوليس کاتي جي ڪارڪردگي تي به ڪيترائي سوال اٿاري ڇڏيا آهن، ايئن محسوس ٿئي ٿو ڄڻ پسٽل جي اها گولي اسسٽنٽ سب انسپيڪٽر غلام محمد گجر کي منهن ۾ نه لڳي پر اها گولي ان نظام جي منهن ۾ لڳي، جيڪو نظام ايترو ته بيمار آهي جنهن کي هاڻي باقائده سرجري جي ضرورت آهي پر اسان وٽ ڪينسر جي مرض ۾ ورتل ان نظام جو علاج اڄ به پيناڊول جي گوري سان ڪيو پيو وڃي ۽ نتيجي طور ٻين معاملن سان گڏ بدامني جي باهه وقفي وقفي سان ڀڙڪي پوندي آهي ۽ ڪيترائي گھر ساڙي خاڪ ڪري ڇڏيندي آهي. جٽ لائين ۾ پنهنجي گھر کان ڪجهه ئي قدمن جي فاصلي تي هٿياربندن هٿان قتل ڪيل غلام محمد گجر جي موت جو ذميوار به اهو مها ڪرپٽ نظام آهي، جنهن نظام ۾ دهشتگردن کي نڪ ۾ ناڪيلي وجھڻ مشڪل ڪم بڻيل آهي ۽ اهي دهشتگرد واري واري سان ڪڏهن عام شهرين ۽ سياسي سماجي شخصيتن کي موت جي ننڊ سمهاري ڇڏين ٿا ته ڪڏهن وري پنهنجي ٻارن ٻچڙن کان پري گرمي توڙي سردي، ڏينهن توڙي رات جي وقت روڊن رستن، چونڪن چوراهن ۽ ٻين اهم هنڌن تي ڊيوٽي ڏيندڙ اهلڪارن کي شڪار بڻائين ٿا. گذريل 24 ڏينهن دوران هي ٽيون واقعو آهي جنهن ۾ ٽارگيٽ ڪلرز آساني سان اي ايس آءِ غلام محمد کي ٽارگيٽ ڪري ان جي ٻچڙن کي يتيم ڪري ڇڏيو، ان کان اڳ 3 جولاءِ تي منظور ڪالوني ۾ اهلڪار نعمان ۽ 12 جولاءِ تي ڪورنگي ۾ هيڊ ڪانسٽيبل اصغر به ٽارگيٽ ڪلرز جي نشاني تي اچي ابدي ننڊ سمهي رهيا آهن پر پوليس اڃان تائين پنهنجي پٽي ڀائين جي قاتلن کي پڪڙي نه سگھي آهي، جيتوڻيڪ هنن واقعن جا ڪيس سي ٽي ڊي ٿاڻي تي داخل آهن پر سي ٽي ڊي پوليس به اڃان تائين جاچ ۾ اڳڀرائي نه ڪري سگھي، سي ٽي ڊي ذريعن جو چوڻ آهي ته ٽيئي واقعا ٽارگيٽ ڪلنگ آهن، ٽنهي ۾ هڪجهڙائي آهي، ٽنهي واقعن ۾ هٿياربند موٽرسائيڪل تي سوار هئا، جن ويجھو اچي اهلڪارن کي ٽارگيٽ بڻايو ۽ بعد ۾ اهلڪارن جا پستول به کڻي فرار ٿي ويا، جيڪي اڃان تائين قانون جي نظرن کان اوجهل آهن.
مان پڙهندڙن کي اهو به ٻڌائيندو هلان ته پوليس تي حملن جي شروعات تازو اسٽاڪ ايڪسچينج تي ٿيل حملن کان پوءِ ٿي، اسٽاڪ ايڪسچينج تي ناڪام حملي کان ڪجهه ئي ڏينهن پوءِ اهلڪار نعمان کي شهيد ڪيو ويو ۽ ايئن پوليس اهلڪارن جي ٽارگيٽ ڪلنگ جو هڪ سلسلو شروع ٿيو، جيڪو خبر ناهي ڪيستائين هلندو. هڪ طرف پوليس تي حملن جو سلسلو جاري آهي ته ٻئي طرف ڪراچي ۾ موجود قونصل خانن ۽ سفارتي عملي جي رهائشگاهن تي حملن جو خدشو ڏيکاريو ويو آهي، اهڙن خدشن کانپوءِ ريڊ زون ۾ سيڪيورٽي سخت ڪئي وئي آهي، مختلف ملڪن جي قونصل خانن ڏانهن ايندڙ ويندڙ ننڍا رستا بند ڪيا ويا آهن، بڪتربند گاڏيون بيهاريون ويون آهن، نفري ۾ به واڌ ڪئي وئي آهي. اها حقيقت آهي ته بدامني هجي يا قدرتي آفتون، پوليس اهلڪار هميشه فرنٽ لائين تي بيٺل هجن ٿا، اهو ئي سبب آهي جو ڪراچي ۾ امن امان جي قيام لاءِ سڀ کان وڌيڪ قربانيون به پوليس ڏنيون آهن، هاڻي به ٿريٽس مليا آهن ته اهي ئي پوليس اهلڪار آهن، جيڪي پنهنجي جان جي پرواهه ڪرڻ بدران ڊيوٽي ڏيندي نظر اچن ٿا پر خود پوليس اهلڪارن جي سيڪيورٽي لاءِ اعليٰ آفيسرن ڪهڙا قدم کنيا آهن؟ اهو سوال گذريل ڪيترن ئي ڏهاڪن کان جواب جو منتظر آهي پر جواب اڃان تائين نه پيو ملي. هر ايندڙ آءِ جي پنهنجي دور ۾ کاتي ۾ انقلابي قدم کڻڻ جون دعوائون ڪندو آهي پر انهن دعوائن تي ذري برابر به عمل ناهي ٿيندو، سنڌ ۾ مقرر ٿيندڙ آءِ جي پنهنجي نوڪري پڪي ڪرڻ لاءِ يا ته وفاق وٽ رانديڪو بڻجي ويندا آهن يا وري صوبائي حڪومت جي جي حضوري ۾ لڳي ويندا آهن، پنهنجي کاتي ۾ سڌارن جو ڪنهن کي خيال ئي ناهي ايندو. سنڌ ۾ ته اهڙا آءِ جي به مقرر ٿيا، جيڪي هاڻي دانشور بڻجي اخبارن ۾ ڪالم لکي سنڌ جي نئين سر اڏاوت جون صلاحون ڏئي رهيا آهن پر انهن پنهنجي دور ۾ پوليس ۾ سڌارا آڻڻ مناسب ئي نه سمجھيو، هو پنهنجي ماتحت اهلڪارن ۽ فيلڊ آفيسرن جي بهتري لاءِ ڪجهه به نه ڪري سگھيا، ٻيو نه ته به اهلڪارن ۽ فيلڊ آفيسرن کي حفاظتي سامان ئي کڻي ڏين ها ته اڄ ايئن پوليس اهلڪار لاوارثن وانگر ٽارگيٽ ڪلرز جي هٿان ماريا نه وڃن ها.
اسان سمجھون ٿا ته پوليس کاتي ۾ شهيدن جي لاءِ وڏي رقم رکيل آهي،شهيد اهلڪار کي هڪ ڪروڙ ملندا آهن ۽ سندس اولاد کي هڪ نوڪري به ملندي آهي پر اهو سڀ ان اهلڪار جي زندگي جي قيمت جو متبادل هرگز نٿو ٿي سگھي، شهيدن جي وارثن جي اندر ۾ اهو ڏک به وڍ وجھندو رهندو آهي جو سندس پيارن جا قاتل آزاد گھمي رهيا آهن ۽ هر ايندڙ ڏينهن ۾ هڪ نئين شڪار جي ڳولا ۾ ٻرن مان نڪري ايندا آهن پر قانون جي نظر انهن تي نٿي پوي، قانون جي نظر انهن تي پوندي به ڪيئن؟ هڪ پوليس آفيسر جاچ ۾ ايندڙ خرچ پنهنجي کيسي مان ڪيستائين ڀريندو رهندو؟ ڪيستائين هو پنهنجي پگھار جي پئسن مان ڀاڙا خرچ ڪري ڪورٽن جا چڪر ڪاٽيندو رهندو؟ هڪ قتل ڪيس جي جاچ جي فيس هڪ لک کان وڌيڪ هجي ٿي پر اها رقم جاچ آفيسر کي ڪيئن ۽ ڪهڙن شرطن تحت ملي ٿي؟ اهو راز به هاڻي راز نه رهيو آهي، هڪ آفيسر نالو نه کڻڻ جي شرط تي ٻڌايو ته ايس ايس پي کان هڪ لک جو چيڪ وٺڻ لاءِ ان وٽ 70 هزار جمع ڪرائڻا پون ٿا، يعني هڪ لک مان جاچ آفيسر کي صرف 30 هزار ملن ٿا، ڄڻ ته ايس ايس پي کيس خيرات ڏيندو هجي.
اڪثر اهلڪار اڄ به بلٽ پروف جيڪيٽن کان محروم آهن، ٻيو حفاظتي سامان به اهلڪارن کي مليل نٿو هجي، شهيد اهلڪارن جا وارث آءِ جي سنڌ مشتاق مهر کان سوال ڪن ٿا ته سندن وارثن جا قاتل قانون جي گرفت ۾ ڪڏهن ايندا؟ وڏي ڳالهه ته جتي اهلڪار ئي محفوظ نه هوندا، ان سماج ۾ پوليس جو مورال ڪٿي بيٺل هوندو؟ آءِ جي سنڌ کي ان طرف به ڌيان ڏيڻ گھرجي.

Bookmark the permalink.

Leave a Reply

Your email address will not be published. Required fields are marked *