تازا ترين
  • ڪوٽڙي: نوري آباد سپر هاءِ وي تي مسافر وين کي باهه: 9 ڄڻا سڙي فوت: ترجمان موٽروي*
  • *عادلپور ويجهو بجلي جو ڪرنٽ لڳڻ سبب نوجوان فوت *ڳوٺ رمضان ڪولاچي ۾ بجلي جو ڪرنٽ لڳڻ سبب 35ورهين جو عبدالقدوس ڪولاچي فوت ٿي ويو*
  • *حيدرآباد: ڪسٽم انٽيلينجس جي سعيد آباد ۾ ڪارروائي، انڊيا کان اسمگل ٿيل آرٽيفيشل جيولري هٿ *اسمگلر آرٽيفيشل جيولري کي چين جي ظاهر ڪئي: ڪسٽم: ذريعا *آرٽيفيشل جيولري اصل انڊيا کان اسمگل ڪئي وئي آهي:ڪسٽم ذريعا *آرٽيفيشل جيولري جي ماليت تقريبن 29ملين رپيا آهي:ڪسٽم ذريعا *
  • *ملڪاڻي شريف: ايل بي اوڊي سم نالي سميت ننڊن ٻين نالن کي لڳل گھارن جو پاڻي نيڪال نه ٿيو *گهارن سبب سوين ڪچا گھر ڪري پيا، سوين ايڪڙن تي بيٺل فصل تباهه *پاڻي نيڪال نه ٿيڻ خلاف سنڌ آبادگار ۽ عوامي تحريڪ جي ڪارڪنن جي اڳواڻي ۾ احتجاج *پاڻي نيڪال جا لنگھه بند ٿيڻ ڪري ھر سال برساتن دوران نقصان ٿيندو آهي: احتجاج ڪندڙ*
  • *ميرپورخاص ۾ ٻوڏ متاثرن جو واهر نه ٿيڻ خلاف احتجاج، راشن من پسند ماڻهن ۾ ورهائڻ جا الزام *فاقا ڪشي واري زندگي گهاري رهيا آهيون، واهر ڪئي وڃي: احتجاج ڪندڙ ٻوڏ متاثر*
  • *نوشهروفيروز: ڀرٽ ۽ سولنگي تڪرار کي ختم ڪرائڻ لاءِ وڪيلن جو منٿ ميڙ قافلو سولنگين وٽ پھتو *قافلو پهرين مرحلي ۾ سولنگي برادري وٽ مناهي پهتو، سولنگي برادري پاران مھلت طلب *سولنگي ۽ ڀرٽ ڌرين ۾ هلندڙ تڪرار ۾ هن وقت تائين ٻنهي ڌرين جا 4 ڄڻا قتل ٿي چڪا*
  • *کپرو: نوجوان شھريار قائم خاني جا قاتل گرفتار نه ٿيڻ خلاف وارثن جو احتجاجي مظاهرو *هڪ مهينو گذرڻ باوجود پوليس جوابدار گرفتار ناهي ڪري سگهي: احتجاج ڪندڙ *پوليس قاتلن کي پروٽوڪول ڏئي رهي آهي: پيءُ علي قائمخاني*
  • *جوهي ۾ بدامني خلاف شهرين جو ٿاڻي آڏو احتجاجي مظاهرو *ٻوڏ جي ماريل ماڻهن جو ڏوهارين به جيئڻ جنجال ڪري ڇڏيو آهي: احتجاج ڪندڙ *پوليس ۾ ساٿاري ۽ ڀوتارن جي پٺڀرائي هجڻ ڪري ڏوهاري سرعام گهمي رهيا آهن: احتجاج ڪندڙ *
  • *جاتي: برساتن کانپوءِ گندو پاڻي واپرائڻ سبب گيسٽرو جي مرش ۾ واڌ، اسپتال ۾ دوائن ۽ بيڊن جي کوٽ *اسپتال ۾ بيڊن جي کوٽ سبب مريض وارڊن ۾ فرش تي پيل، دوائون نه ملڻ جون به دانهون *
  • *ڄامشورو: بنيادي سهولتن جي کوٽ خلاف جدوجهد ڪميٽي پاران 24 ڪلاڪن واري علامتي بک هڙتالي ڪئمپ قائم *ڄامشورو اوور هيڊ برج هيٺيان لڳايل ڪئمپ ۾ وڏي انگ ۾ سياسي توڙي سماجي اڳواڻ ۽ شهري شريڪ *ڪامورن علمي درسگاهن جي شهرکي تباهه ڪري ڇڏيو آهي: اڳواڻ *شهر ۾ پاڻي جي کوٽ سميت رستن ۽ گهٽين ۾ گندگي جا ڍير لڳل آهن:احتجاج ڪندڙ *شهر مان اڃا تائين برساتي پاڻي نيڪال ناهي ٿي سگهيو، ضلعي انتظاميا ڪو ترقياتي ڪم ناهي ڪرايو: اڳواڻ*
  • *سنڌ ٽيڪسٽ بڪ بورڊ پاران تيار ڪيل نائين ڪلاس جو بائلاجي ڪتاب ۾ ڇپيل سيليبس ۽ بورڊ طرفان ڏنل سيليبس ۾ فرق *بورڊ پاران جاري ڪيل ليٽر وارا سيليبس ڪتاب ۾ موجود ئي نه آهن: استاد *سيليبس ۾ فرق هئڻ ڪري اسڪولن جا شاگرد ۽ استاد پريشان *بورڊ پاران جاري ڪيل ليٽر وارا سنڌ ٽيڪسٽ بورڊ جي ڪتابن جي کوٽ*
  • *اسلام آباد: ام رباب جي ٽن گهرڀاتين جو قتل ڪيس، سپريم ڪورٽ پاران روپوش جوابدار گرفتار ڪرڻ جو حڪم *چيف جسٽس جي سربراهي ۾3 رڪني بينچ 24 سيپٽمبر جي ٻڌڻي جو حڪم نامو جاري ڪيو *عدالت پاران ڊي آءِ جي حيدرآباد پاران پيش ڪيل رپورٽ تي عدم اطمينان جو اظهار *ڊي آءِ جي ايندڙ ٻڌڻي تي روپوش جوابدارن کي گرفتار ڪري عدالت کي آگاهه ڪري: حڪم نامو*
  • *اسلام آباد: بحريا ٽائون ڪراچي پاران قسطن جي ادائيگي لاءِ 2 سال مهلت گهرڻ بابت ڪيس جو حڪم نامو جاري *سپريم ڪورٽ 16 سيپٽمبر جي ٻڌڻي جو تحريري حڪم نامو جاري ڪري ڇڏيو *بحريا ٽائون جي وڪيل پاران درخواست واپس وٺڻ جي بنياد تي ڪيس اڪلايو ويو آهي: حڪم نامو *بحريا ٽائون 460 ارب رپيا ادا ڪرڻ لاءِ قسطن ۾ٻن سالن تائين مهلت گهري هئي *
  • *عمرڪوٽ ويجهو زميندار جي نجي جيل تي ڇاپو، 27 هاري بازياب *ڊسٽرڪٽ اينڊ سيشن جج عمرڪوٽ جي حڪم تي پوليس ڪارروائي ڪئي *بازياب ڪرايل هاري فرسٽ ايڊيشنل سيشن جج عمرڪوٽ جي عدالت ۾پيش *
  • *حيدرآباد تعليمي بورڊ ڏهين جماعت جي 2020 جي نتيجا جاري ڪرڻ جو اعلان ڪري ڇڏيو *ڏهين جماعت جي سائنس ۽ جنرل گروپ جا نتيجا اڄ شام 5وڳي جاري ڪيا ويندا*

ڪانگل سان ڪچهري (آنءُ ۽ ڪانءُ) … (حصو پهريون) ڊاڪٽر نواز علي شوق

صبح سوير ننڊ مان اٿيس ته من مونجهو ۽ اندر اٻاڻڪو محسوس ٿيڻ لڳو. ڪورونا جي قيد ۾ هئڻ سبب ڪو اچي وڃي ڪو نه! وري ان وبا جا قهر، ڄڻ ڪربلا هئي. من جي مونجهه لاهڻ لاءِ مائي ڀاڳي جو ڳايل گيت جهونگاڻ لڳم.
مون کي جوڳي هڻي ڏي تون ڍارو
منهنجو ڪانگل آهي قرب وارو
اهو گيت ٻه ٽي ڀيرا جهونگارڻ کان پوءِ ڏٺم ته قرب وارو ڪانگل اچي ويو. ڪانگل کي ڏسي ڏاڍي خوشي ٿي، سوچيم ته کِنياتو ڪا سٺي خبر کڻي آيو هوندو. وري جڏهن مِٺيون ٻوليون ٻولڻ لڳو ته کلي خوش ٿي چيو مانس:
ڪانگ ! تنهنجي چانگ، جڏو جيءُ جياريو سندس ٿورا مڃيندي کيس چيم :
زاغ ! تنهنجي ذات جو، ٿورو مٿي مون
وري ڀٽائي جو هي بيت ٻڌايو مانس.
قريبن جو ڪانگڙو، مٿي ٽار ٽلي
سو ڄشمن تي چلي جو درٻاري دوست جو
ميچ ڏئي چيو مانس، پيارا پري ڇو ويٺو آهين، ويجهو ٿي، ڪي ساڻيهه جون سهڻيون ڳالهيون سڻاءِ. پرين جي پار جا جيڪي خطڙا آندا اٿئي، سي سِڪ جا سنيها کولي ٻڌاءِ ته ڪو اندر کي آٿٿ اچي.
آءُ ڪانگا ٻهه ڪول، سڌيون ڏي ساڻيهه جون
آندءِ جي عجيبن جا، سي خط خوشيءَ سين کولي
آءُ سڻيان تون ٻول، سنيهو سڄڻ جو.
ڏٺم ته ڪانگل تي منهنجي مِٺين ڳالهين ڪو اثر نه ڪيو. خوبصورت خطن بجاءِ منهنجون خطائون کولڻ لڳو. چيو مانس ته توسان پراڻي پريت آهي. ننڍي لاءِ جڏهن امان صبح جو مکڻ ۽ ماني ڏيندي هئي ته ماني جا ٽڪر ڀڃي توکي کارائيندو هوس. ڪڏهن ڪڏهن ٽيري مکڻ جي به ڏيندو هيو مانءِ. سياري جو توکي بسريون کارائيندو هوس. اها سنگت توکان وسري وئي آهي ؟ دير ڪندو هوس ته تون اهڙو حجائتو هوندو هئين جو بهپڙ ڏيئي منهنجي اڳيان ماني کڻي ويندو هئين.” اهو ٻڌي ڪانءُ اڃان وڌيڪ ڪاوڙ ۾ اچي ويو. ڪانءُ. “ ڪوڙ نه ڳالهائي تون ڪڏهن ڪو پاروٿو ٽڪر ڏيندو هئين يا مان بک کان ٻارن جي هٿن مان لولا کسي وٺندو هوس. مون تي اجايا ٿورا نه ٿڦ.”
آنءُ . ڪانگل ! ورهين کان پوءِ آيو آهين. ڪورونا اسان سان قهر ڪري ڇڏيا آهن. تون وري مهڻا ڏيڻ لڳو آهين. ڏاهو ٿي، جهيڙا نه ڪر ڪورونا جو ڪٺل آهيان من ماندو آهي. اچ ته ڪا قربائتي ڪچهري ڪيون.”ڪانءُ. اها ڪورونا بڇڙي بلا تنهنجي بڇڙاين جي ڪري ته آئي آهي.” آنءُ . ڪانگل آءُ انسان آهيان انسانن جو وڏو شرف ۽ شان آهي. ڪانءُ. پنهنجي تعريف پاڻ نه ڪر توهان جي بڇڙاين ۽ بدڪارين سان تاريخ ڀريل آهي. الله جا نبي سونهارا توهان کي نصيحت ڪرڻ آيا. الله پاڪ جو پيغام کڻي آيا. پر توهان انهن سان جنگيون ڪيون. کين تڪليفون ڏنيون. نافرماني ڪيو ته توهان تي طرح طرح جا عذاب نازل ٿيا. ڪڏهن طوفان آيا. ڪڏهن زلزلا آيا. ڪڏهن پٿرن جو مينهن وسندو رهيو. ڪڏهن وبائون آيون. پوءِ به نه سڌريو. ڪربلا جو قصبو ڪنهن ڪرايو ؟ مخدوم بلال کي گهاڻي ۾ ڪنهن پيڙايو ؟ شاهه عنايت کي جهوڪ ۾ پنهنجن ساٿين سان ڪنهن قتل ڪيو”
آ؟ آنءُ. “ ڇڏانهن پراڻين ڳالهين کي ڪا چڱي ڳالهه ٻڌاءِ”.
ڪانءُ.“ توهان چڱا هجو ته توهان کي ڪا چڱي ڳالهه ٻڌائجي. پنهنجا ڪرتوت ته ڏسو. سردارن ڀوتارن جي اشاري ۽ ٽيڪ تي ماڻهو اغوا ڪري ڀنگ وٺي پنجين پتي پاڻ کڻو ٻيا پئسا سردارن ۽ ڀوتارن جي حوالي، ڪامورن جا وري ڪڌا ڪم ڏس، رشوت ۽ ڪميشن ذريعي ڪروڙين رپيا ڪمائي، بنگلا ٺهرائي، ان تي لکرائي ڇڏين“ هزا من فضل ربي”. حرام شيءِ کي حلال ٿا سڏيو. مسلمان هوندي وياج جو ڪاروبار ڪيو ٿا.”
آنءُ . ڪانگل ….
ڪانءُ. منهنجي ڳالهه ڪٽيندي اهي سردار ۽ ڀوتار جن جي اوهان غلامي ڪيو ٿا. تن انگريز جي درٻار ۾ “ڪرسي” حاصل ڪرڻ لاءِ گيسيون ڪيون. انگريزن کين زليل ڪرڻ لاءِ پنهنجي بگي ۾ بيگم سان گڏ ويهي. کين گهوڙن وانگر ڍُڪائي چيو“ وڊيرا همارا بگي چلائو”. هنن خوش ٿي گهوڙن وانگر ڍُڪي انگريزن جون بگيون هلايون. اهڙي زلالت عيوض انگريزن کين درٻار لاءِ “ڪرسيون ڏنيون”. پنهنجي وفاداري جي مُهر هڻي کين خان بهادر ۽ خان صاحب جا خطاب ڏنا. هنن انگريزن جو ساٿ ڏئي سنڌ کي غلام بڻايو. انهن غدارن، انگريزن جي بوٽ پالش ڪرڻ وارن جا پويان جاگيردار، سردار ۽ ڀوتار سنڌ سان وفادار ڪيئن ٿيندا ؟ ڇو ته هو هميشا “ڪرسي” جي ڪڍ هوندا آهن. کين عوام جو ڪو اونو نه هوندو آهي. هنن ڪا تڪليف نه ڏٺي آهي. پلاٽ ۽ ٻرمٽون وٺي ڪميشن مان ڪروڙين رپيا ڪمايا. هو انهن مزن ۽ جشن لاءِ سياست ۾ آيا آهن. ڀٽائي اهڙن ڪوڙن سامين ۽ سياستدانن لاءِ ئي ته چيو آهي.
سامي چائين سُک طلبين، تسا ڏئين نه تن
ماڻهن کان مِنهن ڪيو، پنين اٽا ۽ اَن
ڪاپڙي توڪَن، ڪِ چيرا يا جشن لٽي.
آنءُ، تنهنجي پوءِ ٻڌندس، پهرين منهنجي ٻڌ.توهان الله ۽ الله جي رسول صلي الله عليه وآله وسلم جا نافرمان، پيءُ ماءُ جا نافرمان اوڙي پاڙي جا بد خواهه، رڳو نالي ۾ مسلمان آهيو.منهن ۾ مسلمان، اندر آذر آهين.
آنءٌ . يار……
ڪانءُ، (ڳالهه ڪٽيندي) ماٺ ڪر توهان مان صبر هليو ويو. ٿوري ٿوري ڳالهه تي آلڙي ڪُهاڙي ٿي پئو ٿا. گهر واري چانهن ٺاهڻ ۾ دير ڪئي ته هڻ موچڙو، ٻوڙ ۾ لوڻ گهڻو پئجي ويو ته لاهه لِتر، ڏينس منهن ۾ ڏنڀَ، ڪُوڙينس مٿو…. ڇا اها انسانيت آهي؟ ڪارو ڪاري جا ڪُڌا ڪاروبار ڪيو، ان جا فيصلا سردار ۽ ڀوتار ڪن ! معصوم نياڻين کي ريهي ريهي انهن سان ظلم ۽ زيادتي ڪري، پوءِ انهن کي ماري لاش گم ڪري ڇڏيو، توهان جي ڪُڌن ڪرتوتن جي ڪري توهان تي ڪورونا جي صورت ۾ عذاب نازل ٿيو آهي. ٿوري گهڻي تاريخ پڙهي هوندءِ نادر شاهه جڏهن سنڌ تي حملو ڪيو ته ماڻهن جو ڪوس ڪرائي، لُٽ ڦر ڪري سڀ ڪجهه کڻي ويو. سنڌ پڙڀانگ ٿي وئي، تڏهن ڪنهن شاعر چيو هو:
شامتِ اعمال مارا صورتِ نادر گرفت
(اسان جي اعمالن جي شامت نادر جي روپ ۾ اسان جي مٿان ڪڙڪي آهي)
آنءُ ، ڪانگل آءُ شاعر آهيان توکي تازي غزل جا ٻه ٽي شعر ٿو ٻڌايان ته من تنهنجي ڪاوڙ لهي عرض ڪيو اٿم…
ڪانءُ، “ کڏ ۾ پوي تنهنجي شاعري، اوهان شاعرن کي اهڙي ڪا شاعري جي پِٽ آهي، جو نه ڏسو مهل نه موقعو ڦهڪائي ڏيو غزل جا شعر، هر وقت شاعري مشاعرا…. ماڻهو مرن ٿا اوهان آن لائين مشاعرا ڪيو ٿا. ڏسو نه ٿا ته ڏکيو وقت آهي. توبه استغار ڪيو. مسڪين ماڻهن جي سار سنڀال لهو، اوڙي پاڙي جي مدد ڪيو، خير خيرات ڪيو. توهان جي مشاعرن واري واهه واهه ۽ مڪرر“ مان نه ڪنهنجو ڀلو ٿيندو ۽ نه وري هيءَ بلا ٽرندي.
رب پاڪ کان دعا گهرو:
جيڏو تنهنجو نانءُ، باجهه به اوڏيائي مٿان
ري ٿنٻين ري ٿوڻين، ٿون ڇپر تون ڇانءُ
ڪڄارو ڪهان، توکي معلوم سڀ ڪي.
هلندڙ

This entry was posted in Feature Story. Bookmark the permalink.

Leave a Reply

Your email address will not be published. Required fields are marked *