تازا ترين
  • *ٽنڊوباگو ويجهو زمين جي تڪرار تان جهيڙو،8ڄڻا زخمي، اسپتال منتقل *ڳوٺ علي ترڪ ۾ ٻن ڌرين ۾ جهيڙي دوران 4 عورتن سميت 8 ڄڻا زخمي ٿي پيا *
  • وارهه ويجهو ٻن موٽرسائيڪلن ۾ ٽڪر، پيرسن فوت ٿي ويو *ماستر لاڙو وٽ حادثي ۾ پيرسن غلام مصطفيٰ گوگاڻي چانڊيو زخمي ٿي پيو *زخمي پيرسن لاڙڪاڻي جي اسپتال ۾ زخمن جا سور نه سهندي فوت ٿي ويو *
  • *سپريم ڪورٽ ۾ شهباز شريف خلاف مني لاندرنگ ڪيس، شريڪ جوابدارن جي اپيل تي ٻڌڻي *عدالت جوابدار فضل داد عباسي ۽ شعيب قمر جي ضمانت جي اپيل تي ٻڌڻي ڪئي *سپريم ڪورٽ ٻنهي جوابدارن جي ضمانت واري درخواست تي نيب کي نوٽيس جاري ڪري ڇڏيا *ٻنهي جوابدارن تي شهباز شريف لاءِ سهولتڪاري ۽ مني لانڊرنگ جو الزام آهي*
  • *روشن سنڌ منصوبو ڪرپشن ڪيس: سنڌ جو وڏو وزير مراد علي شاهه نيب اسلام آباد آڏو پيش *نيب ٽيم طرفان جعلي بئنڪ اڪائونٽس ڪيس جي حوالي سان به وڏي وزير کان پُڇاڳاڇا * نيب طرفان وڏي وزير مراد علي شاهه آڏو سوالنامو پيش ڪيو ويو *
  • *فيض گنج ۾ پيٽرول پمپ مالڪن حڪومتي فيصلي کي ٿڏي ڇڏيو، وڌيڪ اگهه تي پيٽرول جو وڪرو *پمپ مالڪن پاران پيٽرول جو في ليٽر 77 کان 78 روپيا ۾ وڪرو،عوام سخت پريشان *
  • *تنگواڻي ۾ پئٽرول سستو ٿيڻ بعد پيٽرول پمپ بند *پئٽرول نه ملڻ سبب صارفين سخت پريشاني جو شڪار *
  • *ملڪ ۾ پيٽرول سستو ٿيڻ کانپوءِ بحران پيدا ٿي ويو، ڪراچي سوڌو ملڪ جي اڪثر شهرن ۾ پيٽرول پمپ بند، عوام پريشان*
  • *چونڊڪو ۾ رولو ڪتن نينگري کي ڏاڙهي زخمي ڪري ڇڏيو *10ورهين جي ثمينا ڌي گلاب خاصخيلي کي اسپتال منتقل ڪيو ويو *نارو ۾ ٽن مهينن دوران ڪتن جي ڏاڙهيلن جو انگ500 ٿي ويو *
  • *بخشاپور ويجهو نوجوان کي رولو ڪتن ڏاڙهي زخمي ڪري ڇڏي *ڳوٺ محمد نواز چاچڙ واسي 24ورهين جي محراب علي چاچڙ کي رولو ڪتن ڏاڙهي وڌو *
  • *جوابدار گرفتار نه ٿيڻ خلاف مقتول ڀائرن جا پڪا چنا وٽ روڊ تي لاش رکي ڌرڻو هنيو ويو*
  • *پڪا چنا ڀرسان عورتن جي جهيڙي بعد جوابدارن فائرنگ ڪري 2 ڀائرن کي قتل ڪيو هو*
  • *سيوهڻ ڀرسان سڱاوتي تڪرار تان قتل ڪيل 2 ڀائرن جي جنازي نماز ادا، وارثن جو لاش رکي ڌرڻو*

ٻي عالمي جنگ دوران اڏيل سامونڊي قلعا

مانسيل سامونڊي قلعا ٿيمس ۽ ميرسي دريائن تي ٻي عالمي جنگ دوران برطانيا جي تحفظ لاءِ اڏيا ويا هئا. اهي قلعا گي مانسيل 1942ع ۾ ڊرائين ڪيا، جن ۾ اينٽي ايئر ڪرافٽ بندوقون، سرچ لائيٽون وغيره نصب ٿيل هيون ته جيئن جرمني جي بمباري ڪندڙ جهازن تي حملا ڪري سگهجن. مانسيل 2 قسمن جا سامونڊي قلعا ڊزائين ڪيا، هڪڙا آرمي لاءِ، ٻيا نيوي لاءِ، پوءِ جڏهن جنگ هلي پئي ته گي مانسيل ڊي- ڊي لينڊنگ لاءِ پٿر جا ٻيا به قلعا جوڙيا. تاريخي رپورٽن مطابق انهن سامونڊي قلعن جي مدد سان برطانيا جي نيوي ۽ آرمي پاران لڳ ڀڳ دشمن فوجن جا 22 جهاز، 30 بنا پائلٽ وارا بمبار جهاز ڪيرايا ۽ هڪ يو-بوٽ کي ڀڄائي ڪڍيو.
آرمي جا اهي 7 سامونڊي قلعا هئا، جيڪي ڏاڪڻين ذريعي هڪ ٻئي سان ڳنڍيل هئا، سڀني لاءِ هڪ مرڪزي ڪنٽرول ٽاور به ٺهيل هو، جن مان هڪ ڪنٽرول ٽاور، هڪ اينٽي ايئر گرافٽ بندوق وارو ٽائور، هڪ سرچ لائيٽ ٽاور ۽ چار عام بندوقن وارا ٽاور هئا. انهن سڀني کي مهارت سان هڪ مرڪزي ٽاور سان ڳنڍيو ويو هو.
نيوي جا قعلا ڊزائين ۾ ٿورا مختلف هئا، انهن ۾ٻن پٿر جا ٽاور هئا، جن جي اسٽيل واري ڇت تي ٻه 3.73 انچن جون بندوقون ۽ 2 اينٽي ايئر ڪرافٽ بندوقون نصب ٿيل هيون، انهن قلعن جون ٻه ٿلهيون متاريون ڄنگهون به هيون، جيڪي ايتريون ته ڪشاديون هيون جو انهن ۾ رهائشي ڪوارٽر ٺهيل هئا، هر قلعي ۾ لڳ ڀڳ 120 ماڻهو رهيل هئا.
مانسيل قلعن ۾ 1950ع ڌاري فوجين سرگرمين جي پڄاڻي ٿي ۽ انهن کي ٻين سرگرمين لاءِ استعمال ڪيو ويو. 1953ع ۾ جڏهن ناروي جي هڪ ٻيڙي انهن مان هڪ قلعي سان ٽڪرائجي وئي ۽ نتيجي ۾ 4 عام شهري مارجي ويا، جڏهن ته 2 ٽاور بندوقن، ريڊار واري مشينري وغيره سميت تباهه ٿي ويا، نتيجي ۾ جيڪو ملبو پيدا ٿيو ان ٻيڙين جي اچ وڃ ۾ ڪافي مشڪلاتون پيدا ڪيون. ان کانپوءِ اهي قلعا ڪيترن ئي سالن تائين ويران پيل رهيا. 1960ع ۾ پائريٽ ريڊيو اسٽيشن انهن قلعن ۾ پنهنجون سرگرميون شروع ڪيون، انهن 1967ع تائين پنهنجو ڪم جاري رکيو، جنهن کانپوءِ حڪومت هڪ نئين قانون ذريعي انهن کي قلعا ڇڏڻ تي مجبور ڪيو. انهن مان هڪ قلعو پوءِ “پرنسپلٽي آف سي لينڊ” طرفان رهائش لاءِ استعمال ڪيو ويو.
هن وقت ريڊ سينڊس نالي منصوبي تحت ٻي عالمي جنگ جي انهن يادگارن جو ٻيهر مرمتي ڪم ڪيو پيو وڃي.

This entry was posted in Rachna. Bookmark the permalink.

Leave a Reply

Your email address will not be published. Required fields are marked *