تازا ترين
  • *ٽنڊوباگو ويجهو زمين جي تڪرار تان جهيڙو،8ڄڻا زخمي، اسپتال منتقل *ڳوٺ علي ترڪ ۾ ٻن ڌرين ۾ جهيڙي دوران 4 عورتن سميت 8 ڄڻا زخمي ٿي پيا *
  • وارهه ويجهو ٻن موٽرسائيڪلن ۾ ٽڪر، پيرسن فوت ٿي ويو *ماستر لاڙو وٽ حادثي ۾ پيرسن غلام مصطفيٰ گوگاڻي چانڊيو زخمي ٿي پيو *زخمي پيرسن لاڙڪاڻي جي اسپتال ۾ زخمن جا سور نه سهندي فوت ٿي ويو *
  • *سپريم ڪورٽ ۾ شهباز شريف خلاف مني لاندرنگ ڪيس، شريڪ جوابدارن جي اپيل تي ٻڌڻي *عدالت جوابدار فضل داد عباسي ۽ شعيب قمر جي ضمانت جي اپيل تي ٻڌڻي ڪئي *سپريم ڪورٽ ٻنهي جوابدارن جي ضمانت واري درخواست تي نيب کي نوٽيس جاري ڪري ڇڏيا *ٻنهي جوابدارن تي شهباز شريف لاءِ سهولتڪاري ۽ مني لانڊرنگ جو الزام آهي*
  • *روشن سنڌ منصوبو ڪرپشن ڪيس: سنڌ جو وڏو وزير مراد علي شاهه نيب اسلام آباد آڏو پيش *نيب ٽيم طرفان جعلي بئنڪ اڪائونٽس ڪيس جي حوالي سان به وڏي وزير کان پُڇاڳاڇا * نيب طرفان وڏي وزير مراد علي شاهه آڏو سوالنامو پيش ڪيو ويو *
  • *فيض گنج ۾ پيٽرول پمپ مالڪن حڪومتي فيصلي کي ٿڏي ڇڏيو، وڌيڪ اگهه تي پيٽرول جو وڪرو *پمپ مالڪن پاران پيٽرول جو في ليٽر 77 کان 78 روپيا ۾ وڪرو،عوام سخت پريشان *
  • *تنگواڻي ۾ پئٽرول سستو ٿيڻ بعد پيٽرول پمپ بند *پئٽرول نه ملڻ سبب صارفين سخت پريشاني جو شڪار *
  • *ملڪ ۾ پيٽرول سستو ٿيڻ کانپوءِ بحران پيدا ٿي ويو، ڪراچي سوڌو ملڪ جي اڪثر شهرن ۾ پيٽرول پمپ بند، عوام پريشان*
  • *چونڊڪو ۾ رولو ڪتن نينگري کي ڏاڙهي زخمي ڪري ڇڏيو *10ورهين جي ثمينا ڌي گلاب خاصخيلي کي اسپتال منتقل ڪيو ويو *نارو ۾ ٽن مهينن دوران ڪتن جي ڏاڙهيلن جو انگ500 ٿي ويو *
  • *بخشاپور ويجهو نوجوان کي رولو ڪتن ڏاڙهي زخمي ڪري ڇڏي *ڳوٺ محمد نواز چاچڙ واسي 24ورهين جي محراب علي چاچڙ کي رولو ڪتن ڏاڙهي وڌو *
  • *جوابدار گرفتار نه ٿيڻ خلاف مقتول ڀائرن جا پڪا چنا وٽ روڊ تي لاش رکي ڌرڻو هنيو ويو*
  • *پڪا چنا ڀرسان عورتن جي جهيڙي بعد جوابدارن فائرنگ ڪري 2 ڀائرن کي قتل ڪيو هو*
  • *سيوهڻ ڀرسان سڱاوتي تڪرار تان قتل ڪيل 2 ڀائرن جي جنازي نماز ادا، وارثن جو لاش رکي ڌرڻو*

هڪ غلام عورت جيڪا پوءِ ليجنڊ بڻجي وئي….

هي ان وقت جي ڳالهه آهي جڏهن ٽپالين لاءِ اولهه خاص ڪري آمريڪا جي ڏورانهن علائقن ۾ وڃي ماڻهن تائين سندن سامان پهچائڻ وارو ڪم ايترو سولو نه هو، انهن کي هر وقت ڌاڙيلن ۽ ڦورن جو خطرو رهندو هو، اڪثر ٽپالي ڦرجي ويندا هئا.
پوسٽ سروس جي ٺيڪيدارن پاران فقط اهڙا ماڻهو رکيا ويندا هئا، جيڪي تيز هجن، بهادر ۽ خوفناڪ هجن. 1885ع ۾ انهن هڪ آفريڪي آمريڪن عورت کي ان نوڪريءَ لاءِ ڀرتي ڪيو.
ان جو نالو ميري فيلڊس هو، کيس اسٽيج ڪوچ ميري به چوندا هئا. هوءَ چوٽيءَ جي پياڪ هئي، ڳالهائڻ جي صفا ڇڙي، ڪنهن کي ليکي ۾ ئي نه آڻيندي هئي.
هوءَ ڳورن جي ڪنٽرول هيٺ آيل علائقي ۾ هڪ غلام جي حيثيت ۾ پيدا ٿئي، سندس غلامي وارو رتبو 1865ع ۾ ان وقت تبديل ٿيو، جڏهن غلامي کي قانوني طور ختم ڪيو ويو، ان کانپوءِ هوءَ مڪمل آزاد ٿي وئي. ڪجهه وقت هن فلوريڊا ۾ گذاريو، جتي هوءَ هڪ خانقاهه ۾ ملازمت ڪندي هئي، سخت قسم جو پورهيو ۽ ڪم هن لاءِ ڪو نئون نه هو، ساڳئي وقت هو شروع کان وٺي تمام گهڻو شراب پيئندي هئي. سندس شوق ۾ شراب پيئڻ کانسواءِ نشاني بازي هن جا محبوب مشغلا هئا. خانقاهه جون راهبائون هن مان خوش نه هيون، جنهن جو هڪ سبب هن جو رويو ۽ لاڳيتو پگهار وڌائڻ جو مطالبو به هو.
ان وقت ڪنهن ڪاري چمڙي واري عورت لاءِ ڪنهن کان ڪو مطالبو ڪرڻ به حيرت جهڙي ڳالهه هئي، پر هو ان وقت راهبائن سان وڙهندي رهندي هئي. هڪ ڏينهن اهڙو به آيو جو ميري فيلڊس خانقاهه جي مرد چوڪيدار سان جهيڙي بعد مٿس بندوق تاڻي ورتي، جيتوڻيڪ، ان ويڙهه ۾ ٻنهي مان ڪنهن کي نقصان ته نه رسيو پر نتيجو اهو نڪتو جو راهبائن ميري فيلڊس کي ملازمت تان فارغ ڪري ڇڏيو.
اتان فارغ ٿيڻ کانپوءِ هو ڪجهه وقت مختلف قسم جا ڪم ڪندي رهي، جهيڙاڪ هئڻ ڪري هن جي ڪافي مشهوري ٿي چڪي هئي، اهو ئي سبب هو جو پوسٽل سروس جي هڪ ٺيڪيدار کيس “اسٽار روٽ” ٽپال سروس لاءِ مقرر ڪيو.
ان وقت سرڪار پاران ٽپال جو نظام هلائڻ لاءِ ٺيڪي تي ڪم ڏنو ويندو هو، هر رستي لاءِ ڌار ڌار ٺيڪيدار هوندا هئا، انهن کي اسٽار روٽ چيو ويندو هو، ڇاڪاڻ ته ٺيڪيدار لاءِ ٽي لازمي شرط هوندا هئا، شفافيت، اعتماد ۽ تحفظ.
اهي ٽيئي خاصيتون ٽپال جي منتقلي لاءِ لازمي هونديون هيون، جيڪو به ماڻهو ان ٽن ڳالهين تي پورو لهندو هو، ان کي ٺيڪيدار پاران مقرر ڪيو ويندو هو.
ميري فيلڊس اهو ڪم شروع ڪيو، وٽس هر وقت هٿيار هوندو هو، هوءَ ڪنهن به وقت سامان جي منتقلي لاءِ پهچي ويندي هئي، چور ۽ ڌاڙيلن هن جي رستي ۾ اچي نه سگهندا هئا، هوءَ بنا ڪنهن ڊپ ڊاءُ جي رستن تي هلندي هئي.
ٽرينن تي وڃڻ، سامان گڏ ڪرڻ ۽ پوءِ اوجهڙ رستن تي سفر ڪري ماڻهن تائين انهن جا خط ۽ بيو سامان پهچائڻ وارو ڪم هن ايترو ته پابندي ۽ ايمانداري سان ڪيو جو کيس “اسٽيج ڪوچ ميري” جو خطاب ڏنو ويو. جيڪڏهن سردين ۾ رستا برف سان ڍڪجي ويندا هئا ۽ سندس ٽانگي جي گذرڻ لاءِ ڪو رستو نه هوندو هو ته هوءَ ڊگها بوٽ پائي پند نڪري پوندي هئي پر پنهنجي ڪم ۾ رنڊڪ پوڻ نه ڏيندي هئي.
هوءَ جيترو پنهنجي ڍنگ ۾ سخت هئي، اوترو ئي پنهنجي ملازمت سان سچي هئي، واپاري طبقي ۽ ٻين ماڻهن طرفان هن تي مڪمل اعتماد ڪيو ويندو هو. هن جو جهيڙاڪ هئڻ، بهادري ۽ قابل اعتماد رويي کي هميشه ان ڳالهه تي همٿايو ته ڪم ۾ ڪڏهن به ڪا رڪاوٽ نه هلي، پوءِ ڀلي کڻي برسات هجي يا برف باري هجي.

This entry was posted in Rachna. Bookmark the permalink.

Leave a Reply

Your email address will not be published. Required fields are marked *