تازا ترين
  • *ٽنڊوباگو ويجهو زمين جي تڪرار تان جهيڙو،8ڄڻا زخمي، اسپتال منتقل *ڳوٺ علي ترڪ ۾ ٻن ڌرين ۾ جهيڙي دوران 4 عورتن سميت 8 ڄڻا زخمي ٿي پيا *
  • وارهه ويجهو ٻن موٽرسائيڪلن ۾ ٽڪر، پيرسن فوت ٿي ويو *ماستر لاڙو وٽ حادثي ۾ پيرسن غلام مصطفيٰ گوگاڻي چانڊيو زخمي ٿي پيو *زخمي پيرسن لاڙڪاڻي جي اسپتال ۾ زخمن جا سور نه سهندي فوت ٿي ويو *
  • *سپريم ڪورٽ ۾ شهباز شريف خلاف مني لاندرنگ ڪيس، شريڪ جوابدارن جي اپيل تي ٻڌڻي *عدالت جوابدار فضل داد عباسي ۽ شعيب قمر جي ضمانت جي اپيل تي ٻڌڻي ڪئي *سپريم ڪورٽ ٻنهي جوابدارن جي ضمانت واري درخواست تي نيب کي نوٽيس جاري ڪري ڇڏيا *ٻنهي جوابدارن تي شهباز شريف لاءِ سهولتڪاري ۽ مني لانڊرنگ جو الزام آهي*
  • *روشن سنڌ منصوبو ڪرپشن ڪيس: سنڌ جو وڏو وزير مراد علي شاهه نيب اسلام آباد آڏو پيش *نيب ٽيم طرفان جعلي بئنڪ اڪائونٽس ڪيس جي حوالي سان به وڏي وزير کان پُڇاڳاڇا * نيب طرفان وڏي وزير مراد علي شاهه آڏو سوالنامو پيش ڪيو ويو *
  • *فيض گنج ۾ پيٽرول پمپ مالڪن حڪومتي فيصلي کي ٿڏي ڇڏيو، وڌيڪ اگهه تي پيٽرول جو وڪرو *پمپ مالڪن پاران پيٽرول جو في ليٽر 77 کان 78 روپيا ۾ وڪرو،عوام سخت پريشان *
  • *تنگواڻي ۾ پئٽرول سستو ٿيڻ بعد پيٽرول پمپ بند *پئٽرول نه ملڻ سبب صارفين سخت پريشاني جو شڪار *
  • *ملڪ ۾ پيٽرول سستو ٿيڻ کانپوءِ بحران پيدا ٿي ويو، ڪراچي سوڌو ملڪ جي اڪثر شهرن ۾ پيٽرول پمپ بند، عوام پريشان*
  • *چونڊڪو ۾ رولو ڪتن نينگري کي ڏاڙهي زخمي ڪري ڇڏيو *10ورهين جي ثمينا ڌي گلاب خاصخيلي کي اسپتال منتقل ڪيو ويو *نارو ۾ ٽن مهينن دوران ڪتن جي ڏاڙهيلن جو انگ500 ٿي ويو *
  • *بخشاپور ويجهو نوجوان کي رولو ڪتن ڏاڙهي زخمي ڪري ڇڏي *ڳوٺ محمد نواز چاچڙ واسي 24ورهين جي محراب علي چاچڙ کي رولو ڪتن ڏاڙهي وڌو *
  • *جوابدار گرفتار نه ٿيڻ خلاف مقتول ڀائرن جا پڪا چنا وٽ روڊ تي لاش رکي ڌرڻو هنيو ويو*
  • *پڪا چنا ڀرسان عورتن جي جهيڙي بعد جوابدارن فائرنگ ڪري 2 ڀائرن کي قتل ڪيو هو*
  • *سيوهڻ ڀرسان سڱاوتي تڪرار تان قتل ڪيل 2 ڀائرن جي جنازي نماز ادا، وارثن جو لاش رکي ڌرڻو*

ماتا جي بيماري جا اثر……ڊاڪٽر لوسن لکاڻي

ماتا ھڪ خطرناڪ ۽ وچڙندڙ بيماري آھي جيڪا انسانن توڙي جانورن ۾ ٿئي ٿي. انھي بيماري کي مختلف نالن سان سڏيو وڃي ٿو، پر ھر جانور جي نالي جي حساب سان سڏبي آهي. مثال طور، ڳائي مال ۾ مات (Cow Pox)، ٻڪرين ۾(Goat Pox) ، اٺن ۾ ماتا (Camel Pox) ، گهوڙن ۾ (Horse Pox) ، رڍن ۾(Sheep Pox) ٿيندي آهي، ساڳي ريت ڪڪڙن ۾ به ماتا ٿيندي آهي، ان کي (Chicken Pox) سڏيو ويندو آهي.
رڍن واري ماتا (Sheep Pox) ۽ سهي واري ماتا (Rabbit Pox) اهي ٻئي هوا جي ذريعي پکڙجن ٿيون، جڏهن ته گهوڙن جي ماتا (Horse Pox) ۽ فائول پاڪس (Fowl Pox) چمڙي جي ذريعي پکڙجن ٿيون. هي بيماري جيڪڏهن جانور يا انسان کي هڪ ڀيرو ٿي وڃي ته پوءِ سڄي زندگي ماتا جي بيماري کان محفوظ ٿي ويندا آهن.
مينهن ۾ ماتا (Buffalo Pox) 1990 ۾ انڊيا جي رياست مهاراشٽرا (Maharashtra) ۾ ڏٺي وئي.
هن بيماري جا 4 مرحلا ٿيندا آهن جيڪي هيٺ لکجن ٿا.
1- پيپيولر مرحلو (Papular Stage)
هن مرحلي ۾ جسم تي ڳاڙها ۽ ننڍا داڻا نڪري پوندا آهن ۽ اهي داڻا انهن هنڌن تي نظر ايندا آهن، جتي وار تمام گهٽ هجن يا وري بلڪل نه هجن.
2- وئسڪيولر مرحلو (Vascular Stage)
هي ٻيو مرحلو آهي، جنهن ۾ جيڪي ڳاڙها داڻا هئا، انهن ۾ آهستي آهستي پاڻي ڀرجي ويندو آهي ۽ اهي ڦوڪڻي جهڙي شڪل اختيار ڪري ويندا آهن.
3- پسچيولر مرحلو (Pustular Stage)
هن مرحلي ۾ انهن داڻن جي پاڻيءَ ۾ وڌيڪ ٻيون شيون ملي وينديون آهن ۽ پاڻي گهاٽو ٿي ويندو آهي.
4- اسڪئب/ڪڙي ٻڌجڻ مرحلو (Scab Stage)
هن مرحلي ۾ جيڪي داڻا هوندا آهن اهي ڦاٽي پوندا آهن ۽ سڪي ويندا آهن، سڪي وڃڻ کانپوءِ انهن تي هڪ قسم جي ڪِڙي ٻڌجي ويندي آهي، جيڪا زخم جي اڀرڻ يا صحيح ٿيڻ جي نشاني آهي.
نشانيون (Symptoms)
ڪيتريون ئي نشانيون آهن، جيڪا هن بيماري کي سڃاڻڻ ۾ مددگار ثابت ٿينديون آهن، ڪجهه نشانيون هيٺ لکجن ٿيون.
چوپائي مال جو اوهه (Udder) گرم ٿي ويندو آهي ۽ سوڄ ٿي ويندي آهي، ڪجهه ڏينهن کانپوءِ ٿڻن تي ڳاڙها داڻا نڪري ايندا آهن، کير ڏهڻ وقت ٿڻن ۾ سور محسوس ٿيندو آهي. جانور گاهه گهٽ کائيندو آهي پر اوڳر صحيح ڪندو آهي، اهي داڻا ڪجهه هفتن کان پوءِ سڪي ويندا آهن.
ماتا جي بيماري گهڻو اثر رڍن تي خراب اثر ڏيکاريندي آهي ۽ رڍن لاءِ وڌيڪ نقصان ڪار يا موتمار ثابت ٿيندي آهي. هن بيماري جي ڪا به موسم نه آهي، اها ڪهڙي به موسم ۾ ٿي سگهي ٿي. هن بيماري ۾ جيڪي ڦلوڪڻا ٿيندا آهن، اهي جيڪڏهن جانورن جي اکين تي ٿي وڃن ته جانور کي انڌو ڪري ڇڏيندا آهن.
علاج
هن بيماري ۾ جانورن کي بخار ٿيندو آهي تنهن ڪري انهن کي فيور مڪسچر (Fever Mixture) پيئارجي. جڏهن ته جانورن جي جسمن تي جيڪي ڦلوڪڻا ٿي پوندا آهن ۽ انهن جاين تي تي زخم ٿي پوندا آهن، تن جاين تي بورڪ (Boric)، ڪاربولڪ (Carbolic) ۽ ڪئمفر (Camfer) لڳائجي. جيڪو کير ٿڻن مان ڪڍجي ان کي گرم ڪري استعمال ڪجي. برتن گرم پاڻي سان ڌوئي صاف رکجن.
جانورن جي صحيح طرح سان سنڀال ڪرڻ گهرجي، واڙن کي صاف رکڻ گهرجي. ان سان گڏ جانورن کي وئڪسين لازمي طور ڪرائجي ته جيئن اهي بيماري کان بچي سگهن ۽ سٺي پيداوار ڏئي سگهن.

This entry was posted in Rachna. Bookmark the permalink.

Leave a Reply

Your email address will not be published. Required fields are marked *