تازا ترين
  • *صوبائي وزير سعيد غني پاران ڪراچي جي اسڪولن جو دورو، ايس او پيز تي عمل جي هدايت*
  • *مهانگائي جو نئون طوفان: 94 دوائن جي قيمتن ۾ 264 سيڪڙو واڌ: کاڄرو تيل، کير ۽ ٻارن جو کاڌو به مهانگا*
  • *لياقت آباد، ملير، قائد آباد، گلشن اقبال،گلستان جوهر، ڪلفٽن، کارادر، لياري ۾ بجلي ناياب*
  • *سنڌ ۾بجلي جو بدترين بحران، اڻ اعلانيل لوڊشيڊنگ جو عذاب جاري*

مائونٽ بيٽن جي زال ۽ نهرو جو معاشقو …صالح ميمڻ

پاڪ ڀارت جي ورھاڱي کان پوءِ مذھبي بنيادن تي فسادن، لکين انساني جانين جي نقصانن ۽ ھزارين عورتن جي عصمتن جي لٽجڻ جو ذميدار تاريخ نويسن ھندوستان جي آخري وائيسراءِ مائونٽ بيٽن کي قرار ڏين ٿا. برطانيه جي وزير اعظم پاڪ ڀارت تقسيم جي تاريخ جون 1948ع ۾ مقرر ڪئي ھئي، پر مائونٽ بيٽن وائيسراءِ ٿيئڻ کان پوءِ ان فيصلي تي تقريبن ھڪ سال اڳ ئي ۾ فيصلو وٺي ورتو، مائونٽ بيٽن ٻنھي رياستن جو گڏيل گورنر جنرل ٿيئڻ پي چاھيو، جنھن جي قائد اعظم مخالفت ڪئي، ان مخالفت جو بدلو وٺڻ لاءِ مائونٽ بيٽن مسلمانن جي اڪثريت وارن ڪجھه علائيقن کي ڀارت ۾ شامل ڪيو ۽ ڪشمير کي وچ تي ڇڏي ڏنو، ھندوستان جي ورھاڱي کان پوءِ ٻنھي ملڪن ۾ مذھبي بنيادن تي فسادن جو ذميدار مائونٽ بيٽن کي قرار ڏنو ويو آھي، ڇو ته وائيسراءِ جي حيثيت ۾ انھن فسادن کي روڪڻ جي ذميداري به ان جي ھئي ۽ فسادن جو سبب به ھو ئي ھو، مذھبي فسادن جي بنيادن تي ٻنھي ملڪن مان سوا ڪروڙ ماڻھن جي لڏ پلاڻ تاريخ جي سڀ کان وڏي ھجرت چئي وڃي ٿي، جنھن دئوران ھزارين ٻارن ۽ عورتن سميت 20 لک ماڻھو مارجي ويا، 50 ھزار عورتون اغوا ڪيون ويون، جواھر لال نھرو ۽ مائونٽ بيٽن جي زال ايڊونيه وچ ۾ معاشقي وارو تعلق انتھا درجي تائين پھتل ھو، ھو ٻئي ھندوستان ۽ برطانيه ۾ آزادي سان راتيون به گڏ گذاريندا ھئا، وائيسراءِ ھائوس جي سوئيمنگ پول ۾ جڏھن نھرو ۽ ايڊونيه ترڻ جا مزا وٺندا ھئا ته مائونٽ بيٽن تلاءّ جي ڪناري تي ويھي ٻنھي جي مزن مان ڌار مزو وٺندو ھو، اھو تعلق ٻنھي ڌرين کي فائدو رسائي ويو، جنھن جي نتيجي ۾ مائونٽ بيٽن تقسيم کان پوءِ ڀارت جو پھريون گورنر جنرل به مقرر ٿيو. انگريزن جي چڱائين جا قصا به آھن پر وائيسرا ۽ نھرو تعلق جي قصن کي تاريخ ۾ ڏسجي ٿو ته ثابتي ملي ٿي ته انگريزن ذاتي مفاد حاصل ڪرڻ لاءِ انتھا ڪري ڇڏي ھئي، نھرو سان گڏ ايڊونيه جي ھي ھڪ تصوير ناھي، اھڙيون سوين تصويرون ٻيون به آھن جن مان واضع آھي ته انگريز ايترا ڪري پيا ھئا جو انھن جون زالون غير مردن سان ايئن آزاد خيالي ۽ عياشي وارن مقصدن سان ويجھيون ھونديون ھيون. نھرو ۽ وائيسراءِ جي زال ايڊونيه جي اھڙن لاڳاپن نئين ملڪ پاڪستان کي وڏو نقصان رسايو.

This entry was posted in Rachna. Bookmark the permalink.

Leave a Reply

Your email address will not be published. Required fields are marked *