تازا ترين
  • *سرهاڙي پوليس پاران عدالتي حڪم تحت ڳوٺ ڪشو مري تي ڇاپو هڻي ڀيل برادري جي عورتن ۽ ٻارڙن سميت 9 هارين کي بازياب ڪرائي ورتو*
  • ڪراچي: سنڌ سرڪار پاران شهباز قلندر، شاھ عبدالطيف ڀٽائي ۽ عبدالله شاھ غازي جون درگاهون کولڻ وارو فيصلو واپس*ڪراچي: اوقاف کاتي جي اختيارين سميت سنڌ سرڪار مجموعي طور تي 80 درگاهون کولڻ بابت فيصلو نه ڪري سگھي*
  • درگاهه قلندر لال شهباز کي اڍائي مهينن کانپوءِ کولڻ جون تياريون مڪمل، مزار جي صفائي ڪئي وئي*قلندر لال شهباز جي مزار سڀاڻي صبح 6 وڳي کان زائرين لاءِ کولي ويندي، شام 6 وڳي مزار جا در بند ٿي ويندا*سيوهڻ: قلندر جي نگريءَ ۾ ايندڙ زائرين لاءِ ماسڪ پائڻ لازمي آهي: اوقاف کاتي جو چيف ايڊمنسٽريٽر*
  • *ميرپورخاص ۾ رولو ڪتن معصوم ٻارڙي سميت3ڄڻن کي ڏاڙهي وڌو *رولو ڪتن 5 ورھين جي ھرديش ڪمار، عاشق حسين ۽ سوائي کي ڏاڙهي زخمي ڪيو *زخمين کي سول اسپتال مان ويڪسين ڪرڻ بعد گهرن ڏانهن روانو ڪيو ويو*
  • *نواب ولي محمد ويجهو بجلي جي تارن مان چوپائي مال جي واڙي کي باهه لڳي وئي *ڳوٺ خدا بخش لاشاري ۾ باهه سبب 50 مڻ بهه سڙي ويو *فائر برگيڊ عملي باهه تي ضابطو آڻي وڌيڪ نقصان کي بچائي ورتو*
  • *سيراڻي ويجهو نوجوان ٿريشر جي پٽي ۾ اچي چيڀاٽجي فوت ٿي ويو *ڳوٺ فريد چانگ ۾ اسلم چانگ ٿريشر جي پٽي ۾ اچي چيڀاٽجي فوت ٿي ويو*
  • *نوابشاهه ۾ گاڏيون هلائڻ جي اجازت نه ملڻ خلاف ٽرانسپورٽ اڳواڻن جو احتجاجي مظاهرو ڪيو *گاڏين جا ٽائر بيهڻ سبب سڙي ويا، لکين روپين جو نقصان ٿي رهيو آهي: اڳواڻ *سڀاڻي تائين گاڏيون هلائڻ جي اجازت نه ملي ته نيشنل هاءِ وي تي ڌرڻو هڻنداسين: اڳواڻ *
  • *دادو ۾ گيسٽرو وگهي عورتن، ۽ ٻارڙن سميت 30 ڄڻا اسپتال ڀيڙا *اسپتال ۾ جنريٽر کي باهه لڳڻ سبب داخل مريضن کي گهرن ڏانهن روانو ڪيو ويو*
  • *جاتي: 12 ڏينهن اڳ سم نالي مليل پوليو ورڪر افضل جت جي قتل ڪيس ۾ اڳڀرائي * افضل جت جي قتل ڪيس ۾ شڪ جي بنياد تي 7 ڄڻا گرفتار، پڇاڳاڇا جاري*
  • *انجڻ جي رن وي تي لڳڻ جا اطلاع پائلٽ کي نه ڏيڻ هڪ سواليه نشان آهي: پالپا ترجمان*
  • *جهاز حادثي جي جاچ کي غلط رنگ ڏئي اصل ڪردارن کي بچائڻ جي ڪوشش ڪئي پئي وڃي: پالپا*
  • *نوابشاهه ۾ گاڏيون هلائڻ جي اجازت نه ملڻ خلاف ٽرانسپورٽ اڳواڻن جو احتجاجي مظاهرو ڪيو *گاڏين جا ٽائر بيهڻ سبب سڙي ويا، لکين روپين جو نقصان ٿي رهيو آهي: اڳواڻ *سڀاڻي تائين گاڏيون هلائڻ جي اجازت نه ملي ته نيشنل هاءِ وي تي ڌرڻو هڻنداسين: اڳواڻ*
  • *مقصودو رند ويجهو روڊ حادثي جي زخمي دم ڏئي ڇڏيو، فوتين جو انگ 2 ٿي ويو* عيد رات ٻن موٽر سائيڪل ۾ ٽڪر دوران خادم مڱريپوٽو فوت ۽ 2 ڄڻا زخمي ٿيا هئا* زخمين مان مختيار رند نوابشاهه جي اسپتال ۾ فوت ٿي ويو*
  • *ٿر ۾ ٻارن جي موت تي ضابطو اچي نه سگهيو، وڌيڪ 3ٻارڙا خوراڪ جي کوٽ ۽ ٻين بيمارين وگهي فوت*
  • *مديجي ۾ جهيڙي دوران زخمي ٿيل شخص فوت، وارثن جو احتجاج، قبو سعيد خان ۾ جهيڙي ۾ 13 ڄڻا زخمي*

هيل ٿر جا اداس منظر….!سنڀو لال جوشي

ٿر جنهن جي ڀِٽن تي، ڏهرن ۾ ڳونڇارن ۽ ٻنين جي سيڙھن ۾ هنن ڏينهن ۾ رونقون سمايل هُونديون هُيون، هن ملُوڪ موسم ۾ ٿر جي صحرا ۾ بيٺل گهاٽن کٻڙن تي پيرون ۽ ڊگهين ڪنڊين تي سنگرن جا جُوڙا ڪنهن سانوري جي ڪنن ۾ پاتل جهُومرن جيان جهر مِرِ ڪندا هُئا ، سال اڳ مُنهنجي ٿر ۾ هر کٻڙ پيروئن سان پُر ٿيل هو هر ڪنڊي سنگرين سان سرشار هُئي ، ڳوٺ جي پاساڙن ۾ صبُح ويل امرت ويلا جو اهڃاڻ ڏيندي هُئي تڏهن منظرن ۾ ڪُنوارا ٽھڪ ، ڊيلن جي ٽولي جيان گڏ هلندڙ ٿري ناريون ۽ اُنهن جي چيلھن تي پيروئن لئه ٻڌل لوٽا مٿي تي کڻيل ڪورا گهڙا، ٻارڙن جا ٽولا ،گهاٽن کٻڙن تي پيرون کائيندڙ وهين جا ولر ،مورن جا ٽھوڪا ، ڊيلن جا ڊُوڙيا،ڪوئل جا مٺڙا آلاپ، ٻاٻيهن جون سُندر ٻوليون ، ۽ ٿري ٻارڙن جي چپن مان نڪرندڙ هي مٺڙا ٻول . ٿارو مارو ڀري ليئو. جھڙا ملُوڪڙا ٻول منهنجي صحرا کي سُندرتا جو سرور بخشيندا هُئا ، هيل منهنجي ٿَر جو صحرا سوڳواري ۾ آھي ! ڇو ته قُدرت طرفان بنڇ ٿيل مَڪڙن نه رُڳو ٿرين جون پڪل ٻنيون کاڌيون پر مَڪڙن. کٻڙن ڪنڊين ڪُنڀٽن ٻاورين کي به خوب کاڌو ۽ ٻين وڻن جي گهڻي ڇنڊ ڇاڻ ڪئي ! هيل نه رُڳو ٿر جا هاري پريشان ٿيا هُئا جنهن هارين جون پڪل پوکون مڪڙن کائي کپائي ڇڏيون هُيون ! هيل ٿر جا ڌنار به اُداسي جي سيمن ۾ ڀٽڪن ٿا ،جنهن جا ڇانگون ۽ ڇيلڙا سنگرين پيروئن لئه وڻ وڻ هيٺ ڀٽڪن ٿا ، جنهن ڌنارن جي سُڪل چپن مان پياسي بانسري ڏکويل ورلاپ جھڙو ڏکوئيندڙ ساز بڻجي نڪري ٿي ! جنهن ڌنارن جا ڪنوارا خواب مڪڙن جي ولرن سان چِچِرندا رهيا ! هيل ته اُهي ٿري ناريون به پريشان آھن ، جيڪي هن من موهيندڙ مُند ۾ راتڪن ۽ آڇڪن سان مِٽي جا تَسِيا ڀرينديون هُيون ۽ پري پرڻايل پنهنجين ڌيئرن کي موڪلنديون هيون ،
اي ڪاش ..!
اڄ ڪير چوي اُنهن ڌيئرن کي اوهانجون مائرون اوهانکي پيرون موڪلڻ لئه ڪيترن ئي وڻن جا ٽار ڇڇوڙيندي خالي گهڙولا کڻي موٽي گهر وڃن ٿيون! هيل ٿر جا اٻولڙا ٻارڙا به پيروئن لئه واجهائن ٿا ، اُهي ٻارڙا جيڪي سامروٽي جي سيمن ۾ گهاٽن کٻڙن مان پيرون چُونڊي پوءَ آنٻليو ۽ لِڪِ لِڪوٽي راند ڪندا هُئا ، لاڙ جي پوٺن تان پيروئن لئه لڏي ايندڙ ڪوئلون هيل ڪوُڪُو ڪندي ڪندي پراڻ تياڳي ويون، ڇو ته ٿر ۾ ڪوئلون اڪثر پيروئن جي موسم ۾ اينديون آھن، هيل ٿر ۾ اڪثر وِڙلي پيرون ٿيا هوندا جنهن سيمن يا ڳوٺن ۾ مڪڙ نه پُڄي سگهيا هُئا ، ٿر جنهن جو صحرا پياسي آهي ، صحرا جيڪو برسات جي بوند بوند لئه تَڙپي ٿو ، اگر خُدا جي ڪرم نوازي سان صحرا کي برسات نصيب ٿيئي ٿي ته سمورو صحرا ساوڪ جي چادر سان ويڙھجي ويندو آھي، ٿوهر پنهنجو ٿڪ ڀڃيندا آھن، اَڪن ۾ نيرڙا ڦُليا ٿيندا آھن ڪُنڀٽ سندرتا خوشبو سان واسجي ويندا آھن، روهيڙا ڳاڙهو ويس اوڍي ڪنهن تازي پرڻيل ڪنوار جو روپ لڳندا آھن ، هر پاسي خُوشي جا کيت پوکبا آھن ۽ اُنهن کيتن ۾ ٿري مارو ماڻهن کي زندگي جو جيئندان ملندو آھي ،
خير …!
هن سال ٿر ۾ پيرون شايد ڪٿي ورلي ٿرين کي نصيب ٿيا هوندا ، ايندڙ وقت لئه الله پاڪ کان دُعا گهرون ٿا اي ٻاجهارا هيل سائي سنڌ جو هي علائقو به ساوڪ جي چادر ۾ ويڙھجي وڃي ۽ منهنجن ڏوٿيئڙن جي چھرن تي مُرڪون موٽي اچن عيدون ۽ ديدون خوشين سان نصيب ٿين …،!

This entry was posted in Rachna. Bookmark the permalink.

Leave a Reply

Your email address will not be published. Required fields are marked *