تازا ترين
  • *اين سي او سي جي هدايت تي سنڌ ۽ پنجاب سرڪار عوامي اجتماعن جي حوالي سان اخلاقي ضابطه جاري ڪري ڇڏيا*
  • *ٻنهي جهانن جَي سردار حضرت محمد ﷺ جن جِي ولادت جو اڄ جشن ملهايو پيو وڃي، عاشقن طرفان دُرود ۽ سلام سان نبي ڪريم ﷺ کي ڀيٽا پيش*

يونان ۾ اعليٰ تعليم ۽ اسڪالرشپ جا موقعا … ڊاڪٽر شاهمراد چانڊيو

دنيا جي عظيم فلاسافرن سقراط، افلاطون ۽ ارسطو جي ملڪ يونان کي يورپ جي تهذيب جو پينگهو به چيو وڃي ٿو. هن ملڪ جي گادي جو هنڌ اٿينس آهي. آبادي هڪ ڪروڙ ۽ ٻاهتر لک آهي. ايراضي 131,957 km² آهي. هن ملڪ جو قومي ميوو ڇانهين (هنداڻو) آهي. يونان جون سرحدون ايشيا سان زميني رستي ۽ آفريقا سان سامونڊي سرحد ذريعي ملن ٿيون. سندس پاڙيسري ملڪن ۾ ترڪي، ارمينيا، بلگيريا، اٽلي، البينيا شامل آهن.
يونان جو اهم يونيورسٽيون:
دنيا جي بهترين هڪ هزار يونيورسٽين ۾ يونان جون 6 يونيورسٽيون شامل آهن. جن ۾ نيشنل ٽيڪنيڪل يونيورسٽي آف اٿينس 454 نمبر تي آهي، ارسٽاٽل يونيورسٽي آف ٿيسلانڪي 561 نمبر تي، نيشنل اينڊ ڪيپوسٽرين يونيورسٽي آف اٿينس 651 نمبر تي، يونيورسٽي آف پيٽراس 701 نمبر تي، يونيورسٽي آف ڪريٽ 751 نمبر تي جڏهن ته اٿينس يونيورسٽي آف اڪانامڪس اينڊ بزنس 801 نمبر تي آهي.يونان ۾ اعليٰ تعليم ۽ اسڪالرشپ لاءِ معلومات لاءِ هي آفيشل ويب سائيٽ آهي. https://www.studyingreece.edu.gr/ جتي داخلا توڙي اسڪالرشپس بابت معلومات ۽ رهنمائي ڪئي وئي آهي.هن ويب سائيٽ ۾ ئي يونان جي سمورن اعليٰ تعليمي ادارن ۽ يونيورسٽين بابت لنڪ ڏنل آهي. https://www.studyingreece.edu.gr/Studying/Find/HigherEducationInstitutes.aspx
ارسٽاٽل يونيورسٽي آف ٿيسلونڪي
هي يونيورسٽي يونان جي عظيم فلاسافر ارسٽاٽل جنهن کي اسان ارسطو جي نالي سان سڃاتو وڃي ٿو، ان جي نالي تي 1925ع ۾ قائم ڪئي ويئي آهي. هي يونيورسٽي يونان جي ٻئي نمبر وڏي شهر ٿيسلونڪي ۾ آهي. ارسطو يونان جي عظيم ڏاهي سقراط جي شاگرد افلاطون جو شاگرد هو ۽ دنيا کي ننڍي عمر ۾ فتح ڪندڙ سڪندر اعظم جي نالي سان مشهور جنگجو جو استاد هو. سندس فلاسافي ئي هئي ته ماڻهو پنهنجي عادتن سان سڃاتو وڃي ٿو، تنهڪري جيڪو ٿيڻ چاهيو ٿا ته پنهنجو عادتون به ان قسم جو اختيار ڪريو. ارسطو هميشه سوال پڇڻ تي زور ڀريندو هو، ڇو ته سندن چوڻ هئو ته سوال پڇڻ اڌ علم آهي. سندس فلسفو علم پرائڻ لاءِ آهي، پنهنجو پاڻ کي سڃاڻن جي باري ۾ آهي، ۽ دولت مٿان علم کي فوقيت ڏيڻ جي باري ۾ آهي. سندس مطابق علم اهڙو علم جيڪو صرف ذهن ۾ هجي ۽ دلين کي تبديل نه ڪري اهو علم نه آهي. هن عظيم ڏاهي جي نالي تي يونيورسٽي يقينن علم پرائڻ لاءِ پرڪشش لڳي ٿي. هن وقت هن يونيورسٽي ۾ 10 فيڪلٽيون آهن جن ۾ فيڪلٽي آف فلاسافي، ٿيولاجي، سائنس، ايجوڪيشن، هيلٿ، انجنيئرنگ، آرٽس ، ايگريڪلچر، قانون، فزيڪل ايجوڪيشن ۽ اسپورٽس سائنس شامل آهن. هن يونيورسٽي ۾ داخلا لاءِ اليڪٽرانڪ گائيڊ لنڪ هي آهي. https://qa.auth.gr/en/studyguide.
يونان بابت ڪجهه حقيقتون
•هن ملڪ کي عام طور گريس جي نالي سان سڃاتو وڃي ٿو پر سرڪاري Hellenic Republicآهي.
•دنيا جو منفرد سمجهيو ويندڙ جنگجو اليگزينڊر جو تعلق به يونان سان آهي، جنهن يورپ کان ايشيا تائين پنهنجي سلطنت قائم ڪئي.
•پهرين اولمپڪ رانديون 776 بي سي ۾ يونان ۾ کيڏيو ويو.
•يوناني ٻولي جو يورپ جي پراڻي ٻولين ۾ شمار ٿئي ٿو. هن ملڪ ۾ ئي جهموريت جو جنم ٿيو.
•دنيا جو پهريون فلاسفر ٿيلس ۽ دنيا جي پهرين تاريخدان هيراڊٽس جنهن يورپ ۽ ايران جي لڙاين بابت لکيو به يونان جا هئا.
•پوري دنيا جو 7 سيڪڙو ماربل يونان ۾ ٿئي ٿو. اهو ئي سبب آهي جو يونان جي عمارتن ۾ ماربل جو استعمال تمام گھڻو آهي.
•يونان زرعي ملڪ رهيو آهي، هتي مڪئي، جَوَ، ڪڻڪ ويندي ڪپهه جو فصل به ٿئي ٿو. يونان ۾ زرعي يونيورسٽي به آهي.
•يورپ ۾ ووئڻن جو فصل صرف يونان ۾ ئي ٿئي ٿو.
رهائش ۽ کاڌي پيتي جو خرچ
يونان جي ۾ رهائش جو خرچ به باقي يورپ جي اهم ملڪن جيترو ئي آهي، اٿينس هتان جو تاريخي ۽ سياحتي مرڪز هجڻ ڪري ڪجه وڌيڪ مهنگو ضرور آهي. وڌيڪ تفصيل هن لنڪ تي ڏنل آهي، جتي کاڌي پيتي توڙي ٽرانسپورٽ، سينيما ، ڪميونيڪيشن توڙي صحت بابت ايندڙ خرچ جو مڪمل تفصيل ڏنل آهي. https://www.studyingreece.edu.gr/Living/Accommodation/CostofLiving.aspx

This entry was posted in Rachna. Bookmark the permalink.

Leave a Reply

Your email address will not be published. Required fields are marked *