تازا ترين
  • *کڏڙو بس اسٽاپ تي ٻن موٽر سائيڪلن ۾ ٽڪر، 3 ڄڻا سخت زخمي *محمدرمضان خاصخيلي،لال محمد بروهي ۽ علي محمد بروهي ڳڻتي جوڳي حالت ۾ اسپتال منتقل*
  • *خانواهڻ ويجهو ڦر مزاحمت تي جوابدارن گوليون هڻي اهلڪار کي زخمي ڪري ڇڏيو *پير مسافر وٽ 3هٿياربندن اهلڪار سڪندر ڪلھوڙو کان موٽرسائيڪل ڦر ڪرڻ جي ڪوشش ڪئي *مزاحمت تي جوابدارن اهلڪار کي گوليون هڻي زخمي ڪري ڇڏيو، اسپتال منتقل*
  • *ملڪ ۾ کاڌي پيتي جي شين جي اگهن ۾ واڌ بابت شماريات کاتي جا انگ اکر جاري *گوشت3.9 ۽ کنڊ3.8 سيڪڙو مهانگي ٿي: شماريات کاتو *جولائي ۾ سالياني بنياد تي شهري علائقن ۾ ٽماٽر سئو سيڪڙو مهانگو ٿيو:شماريات کاتو *پٽاٽا63 سيڪڙو ۽ دال مڱ 46.25سيڪڙو مهانگي ٿي: شماريات کاتو *ڪڻڪ28.52۽ اٽو 18.52 سيڪڙو مهانگو ٿيو: شماريات کاتو *
  • *لاڙڪاڻو: مبينا طور اغوا ٿيل نينگري جي بازيابي لاءِ وارثن جو پاڪ ڪتاب کڻي احتجاج *27جولائي تي جتوئي برادري جا هٿياربند گهر گهڙي نياڻي ماجده کي اغوا ڪري ويا: وارثن جو الزام*
  • *فريدآباد: ڳوٺ عبدالله شاھه گودڙيو ۾ ڪرنٽ لڳڻ سبب 3 ٻارڙن جي ماءُ فوت *گهر اندر پکي مان ڪرنٽ لڳڻ سبب 26 ورهين جي گمبُل زال رب رکيو چانڊيو فوت*
  • *صدرجي ڀٽيون ويجهو زميندار تي حملو، 2 ڄڻا زخمي، هڪ ڄڻو مبينا اغوا *هٿياربندن جي حملي ۾ زميندار ولي شاهه ۽ ربنواز ناريجو زخمي، امير ناريجو مبينا اغوا*
  • *ڪراچي: جوهر چورنگي ويجهو جي ڊي سي فائونڊيشن وٽان نامعلوم پيرسن جو لاش هٿ *لاش ايڌي ايمبولينس ذريعي جناح اسپتال منتقل، سڃاڻپ نه ٿي سگهي*
  • *سيوھڻ: درگاھه قلندر کي کولرائڻ لاءِ دڪاندارن ۽ پورهيتن جو27هين ڏينهن به احتجاج *درگاھه قلندر کي ايس او پي تحت کولي بک ۽ بدحالي کان بچايو وڃي: دڪاندار ۽ پورهيت *

ڪجهه اديبن جون لکڻ بابت عجيب عادتون….ھمير گاد

مشهور افسانه نگار ۽ ناول نگار ڪرشن چندر تنهائي ۾ ڪمرو بند ڪري لکندو هو. هڪ ڀيرو سندس گهرواري چوري چوري ڪمري مان ليئو پائي ڏٺو ته هو پنهنجي آس پاس جي ماحول کان بي خبر پنهنجي لکڻ واري پيڊ تي جهڪيل هو، ان وقت ان جو چهرو تمام پريشان،خوفناڪ ۽ اجنبي لڳو. هن جي هٿ ۾ قلم خنجر وانگر نظر آيو. ڪجهه دير کانپوءِ ڪرشن چندر ڪمري مان ٻاهر نڪتو ۽ سڌو کائڻ واري ميز جي طرف آيو. ان وقت هن جو چهرو پرسڪون، تازو ۽ تمام معصوم لڳي رهيو هو.
فرانس جي ناول نگار وڪٽر ھيوگو جي اها عادت هئي ته هو لکڻ وقت سڌو بيٺو هوندو هو ۽ لکڻ لاءِ پنهنجي ڪلهن جيتري ڊگهي ڊيسڪ استعمال ڪندو هو.
مشھور اديب آسڪر وائلڊ ته سڀني کان گوءِ کڻي ويو. ان پنهنجي ڄم جو سال 1854ع بدران 1856ع ڪري ڇڏيو هو مقصد ان جو اهو هو ته هو ماڻھن جي سامهون پاڻ کي گهٽ عمر جو ثابت ڪري سگهي. اردو جو منفرد مزاح نگار شفيق الرحمان هميشه اٿي بيهي لکندو هو.
فرانس جو ناول نويس اليگزينڊر ڊوما لکڻ وقت ليمي کانسواءِ ٻيو ڪجهه به نه پيئندو هو.
اهڙي طرح، انگريزي جي اديب ڪيرولين ويج وڊ لکڻ وقت اڪثر ريڊيو ٻڌندي هئي، ايئن کيس خيالن کي جمع ڪرڻ ۾ وڏي مدد ملندي هئي. آئرلينڊ جو مشھور ناول نگار جيمز جوائس پنهنجون سموريون تحريرون بستري تي ليٽي لکيون. هن جو چوڻ هو “مان ان طريقي سان لکڻ ۾ آرام محسوس ٿو ڪريان”.
معروف اديب جي بي پريسٽلي صرف ڪنهن تحرير کي درست ڪرڻ يا سائن ڪرڻ جي لاءِ پينسل استعمال ڪندو هو. لارڊ ڊيوڊ سسلي پنهنجي طويل سوانح عمري پينسل سان لکي هئي.
اردو جي مشھور افسانه نگار،ڊراما نگار عصمت چغتائي بيڊ تي ليٽي لکندي هئي ۽ لکڻ وقت اڪثر برف کائيندي هئي. هن جو چوڻ ھو برف کائڻ سان نوان نوان خيال ايندا آهن. مشهور اديب جارج برنارڊشا پهريان ايترو شرميلو هو جو هو پنهنجي دوستن سان ملڻ کان به گهٻرائيندو هو بعد ۾ اهڙو وقت به آيو جو هو پنهنجي دور جو بهترين مقرر ٿيو.
انگريزي جو اديب ڊيڪسٽر پنهنجي تحرير ۾ ڪٿي به ڪاما، فل اسٽاپ ۽ وغيره نه لڳائيندو هو. برطانيه جو معروف اديب ڪومپٽن ميڪنزي لکڻ وقت پس منظر ۾ ڪلاسيڪي موسيقي ٻڌندو هو. هن جو چوڻ هو “اهڙي موسيقي هن جي خيالن کي توانائي بخشيندي آھي”.
مختصر افساني جو باني مشھور مصنف ايڊگرايلن پو جي باري ۾ چيو ويندو آھي ته هو لکڻ وقت اڪثر پنهنجي پالتو ٻلي کي پنهنجي ڪلهن تي ويهاري ڇڏيندو هو.

This entry was posted in Rachna. Bookmark the permalink.

Leave a Reply

Your email address will not be published. Required fields are marked *