تازا ترين
  • *ملڪ ۾ ڪورونا وائرس وڌيڪ 67 ڄڻن کان حياتيون کسي ورتيون*
  • *سنڌ جي مختلف شهرن ۾ رولو ۽ ڇتن ڪتن جو آزار گهٽجي نه سگهيو، 20 کان وڌيڪ ٻاڙن ۽ عورتن کي ڇتن ڪتن ڏاڙهي زخمي ڪري ڇڏيو*لاڙڪاڻي ۾ ڪتن ٻن ٻارڙن سميت 4 ڄڻن کي ڏاڙهي وڌو، متاثرن ۾ 6 ورهين جي خوشبو شيخ، 13 سالن جو ناصر، 50 سالن جو اختيار ۽ ٻيا شامل*موري ۾ راند ڪندڙ نينگر کي رولو ڪتي ڏاڙهي زخمي ڪري ڇڏيو، زخمي نينگر کي سندس والد کڻي اسپتال پهتو جتي وئڪسين نه ملڻ ڪري واپس گهر روانو ٿي ويو*

نظم……ٻيڙيون ٻڌي ٿو ڍولو!……عزيز گل

ٽالھيءَ جي ھيٺ جھوپو،
جنهن ۾ رهي ٿو ڍولو،
۽ پيٽ گذر لاءِ،
ٻيڙيون ٻڌي ٿو ڍولو.
اونداهي زندگي ۾،
ھوءَ ھئي ڏيئي جيئن آئي ،
پر ٻار ڄڻندي آخر،
ھن جي مري وئي مائي،
ڳوڙھن جيان اکين مان،
جنهن لئه وھي ٿو ڍولو،
ٻيڙيون ٻڌي ٿو ڍولو.
ٻارن جيان ھو گھوري،
آهي جھاز ڏسندو،
پرتي ندي ٿي بيٺي،
ھو آ سمنڊ لئه سڪندو،
خوابن ۾ ريل گاڏي،
۾ پڻ چڙهي ٿو ڍولو،
ٻيڙيون ٻڌي ٿو ڍولو.
هن کان گھريا ھئا پنج سئو،
هڪڙي پوليس واري،
جڏو ڪيئين، نه ڏيڻ تي،
ٿاڻي ۾ ماري ماري،
ماڻهن، پکين کان ھاڻي،
ڏاڍو ٽھي ٿو ڍولو،
ٻيڙيون ٻڌي ٿو ڍولو.
هن مينهن آهي سمجهيو،
هن آهي ماڪ ڄاتي،
ٻيڙي نه پر ڪنهن سمجهي ،
نه ئي ڪنهن تماڪ ڄاتي،
سج وانگي اڀ کي لالي،
لائي لهي ٿو ڍولو،
ٻيڙيون ٻڌي ٿو ڍولو.
هن جي الڳ عبادت،
هن جو خدا به ٻيو ھو.
گڏجي گناهه سان بيٺو،
هن جو ثواب ٻيو هو.
ڪچي مسيت جي ڀت،
ٺاھي، ڊھي ٿو ڍولو،
ٻيڙيون ٻڌي ٿو ڍولو.
زوري سمھاري ھن کي،
چوري جي ھڪ کٿي تي،
ڳوٺان ڪڍي ڇڏيائون،
ڳٺڙي رکي مٿي تي،
ويندو رهي ٿو ڍولو،
ڪيڏانهن ڪهي ٿو ڍولو؟
ٻيڙيون ٻڌي ٿو ڍولو.

This entry was posted in Rachna. Bookmark the permalink.

Leave a Reply

Your email address will not be published. Required fields are marked *