تازا ترين
  • *ڪراچي: عيد تي رڳو 10 ارب رپين کان به گهٽ جو ڪاروبار ٿي سگهيو: واپاري اڳواڻ عتيق مير * ڪراچي: هن سال عيد جي موقعي تي رڳو 10 ارب رپين کان به گهٽ جو ڪاروبار ٿي سگهيو * ڪراچي: گذريل سال عيد تي 35 ارب رپين جو ڪاروبار ٿيو هو *
  • *ڪراچي: ترجمان مرتضيٰ وهاب ڪراچي جهاز حادثي ۾ سڙي زخمي ٿيل ٽن گهريلو ملازم نارين واري خبر ٽائيم نيوز تي نشر ٿيڻ جو نوٽيس ورتو * ڪراچي: سنڌ حڪومت جي ترجمان مرتضي وهاب پورهيت نارين ناهيدان، مائرا ۽ عزيزان جي سهڪار جي خاطري ڪرائي * ڪراچي: ترجمان مرتضيٰ وهاب ۽ صوبائي وزير ناصر شاهه سڙي زخمي ٿيل ٽن ملازم عورتن جي عيادت ڪري سندن مالي سهائتا ڪندا *
  • *ڪراچي: اوقاف کاتي عيد جي موڪلن کانپوءِ سنڌ جون 3 اهم درگاهون کولڻ جو فيصلو ڪري ڇڏيو * ڪراچي: اوقاف کاتي جا ملازم زائرين کي ايس او پيز تي عمل ڪرڻ جا پابند هوندا * ڪراچي: شاهه عبدالطيف ڀٽائي، لعل شھباز قلندر ۽ عبدالله شاهه غازي جون درگاهون زائرين لاءِ کولڻ جو فيصلو ڪيو ويو *
  • *اسلام آباد: نيب خودمختيار ادارو آهي ۽ اُن اداري ڪڏهن به پنهنجو ڪم بند ناهي ڪيو: وفاقي گهرو وزير اعجاز شاهه * اسلام آباد: جهاز سانحي ۽ ڪورونا سبب عيد سادگي سان ملهائي پئي وڃي: وفاقي گهرو وزير * اسلام آباد: لاڪ ڊائون ۾ نرمي يا سختي جو فيصلو صورتحال کي ڏسندي ڪيو ويندو: اعجاز شاهه *
  • *سکر سول اسپتال جي آئسوليشن وارڊ ۾ ڪورونا جي شڪي عورت فوت *52 ورهين جي عورت کي ڪورونا جي شڪ سبب آئسوليٽ ڪيو ويو هو*
  • *عمرڪوٽ ڀرسان چنگچي رڪشا جي ٽڪر ۾ نينگر نصير ڪلر چيڀاٽجي فوت *هيرآباد اسٽاپ وٽ حادثو پيش آيو، نينگر جو لاش گهر پهچڻ تي ڪهرام*
  • *لاڙڪاڻو: مختلف علائقن ۾ ڪتن 2 ٻارڙن سميت 6 ڄڻن کي ڏاڙهي وڌو *لاڙڪاڻو: 6 ڏينهن ۾ ڪتن جي ڏاڙھيل ماڻهن جو انگ وڌي 50 ٿي ويو*
  • *پنجاب جي راجنپور واري علائقي مان 3 پوليس اهلڪار اغوا، پوليس آپريشن شروع ڪري ڇڏيو*
  • *سنڌ ۾ آپگهات وارن واقعن ۾گهٽتائي نه آئي، ٽنڊو باگو ڀرسان 2 عورتن زهريلي دوا پي ڇڏي، حالت ڳڻتي جوڳي*
  • *واهي پانڌي: مستوئي پاڙي ۾ پورهيت عيسيٰ سومرو جي گهر کي باهه لڳي وئي *گهر مڪمل طور سڙي ويو، رڳو جانيون بچائي نڪتا آهيون، مالي سهائتا ڪئي وڃي:متاثر*
  • *چڪ: جتوئي برادري ۾ تڪرار تان جهيڙو، ڌنار مرڻينگ *هڪ ڌر ڌنار کي زخمي ڪرڻ کانپوءِ 12 مينهون ڪاهي وئي*
  • *ڪراچي: برنس روڊ ۾ اي سي ڦاٽڻ سبب زخمي ٿيل 4 ڄڻن دم ڏئي ڇڏيو*
  • *ٺڪراٺو ڀرسان جوڻاس مائينر کي آرڊي 9 وٽان 20 فوٽ گهارو، فصل پاڻي هيٺ *اطلاع باوجود آبپاشي عملدار نه پهتا، ڳوٺاڻا پنهنجي مدد پاڻ تحت گهارو بند ڪرڻ ۾ رڌل*
  • *ٽنڊو باگو ڀرسان ناري زهريلي دوا پي آپگهات ڪري ڇڏيو*
  • *پکو ڀرسان نوجوان سيد خالد حسين فائرنگ ۾ مرڻينگ، چانڊڪا اسپتال منتقل *نوجوان تي موٽر سائيڪل سوار هٿياربند فائرنگ ڪري فرار ٿي ويا *معاملو سيد برادري جي ٻن ڌُرين ۾ پُراڻي تڪرار جو نتيجو آهي: پوليس *

ڇا رابي پيرزادا وارو معاملو هڪ سازش آهي؟…..علي وقاص سنديلو

ڪجهه ڏينهن اڳ پاڪستاني ڳائڻي ۽ اداڪارا رابي پيرزاده جون ذاتي وڊيوز ۽ تصويرون ليڪ ٿيون هيون، جنهن کانپوءِ سوشل ميڊيا تي ٿرٿلو مچي ويو. رابي پيرزاده پريشاني ۽ ذهني دٻاءَ جو شڪار پڻ رهي. ايستائين جو هن جو چوڻ هو ته هوءَ ايتري مايوس آهي جو مرڻ چاهي ٿي. سندس چوڻ هو ته هاڻي مونکي اندازو ٿيو آهي ته جنسي زيادتي کانپوءِ ڇوڪريون آپگهات ڇو ڪن ٿيو، هي سماج مونکي به مارڻ چاهي ٿو.
رابي پيرزادا #Saveasoul هيش ٽيگ سان هڪ ٽوئيٽ به ڪيو هو ته “جيڪو بندو دنيا ۾ ڪنهن بندي جي پرده پوشي ڪندو، الله عزوجل قيامت جي ڏينهن ان جي پرده پوشي فرمائيندو”. جنهن تي اڪثر ماڻهن ساڻس همدردي جو اظهار ڪيو ۽ حالتن کي منهن ڏيڻ جي صلاح ڏني. گهڻن کيس ميڊيا ڇڏڻ جي به صلاح ڏني ۽ ڪن کيس ٻيهر تنقيد جو به نشانو بڻايو.
رابي هڪ ٻئي ٽوئيٽ ۾ شوبز ڇڏڻ جو اعلان ڪندي لکيو هو ته “مان شوبز ڇڏي رهي آهيان، الله منهنجي گناهن کي معاف ڪري ۽ منهنجي حق ۾ ماڻهن جي دل نرم ڪري”. پاڪستاني ڳائڻي ميشا شفيع ٽوئيٽر تي رابي پيرزاده جي حمايت ۾ وڊيوز ليڪ ٿيڻ جي مذمت ڪئي.
ان معاملي تي رابي پيرزاده ايف آءِ اي جي سائبر ڪرائيم ونگ کي درخواست ڏني ته سندس تصويرون ۽ وڊيوز روڪڻ لاءِ اهڙين ويب سائيٽس ۽ اڪائونٽس کي بلاڪ ڪيو وڃي. جنهن پي ٽي اي کي ان ڏس ۾ خط لکيو به آهي ۽ سائبر ڪرائيم ونگ ڪيترن ئي جاين تان تصويرن ۽ وڊيوز کي هٽائي چڪو آهي ۽ ڪجهه اڪائونٽس بلاڪ به ڪرايا آهن.
رابي پيرزاده هن سموري معاملي کي سوچيل سمجهيل قرار ڏنو آهي. هن جو چوڻ آهي ته ڪشمير مسئلي تان ڌيان هٽائڻ لاءِ سندس وڊيوز ۽ تصويرون وائرل ڪيون ويون. رابي پيرزاده دعويٰ ڪئي آهي ته هن ڀارت جي انتظام هيٺ ڪشمير ۾ جاري ڀارتي فوج جي جارحيت خلاف آواز اٿاريو هو، ان ڪري کيس سازش تحت نشانو بڻايو ويو آهي. هن چيو ته سندس خلاف هي مهم گهڻو اڳ شروع ٿي، جڏهن هڪ ننڍي خبر پکيڙي وئي هئي ته فيڊرل بيورو آف روينيو هن کي نوٽيس موڪليو. جڏهن ته ايف بي آر کيس ڪو نوٽيس نه موڪليو هو. ان کانپوءِ مان لنڊن هيٿرو ايئرپورٽ کان سفر ڪري رهي هيس ته اتي موجود انتظاميا بنا ڪنهن سبب جي 4 ڪلاڪ منهنجي تلاشي ورتي ۽ چيو ته تون وٽ ڌماڪيدار مادو آهي. ان کانپوءِ مون کي وائلڊ لائيف (نانگن ۽ بلائن سان تصويرن) تي چالان موڪليو، جيتوڻيڪ، مان وائلڊ لائيف سان تصويرون 5 سالن کان پوسٽ ڪري رهي هيس.
ڳائڻي موجب انهن سڀني واقعن کانپوءِ جڏهن هن هڪ ٽوئيٽر پوسٽ لاءِ آپگهاتي جيڪيٽ پهري ته سازش ڪندڙ ٽولي کيس دنيا ۾ دهشتگرد طور مشهور ڪري ڇڏيو. جڏهن اهي ان ۾ به ڪامياب نه ٿيا ته هنن تصويرون ۽ وڊيوز وائرل ڪرڻ جي خراب حرڪت ڪئي. هن دعويٰ ڪئي ته سازشي ٽولي سندس موبائيل ڊيٽا هيڪ ڪئي. شايد منهنجي اڳوڻي مئنيجر يا منهنجي ڪنهن ويجهي سڃاڻ واري کي خريد ڪيو ويو. رابي جي هاڻوڪي مئنيجر جو چوڻ آهي ته اڳوڻي مئنيجر ان واقعي کان اڳ نوڪري ڇڏي هلي وئي هئي، نه پنهنجي پگهار وٺڻ آئي، نه ئي رابطو ڪيو. سندس فون نمبر به ڊگهي وقت کان بند آهي.
رابي پيرزاده چيو آهي ته کيس ايف آءِ اي وٽان خبر پئي آهي ته ان سموري معاملي پٺيان طاقتور ماڻهن جو ٽولو آهي. رپورٽن موجب رابي چيو ته ڪابه شئي اهڙي ريت وائرل ناهي ٿيندي، اهي ان کي وائرل ڪرڻ لاءِ پئسا ڏئي رهيا آهن. هن الزام لڳايو ته سندس وڊيو وائرل ڪرڻ لاءِ 6 مختلف ملڪن ۾ پئسا ڏنا ويا جن مان رڳو دبئي ۾ 13 هزار درهم ڏنا ويا. ماڻهو ڏسي وٺن ته جڏهن کان منهنجي وڊيوز جو معاملو سامهون آيو آهي تڏهن کان ڪشمير مسئلي تي ڳالهه ناهي ٿي. سندس چوڻ هو ته هوءَ واحد هئي جنهن ڪشمير جي حوالي سان ڳالهايو هو. هن مودي خلاف سڄي دنيا ۾ آواز اٿاريو. هاڻ ماڻهو مون کي غلط چئي رهيا آهن پر اهو نه پيا ڏسن ته گذريل 6 مهينن کان منهنجي زندگي جهنم بڻيل آهي. هڪ کانپوءِ ٻيو واقعو ٿي رهيو آهي، منهنجي خلاف محاذ کوليو ويو آهي. ڳائڻي موجب گرفتاري وارنٽ تائين سڀ برداشت ڪري رهي هيس پر ذاتي تصويرون ۽ وڊيوز وائرل ڪرڻ واري حرڪت تي همت جواب ڏئي چڪي آهي.
واضح رهي ته رابي پيرزاده چيو هو ته مون آءِ فون ايڪس هڪ مقامي ڪمپني کان ورتو هو، جيڪو خراب ٿيڻ تي ان ڪمپني کي واپس ڪري نئون فون حاصل ڪيو. هن خدشو ظاهر ڪيو هو ته شايد پراڻي فون ۾ موجود ڊيٽا چوري ڪري وائرل ڪئي وئي آهي.
رابي پيرزاده جي مئنيجر ساريا جو چوڻ آهي ته رابي شايد جلد ئي صوفي ازم ڏانهن ويندي پر في الحال هو ذهني طور تي ايتري پريشان آهي جو سندس مستقبل بابت ڪجهه نٿو چئي سگهجي.

This entry was posted in Rachna. Bookmark the permalink.

Leave a Reply

Your email address will not be published. Required fields are marked *