تازا ترين
  • *جيڪب آباد: 8 سال اڳ اغوا ڪيس ۾ 5 سال سزا ٻڌايل جوابدار زبير جکراڻي ضمانت لاءِ عدالت پهتو *عدالت ضمانت جي درخواست رد ڪندي جوابدار زبير جکراڻي کي جيل موڪلڻ جو حڪم ڏئي ڇڏيو *جوابدار زبير جکراڻي سميت ٽن جوابدارن خلاف جيڪب آباد ٿاڻي تي ڪيس داخل ڪيو ويو هو *عدالت 6 اپريل 2012 تي جوابدار زبير جکراڻي سميت ٻن کي پنج سال قيد جي سزا ٻڌائي هئي*
  • *صدر جي ڀٽيون ويجهو شادي شده عورت کي مبينا اغوا ڪرڻ جي ڪوشش *ڳوٺ مور جهٻر واسڻ ناهيدان شيخ کي جوابدارن پاران مبينا اغوا ڪرڻ جي ڪوشش ڪئي وئي *مڙس جي غير موجودگي ۾ نثار، هدايت ۽ شمن شيخ اغوا ڪرڻ جي ڪوشش ڪئي: ناهيدان شيخ*
  • *نيب شهباز شريف خلاف صاف پاڻي ڪمپني انڪوائري بند نه ڪئي آهي: نيب ترجمان *نيب شهباز شريف جي بدعنوانين خلاف ثبوتن جي بيناد تي ريفرنس داخل ڪيا: ترجمان *نيب ڪيسن ۾ رنڊڪون پيدا ڪندڙن کي مشورو آهي ته اهي عدالتي فيصلن جو انتظار ڪن: ترجمان*
  • *االعزيزيه ۽ ايون فيلڊ ريفرنس، نواز شريف جي لنڊن واري رهائشگاهه ٻاهران طلبي جا اشتهار لڳايا ويندا *رجسٽرار اسلام آباد هاءِ ڪورٽ پرڏيهي وزارت جي سيڪريٽري کي خط لکي ڇڏيو *طلبي جا اشتهار نواز شريف جي رهائشگاهه ٻاهران چورنگي تي لڳايا وڃن: خط *اشتهار پاڪستاني هاءِ ڪميشن پاران رهائشگاهه ٻاهران لڳايا وڃن: خط*
  • *لاڙڪاڻي ۾ مبينا تشدد جو نشانو بڻيل اي ايس آءِ اصغر مغيري جو يوٽرن *اصغر مغيري رٽائرمينٽ واري درخواست واپس وٺڻ بعد ڊيوٽي شروع ڪري ڇڏي *رٽائرمينٽ واري درخواست منظور نه ٿيڻ سبب ڊيوٽي شروع ڪئي آهي: اصغر مغيري *اصغر مغيري پاران رٽائرمينٽ بابت ڪا به درخواست ناهي ملي: ايس ايس پي جو پي آر او*
  • *هالاڻي ۾ هاءِ اسڪول جي ٻن شاگردن کي ڪورونا جي تصديق *هاءِ اسڪول ھالاڻي جي110 شاگردن جي ٽيسٽ ڪئي وئي جن مان ٻن جي رپورٽ پازيٽو اچي وئي *ڳوٺ الهڏنو جوڳي واسي ٻن شاگردن کي ڪورونا جي تصديق بعد گهرن ۾ آئيسوليٽ ڪيو ويو*
  • *ٺل ويجهو مقتول احمد نوناري جي قتل خلاف هنيل ڌرڻي دوران چڪريون، 3 اهلڪار زخمي* ٺل: مظاهرين ۽ پوليس ۾ چڪرين دوران ايس ايڇ او سميت 3 اهلڪار زخمي ٿي پيا، اسپتال منتقل *ٺل: پوليس جي مقتول احمد نوناري ۽ سعيد ڀٽي جي ڪيس ۾ گهربل 2جوابدار گرفتار ڪرڻ جي دعويٰ *جوابدار عظمت گهڃو ۽ محمد بخش کي گرفتار ڪيو آهي: پوليس *
  • * لاهور: احتساب عدالت ۾ رمضان شگر ملز ريفرنس جي ٻڌڻي *حمزه شهباز اوهان کي ڪورونا وائرس آهي؟: عدالت جو سوال *جي ها مونکي ڪورونا وائرس هو، هاڻي طبيعت بهتر آهي: حمزه شهباز جو جواب *عدالت وڪيلن جي هڙتال سبب ٻڌڻي 31 آڪٽوبر تائين ملتوي ڪري ڇڏي*
  • * سپريم ڪورٽ ۾ 25 هين آئيني ترميم خلاف درخواست تي ٻڌڻي *وفاق ۽ ڪي پي حڪومت درخواست ٻڌڻي جوڳي هجڻ تي اعتراض واري ڇڏيا *درخواستگذار کي پهرين درخواست ٻڌڻي جوڳي هجڻ بابت دليل ڏيڻا پوندا: ايڊيشنل اٽارني جنرل *آرٽيڪل 17 تحت سياسي حق ۽ بينادي حقن ۾ شمار ٿين ٿا: سپريم ڪورٽ *قبائلي علائقا پنهنجي مرضي سان پاڪستان ۾ شامل ٿين، انهن جون قربانيون آهن: عدالت*
  • *بلدياتي چونڊن ۾ آزاد اميدوارن کي مخصوس سيٽون نه ڏيڻ وارو معاملو *سنڌ هاءِ ڪورٽ ۾ ذوالفقار مرزا جي درخواست تي ٻڌڻي *بدين اتحاد، 2015ع ۾آزاد حيثيت سان 4يوسيز ۾ ڪاميابي حاصل ڪئي: درخواستگذر جو وڪيل *مخصوس سيٽون نه ڏيڻ سان يوسيز چونڊيل نمائندن بدران بيوروڪريٽس هلائين پيا: وڪيل *ايندڙ بلدياتي چونڊن ۾ اهو مسئلو ٻيهر سامهون ايندو: وڪيل *عدالت فوري ٻڌڻي لاءِ درخواست تي سنڌ حڪومت ۽ اليڪشن ڪميشن کي نوٽيس جاري ڪري ڇڏيا *عدالت ڌرين کي 18نومبر تائين جواب ڏيڻ جي به هدايت ڪري ڇڏي *قانون موجب مخصوص سيٽون رڳو سياسي جماعت کي کي ڏئي سگهجن ٿيون: اليڪشن ڪميشن *
  • *مدئجي ۾ گذريل ڏينهن پوليس جي مبينا مقابلي ۾ مارجي ويل نوجوان جي وارثن پاران لاش رکي ڌرڻو *مقتول صديق جلباڻي جي وارثن جلباڻي لاڙي وٽ لاش رکي روڊ بلاڪ ڪري ڇڏيو، ٽائرن کي باهيون* پوليس صديق کي ڪوڙي مقابلي ۾ قتل ڪيو، هڪ نوجوان کي به گم ڪيو ويو آهي: وارث*
  • *لاڙڪاڻو: ڊسٽرڪٽ اينڊ سيشن جج پاران چانڊڪا اسپتال جو دورو *لاڙڪاڻو: سيشن جج اقبال حسين ميتلو کي ايم ايس ڊاڪٽر ارشاد ڪاظمي پاران بريفنگ ڏني وئي *65بسترن واري ايڇ ڊي يو وارڊ ۾ پوسٽ ڪورونا مريضن لاءِ انتظام ڪيل آهن: ايم ايس چانڊڪا اسپتال *چانڊڪا اسپتال ۾ جديد سهولتون اطمينان بخش آهن، هڙتالون يا مظاهرا نه ٿيڻ گهرجن، سيشن جج *
  • *اسلام آباد: احتساب عدالت نارووال اسپورٽس سٽي ڪيس جي ٻڌڻي *نيب احسن اقبال خلاف ريفرنس داخل ڪرڻ لاءِ هڪ ڀيرو ٻيهر مهلت گهري ورتي *نيب جي جاچ آفيسر اڳڀرائي رپورٽ احتساب عدالت ۾ جمع ڪرائي ڇڏي *پري ايگزيڪيوٽو بورڊ ۾ ريفرنس پيش ڪيو هو، اڃا منظوري رهيل آهي: جاچ آفيسر*
  • *حيدرآباد ۾ ڪورونا جي ڪيسن ۾ ٻيهر واڌ، 24ڪلاڪن دوران 29نوان ڪيس ظاهر *حيدرآباد جي شهري تعلقي ۾ 6،لطيف آباد ۾11۽ قاسم آباد ۾ 12 نوان ڪيس ظاهر *221 ڄڻا گهرن ۾ آئيسوليٽ،7 ڄڻا سول اسپتال ۽ 5 ڄڻا ڪراچي جي اسپتالن ۾ داخل*

ڪاگوشيما جون يادون ۽ تبليغي….ڊاڪٽر انيلا ناز سومرو

ڪاگوشيما ڪنھن به وڏي شھر جھڙوڪ ٽوڪيو، اوساڪا، فڪوڪا، ھيروشيما جي ڀيٽ ۾ ننڍو شھر آھي ۽ ماضي ۾ روايتي سمورائي رياست رھيو آھي، جنھن کي ساتسما سيندائي سڏيو ويندو ھيو. پنهنجي ڏاکڻي بيھڪ ۽ سمورائي تاريخ جي ڪري ھي شھر جيتوڻيڪ ترقي ۾ ته ڪنھن به سڌريل شھر جھڙو آهي پر ماڻھن جا رويا انتهائي روايتي رهيا آھن ،جنھنڪري جيڪي به ٻاهريان ماڻهو آهن جيڪي اتي رهن ٿا انھن به پاڻ کي سماجي روايتن جو پابند رکيو. شروع ۾ پاڪستان مان فقط ٻه شاگردياڻيون هيون جن ۾ ھڪ مان ۽ ھڪ نورين ھئي، جيڪا راولپنڊي جي ھئي. مان ڪاگوشيما يونيورسٽي جي فشريز فيڪلٽي ۾ هيس ۽ نورين ميڊيڪل فيڪلٽي ۾ پڙهائي ڪري رهي هئي. نورين جيئن ته وڏي ڪٽنب ۾ رھي انڪري ھو ھميشه ماڻھن کي گڏ رکڻ ،دعوتون ڪرڻ، عيد ملن، ون ڊش پارٽيون رکڻ ۾ رڌل ھوندي ھئي. انھن پارٽين ۾ اسانجون پاڪستاني فيمليز شريڪ ٿينديون ھيون.
انهن خاندانن ۾ لاهور جا ٽي راجپوت ڀائر هئا جن مان ٻه ڄڻا ڊاڪٽر انور ۽ افضل ميڊيڪل فيڪلٽي ۾ ھيا. ھڪ انجنيئرنگ فيڪلٽي ۾ ھيو، ۽ انهن کانسواءِ هڪ سوات جو رهواسي حفيظ الرحمان بنگش ھيو جيڪو ھن مھل ڪاگوشيما يونيورسٽي ۾ جيالاجي جو پروفيسر آهي. ان کانسواءِ پشاور مان طاھر ڀائي ھيو جنھن جي گھرواري سيما اسانجي پڪي ۽ سٺي سهيلي هوندي هئي.
ھن جي حرڪتن ،عادتن ،معصوميت ۽ بيوقوفين تي ھڪ پورو چيپٽر لکي سگھجي ٿو.
اسان (مان ۽ نورين ) ڪوشش ڪندا هياسين ته انهن فيمليز کي ڳنڍي هلون. پوءِ اسان ھاسٽل ۾ ھر هفتي موڪل واري ڏينهن پارٽيون پيا ڪندا ھياسين. هاسٽل جوھال اڪثر اسان جي استعمال ۾ئي هوندو ھيو.
مٿي ذڪر ڪيل سڀئي پاڪستاني هاڻي جاپان جا مستقل شھري آهن. انهن کان علاوه بزنس ڪميونٽي وارا ڪافي پاڪستاني ڪاگوشيما ۾ سيٽلڊ آهن جن مان اسانکي سڀني کان ويجھا سهيل ڀائي ۽ انجي گھر واري ھيا. هي ڪراچي جي اردو ڳالھائيندڙ فيملي آهي جنهن سان اسانجي ملاقات ھڪ افطار پارٽي ۾ ٿي هئي جيڪڏهن اڄ به مان ڪنهن جي آسري ڪاگوشيما وڃان ته اهي بشرا ۽ سهيل ڀائي ھوندا. انهن جو استعمال ٿيل ڪارن جو ڪاروبار آهي. انکان سواءِ پروفيسر حفيظ الرحمان بنگش به پنهنجي مزاج ۾ قانون جي پاسداري ڪندڙ ۽ انتھائي خيال رکڻ وارو انسان آھي.جاپان جي شهريت حاصل ڪرڻ لاءِ ڏھه سالن تائين ٽيڪس پياريندڙ جي حيثيت سان جاپان ۾ رھڻ کانسواءِ ضروري آهي ته ڪا به ننڍي ڪا وڏي قانون جي ڀڃڪڙي نه ڪجي، گهر پاڙي شهر ۽ روڊ سان لاڳاپيل سڀني قانونن تي عمل ڪيو وڃي.
هي سڄي تمهيد مان ھڪ ننڍي واقعي جي ڪهاڻي ٻڌائڻ لاءِ ٻڌي آهي .
اسان کي ڪاشيما يونيورسٽي ھڪ سال لاءِ يونيورسٽي هاسٽل ۾رهائيندي آهي ان کانپوءِ ھر ڪنھن کي اپارٽمينٽ ۾ شفٽ ٿيڻو پوندو آهي. منهنجي فيڪلٽي جيئن ته شھر جي سينٽر ۾ هئي. انڪري اتي اپارٽمينٽ ٻين علائقن کان مھانگا ۽ ملڻ به مشڪل ھيا. مونکي فيڪلٽي کان ڏهن منٽن جي واڪ تي ھڪ ڪمري جو اپارٽمينٽ ڏاڍي مشڪل سان مليو هيو جيڪو مھانگو به وڌيڪ هيو. بھرحال ھڪ ڪميونٽي گڏجاڻي دوران لاهور وارن مان ڪنھن ذڪر ڪيو ته ڪجهه ڏينھن ۾ تبليغي جماعت ڪاگوشيما ايندي انھن جي رھائش جو بندوبست ڪرڻو آھي. ان وقت ته ڪاگوشيما ۾ ڪا به مسجد نه ھئي يونيورسٽي انتظاميا ڊورميٽري جو ھڪ ڪمرو اسانکي مسجد طور استعمال ڪرڻ لاءِ ڏنو هيو. جتي نماز پڙهي ويندي هئي ۽ رمضان ۾ افطار پارٽين ۽ تراويح لاءِ ھاسٽل جو ھال بڪ ڪرايو ھيو.
بهرحال تبليغي جن جا ميزبان اسان جا لاهوري ڀائر ھيا اهي چاھين پيا ته کين ڪير پهنجي گھر ۾ رهائي. انھن سڀني ڀائرن جاگهر وڏا ھيا جيتوڻيڪ شھر کان پري ھيا پر سڀني وٽ پنهنجون گاڏيون به هيون. پهرين انھن نورين کي چيو پر جيئن ته نورين جي فيڪلٽي به شهر کان ڪافي پري ساڪراگائوڪا ۾ ھئي، انڪري آخري فيصلو اھو ٿيو ته تبليغي مهنجي گھر ۾ رھندا جيڪو انتھائي ننڍوگهر هيو ۽ تبليغي تقريبن ڏھه ڄڻا هئا. ۽ان کانسواءِ ٻاهرين لاءِ مقرر ٿيل سرڪاري سپاهي به منهنجي غير موجودگي ۾ منهنجي گھر جو واءُ سواءُ لهي ويندو ھيو. اسان سڀيئي ھن جاسوس جنھن جو نالو اريمتس سان ھيو کي سڃاڻيندا ھياسين جو ھو اڪثر شاگردن کي شفٽنگ دوران ڪم ايندو ھيو. منهنجي واشنگ مشين به هو منھنجي غير موجودگي ۾ منهنجي گھر جي ٻاھران هو ئي فڪس ڪري ويو ھيو.
بهرحال اسانجا پاڪستاني تبليغي جماعت وارا ٽي ڏينھن منھنجي گھر ۾ رھيا۽ مان اھي ڏينھن نورين وٽ وڃي رھيس. پاڪستاني ۽ بنگالي مسلمان انھن جي کاڌي پيتي جو خيال ڪندا ھيا ۽ ھو نماز مھل لڪي ٻن ٻن جي ٽولين ۾ ھاسٽل واري عارضي مسجد ۾ ويندا ھيا.
ان سڄي مھمان نوازي ۾ اسانجي مصري، جارڊينين مسلمان ڀائرن پاڻ کي لاتعلق رکيو جو اها روايت ھندستان جي آهي. جيتوڻيڪ انھن جي باري م اريمتس سان (جاپاني جاسوس) مونسان ڪڏھن به ذڪر نه ڪيو پر مونکي يقين آهي ته جي مان اتي رھي ڪري ڪڏھن شهريت لاءِ ڪوشش ڪيان ھا ته تبليغين کي گهر ۾ رهائڻ ھڪ نيگيٽو پوائنٽ هجي ھا. منهنجي لاهوري ڀائرن جن تبليغين کي گھرايو ھيو انھن انڪري اھي تبليغي مون وٽ رھايا جو انھن کي شھريت وٺڻي ھئي جيڪا کين پهرين ڪوشش ۾ ئي ملي ويئي ملي. ان کي چئبو آهي ٻئي جي ڪلھي تي رکي نيڪي ڪرڻ ۽ نيڪي جي ناڪاري اثرن کان پاڻ کي بچائڻ. ان کان پوءِ منهنجي پاڙي وارو ريٽائر فوجي سدائين مونکي ڏسي ڏند ڪرٽيندو رھندو هو.

This entry was posted in Soormi. Bookmark the permalink.

Leave a Reply

Your email address will not be published. Required fields are marked *