تازا ترين
  • *ڄامشورو ۾ نوجوان ناري جو پيءُ تي زيادتي جي ڪوشش جو الزام: پوليس ڪيس داخل ڪري جوابدار کي گرفتار ڪري ورتو * ڄامشورو: پيءُ پاڻي بهاني ڪمري ۾ گهرائي لڄالٽ جي ڪوشش ڪئي: ناري جو الزام * ڄامشورو: جوابدار سومر ملاح کي گرفتار ڪري جاچ شروع ڪئي وئي آهي: پوليس *
  • *ڪشمور پوليس پاران نوجوان عبدالرزاق کوسو کي اغوا ٿيڻ کان بچائڻ ۽ هڪ جوابدار محمد حيات سبزوئيکي گرفتار ڪرڻ جي دعويٰ*
  • *جهول ويجهو باهه لڳي وئي، پورهيتن جا 8 ڪکانوان گهر الهه تلهه سوڌو رک*
  • *گولاڙچي ويجهو ٽرالر موٽرسائيڪل مٿان چڙهي ويو، 2 ڄڻا نواز خاصخيلي ۽ عظيم خاصخيلي فوت*
  • *مانجهند: سن ويجهو وين ۽ سوزوڪي ۾ ٽڪر، هڪ ڄڻو 45 سالن جو چنيسر کوسو فوت، 20 کان وڌيڪ زخمي*
  • *گمبٽ ۾ هڪ عورت حاڪم زادي ڪوري ڪارو پٿر پي ڇڏيو، نازڪ حالت ۾ لاڙڪاڻي ريفر*
  • *گمبٽ ڀرسان استري ڪندي ڪرنٽ لڳڻ سبب هڪ عورت طيبه ڪليري فوت ٿي وئي*
  • *پيرڳوٺ ويجهو هٿياربندن جي حملي ۾ زخمي ٿيل ٻن ڀائرن غلام شبير ڀنگر ۽ محمد قاسم ڀنگر مان هڪ غلام شبير ڀنگر فوت ٿي ويو*
  • *سکر: گهوٽڪي ويجهو مڙس جوابدار علي مراد شيخ پاران ڪارنهن تهمت هڻي زال مسمات ظھران کي قتل ڪرڻ جي ڪوشش، ناري نازڪ حالت ۾ سکر ريفر * سکر: جوابدار علي مراد شيخ زال مسمات ظھران کي ڪهاڙيون ۽ لٺيون هڻي مرڻينگ ڪري ڇڏيو * سکر: جوابدار ڪارنهن جو ڪوڙو الزام مڙهي نياڻي تي حملو ڪيو: وارث*
  • *سکر: پسند جي شادي نه ڪرائڻ تان نوجوان ناري سِمرن ڌيءُ ڪيول مسيح درياهه ۾ ٽپو ڏئي ڇڏيو*
  • *ڪراچي: آءِ جي سنڌ لاءِ وفاق کي وڌيڪ 2 نالا تجويز * ڪراچي: سنڌ سرڪار ثناءُ الله عباسي ۽ انعام غني جا نالا اسٽيبلشمينٽ ڊويزن ڏانهن اماڻي ڇڏيا *
  • *ڪراچي: سنڌ ۾ هوٽلن، ريسٽورنٽس، بيوٽي پارلر، هار سينگار ۽ صحت مرڪزن کي ٽئڪس ۾ رعايت: ڪابينا خدمتن تي ٽئڪس ۾ رعايت جي منظوري ڏئي ڇڏي * ڪراچي: گهريلو ملازمن جي پگهارن ۽ رجسٽريشن لاءِ رولز جي منظوري، موٽر سائيڪلز ۾ ٽريڪرز لڳائڻ لاءِ به ترميمي قانون جي منظوري ڏني وئي * ڪراچي: وڏي وزير طرفان لوڪل گورنمينٽ جي ملازمن جي پگهارن وارو مسئلو جلد حل ڪرڻ جي هدايت، اربن اٿارٽي جوڙڻ جي به منظوري *
  • *ڪراچي: سنڌ سرڪار آءِ جي سنڌ طرفان سول سوسائٽي سان ملاقات تي اعتراض واري ڇڏيا: ڏوهه ڪنٽرول ڪرڻ لاءِ ڌيان ڏيڻ تي زور * ڪراچي: وزيراعظم جي ڏيهه واپسي کانپوءِ آءِ جي تبديل ٿي ويندو، ڪوبه بحران نه آهي: مرتضيٰ وهاب *
  • امتياز شيخ ايس ايس پي شڪارپور کي قانوني نوٽيس اُماڻي ڇڏيو*هٿ ٺوڪيا الزام لڳائڻ تي رضوان شيخ معافي وٺي: صوبائي وزير طرفان هڪ ارب جي هرجاڻي جي دعويٰ*
  • آءِ جي سنڌ جي مامري ۾ وفاق ۽ سنڌ حڪومت هڪ پيج تي آهن، جلد مسئلو حل ٿي ويندو: وڏو وزير*وفاقي سرڪار سان سنڌ کي پنهنجو حصو نه ملڻ تي اختلاف آهي، ڪڻڪ خريد ڪئي آهي، هڪ ٻن ڏينهن ۾ اٽي جو بحران حل ٿي ويندو*اُميد ته چيف جسٽس زيادتي مامري ۾ ناري سان انصاف ڪندو: عمرڪوٽ ۾ علي مردان شاهه جي پونيئرن سان تعزيت بعد ڳالهيون*

گيتاريٻاري…..جنهن جي ڳلي ۾ درد سمايل آهي …..علي رضا قاضي

گيتا ريٻاري، سال 2017ع ۾ سوشل ميڊيا جي ويب سائيٽ يوٽيوب تي مشهور گجراتي گيت ”رونا شير ما“ ڳائي عالمي شهرت ماڻي. هن گيت کي ڪجهه عرصي ۾ ئي 260 ملين ويوز مليا. اهو تعداد غير معمولي هو. انکان پوءِ به گيتا ڪيترائي گجراتي، مارواڙي ۽ سنڌي گيت ڳائي مشهوري ماڻي.
گيتا جو جنم سال 1996ع ۾ ڪڇ گجرات جي ننڍڙي شهر تپاڙ ۾ ٿيو، جنهن کانپوءِ هن جو خاندان ڄام نگر ۾ لڏي آيو. هن وقت گيتا ۽ ان جي فيملي پنهنجي اباڻي ڳوٺ ۾ رهي ٿي، جڏهن ته ڄام نگر ۾ به هنن جو گهر آهي. گيتا کي ڳائڻ جو جنون آهي. هن جي سوانح عمري ۾ ٻڌايو ويو آهي ته جڏهن هوءَ ننڍڙي هئي ته خوشين جي موقعي تي گيت ڳائڻ لاءِ هن کي آس پاس جي ڳوٺن ۾ گهرايو ويندو هو، ڇاڪاڻ ته هن جو آواز تمام گهڻو وڻندڙ ۽ دلفريب هو.
گيتا جو تعلق ريٻاري قبيلي سان آهي. ريٻاري ڪير آهن؟ انهن بابت سنڌ جي تاريخ ۾ ڪافي مواد ملي ٿو. هڪ ته اسان وٽ هنن جو تعارف ان برادريءَ جو آهي، جن دودي سومري جي شهادت کانپوءِ هميشہ جي لاءِ ڪارا ڪپڙا پائي سوڳ ملهايو. ريٻارين جو اهو غم اڄ به راجستان جي علائقن ۾ جاري آهي، جڏهن ته سنڌ جا ريٻاري هاڻي ڪارا ڪپڙا نه ٿا پائن.
انسائڪلو پيڊيا ’سنڌيانا‘ موجب: ”ريٻاري يا رٻاري هڪ قديم قبيلو آهي، جيڪو هن وقت سنڌ، راجستان، پنجاب، هرياڻا، اتر پرديش ۾ به رهي ٿو. لفظ ’ريٻاريءَ‘ جي معنيٰ آهي ٻاهريون. هنن کي ٻاهريون، ٻهراڙين ۾ رهڻ ڪري سڏيو ويو، ڇاڪاڻ جو هي ماڻهو اٺ ۽ ٻڪريون چارڻ جو ڌنڌو ڪندا هئا، جنهنڪري کين رهڻ لاءِ وڏي ايراضيءَ جي ضرورت پوندي هئي، اها کين شهرن ۾ ميسر ڪا نه هئي. اصل ۾ هي مالوند ماڻهو هئا، سندن گذر سفر رڍن، ٻڪرين ۽ اٺن چارڻ تي رهيو آهي. ريٻارين بابت ڪيتريون ئي ڏندڪٿائون مشهور آهن، جن ۾ ڄاڻايل آهي ته هو اصل ۾ شِوَ جا پوڄاري آهن. هو هندو آهن، پر ڪي سک مذهب به رکن ٿا. ريٻاري پاڻ کي راجپوتن جي ڪَل مان سمجهن ٿا.“
ريٻارين لاءِ راجا ڄام جاڙيجي جي روايت تمام گهڻي مشهور آهي. جنهن لاءِ لکيو ويو آهي ته هڪ ڀيرو ڄام جاڙيجو، جڏهن شڪار لاءِ رڻ ۾ پهتو ته هن جي نظر هڪ خوبصورت ريٻارڻ تي پئي. ڄام، حسن جي تجليءَ ۾ پنهنجو حوصلو وڃائي ويٺو ۽ ريٻاري قبيلي تي دٻاءُ وڌائين ته ان عورت جو سڱ هن کي ڏنو وڃي. ريٻارين قبيلي جي روايت مطابق ”ٻاهر سڱ نه ڏبو“ انڪار ڪيو ۽ راجا جي قهر کان ڀڄي دودي سومري جي راڄ ۾ پهتا. هاڻي اتي هو دودي جي سام بڻجي رهيا. هوڏانهن ڄام جاڙيجي، دودي کي نياپو ڪرايو ته ريٻاري هن جي حوالي ڪيا وڃن. دودي، سام ڏيڻ کان نابري واري. ان مامري تي جنگ لڳي، جنهن ۾ ڄام جاڙيجو مارجي ويو. ڪجهه وقت ۾ ئي دهليءَ جي لشڪر، چنيسر جي چوڻ تي دودي سومري تي ڪاهه ڪئي، جنهن ۾ دودو شهيد ٿي ويو. ريٻاري، جن کي دودي جو عظيم احسان ياد هو. انهن ڏک ۾ ڪارا ويس اوڍيا ۽ کٽن کي اونڌو ڪري سمهڻ لڳا.
خير اها ڊگهي ڪهاڻي آهي. پاڻ هتي گيتا ريٻاري جي فن بابت لکنداسين ته هن مختصر عرصي ۾ فن جي دنيا ۾ تمام گهڻو پاڻ موکيو آهي. هن جي ڳلي ۾ درد سمايل آهي. ڳائڻ وقت عجيب سمو پيدا ٿيو وڃي. جنهن لاءِ هن جي والدين جو چوڻ آهي ته گيتا جو آواز، هن لاءِ قدرت جو تحفو آهي.
گيتا جي ذاتي زندگيءَ ۾جهاتي پائجي ته پتو پوندو. هن جي شادي، پنهنجي ئي هڪ مائٽ پرٿوي ريٻاري سان ٿي. جيڪو پيشي جي لحاظ کان سول انجنئير آهي. هن وقت گيتا جي پروگرامن جي مئنجمنٽ ڪري ٿو. هنن جي زندگي خوشين سان ڀرپور آهي. هڪ انٽرويو ۾ گيتا ٻڌايو ته ”پرٿوي، منهنجو ور گهٽ دوست وڌيڪ آهي. جيڪڏهن هو چاهي ها ته مان ڳائڻ بند ڪري سگهان پئي، پر هن ائين نه ڪيو. مون کي همٿايائين. اڄ مان جڏهن هن منزل تي پهتي آهيان ته ان ۾ منهنجي والدين ۽ منهنجي مڙس جو وڏو هٿ آهي.
گيتا کي جانورن سان تمام گهڻو پيار آهي. هن جي گهر ۾ ڪيترائي پالتو جانور آهن. جڏهن ته ڪرڪيٽ تمام گهڻي پسند اٿس. ڪرڪيٽ ۾ ڄام نگر جو سنڌي رانديگر رويندر جاڙيجو، جيڪو هندستان جي قومي ٽيم ۾ کيڏي پيو هن جو پسنديده رانديگر آهي. يوٽيوب تي گيتا جا گھڻائي گيت رکيل آهن. جن ۾ ڪيترائي سنڌي گيت به آهن. انهن مان هڪ ”اچو پکي پرڏيهڙا، توکي سيني سان لڳايان“ مشهور آهي.



This entry was posted in Soormi. Bookmark the permalink.

Leave a Reply

Your email address will not be published. Required fields are marked *