تازا ترين
  • *صوبائي وزير سعيد غني پاران ڪراچي جي اسڪولن جو دورو، ايس او پيز تي عمل جي هدايت*
  • *مهانگائي جو نئون طوفان: 94 دوائن جي قيمتن ۾ 264 سيڪڙو واڌ: کاڄرو تيل، کير ۽ ٻارن جو کاڌو به مهانگا*
  • *لياقت آباد، ملير، قائد آباد، گلشن اقبال،گلستان جوهر، ڪلفٽن، کارادر، لياري ۾ بجلي ناياب*
  • *سنڌ ۾بجلي جو بدترين بحران، اڻ اعلانيل لوڊشيڊنگ جو عذاب جاري*

ڪاوڙ ۾ شادي … همير گاد

ڪجھه ڏينهن پهريان هڪ نيوز پڙھي ته پاڪستاني اداڪاره ۽ هدايتڪاره سنگيتا پاڪستان جي ڪيترين ئي فلمن ۾ ولين جا رول ادا ڪندڙ اداڪار همايون قريشي سان ڪاوڙ ۾ شادي ڪئي هئي..جي ها بقول سنگيتا جي اها شادي محبت جي بلڪل نه هئي پر اها اهڙي شادي هئي جيڪا مون غصي ۾ ڪئي هئي، مان ننڍي عمر جي هيس ۽ منهنجي ماءُ سان ڪنهن ڳالھه تي جهيڙو ٿي پيو هو ۽ پوءِ آئون سڌو شوٽنگ تي هلي ويس اُتي موجود ساٿي اداڪارن مان صرف همايون قريشي ويٺو هو جنهن کي مون شادي جي آڇ ڪئي هئي.ڪمال آ جيڪڏهن اُتي همايون قريشي جي جاءِ تي رنگيلو ويٺو هجي ها ته…؟
صرف سنگيتا ۽ همايون قريشي ئي نه پر پاڪستان فلم انڊسٽري جي ماضي جي اداڪارن حبيب ۽ نغمه به ڪاوڙ ۾ شادي ڪئي هئي. ڪاوڙ ۽ غصي ۾ طلاق جو ته ٻڌو هو پر غصي ۾ ماڻھو شادي ٿا ڪن اهو پهريون ڀيرو ٻڌو آ.
منهنجو دوست ڌنو به اڄ ڪلھه گهروارن کان ڪاوڙيو ويٺو آ.چئي ٿو منهنجي جلدي شادي ڪرايو، منهنجي سون جهڙي جواني گذرندي ٿي وڃي. مالڪن کي ڌمڪي ڏني اٿائين ته لاڪ ڊائون ختم ٿئي يا نه ٿئي، مان عيد کان پوءِ هر حال ۾ شادي ڪندس.عيد کان پوءِ جيڪڏهن منهنجي شادي نه ٿي ۽ منهنجي ڪاوڙ ۾ اڃان وڌيڪ اضافو ٿيو ته آئون ٻه شاديون گڏ ڪندس. مون ڌنو کي چيو: ڌنو خير ته آھي، ٻه شاديون ڪندي…؟ پهريان هڪ ته ڪر پوءِ ٻي جي باري ۾ سوچجان، جيڪڏهن هڪ کي سنڀالي وئين ته سمجهھ ته تون اڌ جنگ کٽي وئين.
چيائين: چريا! تڏهن ته ٻه شاديون گڏ ٿو ڪريان ته جيئن مڪمل جنگ کٽيان.مان ته هني مون جو به سوچي ڇڏيو آ.هني مون اسان جو پڪا چانگ ۾ ٿيندو. ”پڪا چانگ ۾.؟ خبر اٿئي پڪا چانگ ڪٿي آھي.؟“ ” ها خبر آ، رياض ڊيڪوريشن واري جي ڀرسان.“ منهنجو دوست ڌنو ويچارو هن وقت تائين ڊزن کن عشق ڪري چڪو آ، پر اڄ ڏينهن تائين کيس ڪاميابي نصيب ناهي ٿي،دعا آھي ته ڌنو جي عيد کان پوءِ شادي ڀلي سادگي سان ئي ٿئي پر ٿئي.شادي لاءِ ويچارو ڏاڍو سڪي ٿو. هن ته جنهن به ڇوڪري سان عشق ڪيو اها بعد ۾ نيڪ بڻجي وئي. مون کي روئي چوندو هو : جنهن به ڇوڪري سان عشق ڪيو ان نيڪ بڻجي منهنجو ٻيڙو ٻوڙي ڇڏيو. هاڻي ڏسئون شادي کان پوءِ ڌنو جو ٻيڙو تري ٿو يا ٻُڏي ٿو.

This entry was posted in Rachna. Bookmark the permalink.

Leave a Reply

Your email address will not be published. Required fields are marked *