تازا ترين
  • *کڏڙو بس اسٽاپ تي ٻن موٽر سائيڪلن ۾ ٽڪر، 3 ڄڻا سخت زخمي *محمدرمضان خاصخيلي،لال محمد بروهي ۽ علي محمد بروهي ڳڻتي جوڳي حالت ۾ اسپتال منتقل*
  • *خانواهڻ ويجهو ڦر مزاحمت تي جوابدارن گوليون هڻي اهلڪار کي زخمي ڪري ڇڏيو *پير مسافر وٽ 3هٿياربندن اهلڪار سڪندر ڪلھوڙو کان موٽرسائيڪل ڦر ڪرڻ جي ڪوشش ڪئي *مزاحمت تي جوابدارن اهلڪار کي گوليون هڻي زخمي ڪري ڇڏيو، اسپتال منتقل*
  • *ملڪ ۾ کاڌي پيتي جي شين جي اگهن ۾ واڌ بابت شماريات کاتي جا انگ اکر جاري *گوشت3.9 ۽ کنڊ3.8 سيڪڙو مهانگي ٿي: شماريات کاتو *جولائي ۾ سالياني بنياد تي شهري علائقن ۾ ٽماٽر سئو سيڪڙو مهانگو ٿيو:شماريات کاتو *پٽاٽا63 سيڪڙو ۽ دال مڱ 46.25سيڪڙو مهانگي ٿي: شماريات کاتو *ڪڻڪ28.52۽ اٽو 18.52 سيڪڙو مهانگو ٿيو: شماريات کاتو *
  • *لاڙڪاڻو: مبينا طور اغوا ٿيل نينگري جي بازيابي لاءِ وارثن جو پاڪ ڪتاب کڻي احتجاج *27جولائي تي جتوئي برادري جا هٿياربند گهر گهڙي نياڻي ماجده کي اغوا ڪري ويا: وارثن جو الزام*
  • *فريدآباد: ڳوٺ عبدالله شاھه گودڙيو ۾ ڪرنٽ لڳڻ سبب 3 ٻارڙن جي ماءُ فوت *گهر اندر پکي مان ڪرنٽ لڳڻ سبب 26 ورهين جي گمبُل زال رب رکيو چانڊيو فوت*
  • *صدرجي ڀٽيون ويجهو زميندار تي حملو، 2 ڄڻا زخمي، هڪ ڄڻو مبينا اغوا *هٿياربندن جي حملي ۾ زميندار ولي شاهه ۽ ربنواز ناريجو زخمي، امير ناريجو مبينا اغوا*
  • *ڪراچي: جوهر چورنگي ويجهو جي ڊي سي فائونڊيشن وٽان نامعلوم پيرسن جو لاش هٿ *لاش ايڌي ايمبولينس ذريعي جناح اسپتال منتقل، سڃاڻپ نه ٿي سگهي*
  • *سيوھڻ: درگاھه قلندر کي کولرائڻ لاءِ دڪاندارن ۽ پورهيتن جو27هين ڏينهن به احتجاج *درگاھه قلندر کي ايس او پي تحت کولي بک ۽ بدحالي کان بچايو وڃي: دڪاندار ۽ پورهيت *

عالمگيريت ۽ سنڌي سماج ….عيسيٰ ميمڻ

سنڌي سماج نيم جاگيرداري ۽ نيم سرمائيداري جي وچ ۾ رهندڙ سماج آهي. سنڌ جا شهر جيڪي سرمائيداري جو مرڪز آهن، اهي ڌارين جي حوالي آهن جنهن ڪري سرمائيداري ۾ اسان ڪنزيومر طور تي بيٺا آهيون، ته ٻئي طرف ٻهراڙيوري وڏيرا شاهي ۽ جاگيرداري جي پنجوڙ ۾ ڦاٿل آهي. اسان جي ادب تي ٻنهي سماجن جو اثر آهي اڃان به ايئن چئجي ته جاگيرداري ۽ وڏيرا شاهي جو اثر سرس آهي. جنهن ڪري اسان جي ترقي جي رفتار به دنيا سان هم آهنگ نه آهي. اسان جو ادب به اڃان جديدت ۽ جديديت پڄاڻان واري دور ۾ داخل ٿيڻ لاءِ پر ساهي رهيو آهي، جن اديبن ۽ محققن سنڌي سماج کي جديديت ۽ جديديت پڄاڻان دور ۾ داخل ڪرائڻ لاءِ ڪوششون ورتيون آهن، انهن ۾ ڊاڪٽر مظهر علي ڏوتيي جو ڪردار ڪنهن به طرح سان فراموش نه ٿو ڪري سگهجي. خاص ڪري سنڌي ٻولي کي ڪمپيوٽشنل لئنگويج بڻائڻ لاءِ هن تاريخ جو اهم ڪم ڪيو آهي. هن سنڌي ٻولي کي ڊجيٽل دور ۾ نه صرف هڪ ڌار سڃاڻپ ڏني آهي پر عالمگير تحقيق جي ڏس ۾ پڻ زبردست پيش رفت ڪئي آهي، مستقبل ۾ دنيا اندر اهي ٻوليون جيئريون رهنديون جيڪي ڪمپيوٽشنل لئنگويجز جو حصو هونديون، سنڌي ٻولي ان ڏس ۾ خوشنصيب ٻولي آهي، جيڪا ڊجيٽل دنيا جي ڊوڙ ۾ اڳڀري بيٺي آهي.
ڊاڪٽر مظهر علي ڏوتيي جتي شاهه لطيف جي شاعري ۾ موجود جذبن ۽ احساسن کي ڊيپ لرننگ ماڊل جي ذريعي پيش ڪرڻ، هٿرادو ڏاهپ، نيچرل لئنگويج پروسسينگ ۽ ڪمپيوٽشنل لسانيات جهڙن اهم موضوعن تي ڪم ڪيو آهي، اتي سنڌي سماج کي عالمگيريت کي سمجهڻ لاءِ هي ڪتاب“عالمگيريت ۽ سنڌي سماج“ لکي سنڌي ماڻهن کي جديد دور کي سمجهڻ ۽ ان سان هم رڪاب ۽ هم ڪنار ٿيڻ لاءِ ساراهه جوڳي ڪوشش ڪئي آهي.
سندس هن ڪتاب ۾ نه صرف عالمگيريت کي سمجهڻ جي لاءِ ڪوشش ڪئي وئي آهي پر ان جي فائدن، نقصانن کان وٺي عالمگيريت جي دور ۾ سنڌي ماڻهن جي ڪردار جو تعين ڪرڻ ، انهن کي عالمگيريت جي دور ۾ پنهنجي ڪردار ادا ڪرڻ لاءِ هوشيار رهڻ لاءِ رستو به ٻڌايو ويو آهي. هن ڪتاب ۾ “عالمگيريت”، “نيشنلزم کان عالمگيريت تائين”، “ عالمگيريت ۽ سرمائيداراڻو نظام”، “ ٽيڪنالاجي جي ترقي ۽ عالمگيريت”، “عالمگيريت جي دور ۾ انفارميشن ٽيڪنالوجي جو ڪردار”،“ سماجي ميڊيا جي اوسر ۽ عالمگير سماج ٺاهڻ ۾ ڪردار”، “ عالمگيريت ۽ ثقافت”، “ عالمگيريت ۽ ٻولي”، “لنگئا فرئنڪا”، “عالمگيريت جي دور ۾ سنڌي ٻولي جي حيثيت ۽ ان کي درپيش مسئلا” ۽ “ عالمگيريت ۽ سنڌي سماج” جهڙا ڪارائتا مضمون ۽ مقالا شامل آهن. هي ڪتاب نه صرف موجوده دور ۾ سنڌي سماج جي رستي جو تعين ڪري ٿو پر ايندڙ دور ۾ سنڌي سماج ۽ دنيا جي بيهڪ کان به آگاهه ڪري ٿو، ان ڪري هي ڪتاب بار بار پڙهڻ، سمجهڻ ۽ هانءَ سان هنڊائڻ سانڍڻ جهڙو ڪتاب آهي.

This entry was posted in Rachna. Bookmark the permalink.

Leave a Reply

Your email address will not be published. Required fields are marked *